#Jaslar_aylıǵı
#Jeńimpazlar_anıqlandı

Shımbay rayonı "Jipek jolı" máhállesinde sporttıń mini futbol túrinen ótkerilgen jarıs óz juwmaǵına jetti. Kúshli háreket hám intiliw, qızǵın bellesiwlerden soń 1-orındı "Gújimli" máhállesi, 2-orındı "Qarakól" máhállesi, 3-orındı "Sháxtemir" máhállesi jasları iyeledi.

Demek "Gújimli" máhállesi jasları futbol boyınsha ótkeriletuǵın bellesiwdıń Qaraqalpaqstan Respublikası basqıshına jollama aladı.

👉 shimbay.uz

#Jaslar_aylıǵı
#Shımbay

Shımbay rayonı Akademiyalıq liceyde jaslardıń intellektuallıq qábiletin rawajlandırıw, bos waqıtların mazmunlı ótkeriw maqsetinde "Ózbekstan jasları forumı 2021" hápteligi sheńberinde "Hákim kubogı birinshiligi" ushın bilim ring turniri, sonday-aq "Kitaplar yarmarkası" shólkemlestirildi.

Bilim ring turnirinde mákeme hám karxanada islewshi jaslar, mektep oqıwshıları, sonday-aq jámlespegen jaslar qatnastı.

Logikalıq soraw juwaplarǵa tiykarlanǵan bilimler bellesiwinde 1-orındı "Keńes" awılınıń "Aǵabiy" toparı jeńimpaz boldı.

Jeńimpazlar hám belsene qatnasqan jaslar rayon hákimligi tárepinen ılayıqlı tárizde xoshametlendi.

#Jaslar_aylıǵı
#Shımbay

"Ózbekstan jasları forumı 2021" hápteligi sheńberinde Shımbay rayonı "Sarmat" restoranında "King of dance" xoreografiyalıq tańlawı shólkemlestirildi.

7 jastan 30 jasqa shekemgi qábiletli jaslar oratsında ótkerilgen tańlawda milliy, zamanagóy, jáhan ayaq oyınları kórkem tárizde atqarıldı.

Eń jaqsı nátiyjeler ushın bellesiwde;👇
1-orın Baxtiyar Qurbanbaev hámde "Super star" toparı jigitleri

2-orın 40-sanlı mektep jasları hám 32-sanlı mekteptiń "King and Quen" toparı

3-orın 38-sanlı, 39-sanlı mektep hám 20-sanlı mektep oqıwshıları iyeledi.

Jánede háwesker oyınshı Á. Rasbergenova, M. Amaniyazov, M. Aytbaev, Z. Sársenbaeva, A. Bazarbaeva, M. Báwetdinovalar "Eń jaqsı jeke atqarıwdaǵı belsendiligi ushın", jánede 42-sanlı mektep hám 17-sanlı mektep oqıwshıları "Eń jaqsı komandalıq shıǵıwları ushın" nominaciya jeńimpazları boldı.

Tańlawda belsene qatnasqan barlıq jaslar shólkemlestiriwshiler tárepinen ılayıqlı sıylıqlandı.

#Jaslar_aylıǵı

Búgin Nawayı mámleketlik kánshilik institutı Nókis filialı studentleri Shımbay rayonında miymanda boldı.

"Ózbekstan jasları forumı 2021" hápteligi sheńberinde student jaslar, oqıw ornı direktorı hám orınbasarı "Baxıtlı" awıl puqaralar jıyını aymaǵında jaylasqan 19-sanlı mektepte hám "Keńes" awıl puqaralar jıyını aymaǵında jaylasqan 9-sanlı mektepte bolıp, aymaq jaslarına studentler tárepinen spektakl, quwnaq háziller, rayonlıq Mádeniyat bólimi tárepinen konsert baǵdarlaması qoyıp berildi.

#Jaslar_aylıǵı

Shımbay rayonı Mámleketlik salıq inspekciyası baslaması menen "Ózbekstan jasları forumı 2021" hápteligi sheńberinde 4-sektor aymaǵında jaylasqan máhálle jasları arasında sporttıń Voleybol túrinen jarıs shólkemlestirildi.

Bellesiw dawamında óz sheberligin kórsetken "Jipek jolı" máhállesi jasları 1-orındı iyelegen bolsa, 2-orındı "Berdaq" máhállesi, 3-orındı "Qamıs-arıq" awılı jasları iyeledi.

