Ўзбекистон Президенти, Қуролли Кучлар Олий Бош қўмондони Шавкат Мирзиёевнинг тегишли фармони билан:

Ўзбекистон Бош прокурори ўринбосари Юлдашев Эркин Туракулович;

Қорақалпоғистон Республикаси прокурори Таджиев Эркабай Аминовичга «III даражали давлат адлия маслаҳатчиси» махсус унвони топширилди.

@segmentuz

«Якшанба куни ҳаво ҳарорати бироз илиқлашади» — «Ўзгидромет»

15 январь, якшанба куни Ўзбекистоннинг шимоли-ғарбий ҳудудларига Каспий денгизидан нисбатан илиқ ҳаво кириб келиши бошланади, у антициклоннинг совуқ перифериясини ортга сура бошлайди.

Якшанба куни ҳаво бироз илиқлашади, кечаси -12-17, кундузи -5-10 даража совуқ бўлади. Ўзбекистон бўйича баъзи жойларга туман тушиши кузатилади. Бунинг ҳисобига йўлларда яхмалак юзага келиши мумкин.

@segmentuz

Ўзбекистон халқ шоири, сенатор Энахон Сиддиқова шу йилнинг 13 январь куни 68 ёшида вафот этди

«Дўстлик», «Эл-юрт ҳурмати» орденлари соҳиби Энахон Сиддиқова 1954 йил 28 августда Фарғона вилояти Олтиариқ туманида таваллуд топган.

Ҳозирги кунгача Ўзбекистон Ёзувчилар уюшмаси Фарғона вилояти бўлими раҳбари вазифасида фаолият юритган.

Энахон Сиддиқованинг ўнлаб шеърий тўпламлари ва публицистик асарлари нашр этилган.

@segmentuz

Бизнинг кучимиз, шон-шуҳратимиз ва ғуруримиз – Ўзбекистон Республикаси Қуролли Кучларидир.

Мусаффо осмон ҳар биримизга ёшликдан таниш бўлган оддий сўз эмас, балки энг олий қадрият бўлиб, уни ҳимоя қилиш — Ватан ҳимоячиларининг бурчидир. Улар эса ўттиз йилдан зиёд бу бурчни беками-кўст ва шараф билан бажариб келишмоқда.

Байрамингиз муборак, азиз Ватан ҳимоячилари!

@segmentuz

«Свет»дан қарзи борлар совуқда тармоқдан ажратилмайди

«Ҳудудий электр тармоқлари» АЖ республикада кузатилаётган аномал совуқ кунларда электр энергиясидан қарздорлиги мавжуд аҳоли хонадонлари электр таъминотидан узилмаслигини маълум қилди.

@segmentuz

Ҳарбий хизматчилар орасидан пенционерларни лицейлар ва касб-ҳунар коллежларига ишга қабул қилиш тартиби бекор қилинади

Мудофаа вазирлигининг тегишли қарори билан ҳарбий хизматчилар орасидан пенсионерларни ҳарбий-академик лицейлар, шунингдек академик лицейлар ва касб-ҳунар коллежларига ишга қабул қилиш тартиби тўғрисидаги низом бекор қилинади.

Бундан ташқари, ҳарбий хизматчилар орасидан пенсионерларни олий ҳарбий таълим муассасаларининг илмий ходимлари ва ўқитувчилари лавозимига тайинлаш ҳам бекор қилинади.

@segmentuz

Самарқанд вилояти ҳокимига полковник ҳарбий унвони берилди

Самарқанд вилояти ҳокими Эркинжон Турдимовга Ўзбекистон Республикаси Мудофаа вазирининг тегишли буйруғи билан полковник ҳарбий унвони берилди.

Ҳарбий унвонни Марказий ҳарбий округ қўшинлари қўмондони, генерал-майор Айбек Саидов тантанали равишда топширди.

@segmentuz

❗️Тошкент шаҳар ҳокимлиги энг камида уч кун давомида кўп қаватли уйларнинг иссиқ сув таъминотида ҳароратни вақтинча пасайтиришга мажбурлигини маълум қилди. Бунда иситишга сарфланаётган табиий газ иссиқлик тизимига (отоплениега) йўналтирилади.

@segmentuz

Тошкент шаҳрида барча савдо ва хизмат кўрсатиш шохобчалари, кўнгил очар савдо марказлари ва истироҳат боғлари иш фаолиятини эрталаб соат 10-00 дан 17-00га қадар амалга ошириши лозим.

Иш вақтидан сўнг, барча электр асбоблари, иситиш ускуналарини ўчирилган ҳолда электр ва газ истеъмолини тўхтатиш талаб этилади.

Бунда шаҳардаги озиқ-овқат дўконлари ва умумий овқатланиш корхоналари мустасно!

Тошкент шаҳар ҳокимлиги

@segmentuz

Президент Шавкат Мирзиёев Сингапур Республикаси Президенти Ҳалима Яқубнинг таклифига биноан 16-18 январь кунлари давлат ташрифи билан ушбу мамлакатда бўлади.

Сингапур билан савдо-иқтисодий, инвестиция, инновация ва транспорт-коммуникация соҳаларида, шунингдек, давлат бошқаруви ва юқори малакали кадрлар тайёрлаш борасидаги амалий ҳамкорликни чуқурлаштиришга алоҳида эътибор қаратилади.

@segmentuz

Энергетика вазирлиги газ ва электр энергияси таъминотидаги муаммолар юзасидан аҳолига мурожаат қилди

Энергетика вазирлиги вазиятни ўнглаш, носозликларни бартараф этиш учун барча зарурий чораларни кўраётганини маълум қилди.

