⚡️ O‘qishni ko‘chirish bo‘yicha kasbiy (ijodiy) imtihonlar 12–13-avgust kunlari o‘tkaziladi

Talabalar o‘qishini xorijiy davlatlardagi, shuningdek, O‘zbekistondagi xorijiy va nodavlat oliy ta’lim tashkilotlaridan davlat oliy ta’lim muassasalarining alohida iqtidor talab etadigan yo‘nalishlariga ko‘chirish bo‘yicha kasbiy (ijodiy) imtihonlar 12–13-avgust kunlari bo‘lib o‘tishi belgilandi.

Talabgorlar imtihonda ishtirok etish uchun ruxsatnomani Bilimni baholash agentligining my.uzbmb.uz saytidagi shaxsiy kabinetidan olishlari mumkin.

Unda kasbiy (ijodiy) va test sinovi imtihonlarining o‘tkazilish joyi, sanasi hamda vaqti haqidagi ma’lumotlar ko‘rsatilgan.

❗️ Talabgorlar test sinovi o‘tkaziladigan binoga ruxsatnomada belgilangan vaqtdan kechikmasdan, pasport (ID-karta) va ruxsatnoma bilan kelishlari lozim.

⚠️ ESLATMA: kasbiy (ijodiy) imtihonlarda qatnashgan talabgorlar, majburiy fanlar (ona tili, matematika, tarix)dan o‘tkaziladigan test sinovlarida ham ishtirok etishlari shart. Aks holda, ularning kasbiy (ijodiy) imtihonda olgan ballari inobatga olinmaydi.

#oʻqishni_koʻchirish #kasbiy_ijodiy_imtihon #ruxsatnoma

Bizni kuzating

Facebook | Instagram | YouTube | Telegram

Vatan uchun, millat uchun, xalq uchun,
Farzand bo‘lsang, his qil bu so‘zlar kuchin.
Har bir kuning, har daming, har qadaming,
Sharhlab bersin yongan yurakning burchin.

Iz solganing bu tuproq nedan buyuk
Qat qatini zichlagan zalvorli yuk,
Bu tuproqning shaʼni o‘zbek, shaʼni turk,
Vatan uchun, millat uchun xalq uchun.

Bu kun nayson, ko‘kda kamalak rangi,
Nur ichradir tafakkurning jarangi,
Matlab yangi, maktab yangi, taʼb yangi,
Vatan uchun, millat uchun, xalq uchun.

Mudroq bo‘lma, nigohing ufqqa qarat,
Shabboda bo‘l orzular bo‘yin tarat,
Urug‘ qada, gulzor yarat, bog‘ yarat,
Vatan uchun millat uchun, xalq uchun

Gasht top baland qoyalardan, burgut bo‘l,
Yurt chorlasa Barchin qiz, Alp yigit bo‘l,
Ilm ista, davroningda jadid bo‘l,
Vatan uchun, millat uchun, xalq uchun.

❗️11–12-avgust kunlari magistraturaga qabul boʻyicha rad etilgan arizalarni tahrirlash mumkin

2025/2026-oʻquv yili uchun davlat oliy taʼlim muassasalari magistraturasiga qabul boʻyicha my.edu.uz elektron tizimi orqali onlayn roʻyxatdan oʻtgan talabgorlarning arizalari koʻrib chiqildi.

Arizalarni koʻrib chiqish natijasida koʻplab murojaatlar turli muayyan (tanlangan mutaxassislik bitiruvchining taʼlim yoʻnalishi boʻyicha mos yoki turdosh emasligi, soʻralgane hujjat oʻrniga boshqa hujjat yuklangan yoki toʻliq yuklanmagan, yuklangan hujjatlar sifatsizligi hamda boshqa) sabablarga koʻra rad etilgan.

Shuni inobatga olib, my.edu.uz tizimidan magistraturaga oʻqishga kirish uchun ariza yuborgan vae kamchiliklar mavjud boʻlganligi sababli arizasi rad etilgan talabgorlarga 11–12-avgust kunlari arizalarni qayta tahrirlash imkoniyati yaratildi.

❌ Ushbu muddatdan soʻng tahrirlashga yoʻl qoʻyilmaydi va kamchiliklar bartaraf etilmagan arizalar koʻrib chiqilmaydi.

☝️Muhim eslatma, xorijiy tilni bilish darajasi boʻyicha tegishli milliy yoki xalqaro sertifikati talab darajasida boʻlmaganligi sababli rad etilgan arizalarni tahrirlash tavsiya etilmaydi, mazkur holda qayta tahrirlangan arizalar esa koʻrib chiqilmaydi.

✅️@Talim24uz