#Янги_марралар_якдил_қадамлар

Тошкент яқинида дендропарк ва Олимпия шаҳарчаси қурилади

🔰Тошкент вилоятининг Қибрай туманида, «Тошкент-Шарқий» аэродроми яқинида 155 гектарлик дендропарк, 160 гектарлик Олимпия шаҳарчаси ва Чирчиқ дарёси қирғоқларида 270 гектарлик парк барпо этилади. Уларнинг лойиҳалари Президентга тақдимот қилинди.

✅ Аэродром яқинидаги боғ фақат дарахтзор, бута ва гуллардан иборат бўлади. Унинг ёнида қуриладиган Олимпия шаҳарчаси эса 2025 йилги Ёшлар ўртасидаги Осиё ўйинларини ўтказишга мўлжалланмоқда.

☝️Шунингдек, Қибрай туманининг ушбу ҳудудида 2 та университет, шифохона, экспо, савдо ва кўнгилочар марказ бинолари жойлаштирилиши назарда тутилмоқда.

#Янги_марралар_якдил_қадамлар

70 мингга яқин хотин-қизлар тадбиркорликка жалб қилинади

⚡️Бу ҳақда Президент раислигида хотин-қизларнинг муаммоларини ҳал қилиш ва уларни ижтимоий қўллаб-қувватлаш масалалари муҳокамаси юзасидан ўтказилган видеоселектор йиғилишида айтилди.

Мамлакатимиз аҳолисининг қарийб ярми – 17 миллиони хотин-қизлардир. Уларнинг манфаатларини таъминлаш, жамият ҳаётидаги ўрнини мустаҳкамлаш давлатимиз ижтимоий сиёсатининг муҳим йўналиши.

🔰 Йиғилишда 70 мингга яқин хотин-қизларни тадбиркорликка жалб қилиш учун Халқ банки орқали 2 триллион сўм кредитлар йўналтирилиши айтилди.

✅ 9 миллион аёлни чуқурлаштирилган тиббий кўрикдан, жумладан, саратон скринингидан ўтказиш вазифаси қўйилди.

Каналга уланиш — @yangiuzbekiston_uz

#Янги_марралар_якдил_қадамлар

Сирдарёда жорий йилда 36 минг иш ўрни яратилиши режалаштирилган

✅ Президент Шавкат Мирзиёев Сирдарё вилоятининг инвестиция лойиҳалари тақдимоти билан танишди.

🔰Жорий йил учун мазкур вилоятда 737 та лойиҳа шакллантирилган. Уларнинг натижасида йилига 11 триллион сўмлик ишлаб чиқариш қуввати, қарийб 36 минг иш ўрни яратиш мақсад қилинган.

Лойиҳалар ижросида сифат ва муддатга алоҳида эътибор қаратиш, импорт ўрнини босувчи маҳсулотлар ишлаб чиқаришни кўпайтириш юзасидан кўрсатмалар берилди.

Каналга уланиш — @yangiuzbekiston_uz

#Янги_марралар_якдил_қадамлар

Президент: Энг муҳим масала — берилаётган имтиёзларга адолатли тизим яратиш

Президент мавзуга оид видеоселектор йиғилиши ўтказди.

✅ Ўтган тўрт йилда 140 мингта уй-жой барпо этилди. Йилига қурилган уйларнинг ўртача сони таққосланганда, бу аввалги даврдаги кўрсаткичдан 4-5 баравар кўпдир.

— Лекин, шу билан чекланиб қолинмайди. Уйга эҳтиёжи бор оилалар ҳали ҳам кўп, — деди Президент.

Йиғилишда шу борадаги вазифалар муҳокама қилинди.

🔰 Жорий йилда 54 минг оилани уй-жой билан таъминлаш бўйича вазифалар белгиланди. Ипотека кредити бўйича дастлабки бадал миқдори 20 фоиздан 15 фоизга туширилиши, муҳтож оилаларга 15 фоизлик дастлабки бадалнинг 10 фоизи субсидия сифатида тўлаб берилиши айтилди.

— Энг муҳим масала, берилаётган имтиёзларни ҳалол-пок қўллаш бўйича адолатли тизим яратиш, бу борада одамларимизнинг хабардорлигини ошириш зарур, —деди Президент.

☝️Шунингдек, Ипотека веб-порталини ишга тушириш бўйича топшириқ берилди.

Каналга уланиш — @yangiuzbekiston_uz

#Янги_марралар_якдил_қадамлар

🇺🇿Президент Қорақалпоғистон Республикасида амалга ошириладиган инвестиция лойиҳалари тақдимоти билан танишди.

✅ Умумий қиймати 887 миллион доллардан зиёд бўлган яна 711 та лойиҳа ҳақида маълумот берилди. Уларнинг натижасида қарийб 222 миллион долларлик ишлаб чиқариш қуввати ташкил этилиб, 22 мингдан ортиқ янги иш ўрни яратилади.

☝️Давлатимиз раҳбари ресурсларни тўла ишга солиб, қайта ишлашни чуқурлаштириш, аҳолига доимий даромад манбаи яратиш юзасидан кўрсатмалар берди.

#Янги_марралар_якдил_қадамлар

Бухоро шаҳрида яна бир 150 ўринли МТМ ўз фаолиятини бошлади, аҳоли хурсанд

🔰Бухоро шаҳрининг "Шайхуолам" маҳалласида 72-давлат мактабгача таълим ташкилоти фойдалинишга топширилди. Бу ҳақда Бухоро вилояти мактабгача таълим бошқармаси ахборот хизмати хабар бермоқда.