Шунингдек, вазирлик энергия ресурсларидан оқилона ва тежамкорлик билан фойдаланиш учун корхоналар ва ташкилотлар ходимларини вақтинча онлайн иш режимига ўтказишни таклиф қилди.

@segmentuz

Бироздан сўнг Президент Шавкат Мирзиёев ҳузурида қиш мавсумида аҳолини энергия ресурслари билан узлуксиз таъминлаш бўйича кўрилаётган чоралар юзасидан кенгайтирилган йиғилиш бошланади.

@segmentuz

⚡️ Бахтиёр Рахмонов Тошкент шаҳар ҳокими вазифасини бажарувчиси этиб тайинланди

Пойтахтнинг Бош режаси ҳалигача тасдиқланмагани натижасида рухсатсиз қурилган объектлар сони 250 дан ошиб кетгани, қурилишга рухсат берилганда, мавжуд инфратузилмага юклама бўйича аниқ ҳисоб-китоб қилинмаётгани, бозорларда озиқ-овқат музлаб қолмаслиги учун, нарх-наво ошиб кетмаслиги учун чора кўрилмаётгани учун пойтахт мутасаддиларига қатъий эътироз билдирилди.

Шу боис, вазиятга олдиндан баҳо бериб, қиш мавсумига лозим даражада тайёргарлик кўрмагани учун Тошкент шаҳар ҳокими Ж.Ортиқхўжаев лавозимидан озод этилди.

Юнусобод, Мирзо Улуғбек, Учтепа туманлари ҳокимларига "ҳайфсан" берилди.

"Иссиқлик электр станциялари" акциядорлик жамияти раиси Ф.Абдурахмонов лавозимидан озод этилди.

Тошкент шаҳар ҳокимининг биринчи ўринбосари Б.Рахмонов Тошкент шаҳар ҳокими вазифасини бажарувчи, Бош прокурор ўринбосари Э.Юлдашев шаҳар прокурори этиб тайинланди.

@segmentuz

«Мен совуқдан қийналаётган ҳар бир оила, ҳар бир инсоннинг кайфиятини, ҳиссиётини чуқур ташвиш ва изтироб билан юрагимдан ўтказаяпман» — Шавкат Мирзиёев

@segmentuz

"Ҳудудий электр тармоқлари" раҳбари Мустафоев, "Узтрансгаз" раҳбари Норматов ва "Ўзбекнефтгаз" раҳбари Абдуллаев ҳам лавозимидан озод этилиб, уларга вазифасини бажарувчи лавозимида 3 ой синов муддати белгиланди.

@segmentuz

Тошкент вилояти ҳокими З.Мирзаев қатъий огоҳлантирилди, Чирчиқ шаҳар ҳокимига «ҳайфсан» берилди.

@segmentuz

⚡️ ДХХ ва Бош прокуратура энергетика тизимида коррупцияни йўқ қилиш бўйича алоҳида чоралар кўради

Бугунги кундаги муаммоларда тизимсиз ишлаш, энергоресурсларни талон-торож қилиш ҳолатлари ҳам сабаб бўлаётгани кўрсатиб ўтилди.

Хусусан, ўтган бир ойда электрга 5 мингта, газга 4,5 мингта ноқонуний уланишлар аниқланган. «Электр ва газ тармоқларида талон-торожлик бўлганини, туман ҳокимлари ва сектор раҳбарлари, электр ва газ идоралари бошлиқлари билмасмиди?», — дея савол қўйди Давлат раҳбари.

Охирги ойларнинг ўзида нефтегаз ва энергия назорати тизимларида 192 та коррупция ҳолатлари аниқлангани ҳам тизим ичидан емирилганидан далолат беради.

ДХХ ва Бош прокуратурага тизимдаги коррупцияни йўқ қилиш бўйича алоҳида чоралар кўриш топширилди.

@segmentuz

❗️Президент Бош вазирга муҳим топшириқ берди

Бош вазир А.Арипов ва энергетика вазири Ж.Мирзамаҳмудовга бор имкониятларни ишга солиб, мавжуд ресурсларни адолатли тақсимлаб, муаммоли маҳаллаларда одамларга зудлик билан ёрдам кўрсатадиган тизим яратиш топширилди.

Келгусида бундай вазиятга йўл қўймаслик учун ҳозирдан аниқ чораларни белгилаш, яъни қаерда газ бўлмаса, суюлтирилган газ ёки кўмир етказишни бугунданоқ ҳал қилиш вазифаси қўйилди.

Икки ой муддатда хориждан малакали мутахассисларни олиб келиб, бошқарув ва ишлаб чиқариш жараёнларини рақамлаштириш бўйича амалий ишларни бошлаш вазифаси қўйилди.

Энергия таъминотида қаерда узилиш бўлган бўлса, унинг сабабларини кўрсатиб, оқибатлари қанча муддатда бартараф этилишини одамларга тушунарли тарзда етказиш зарурлиги қайд этилди.

❗️ Бугунги совуқ кунларда қарздорлик деб, хонадонларни электр ва газдан узилишига йўл қўйилмаслиги таъкидланди.

@segmentuz

Турсунов Жамшид Юнусович Бухоро вилояти ҳокимининг биринчи ўрибосари лавозимига тайинланди

Тайинловга қадар Ж.Турсунов Автомобиль йўллари қўмитаси раисининг ўринбосари лавозимида ишлаган.

@segmentuz

❗️ Давлат хавфсизлик хизмати ва Бош прокуратурага бугун лавозимидан озод этилган мутасаддиларнинг фаолиятини ўрганиш ва қонун бузилишлари аниқланган тақдирда, қатъий жавобгарликка тортиш топширилди.

@segmentuz