OTAM, JORQIN MOMO, POYABZAL VA SHEʼR
Arslonning bolasi musicha, kaptar,
Choʻrtkesar otadan bitta lapashang.
Nima jin urdi meni,
Sen-la bir safda
Turmadim,
nuqsini yuqtirdi hasham.
Tuprogʻi sovidi Jorqin momoning —
Qoʻlimdan qum kabi ketdi javohir:
Endi biror kimsa ovulda meni
Chaqira bilmaydi:
“kichina Yoqub”.
Engimda chopon-u,
qoʻllar orqada,
Qadam tashlar edim senga taqlidan.
Oʻsha muqalliding topmadi sadaf,
Irga-tirgalarda ozdi aqlidan.
Tobim qochgan edi,
boʻlsang-da emchi
Nina sancholmading,
Ilk bor yalinding.
Yalangoyoq chopding,
Axir, men quchib
Uxlardim oʻshanda poyabzalingni.
Ravon koʻchalardan yurdim dovdirab,
Ortingdan bormadim,
sen bosgan yoʻl – sang.
Duxtir boʻlolmasdim sendek dovyurak,
Mendan zoʻr yozarding sen shoir boʻlsang,
Chaynaldim,
Ichimdan oʻtdi qirindi,
Sen dangal soʻzlaysan.
Soʻzingga teng bir
Misra bitolmadim.
Barcha sheʼrimdan
Menga poyabzaling afzaldir endi.
Nurmuhammad Abduzoir
@sheriston
Arslonning bolasi musicha, kaptar,
Choʻrtkesar otadan bitta lapashang.
Nima jin urdi meni,
Sen-la bir safda
Turmadim,
nuqsini yuqtirdi hasham.
Tuprogʻi sovidi Jorqin momoning —
Qoʻlimdan qum kabi ketdi javohir:
Endi biror kimsa ovulda meni
Chaqira bilmaydi:
“kichina Yoqub”.
Engimda chopon-u,
qoʻllar orqada,
Qadam tashlar edim senga taqlidan.
Oʻsha muqalliding topmadi sadaf,
Irga-tirgalarda ozdi aqlidan.
Tobim qochgan edi,
boʻlsang-da emchi
Nina sancholmading,
Ilk bor yalinding.
Yalangoyoq chopding,
Axir, men quchib
Uxlardim oʻshanda poyabzalingni.
Ravon koʻchalardan yurdim dovdirab,
Ortingdan bormadim,
sen bosgan yoʻl – sang.
Duxtir boʻlolmasdim sendek dovyurak,
Mendan zoʻr yozarding sen shoir boʻlsang,
Chaynaldim,
Ichimdan oʻtdi qirindi,
Sen dangal soʻzlaysan.
Soʻzingga teng bir
Misra bitolmadim.
Barcha sheʼrimdan
Menga poyabzaling afzaldir endi.
Nurmuhammad Abduzoir
@sheriston
November 3, 2024
SOʻROQ
Boʻsh yelkamga bosh izlaymi,
Bosh urarga tosh izlaymi,
Tosh diydamga yosh izlaymi,
Neni izlay, onajon?
Sevgi desam, titrogʻi yoʻq,
Bahor desam, yaprogʻi yoʻq,
Gard tegmagan tuprogʻi yoʻq,
Qayga tizlay, onajon?
Bilmam, kimga oʻrni lozim,
Bilmam, kimga qorni lozim,
Kimga boʻlib koʻr mulozim,
Kimni sizlay, onajon?
Ezgin chaling, tanbur qani,
Koʻzi mungli, purnur qani,
Qani, ogʻo Mansur qani,
Qancha boʻzlay, onajon?
Savolim koʻp, javobi qarz,
Sheʼrim chala, davomi qarz,
Olovman, ki yonishim farz,
Nechun muzlay, onajon?
Shohrux Usmonov
@sheriston
Boʻsh yelkamga bosh izlaymi,
Bosh urarga tosh izlaymi,
Tosh diydamga yosh izlaymi,
Neni izlay, onajon?
Sevgi desam, titrogʻi yoʻq,
Bahor desam, yaprogʻi yoʻq,
Gard tegmagan tuprogʻi yoʻq,
Qayga tizlay, onajon?
Bilmam, kimga oʻrni lozim,
Bilmam, kimga qorni lozim,
Kimga boʻlib koʻr mulozim,
Kimni sizlay, onajon?
Ezgin chaling, tanbur qani,
Koʻzi mungli, purnur qani,
Qani, ogʻo Mansur qani,
Qancha boʻzlay, onajon?
Savolim koʻp, javobi qarz,
Sheʼrim chala, davomi qarz,
Olovman, ki yonishim farz,
Nechun muzlay, onajon?
Shohrux Usmonov
@sheriston
November 8, 2024
SAS
Soya solmish sabrimga sogʻinch,
Saratonda sensiz sovqotdim.
Sohillarda sargʻaydi sevinch,
Sirlarimni soʻzlarga sotdim.