Jeńimpazlar shólkemlestiriwshiler tárepinen sıylıqlandı

#Jaslar_aylıǵı

Búgin Shımbay rayonı kásip-óner mektebinde "Quwnaqlar jaslar" tańlawı shólkemlestirildi.

Qatnasıwshılar teatrlastırılǵan, házilge bay saxnalıq kórinisleri, jaslar turmısında bolıp atırǵan jańalıqlardı sáwlelendirdi.

Tóreshi quramı bahasına kóre, 3 shárt tiykarında bellesken komandalar arasında:

1-orın "Keńes" APJ nıń "Shaxtemir" komandası;
2-orın Shımbay kásip-óner mektebiniń "Shımbay jasları" komandası;
3-orındı 44-sanlı mekteptiń "Ózgelerden ózgeshe" komandaları iyeledi.

Jánede "Baydıń balları" hám "Universal muǵallimler" komandaları belsendiligi ushın bahalndı.

Dúrdana Turdıbaeva "Eń quwnaq qız", Timur Ibragimov "Eń quwnaq" jigit nominaciyası menen sıylıqlandı.

Tańlawǵa belsene qatnasqan jaslar arnawlı hám sawǵalarǵa iye boldı.

Keńes awılınıń "Shaxtemir" komandası tańlawdıń Qaraqalpaqstan Respublikası basqıshına jollama aldı.

#Jaslar_aylıǵı

Búgin Shımbay rayonı 49-sanlı mektepte "Ózbekstan jasları forumı 2021" hápteligi sheńberinde "Altın tar" jas gitarashılar tańlawı ótkerildi.

Tańlawda 7 jastan 30 jasqa shekemgi jaslar qatnastı.

Altın tarda kewilge qonımlı qosıqlı namalar atqarǵan jaslar arasında:

1-orın Shınǵıs Dáwletiyarov
2-orın Rasul Baxtiyarov
3-orındı Azat Almuratovlar iyeledi.

Jeńimpazlar shólkemlestiriwshiler tárepinen múnásip sıylıqlandı.

⚡️Imkániyattan nátiyjeli paydalanǵan jaslardan biri

#Jaslar_siyasatı_ámelde

Shımbay rayonı "Abat makan" mákan puqaralar jıyınında jasawshı jas isbilermen Xojambergenova Gúlnaz óz máhállesinde hayal-qızlar ushın gózallıq saloni joq ekenligin inabatqa alıp, usı jıldıń mart ayınan baslap, jaslar jetekshisi Qonısbay Janibekovtıń ámeliy kómegi menen jeńilletilgen kredit aladı."Sabrina" gózallıq salonın ashıp ózıniń jumısın basladı.

Shımbay rayonı hákimligi Málimleme xızmeti

Kanalǵa aǵza bolıw: 👉 @shimbayrk

#Jaslar_isleri_agentligi
#Bes_baslama_olimpiadası
#Stritbol

⛹️🏀Búgin rayon aymaǵındaǵı 14-sanlı ulıwma orta bilim beriw mektebinde "Bes baslama olimpiadası" sheńberinde sporttıń "Stritbol" túri boyınsha rayonlıq basqısh oyınları bolıp ótti.

🔹Bunda sporttıń "Stritbol" túrinen sektor basqıshlarında jeńimpaz bolǵan 16-21, 22-26, 27-30 jas aralıǵındaǵı jaslar qatnastı.
Ótkerilgen jarıs juwmaǵına kóre:

🟢Ul balalar arasında:
16-21 jas kategoriyası boyınsha
🥇 orındı Shaxtemir MPJ;
22-26 jas  kategoriyası boyınsha
🥇 orındı Abat mákan MPJ;
27-30 jas  kategoriyası boyınsha
🥇 orındı Shaxtemir MPJ jasları sıylı orınlardı iyelegen bolsa

🟢Qız balalar arasında:
16-21 jas kategoriyası boyınsha
🥇 orındı Berdaq MPJ;
22-26 jas kategoriyası boyınsha
🥇 orındı Berdaq MPJ;
27-30 jas kategoriyası boyınsha
🥇 orındı Berdaq MPJ jasları sıylı orınlardı iyelep jarıstıń Qaraqalpaqstan Respublikası basqıshına jollama aldı.
⚡️Tańlaw jeńimpazlarına keyingi basqıshlarda áwmetler tileymiz.