Яқинда Қозоғистоннинг Остона шаҳрида спортнинг каратэ тури бўйича халқаро турнир бўлиб ўтди. Қувонарлиси шундаки, мазкур мусобақада Шаҳрихон тумани спорт мактаби қошидаги Илҳомжон Умаров мураббийлик қилаётган каратэчилар жамоаси аъзоси Ҳумоюнмирзо Ҳалимов 55 кг. вазн тоифасида 16-17 ёшлилар ўртасида фахрли 1-ўринни эгаллади. Мазкур нуфузли мусобақада олтин медалга эга бўлган Ҳ.Ҳалимов август ойида Филиппинда ўтказиладиган Осиё ҳамда октябрда Италияда бўлиб ўтадиган жаҳон чемпионатларига ҳам йўлланмани қўлга киритди.
Халқаро мусобақаларда Шаҳрихонимиз шарафини муносиб ҳимоя қилаётган иқтидорли спортчимизни эришган бу муваффақияти билан табриклаб, унга келгусидаги мусобақаларда ҳам омадлар тилаймиз!

Шаҳрихон тумани ҳокимлиги
Матбуот хизмати