Soching silab sabolar sarxush,
Sezmaysanmi, sezdirmaysanmi?
Savol sonsiz, sitamlar serpusht,
Sevmaysanmi, sevdirmaysanmi?..
2010-yil
Behzod Fazliddin
Soya solmish sabrimga sogʻinch,
Saratonda sensiz sovqotdim.
Sohillarda sargʻaydi sevinch,
Sirlarimni soʻzlarga sotdim.
Soching silab sabolar sarxush,
Sezmaysanmi, sezdirmaysanmi?
Savol sonsiz, sitamlar serpusht,
Sevmaysanmi, sevdirmaysanmi?..
2010-yil
Behzod Fazliddin
November 8, 2024
KARTINA
1.
Simyogʻochning qulogʻiday dik —
Sezgir osmon,
Yomgʻirli hafta.
Soyabonsiz (goʻl) odamlarni
Minib olgan bir koʻcha avto.
Gavjum kafe,
Sutli qahva.
Ajnabiy qoʻshiq:
“You are not alone”.
Oyna yaqinida ikki sevishgan,
Koʻzlarida lim-lim havas
Va…
Biri uchun sevgi muqaddas,
Biri uchun — paytava.
2.
Har galgidek derazang ochiq,
Axir yomgʻir!
(mendir ehtimol)
Sovuqqon tomchilardan qochib,
Kirib oldi xonanga shamol.
Koʻzlarimiz toʻqnashdi gulru,
Qarashlaring oʻtli, ishq talab.
Tushunsang-chi
“Men seni sevaman” bu —
Hamma ayta oladigan gap.
3.
Yurak rasmin chizib havoda,
Men tomonga puflading uni.
Erib ketdi qaynoq taftimdan,
Titrab turgan labimga qoʻnib.
Soʻng ortimga qayrildim magʻrur,
“Sevmaysizmi?” deya soʻrading.
Bilmaysanki koʻzlari billur,
Koʻksimdagi sening yuraging.
4.
Bolaning qoʻrquvidek haqqoniy,
Taʼsirli —
Jon chiqar mahal
pichirlangan kalima misol
Ilk bor Momo Havoni koʻrib
Dong qotgan Odam Ato
Hayratiday izhor
Topmaguncha to
Tilimga osilgan qulfni
Ochmaslikka ichganman qasam.
…Qonib ishq hoʻplaymiz hali labo-lab.
Faqat hozir…
Axir tushunsang-chi
“Men seni sevaman” bu —
Hamma ayta oladigan gap!
5.
Yomgʻir…
Jontemir
1.
Simyogʻochning qulogʻiday dik —
Sezgir osmon,
Yomgʻirli hafta.
Soyabonsiz (goʻl) odamlarni
Minib olgan bir koʻcha avto.
Gavjum kafe,
Sutli qahva.
Ajnabiy qoʻshiq:
“You are not alone”.
Oyna yaqinida ikki sevishgan,
Koʻzlarida lim-lim havas
Va…
Biri uchun sevgi muqaddas,
Biri uchun — paytava.
2.
Har galgidek derazang ochiq,
Axir yomgʻir!
(mendir ehtimol)
Sovuqqon tomchilardan qochib,
Kirib oldi xonanga shamol.
Koʻzlarimiz toʻqnashdi gulru,
Qarashlaring oʻtli, ishq talab.
Tushunsang-chi
“Men seni sevaman” bu —
Hamma ayta oladigan gap.
3.
Yurak rasmin chizib havoda,
Men tomonga puflading uni.
Erib ketdi qaynoq taftimdan,
Titrab turgan labimga qoʻnib.
Soʻng ortimga qayrildim magʻrur,
“Sevmaysizmi?” deya soʻrading.
Bilmaysanki koʻzlari billur,
Koʻksimdagi sening yuraging.
4.
Bolaning qoʻrquvidek haqqoniy,
Taʼsirli —
Jon chiqar mahal
pichirlangan kalima misol
Ilk bor Momo Havoni koʻrib
Dong qotgan Odam Ato
Hayratiday izhor
Topmaguncha to
Tilimga osilgan qulfni
Ochmaslikka ichganman qasam.
…Qonib ishq hoʻplaymiz hali labo-lab.
Faqat hozir…
Axir tushunsang-chi
“Men seni sevaman” bu —
Hamma ayta oladigan gap!
5.
Yomgʻir…
Jontemir
November 14, 2024
Men xudo emasman,
Menga baribir,
Shart emas qarshimda bermogʻing javob.
Oʻzim vasl jannatin tilanib axir,
Ishq degan doʻzaxda chekyapman azob.
Balki koʻp dillarga bergandirsan zeb,
Avvalgi gunohlar oʻzing bilgan sir.
Ishontir yaxshisi farishtaman deb,
Men xudo emasman,
Menga baribir...
Anvar Obidjon
@sheriston
Menga baribir,
Shart emas qarshimda bermogʻing javob.
Oʻzim vasl jannatin tilanib axir,
Ishq degan doʻzaxda chekyapman azob.
Balki koʻp dillarga bergandirsan zeb,
Avvalgi gunohlar oʻzing bilgan sir.
Ishontir yaxshisi farishtaman deb,
Men xudo emasman,
Menga baribir...
Anvar Obidjon
@sheriston
November 15, 2024
Urushga qarshi
Birorta urushda qatnashmay turib,
Hech kimni oʻldirmay,
Asirga tushmay ham,
Oltmish yoshga kirishi mumkin odamzod.
Hech qachon harbiyga bormagan,
“Til” tutib kelmagan bobo bilan ham
Faxrlanishi mumkin nabira.
Bayroqni oʻpmay ham,
Qasam ichmay ham,
Vatanni sotmaslik mumkindir.
1981
Muhammad Solih
@sheriston
Birorta urushda qatnashmay turib,
Hech kimni oʻldirmay,
Asirga tushmay ham,
Oltmish yoshga kirishi mumkin odamzod.
Hech qachon harbiyga bormagan,
“Til” tutib kelmagan bobo bilan ham
Faxrlanishi mumkin nabira.
Bayroqni oʻpmay ham,
Qasam ichmay ham,
Vatanni sotmaslik mumkindir.
1981
Muhammad Solih
@sheriston
November 16, 2024
BIR TOMCHI YOSH
Cho‘qqidan bir kichik tosh yumalasa,
Tog‘ni qulatgudek suron qiladi.
Ko‘zingdan bir tomchi yosh yumalasa,
Tog‘day yuragimni vayron qiladi.
Agar ko‘ksim uzra qulasa birdan,
Tutmoqqa qodirman tog‘lar toshini.
Hayhot, ko‘tarolmam kipriklaringdan
Uzilgan bir qatra qayg‘u yoshini…
Erkin Vohidov
@sheriston
Cho‘qqidan bir kichik tosh yumalasa,
Tog‘ni qulatgudek suron qiladi.
Ko‘zingdan bir tomchi yosh yumalasa,
Tog‘day yuragimni vayron qiladi.
Agar ko‘ksim uzra qulasa birdan,
Tutmoqqa qodirman tog‘lar toshini.
Hayhot, ko‘tarolmam kipriklaringdan
Uzilgan bir qatra qayg‘u yoshini…
Erkin Vohidov
@sheriston
November 20, 2024
SIRTQI SABOQ
“Imlo xatolarim boʻlsa kechiring, hozir parishonroqman...”
Maktubdan
Men seni sevaman... o, qursin esim,
Nahotki “Men” — ega?.. “Sevaman” — kesim?..
Qoidaga mahkummiz buncha nega biz?
Muhabbat emasmi, axir, egamiz?
... Sen boʻlsang maktabda — mashaqqatdasan,
Ruhimda xavotir gʻalayon boshlar.
Seni toliqtirib qoʻymadikmikin
Har xil undalmalar, otlar, olmoshlar?
“Ni”ni emas, seni sevaman oʻzim,
Diydoringga yetmoq umidim ming-ming,
Sening koʻzlaringni sogʻindim, koʻzim,
Koʻzim yoʻq koʻrishga turqini “ning”ning.
Yuragim kim, oʻzi yuragim nima?
Yuragim zanjirband — zulfingga bogʻliq.
Yuragim boʻm-boʻsh uy, fayzli qilmasang,
Ochmasang berk uydir, mahkam qulflogʻliq.
Qulflar sinsinlar, kel, eshiklaring,
Uyiga oʻt tushsin kelishiklarning.
Qaratqichning oʻzi sensiz qaratqich,
Sensiz tushumni men tush koʻribmidim?!
Sen boʻlsang shu qadar kelishgansanki,
Muhabbatdan boshqa kelishiging yoʻq...
Na bir darak gap bor maktublaringda,
Na bir ergash gap bor maktublaringda,
Faqat yurak gap bor maktublaringda,
Faqat tergash gap bor maktublaringda.
Ruhimga hech tinmas gʻamdan taʼqiblar,
Maktublar ishq dardin mahzun iloji.
Oʻqir, konvert yirtib, xatim raqiblar,
Yurakni olgandek koʻksimni ochib.
O, yuragim mening — maktab bolasi!
Tahlikaga tushmay, choʻkmay sevadi.
Yuragim indamay sevadi seni.
Quchoqlamay sevar, oʻpmay sevadi.
Men sevmoq baxtiga ming dardda yetdim,
Biroq bu ne hikmat, biroq bu ne sir?
Lablarimda sensiz boʻsalar yetim,
Lablaringda mensiz boʻsalar yesir.
Sening yoʻqlovingsiz hislar ham sagʻir,
Xohi gar ishonma, xohi gar ishon.
Meni unutmabsan, xayriyat, axir,
Maktublar bitibsan xotirparishon.
Biroq sendan xat yoʻq kechadan beri,
Zor etding koʻzlarim — gadolaringni,
Meni sogʻinsayding sogʻinganimdek
Jondan aziz imlo xatolaringni.
Baxt va kulfat bilan sevaman seni,
Sevaman zararlar va foydalarsiz.
Koʻzlarim yoʻlingga termula berar
Hech qanday bir imlo qoidalarsiz.
Sen esa omon boʻl bosh kelishikda,
Sarviqad va qalamqosh kelishikda.
Maktublar bitaver, mayli, parishon,
Taʼna kelishikda, tosh kelishikda.
Sen faqat unutma, faqat unutma,
Koʻzlarim koʻp yomon sogʻindi seni
Qaygʻu kelishikda... yosh...
kelishikda...
Matnazar ABDULHAKIM
@sheriston
“Imlo xatolarim boʻlsa kechiring, hozir parishonroqman...”
Maktubdan
Men seni sevaman... o, qursin esim,
Nahotki “Men” — ega?.. “Sevaman” — kesim?..
Qoidaga mahkummiz buncha nega biz?
Muhabbat emasmi, axir, egamiz?
... Sen boʻlsang maktabda — mashaqqatdasan,
Ruhimda xavotir gʻalayon boshlar.
Seni toliqtirib qoʻymadikmikin
Har xil undalmalar, otlar, olmoshlar?
“Ni”ni emas, seni sevaman oʻzim,
Diydoringga yetmoq umidim ming-ming,
Sening koʻzlaringni sogʻindim, koʻzim,
Koʻzim yoʻq koʻrishga turqini “ning”ning.
Yuragim kim, oʻzi yuragim nima?
Yuragim zanjirband — zulfingga bogʻliq.
Yuragim boʻm-boʻsh uy, fayzli qilmasang,
Ochmasang berk uydir, mahkam qulflogʻliq.
Qulflar sinsinlar, kel, eshiklaring,
Uyiga oʻt tushsin kelishiklarning.
Qaratqichning oʻzi sensiz qaratqich,
Sensiz tushumni men tush koʻribmidim?!
Sen boʻlsang shu qadar kelishgansanki,
Muhabbatdan boshqa kelishiging yoʻq...
Na bir darak gap bor maktublaringda,
Na bir ergash gap bor maktublaringda,
Faqat yurak gap bor maktublaringda,
Faqat tergash gap bor maktublaringda.
Ruhimga hech tinmas gʻamdan taʼqiblar,
Maktublar ishq dardin mahzun iloji.
Oʻqir, konvert yirtib, xatim raqiblar,
Yurakni olgandek koʻksimni ochib.
O, yuragim mening — maktab bolasi!
Tahlikaga tushmay, choʻkmay sevadi.
Yuragim indamay sevadi seni.
Quchoqlamay sevar, oʻpmay sevadi.
Men sevmoq baxtiga ming dardda yetdim,
Biroq bu ne hikmat, biroq bu ne sir?
Lablarimda sensiz boʻsalar yetim,
Lablaringda mensiz boʻsalar yesir.
Sening yoʻqlovingsiz hislar ham sagʻir,
Xohi gar ishonma, xohi gar ishon.
Meni unutmabsan, xayriyat, axir,
Maktublar bitibsan xotirparishon.
Biroq sendan xat yoʻq kechadan beri,
Zor etding koʻzlarim — gadolaringni,
Meni sogʻinsayding sogʻinganimdek
Jondan aziz imlo xatolaringni.
Baxt va kulfat bilan sevaman seni,
Sevaman zararlar va foydalarsiz.
Koʻzlarim yoʻlingga termula berar
Hech qanday bir imlo qoidalarsiz.
Sen esa omon boʻl bosh kelishikda,
Sarviqad va qalamqosh kelishikda.
Maktublar bitaver, mayli, parishon,
Taʼna kelishikda, tosh kelishikda.
Sen faqat unutma, faqat unutma,
Koʻzlarim koʻp yomon sogʻindi seni
Qaygʻu kelishikda... yosh...
kelishikda...
Matnazar ABDULHAKIM
@sheriston
November 20, 2024
Агар сад сол ҳам ҷӯӣ, маро дигар намеёбӣ,
Шабу рӯзон худо гӯӣ, маро дигар намеёбӣ.
Ба роҳи ман чу пойандози махмал ҳар саҳаргоҳе
Ба сони сабза ҳам рӯӣ, маро дигар намеёбӣ.
Ман он якроҳу якрӯ будаму бо роҳи худ рафтам,
Ту, ки садроҳу садрӯӣ, маро дигар намеёбӣ.
Сабукроӣ, сабукпоӣ, муҳаббатро намешоӣ,
На ҳам аҳли такопӯӣ, маро дигар намеёбӣ.
Саропо чашм ҳам бошӣ, маро дигар намебинӣ,
Агар сеҳриву ҷодуӣ, маро дигар намеёбӣ.
Ҳама доғе, ки дар оинаи дил дорам аз ишқат,
Агар бо ашк ҳам шӯӣ, маро дигар намеёбӣ.
