Күн тәртибиндеги кейинги мәселе Ишимлик суў тәмийнаты ҳәм канализация хызметлери тарифлериниң есап-китаплары туўралы болып, бул мәселе бойынша Қарақалпақстан Республикасы Министрлер Кеңеси Баслығының қурылыс, коммуникациялар, коммунал хожалық, экология ҳәм көклемзарластырыў мәселелери бойынша орынбасары Ш. Даулетияров баянат жасады.

Соңғы үш жыл даўамында өндирислик мүтәжликлер ушын зәрүр болған жанылғы-майлаў материаллары - 2,1 есе, зыянсызландырыўшы реагент материаллары - 1,5 есе, объектлерди қорықлаў хызмети - 1,7 есе, авария хызметлерин сапластырыў ушын жумсалатуғын материаллар - 1,5 есе ҳәмде ис ҳақылары 1,2 есеге өсиўи, сондай-ақ, Өзбекстан Республикасы Министрлер Кабинетиниң 2023-жыл 15-сентябрьдеги №475-санлы қарарына тийкар усы жылдың 1-октябрь сәнесинен электр-энергия тарифлери 2 есеге ҳәм табийғый газ тарифлери 2,3 есеге көбейиўи ишимлик суўының өзине түсер баҳасының жәнеде көтерилиўине алып келди.

Өзбекстан Республикасының «Ишимлик суў тәмийнаты ҳәм ақаба суўларды шығарып таслаў ҳаққында»ғы 784-санлы Нызамның 45-статьясына тийкар, ишимлик суў ҳәм ақаба суў хызметлериниң тарифлери дәрежесине кескин тәсир ететуғын факторлар анықланған жағдайда тарифлерди кайта көрип шығыў белгиленген. Көтерилген мәселеден келип шығып, ишимлик суў тәмийнаты ҳәм канализация хызметлери тарифлерине бир қатар өзгерислер киргизилмекте.

Күн тәртибиндеги мәселе толық қарап шығылды ҳәм депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Қарақалпақстан Республикасы Жоқарғы Кеңесиниң айырым комитетлери қурамына өзгерислер киргизиў туўралы болып, онда Қарақалпақстан Республикасы Орайлық сайлаў комиссиясының 2023-жыл 6-ноябрьдеги 39-санлы қарары тийкарында, 54-санлы “Халқабад” сайлаў округинен сайланған Жоқарғы Кеңес депутаты Данияров Абат Сапарбаевичтиң Нөкис қаласы ҳәкими болып тайынланыўына байланыслы депутатлық ўәкиллиги мүддетинен бурын тоқтатылғаны қарап шығылды.

Усы тийкарда Данияров Абат Сапарбаевич депутатлық дәўиринде ағза болған Жоқарғы Кеңестиң Социаллық-мәдений раўажланыў, жаслар сиясаты, туризм ҳәм жәмийетлик бирлеспелер мәселелери комитети қурамынан шығарылды.

Бул мәселе бойынша да депутатлар тәрепипнен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Қарақалпақстанға “Президент саўғалары” жетип келди

Шаңарақлық балалар үйи тəрбияланыўшылары, ата-анасының қараўысыз қалған балалар, ата-аналары Ўатанымыз шегараларын қорғаўда қурбан болған балалар жəнеде социаллық қорғаўға мүтəж болған шаңарақлардың перзентлери ушын “Президент саўғасы” Қарақалпақстанға жетип келди.

Қарақалпақстанға жетип келген Президент саўғалары район(кала)лық халық билимлендириў бөлимлерине жиберилмекте.

3 жастан 15 жасқа шекем болған балаларға мөлшерленген “Президент саӯғалары” қурамында Өзбекстан Республикасы Президентиниң балаларға жоллаған Жаңа жыл байрам қутлықлаӯы, 17 түрдеги мазалы затлар, 2 атамадағы канцелярия буйымлары, смарт саат, дартс магнит тахтасы ҳәм басқа саўғалар киргизилген болып, байрам қарсаңында саўғалар өз ийелерине жеткерилиўи белгиленген.

Сондай-ақ, 12 жастан үлкен тәрбияланыўшылар саўғалары қурамында планшетлер де киргизилген.

Жаңа жыл алдында ҳәр жылы дәстүрге айланған Президент саўғаларын тапсырыў илажлары республикамыздың барлық қала ҳәм районларында 29-30-декабрь күнлери өткерилетуғын «Президент шыршасы» илажларында балаларға салтанатлы түрде тапсырылады.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter