Бүгинги Шымбай үлкен раўажланыўлар алдында
👇

Өзбекстан Республикасы Президентиниң пәрманы менен:

Қарақалпақстандағы дийқан хожалықлары ҳәм қыйтақ жер ийелериниң жер майданларын суўғарыў ушын тереңлиги 5 метрден артық болған ҳәр бир вертикал суўғарыў қудығын бурғылаў ҳәм иске қосыўға байланыслы қәрежетлерин қаплаўға қудықтың ҳәр бир метр тереңлиги ушын 100 мың сумнан, базалық есаплаў муғдарының 50 есесинен аспаған муғдарда субсидиялар ажыратылады.

Каналға ағза болыў: @joqargikenes

Қарақалпақстан Республикасында исбилерменлик, инновациялық технологиялар ҳәм инфраструктураны жедел пәтлерде раўажландырыў арқалы халықтың абаданлығын арттырыўдың қосымша илажлары ҳаққындағы

Өзбекстан Республикасы Президентиниң пәрманы менен:

2023-жылдың ақырына шекем Қарақалпақстан Республикасындағы фермер хожалықлары тәрепинен кеминде  200 жаңа жоқары өнимли комбинациялық техникаларды сатып алыў ушын субсидиялар ажыратылады.

Каналға ағза болыў: @joqargikenes

Өзбекстан Республикасы Президентиниң пәрманы менен:

📌2022-2023-оқыў жылы ушын Қарақалпақстан Республикасында улыўма орта, орта-арнаўлы ҳәм профессионал билимлендириў мәкемелерин тамамлаған 500, кейинги жыллары ушын болса ҳәр жылы 1-сентябрьге шекем 6 500 жаслардың ўәлаятлардағы мәмлекетлик жоқары билимлендириў мәкемелерине қосымша қабыллаў параметрлери тийкарында оқыўға қабыл етилиўи тәмийинленеди.

📌Мәмлекетимиздиң жетекши жоқары оқыў орынларында экология, аўыл хожалығы, ирригация ҳәм қурылыс бағдарлары бойынша 2023-жылдан баслап, таяныш докторантурада кадрларды мақсетли таярлаў жолға қойылады.

Каналға ағза болыў: @joqargikenes

Ҳәр бир кем тәмийинленген шаңараққа бир мәртелик материаллық жәрдем пуллар ажыратылады

📌Өзбекстан Республикасы Президентиниң пәрманы менен:
қыс мәўсимин қосымша шығынсыз өткериў ушын ҳәр бир кем тәмийинленген шаңараққа базалық есаплаў муғдарының 2 есеси муғдарында бир мәртелик материаллық жәрдем пуллар бериледи.

Оның ушын Қарақалпақстан Республикасының республикалық бюджетине Өзбекстан Республикасының республикалық бюджетинен қосымша 100 миллиард сумға шекем қаржы ажыратылады.




Каналға ағза болыў: @joqargikenes

📌А-380 «Ғузар –Бухара – Нөкис – Бейнеў» халықаралық әҳмийетке ийе автомобиль жолының Төрткүл, Беруний ҳәм Елликқала районларынан өткен бөлегин реконструкциялаўға халықаралық финанс институтларынан 160 миллон АҚШ доллары муғдарындағы қаржылар тартылады.

📌А-380 «Ғузар –Бухара – Нөкис – Бейнеў» халықаралық әҳмийетке ийе автомобиль жолының Қарақалпақстан Республикасы аймағынан өткен бир бөлеги бойлап жол бойы инфраструктурасы раўажландырылып, соның ишинде, саўда ҳәм сервис объектлери жайластырады.

Бул Өзбекстан Республикасы Президентиниң Қарақалпақстан Республикасында исбилерменлик, инновациялық технологиялар ҳәм инфраструктураны жедел пәтлерде раўажландырыў арқалы халықтың абаданлығын арттырыўдың қосымша илажлары ҳаққындағы пәрманында келтирилген.

Каналға ағза болыў: @joqargikenes

АБИТУРИЕНТЛЕР ҲӘМ ОЛАРДЫҢ АТА-АНАЛАРЫ УШЫН ЖӘНЕ БИР ЖЕҢИЛЛИК

Барлық мәмлекетлик жоқары оқыў орынларында категорияластырылған (супер) төлемли-контракт муғдары 10 пайызға кемейтилди.

Мәмлекетимиз басшысы тәрепинен студент жасларға жоқары билим алыўы ушын жаратып берилип атырған имканиятлар себеп жаңа оқыў жылында барлық жоқары оқыў орынларында төлемли-контаркт муғдары көтерилмеди.

Мәмлекетлик жоқары оқыў орынларына оқыўға қабыл етиў процесслерин муўапықластырыў бойынша мәмлекетлик комиссияның қарарына муўапық 2022/2023-оқыў жылы ушын барлық жоқары оқыў орынларының бакалавриат тәлим бағдарлары бойынша базалық төлемли-контракт муғдарынан келип шығып, тек ғана категорияластырылған (супер) төлемли-контракт муғдарын 10 пайызға кемейтиў белгиленген.

Кесте менен таныссаңыз болады.

Каналға ағза болыў: @joqargikenes

Пуқараларға қолайлы шараятлар жаратыў, олардың мүрәжатларын өз ўақтында унамлы шешим таптырыў ушын Нөкис қаласындағы ишки жоллары аўыр болған 28 мәҳәлледеги 457 көшени оңлаў, ЩПС (қум щебен араласпасы) төсеў ҳәм тегислеў, абаданластырыў жумысларын шөлкемлестириў ушын Қарақалпақстан Республикасы Жоқарғы Кеңесиниң Баслығы Аманбай Орынбаевтың арнаўлы тапсырмасы менен жуўапкерлер бириктирилип, баянлама тастыйықланды.

Баянламаға муўапық, усы жылдың 1-октябрь сәнесине шекем жуўапкерлер өзлерине бириктирилген көшелерди үйренип шығып, анықланған кемшиликлерди сапластырыўға жеке жуўапкер етип белгиленди.

Сондай-ақ, мәҳәллелердеги көшелерди оңлаў ушын зәрүр болған муғдардағы ЩПС (қум щебен араласпасы)тың өз ўақтында жетип келиўи, соның менен бирге арнаўлы техникаларды басқарыўшыларға қолайлы шараятлар жаратыў бойынша да жуўапкерлер бириктирилип, бул бағдардағы жумыслар Жоқарғы Кеңес Баслығының жеке қадағалаўына алынды.

Ҳәзирги ўақытта баянламаға муўапық 28 мәҳәлледеги 457 көшени тегислеў ҳәм ЩПС төсеў жумыслары алып барылмақта.

Каналға ағза болыў: https://t.iss.one/joqargikenes