Ба худ ҷӯшида мехушкам мисоли чашмаи куҳсор,
Агар дарёи Омуӣ, маро дигар намеёбӣ.
Биҳиштизода ҳам бошӣ, биҳиштатро биҳиштам ман,
Агар аз чархи минуӣ, маро дигар намеёбӣ.
Лоиқ Шералӣ
@sheriston
Шабу рӯзон худо гӯӣ, маро дигар намеёбӣ.
Ба роҳи ман чу пойандози махмал ҳар саҳаргоҳе
Ба сони сабза ҳам рӯӣ, маро дигар намеёбӣ.
Ман он якроҳу якрӯ будаму бо роҳи худ рафтам,
Ту, ки садроҳу садрӯӣ, маро дигар намеёбӣ.
Сабукроӣ, сабукпоӣ, муҳаббатро намешоӣ,
На ҳам аҳли такопӯӣ, маро дигар намеёбӣ.
Саропо чашм ҳам бошӣ, маро дигар намебинӣ,
Агар сеҳриву ҷодуӣ, маро дигар намеёбӣ.
Ҳама доғе, ки дар оинаи дил дорам аз ишқат,
Агар бо ашк ҳам шӯӣ, маро дигар намеёбӣ.
Ба худ ҷӯшида мехушкам мисоли чашмаи куҳсор,
Агар дарёи Омуӣ, маро дигар намеёбӣ.
Биҳиштизода ҳам бошӣ, биҳиштатро биҳиштам ман,
Агар аз чархи минуӣ, маро дигар намеёбӣ.
Лоиқ Шералӣ
@sheriston
November 22, 2024
Boq kapalak himmatiga umr boʻyi gul deb oʻtar,
Qoʻyma koʻngil gʻam yukiga, oʻyna, quvon, kul deb oʻtar.
Koʻrgani bir kungina-yu, bahra olar borligidan,
Yetmasa olamga malolim, tilagim shul deb oʻtar.
Endi nazar sol mana bu quzgʻuni serdabdabaga,
Panjani ishlat va birov toʻmasini yul deb oʻtar.
Shon-u nasabga tayanib zulm qilar burgut agar,
Aqli salim: “Pashsha uning oʻrnida maqbul!” deb oʻtar...
Boqma, odam boʻlmas ekan nafsi buzuq,
Mullaquduq ― toʻlmas ekan nafsi buzuq.
El masali ojiz emish baʼzi mahal:
Iyd oʻtar, oʻlmas ekan nafsi buzuq!
...Din-u diyonat deb, ajab, oʻylaki, Sabriy, bu guruh
Pul deya olamga kelib, ham yutoqib pul deb oʻtar!
Alisher Sabriy
@sheriston
Qoʻyma koʻngil gʻam yukiga, oʻyna, quvon, kul deb oʻtar.
Koʻrgani bir kungina-yu, bahra olar borligidan,
Yetmasa olamga malolim, tilagim shul deb oʻtar.
Endi nazar sol mana bu quzgʻuni serdabdabaga,
Panjani ishlat va birov toʻmasini yul deb oʻtar.
Shon-u nasabga tayanib zulm qilar burgut agar,
Aqli salim: “Pashsha uning oʻrnida maqbul!” deb oʻtar...
Boqma, odam boʻlmas ekan nafsi buzuq,
Mullaquduq ― toʻlmas ekan nafsi buzuq.
El masali ojiz emish baʼzi mahal:
Iyd oʻtar, oʻlmas ekan nafsi buzuq!
...Din-u diyonat deb, ajab, oʻylaki, Sabriy, bu guruh
Pul deya olamga kelib, ham yutoqib pul deb oʻtar!
Alisher Sabriy
@sheriston
November 25, 2024
Qasam ich,
Osiyo,
Soro,
Maryam,
Fotimatuz Zahro,
Robiya
va Laylo haqqi...
Qasam ich,
bulgʻanmagan daryolar,
erimagan qorlar,
ochilmagan gʻunchalar,
toʻkilmagan yaproqlar,
ichilmagan buloqlar haqqi...
Qasam ich,
qindagi qilichlar,
teshilmagan zirhlar,
egilmagan yoylar,
otilmagan oʻqlar haqqi...
Qasam ich,
ochilmagan goʻrlar,
yirtilmagan qafaslar,
qonga belangan jasad ila
janoza oʻqilgan shahidlar haqqi...
qasam ich,
ismat hijobi ortidagi pokiza yuzlar,
iffatdan egilgan jannatiy boshlar,
haq sari bosilgan mustaqim qadamlar
va zangor kimxob yopingan tobutlar haqqi
“Xiyonat qilmadim”, deb qasam ich!..
Asqar Mahkam
@sheriston
Osiyo,
Soro,
Maryam,
Fotimatuz Zahro,
Robiya
va Laylo haqqi...
Qasam ich,
bulgʻanmagan daryolar,
erimagan qorlar,
ochilmagan gʻunchalar,
toʻkilmagan yaproqlar,
ichilmagan buloqlar haqqi...
