Айни пайтда Хонобод шаҳрида Президент Шавкат Мирзиёев Андижон вилоятини ижтимоий-иқтисодий ривожлантиришнинг устувор вазифалари юзасидан йиғилиш ўтказмоқда.

Давлатимиз раҳбари вилоят жадал суръатда ривожланаётгани, саноати бўйича республикада тўртинчи ўринга кўтарилганини қайд этди.

Вилоят йилига 280 минг тонна пахта, 530 минг тонна ғалла ва 2,5 миллион тонна мева-сабзавот етиштиради.

Шу билан бирга, Андижонда ҳали ишга солинмаган имкониятлар ва салоҳият жуда катта экани кўрсатиб ўтилди.

Facebook|Instagram|X

Вилоятда транспорт хизматларини яхшилаш мақсадида мутасаддиларга:

- “Хонобод – Андижон – Избоскан – Асака” темир йўл айланмасида поезд қатновини йўлга қўйиш;

- “Андижон – Қўқон”, “Андижон – Тошкент”, “Андижон – Термиз” ва “Андижон – Қўнғирот” йўналишларда поезд қатновини 2 карра ошириш;

- “Андижон – Шаҳрихон”, “Андижон – Асака” ва “Андижон – Дўстлик” йўналишида автобус қатновини 2 баробар кўпайтириш топширилди.

Facebook|Instagram|X

Андижонда 4,5 минг километр янги йўл қуриш бўйича уч йиллик дастур қабул қилинган.

Мавжуд 700 километр йўл бўйини 10 йилгача аҳолига бўлиб бериб, дарахт экиш зарурлиги айтилди.

Андижон аэропортини хусусий шериклик асосида модернизaция қилиш ва бошқарувга бериш ишлари олиб борилмоқда.

Facebook|Instagram|X

“Хонобод-Андижон” марказий сув қувури иккинчи тармоғини қуришни жадаллаштириш, 8 та туманда ичимлик суви таъминотини яхшилашга халқаро ҳамкорларни жалб қилиш муҳимлиги қайд этилди.

Андижон туманида органик чиқиндидан 100 минг тонна ўғит чиқарадиган завод қурилиши, Асакада чиқиндини қайта ишлаб, йилига 2 миллион киловатт соат электр ишлаб чиқариш лойиҳалари амалга оширилиши белгиланди.

Шунингдек, 1 минг 760 та қудуқ атрофидаги бўш ерларга 50 мегаваттли қуёш панеллари ўрнатиб, ичимлик суви таннархини пасайтириш таклифи маъқулланди.

Facebook|Instagram|X

Вилоятда ишсизлик 9,1 фоиздан 7 фоизга тушди. Аҳолининг тадбиркорликдан олаётган даромади 1,5 бараварга ошган.

Давлатимиз раҳбари бу кўрсаткичлар ҳали етарли эмаслигини, яна 400 минг аҳолини камбағалликдан олиб чиқиш зарурлигини таъкидлади.

Янги рейтинг бўйича Андижондаги бор-йўғи 461 нафар тадбиркор юқори баҳолангани, аҳолини тадбиркорликка жалб қилиш сустлиги кўрсатиб ўтилди.

Мутасаддиларга 335 минг аҳолини ишли қилиш, тадбиркорлик лойиҳаларига 8 триллион сўм кредит бериш, аҳолини кичик бизнесга кенг жалб қилиш орқали Хўжаобод, Шаҳрихон, Булоқбоши туманларида камбағалликдан холи ҳудудга айлантириш намунасини яратиш топширилди.

Facebook|Instagram|X

Андижонда 225 минг аҳоли ўзини ўзи банд қилган. Молиявий кўмак берилгани натижасида 45 минги тадбиркорга айланди.

Шу муносабат билан 200 миллиард сўм ресурс ажратиб, ўзини ўзи банд қилган яна 40 минг аҳоли тадбиркорга айланишига кўмаклашиш топширилди.

Вилоятнинг 16 та тумани ва шаҳрида камида биттадан микрокредит ташкилотини очиб, 30 минг аҳоли ва тадбиркорга молиявий хизмат кўрсатишни йўлга қўйиш муҳимлиги таъкидланди.

Facebook|Instagram|X