“Nogironlikdan hech kim kafolatlanmagan” — “Sharoit Plyus” rahbari Muhabbat Rahimova

Islohot va qarorlar odamlarning turliligini inobatga olgan holda qabul qilinishi kerak, deb hisoblovchi Muhabbat Rahimova “Sharoit Plyus”ni roʻyxatdan oʻtkazishga jami 11 marta uringan.

“Rad javobi sabab qoʻl siltasam, nogironligi bor inson hech narsaga qodir emas va u jamiyatda oʻz oʻrnini baribir topa olmaydi, degan qarashni oʻz misolim bilan tasdiqlagan boʻlardim. Shuning uchun imkoni boricha yana harakat qilaverdim va oxir-oqibat 2016-yili “Sharoit Plyus” rasman faoliyatini boshladi”, – deydi u.

Boshida Yunusobodning Bobodehqon mahalla idorasidagi kichik bir xona tashkilot uchun vaqtinchalik “qarorgoh” boʻlgan. Sharoitni oʻzi hozirlagan jamoa chor atrofni nogironligi bor shaxslarga moslashtirgan. 2024-yilda “sharoitchilar” shu mahallaning Xiyobon koʻchasidagi boshqa bir kattaroq — “Sharoit Plyus”ning bosh ofisi deyish mumkin boʻlgan uyga koʻchib oʻtgan.

Qariyb 10 yildan buyon bir-biridan ajoyib loyihalar bilan jamiyatning inklyuzivlashuviga hissa qoʻshayotgan “Sharoit Plyus”ning ofisida “hayot” qandayligi, loyiha rahbarining nogironligi bor shaxslarga oid dolzarb fikrlari haqida batafsil Gazetaʼning “Iroda” loyihasida oʻqing.

Maqola: https://www.gazeta.uz/oz/2025/08/21/muhabbat-rahimova/

Gulira’no Musayeva, Dilruh Isomiddinova

@gazetauzmaxsus