Qasam ich,
qindagi qilichlar,
teshilmagan zirhlar,
egilmagan yoylar,
otilmagan oʻqlar haqqi...
Qasam ich,
ochilmagan goʻrlar,
yirtilmagan qafaslar,
qonga belangan jasad ila
janoza oʻqilgan shahidlar haqqi...
qasam ich,
ismat hijobi ortidagi pokiza yuzlar,
iffatdan egilgan jannatiy boshlar,
haq sari bosilgan mustaqim qadamlar
va zangor kimxob yopingan tobutlar haqqi
“Xiyonat qilmadim”, deb qasam ich!..
Asqar Mahkam
@sheriston
November 27, 2024
Ketishim shart edi
Ketishim shart edi. Na iloj, ketdim,
yolg‘izlik qa’rida qoldirib seni.
Shu ma’yus ko‘zlarga jo bo‘lar endi
tun degan azobning bo‘yi va eni.
Xush damlar hamdaming — ko‘zgu bu kecha
tikka turgan ko‘ldek yutishga tayyor.
Bir paytlar baxtingdan shahodat bergan
yulduzlar bu oqshom olis va bekor.
Oq yostiqqa boshni g‘amgin bosasan,
oqlikda ilinjsiz to‘lg‘anar gavda.
Sochlaring yuzingga aylana tortar,
tutilgan quyoshdek qora, bezovta.
Soat birmi-ikki.
Turib yurasan
yostiq sezmasin deb qalb sanchig‘ini.
Kulib, jim quchasan haligina men
o‘tirgan kursining suyanchig‘ini.
Ko‘nglim, o‘zingdan ko‘r: endi hech tinmay
ta’qib etar seni ul ma’yus nigoh —
ayolni tun bilan yolg‘iz qoldirmoq
gunohlar ichida eng ogir gunoh!
Omon Matjon
@sheriston
Ketishim shart edi. Na iloj, ketdim,
yolg‘izlik qa’rida qoldirib seni.
Shu ma’yus ko‘zlarga jo bo‘lar endi
tun degan azobning bo‘yi va eni.
Xush damlar hamdaming — ko‘zgu bu kecha
tikka turgan ko‘ldek yutishga tayyor.
Bir paytlar baxtingdan shahodat bergan
yulduzlar bu oqshom olis va bekor.
Oq yostiqqa boshni g‘amgin bosasan,
oqlikda ilinjsiz to‘lg‘anar gavda.
Sochlaring yuzingga aylana tortar,
tutilgan quyoshdek qora, bezovta.
Soat birmi-ikki.
Turib yurasan
yostiq sezmasin deb qalb sanchig‘ini.
Kulib, jim quchasan haligina men
o‘tirgan kursining suyanchig‘ini.
Ko‘nglim, o‘zingdan ko‘r: endi hech tinmay
ta’qib etar seni ul ma’yus nigoh —
ayolni tun bilan yolg‘iz qoldirmoq
gunohlar ichida eng ogir gunoh!
Omon Matjon
@sheriston
November 28, 2024
December 7, 2024
Ishq kitobi
Oʻqib chiqdim, ajib ekan
Muhabbatning kitobi.
Quvonch toʻla varagʻi kam
Lekib bisyor azobi.
Oʻqib chiqdim varaq-varaq,
Hijron — bisyor, visol — oz.
Tugamaydi agar yurak,
Sharhini etsa ogʻoz.
O, Nizomiy! Ishq ganjiga
Sen oxir topding kalit:
Chiday olsa kim ranjiga
Visoldan etsin umid.
Gyote, “Gʻarb-u Sharq devoni”
@sheriston
Oʻqib chiqdim, ajib ekan
Muhabbatning kitobi.
Quvonch toʻla varagʻi kam
Lekib bisyor azobi.
Oʻqib chiqdim varaq-varaq,
Hijron — bisyor, visol — oz.
Tugamaydi agar yurak,
Sharhini etsa ogʻoz.
O, Nizomiy! Ishq ganjiga
Sen oxir topding kalit:
Chiday olsa kim ranjiga
Visoldan etsin umid.
Gyote, “Gʻarb-u Sharq devoni”
@sheriston
December 30, 2024
GULZOR
Sening qoʻling guldir,
Shul sababdan ham
Hovli-yu xonangda oʻstirasan gul.
Sendaylar bisyorroq boʻlsaydi, olam
Gulzorga aylanib ketardi butkul.
Oʻstirgan gullaring ajib, muattar,
Rangorang, xilma-xil, chiroyli bari.
Nomlarin bilmayman, aytsam muxtasar,
Bor bunda yer yuzin turfa gullari.
Gullaring anjuman tuzibdi goʻyo,
Inja goʻzallikning mashgʻuloti bu.
Shu kichik gulzorda jam boʻlmish dunyo,
Birlashgan Gullarning Tashkiloti bu.
Abdulla Oripov,
2009
@sheriston
Sening qoʻling guldir,
Shul sababdan ham
Hovli-yu xonangda oʻstirasan gul.
