ДЕПУТАТ МУРОЖААТИ ЭЪТИБОРДА
6-Дўлан сайлов округидан халқ депутатлари Шаҳрихон тумани Кенгаши депутати Абдусалом Юлдашев ўзи сайланган ҳудуддаги Тумор маҳалласида жойлашган сув минораси ҳудудига фуқаролар томонидан ноқонуний қурилишлар қилинаётганини билдириб, туман ҳокимлигига уларни бартараф этишга амалий ёрдам сўраб мурожаат қилган эди. Кеча туман ҳокими Ҳ. Дадахонов туман қурилиш бўлими, кадастр хизмати раҳбарлари, ва бошқа масъуллар билан маҳаллага келиб, депутат мурожаатини ўрганди. Унда фуқаро А. Арабов томонидан сув минораси ҳудудига ноқонуний қурилиш қилинаётгани аниқланиб, уни бартараф этиш чоралари кўрилди. Шунингдек, "Билайн" компанияси томонидан ҳудудга ўрнатилаётган антеннани қонунийлигини ўрганиш ва тегишли тартибда вилоятдаги масъул ташкилотлардан хулоса олиш масаласини ҳал қилиш, янги сув минорасини тезроқ ўрнатиб, аҳолига қулайлик яратиш бўйича туман "Сувоқова" ташкилотига кўрсатма берилди.

Шаҳрихон тумани Қоракўрпа МФЙ, Ёшлик кўчасида яшовчи фуқаро 2001 йилда туғилган Исломбек Иномов туман ҳокими, 1-сектор раҳбари Ҳикматилло Дадахонов қабулида бўлиб, саломатлигини тиклашга амалий ёрдам сўраган эди. Туман ҳокимининг кўрсатмаси билан 1-кўп тармоқли марказий поликлиника шифокорлари унинг соғлиғини тиббий назоратдан ўтказдилар. Мазкур фуқарога марказий шифохонада даволаниб, саломатлигини тиклаши учун йўлланма берилди.

Шаҳрихон туманидаги Дўлан қишлоғида жойлашган “И.Маматов” ҚВП салкам ўн мингга яқин аҳолига хизмат кўрсатади. Ўтган йили мазкур шифо масканида ишловчи ходимлар ҳамда беморларга яратилган шарт-шароитларни янада яхшилаш мақсадида уни таъмирлашга киришилган эди.
Пандемия сабабли қурилиш ишлари бироз кечикмоқда. Шу муносабат билан 6-Дўлан сайлов округидан халқ депутатлари туман Кенгашига сайланган депутат А.Юлдашев туман ҳокимлигига ҚВПдаги таъмирлаш ишларини тезроқ якунлашга амалий ёрдам сўраб, мурожаат қилган эди. Ушбу масала бўйича туман ҳокими Ҳ.Дадахонов мазкур шифо масканида бўлиб, қурилиш ишлари билан танишди. Таъмирлаш ишларини олиб бораётган “Барқарор бизнес” МЧЖ қурувчилари билан мулоқотда ҚВПдаги қурилиш-таъмирлаш ишларини жорий йилнинг 15 ноябрига қадар якунлаш бўйича кўрсатма берилди.
Шунингдек, туман ҳокими ҚВП ходимлари вақтинча фаолият кўрсатаётган тадбиркор Қ.Ўринбоевга тегишли “Дўлан сиҳатгоҳи” МЧЖ биносида ҳам бўлиб, депутат томонидан кўтарилган бу ердаги муаммоларни ижобий ҳал қилди.

Ўзбекистон Президенти Шавкат Мирзиёев Туркия миллий мудофаа вазири Ҳулуси Акарни қабул қилди.
Учрашувда мамлакатларимиз ўртасидаги ҳарбий ва ҳарбий-техник ҳамкорлик ҳолати ва истиқболлари кўриб чиқилди, шунингдек, кейинги йилларда мудофаа соҳасида амалга оширилган қўшма тадбирлар якунлари сарҳисоб қилинди.
Минтақадаги замонавий хатарлар ва хавфсизликка таҳдидларга қарши биргаликда курашишнинг долзарб масалалари муҳокама қилинди.
—
Президент Узбекистана Шавкат Мирзиёев принял министра национальной обороны Турции Хулуси Акара, прибывшего в нашу страну с визитом.
В ходе встречи рассмотрены состояние и перспективы военного и военно-технического сотрудничества между нашими странами, а также подведены итоги совместных мероприятий, реализованных в последние годы в оборонной сфере.
Обсуждены актуальные вопросы совместного противодействия современным вызовам и угрозам безопасности в регионе.

#Mirziyoyev #qabul #Turkiya #hamkorlik

Prezident.uz|Facebook|Instagram|YouTube|Twitter

АЁЛЛАР ВА ЁШЛАР МУАММОЛАРИ ЎРГАНИЛМОҚДА

Ўзбекистон Республикаси Президенти раислигида 2020 йил 8 октябрь куни жамиятда аёллар ва ёшларнинг ролини ошириш ҳамда бандлигини таъминлаш чора-тадбирлари муҳокамаси юзасидан ўтказилган йиғилишда берилган топшириқлар асосида “Ёшлар дафтари” ва “Аёллар дафтари”ни шакллантириш мақсадида Шаҳрихон туманининг 3-сектори ҳудудида ҳам белгиланган тартибда иш ташкил этилмоқда.
Туман ИИБ бошлиғи раҳбарлик қилаётган мазкур секторда 14 та МФЙлар мавжуд бўлиб, улардаги 8671 та хонадонда 47 минг 542 нафар аҳоли истиқомат қилади. Ҳудудда 18-30 ёшдагилар 8705 нафарни, 30 ёшдан юқори бўлган хотин-қизлар эса 4310 нафарни ташкил этади.