✅ У 150 ўринга мўлжалланган бўлиб, инқирозга қарши курашиш жамғармасининг 3,4 миллиард сўм маблағи эвазига бунёд этилди.

🔷 Очилиш маросимида шаҳар ҳокими, ҳудуд фаоллари иштирок этди. Ушбу имкониятдан ҳудуд аҳолиси мамнун.

Каналга уланиш — @yangiuzbekiston_uz

#Янги_марралар_якдил_қадамлар

⚡️Хорижий ОАВларда Ўзбекистоннинг ташқи сиёсатига бағишланган қатор мақолалар чоп этилмоқда

✅ Фаол ташқи сиёсат олиб бораётган Ўзбекистоннинг Марказий Осиё мамлакатлари билан ҳамкорлиги ташқи сиёсатда устувор аҳамият касб этади.
Шу муносабат билан ушбу давлатлар билан ҳамкорлик турли жабҳаларда фаол ривожланмоқда. Мазкур масалаларга оид “Марказий Осиё давлатлари билан дўстона ҳамкорлик – Ўзбекистон ташқи сиёсий фаолиятининг устувор йўналиши” номли таҳлилий мақола АҚШнинг етакчи “ақл марказ”ларидан бири бўлган “Caspian Policy Center” расмий веб-саҳифасида, Италиянинг Gazzetta di Milano ҳамда Gazzetta di Napoli саҳифаларида чоп этилди.

☝️Мақолаларнинг қуйидаги ҳаволаларда ўзбек ҳамда рус тилларидаги таржимасини ўқишингиз мумкин.

Каналга уланиш — @yangiuzbekiston_uz

#Янги_марралар_якдил_қадамлар

Йил якунига қадар пойтахтда 36 мингта иш ўрни яратилади

✅ Президент Шавкат Мирзиёев Тошкент шаҳрида амалга ошириладиган инвестиция лойиҳалари тақдимоти билан танишди.

Йил якунигача пойтахтда қиймати 30 триллион сўмдан зиёд 847 та лойиҳани амалга ошириш ва қарийб 36 мингта иш ўрни яратиш кўзда тутилгани таъкидланди.

✅ Тақдимотда, шунингдек, Андижон шаҳри яқинида қурилиши режалаштирилган “Янги Андижон” турар жой массивининг бош режаси ҳақида ҳам маълумот берилди.

Каналга уланиш — @yangiuzbekiston_uz

#Янги_марралар_якдил_қадамлар

Шавкат Мирзиёев: Болаларимиз соғлом бўлиб, кўзларидан нур ёғилса, мен учун энг катта бахт шу

⚡️Бугун давлатимиз раҳбари Яшнобод туманидаги Парвоз маҳалласида бўлиб, аҳоли ҳаёти билан танишди.

✅ Бу ердаги 41 та кўп қаватли уйга “Шинам уй-жой” бошқарув сервис компанияси сифатли хизмат кўрсатмоқда. Давлатимиз раҳбари ушбу ширкат биносини кириб кўрди.

Ҳудудда мактабгача таълим муассасалари, мактаб, спорт майдончалари бор. Президент шу ерда ўйнаётган болаларга эзгу тилаклар билдирди.

— Болаларимиз соғлом бўлиб, кўзларидан нур ёғилса, мен учун энг катта бахт шу. Сизларнинг билим олишингиз, касб-ҳунарлар эгаллашингиз, спорт билан шуғулланишингиз учун ҳамма шароитларни яратишга ҳаракат қиляпмиз. Сизлар яхши ўқиб, ота-онангиз орзуларини ушалтирадиган инсонлар бўлиб улғайинг, — деди Шавкат Мирзиёев.

Каналга уланиш — @yangiuzbekiston_uz

#Янги_марралар_якдил_қадамлар

Президент Шавкат Мирзиёев эркин иқтисодий зоналар ва кичик саноат зоналарида амалга оширилаётган инвестиция лойиҳалари муҳокамаси юзасидан йиғилиш ўтказди.

✅ Бугунги кунда мамлакатимизда 23 та эркин иқтисодий ва 348 та кичик саноат зонаси фаолият юритмоқда. Эркин иқтисодий зоналарда умумий қиймати 2,6 миллиард долларлик 453 та лойиҳа амалга оширилиб, 36 мингга яқин иш ўрни яратилган. Кичик саноат зоналарида эса 5 триллион сўмлик 1 минг 497 та лойиҳа ишга туширилиб, 36 мингдан зиёд кишининг бандлиги таъминланган.

🔰 Жорий йилда эркин иқтисодий ва кичик саноат зоналари инфратузилмасини яхшилаш учун 1 триллион 600 миллиард сўм маблағ ажратилиши таъкидланди.

☝️Президент Шавкат Мирзиёев эндиги энг муҳим масала лойиҳаларни ўз вақтида ишга тушириш эканини таъкидлади.

Каналга уланиш — @yangiuzbekiston_uz

#Янги_марралар_якдил_қадамлар

✅ Янги Ўзбекистоннинг гендер сиёсатида қандай ислоҳотлар амалга оширилди?

☝️Батафсил инфографикада.

Каналга уланиш — @yangiuzbekiston_uz