Sendaylar bisyorroq boʻlsaydi, olam
Gulzorga aylanib ketardi butkul.
Oʻstirgan gullaring ajib, muattar,
Rangorang, xilma-xil, chiroyli bari.
Nomlarin bilmayman, aytsam muxtasar,
Bor bunda yer yuzin turfa gullari.
Gullaring anjuman tuzibdi goʻyo,
Inja goʻzallikning mashgʻuloti bu.
Shu kichik gulzorda jam boʻlmish dunyo,
Birlashgan Gullarning Tashkiloti bu.
Abdulla Oripov,
2009
@sheriston
January 24
Ketging kelganida keta olsang shaxd,
Yigʻlaging kelganda yigʻlolsang toʻyib.
Odam — taqdiriga ekilgan daraxt,
Fasllar oʻtadi muhrini qoʻyib.
Yerda yurganlarning hammasi sobir,
Oʻtib kelayotir koʻnglini qurshab.
Yelkasidan tonglar uchadi bir-bir,
Daraxtlarga qoʻngan qushlarga oʻxshab.
Nargiza Odinayeva, “Muallaq lahza”
@sheriston
Yigʻlaging kelganda yigʻlolsang toʻyib.
Odam — taqdiriga ekilgan daraxt,
Fasllar oʻtadi muhrini qoʻyib.
Yerda yurganlarning hammasi sobir,
Oʻtib kelayotir koʻnglini qurshab.
Yelkasidan tonglar uchadi bir-bir,
Daraxtlarga qoʻngan qushlarga oʻxshab.
Nargiza Odinayeva, “Muallaq lahza”
@sheriston
January 24
KUZLANISH
1
Ijara uy,
Unda hokim mozor kimsasizligi.
Soat – qargʻa,
qargʻanar: “chiq-chiq”.
Chiqib ketolmaysan,
Choʻntaging
vabo tekkan qishloqday boʻm-boʻsh.
Devordagi qiltiriq soya
lang ochiq oynadan yomgʻirni tinglab
kuz bilan chekishib oʻltiribdi jim...
2
Kuz ham mendek kashanda fasl.
Ishonmaysiz?
Yaxshilab qarang!
Ketmagandir bejiz sargʻayib –
Mening tishim,
Uning barglari.
3
Orqalab tasavvur qopini,
Yomgʻirdan yopinchiq yopinib,
Shalabbo hislarga topinib,
Yozsang.
Tushovlab suluvlar tushini,
Sayratib sukunat qushini,
Fano-yu baqoni tushunib,
Yozsang.
Telbasan, boʻgʻzingda telba soʻz,
Koʻchkiday uyilib kelsa soʻz,
Koʻz yoshday quyilib kelsa soʻz,
Yozsang.
Yetti qat osmondan balandda,
Duldulga oʻxshagan samanda,
Sayr etib, misoli qalandar,
Yozsang.
Zangori oʻrmonda yurganday,
Cheksizlik chekini koʻrganday,
Qarshingda Ajaling turganday,
Yozsang!
4
Kechalarni chizishga tushdim,
Kechalarki, mashrabona sheʼr.
Satrlari: nimsariq, pushti,
Barmoqlarim – dalli musavvir.
Ketgandayman lahzadan oʻzib,
Tugʻildimmi xayol burjida?
Boshqarolmam oʻzimni oʻzim –
Turgandayman nayza uchida.
Tevarakka boqardim mulzam,
Noxos tanga sirli ruh indi.
Ulkan oyga aylandim, oʻlsam,
Koinotga koʻmarlar endi.
Kechalarki, mashrabona sheʼr...
5
Avgust olgach olovli boʻsa,
Boshlanarkan havo muzlashi.
Shoirlashib ketganday kuzak,
Shoirlar ham ketar kuzlashib.
Bardoshingni boy berma, Daraxt,
Yafrogʻingga yetmasin chirish.
Mana, qonim quyilgan qadah,
Ichib uzoq yashashga tirish.
Hayotimiz senga bogʻlangan,
Qoʻy, aldaydi loʻttiboz shamol.
Rang-roʻyimiz ishqdan dogʻlangan,
Rahming kelsin, ey sohib jamol.
Ishonmaysan, tagʻin kulasan,
Tyanshanmas, emasman Pomir.
Kuzning soʻnggi bargi qulasa,
Uziladi shoirning joni...
Bardoshingni boy berma, Daraxt.
Jontemir Jondor
@sheriston
1
Ijara uy,
Unda hokim mozor kimsasizligi.
Soat – qargʻa,
qargʻanar: “chiq-chiq”.
Chiqib ketolmaysan,
Choʻntaging
vabo tekkan qishloqday boʻm-boʻsh.
Devordagi qiltiriq soya
lang ochiq oynadan yomgʻirni tinglab
kuz bilan chekishib oʻltiribdi jim...
2
Kuz ham mendek kashanda fasl.
Ishonmaysiz?
Yaxshilab qarang!
Ketmagandir bejiz sargʻayib –
Mening tishim,
Uning barglari.
3
Orqalab tasavvur qopini,
Yomgʻirdan yopinchiq yopinib,
Shalabbo hislarga topinib,
Yozsang.
Tushovlab suluvlar tushini,
Sayratib sukunat qushini,
Fano-yu baqoni tushunib,
Yozsang.
Telbasan, boʻgʻzingda telba soʻz,
Koʻchkiday uyilib kelsa soʻz,
Koʻz yoshday quyilib kelsa soʻz,
Yozsang.
Yetti qat osmondan balandda,
Duldulga oʻxshagan samanda,
Sayr etib, misoli qalandar,
Yozsang.
Zangori oʻrmonda yurganday,
Cheksizlik chekini koʻrganday,
Qarshingda Ajaling turganday,
Yozsang!
4
Kechalarni chizishga tushdim,
Kechalarki, mashrabona sheʼr.
Satrlari: nimsariq, pushti,
Barmoqlarim – dalli musavvir.
Ketgandayman lahzadan oʻzib,
Tugʻildimmi xayol burjida?
Boshqarolmam oʻzimni oʻzim –
Turgandayman nayza uchida.
Tevarakka boqardim mulzam,
Noxos tanga sirli ruh indi.
Ulkan oyga aylandim, oʻlsam,
Koinotga koʻmarlar endi.
Kechalarki, mashrabona sheʼr...
5
Avgust olgach olovli boʻsa,
Boshlanarkan havo muzlashi.
Shoirlashib ketganday kuzak,
Shoirlar ham ketar kuzlashib.
Bardoshingni boy berma, Daraxt,
Yafrogʻingga yetmasin chirish.
Mana, qonim quyilgan qadah,
Ichib uzoq yashashga tirish.
Hayotimiz senga bogʻlangan,
Qoʻy, aldaydi loʻttiboz shamol.
Rang-roʻyimiz ishqdan dogʻlangan,
Rahming kelsin, ey sohib jamol.
Ishonmaysan, tagʻin kulasan,
Tyanshanmas, emasman Pomir.
Kuzning soʻnggi bargi qulasa,
Uziladi shoirning joni...
Bardoshingni boy berma, Daraxt.
Jontemir Jondor
@sheriston
January 24
Qashqir murdasiday beozor boʻlib,
Chirik kavakdagi oppoq qor boʻlib,
Soyda boʻrtib turgan toshga yor boʻlib,
Yurakka sanchilgan tigʻ — qaror boʻlib,
Seni sevdim.
Ishongan togʻlaring past yantoq boʻlgach,
Dov-daraxt unmagan boʻsh qirgʻoq boʻlgach,
Koʻlmak suv xoʻplagan shoʻr tuproq boʻlgach,
Shohidan uzilgan bir yaproq boʻlgach,
Meni sevding.
Rahimjon Rahmat
@sheriston
Chirik kavakdagi oppoq qor boʻlib,
Soyda boʻrtib turgan toshga yor boʻlib,
Yurakka sanchilgan tigʻ — qaror boʻlib,
Seni sevdim.
Ishongan togʻlaring past yantoq boʻlgach,
Dov-daraxt unmagan boʻsh qirgʻoq boʻlgach,
Koʻlmak suv xoʻplagan shoʻr tuproq boʻlgach,
Shohidan uzilgan bir yaproq boʻlgach,
Meni sevding.
Rahimjon Rahmat
@sheriston
January 24
OYDINGA
Oriqqinam mening, goʻzal ninachim,
Urushqonim mening, ahilim mening,
Tovushqonim mening, tezkor ginachim,
Kamalak singari, har xilim mening.
Sen mening oyimsan, mening moʻjizam,
Oy kabi hech qachon tutilmaganim,
Sen yolgʻiz kuchlimsan, mening ojizam,
Dafʼatanim mening, kutilmaganim.
Tilimga hech qachon chiqmaydi chipqon
Sen haqda gapirsam, mening moʻjizam,
Sen uchun yashasam uzoq yashayman,
Mening kerakkinam, mening bejizam.
Masrur majnuntolim, mungli toʻrongʻil,
Oydinginam mening, yarim qorongʻim.
Muhammad Solih,
1979
@sheriston
Oriqqinam mening, goʻzal ninachim,
Urushqonim mening, ahilim mening,
Tovushqonim mening, tezkor ginachim,
Kamalak singari, har xilim mening.
Sen mening oyimsan, mening moʻjizam,
Oy kabi hech qachon tutilmaganim,
Sen yolgʻiz kuchlimsan, mening ojizam,
Dafʼatanim mening, kutilmaganim.
Tilimga hech qachon chiqmaydi chipqon
Sen haqda gapirsam, mening moʻjizam,
Sen uchun yashasam uzoq yashayman,
Mening kerakkinam, mening bejizam.
Masrur majnuntolim, mungli toʻrongʻil,
Oydinginam mening, yarim qorongʻim.
Muhammad Solih,
1979
@sheriston
January 24