❗️Тошкент экология бошқармаси бошлиғи ишдан четлатилиб, бошқарманинг ваколатлари чекланди

Ижтимоий тармоқларда Тошкент шаҳри, Юнусобод туманида бир дона эман дарахтига қурувчилар томонидан шикаст етказилаётгани ҳақида хабарлар тарқалганди. 

Тошкент шаҳар экология бошқармаси томонидан ўрганиш ишлари олиб борилганида “Max Processing” МЧЖ мансабдор шахслари томонидан 1 дона эман дарахти тегишли агротехник талабларга амал қилинмасдан Тошкент вилояти Ўртачирчиқ туманига кўчириб ўтқазилгани аниқланди. Айни дамда мазкур ҳолат юзасидан Тошкент шаҳар прокуратураси томонидан “Max Processing” МЧЖ мансабдор шахслари ва бошқаларга нисбатан ЖКнинг 198-моддаси 3-қисми ва 229-моддаси билан жиноят иши қўзғатилган.

Шунингдек, Меҳнат кодексининг 151-153-моддаларига кўра Тошкент шаҳар экология бошқармаси бошлиғининг фаолиятига хизмат текшируви тайинланди ва Ф.Д. 2023 йилнинг 30 декабридан 2024 йилнинг 1 февралига қадар ишдан четлаштирилди. 

Хизмат текшируви давомида Тошкент шаҳар экология бошқармасининг барча таркибий бўлинмалари раҳбарлари, ходимларининг фаолияти ҳамда 2021-2023 йиллар давомида бошқарма томонидан давлат ўрмон фондига кирмайдиган ерларда дарахтлар ва буталарни кесишга берилган рухсатномаларнинг қонунийлиги ва асослари ўрганилади.

Пойтахтда мораторий талабларига тўлиқ риоя этилмаётганлиги, аҳоли томонидан дарахтларнинг кесилиши борасида кўплаб эътирозлар билдирилаётганлиги, қонунчиликка амал қилинмасдан дарахтларни кесишга ёки кўчиришга қайта-қайта рухсатнома берилаётганлиги сабабли Экология вазирлиги шу йилнинг 1 февралига қадар Тошкент шаҳар экология бошқармаси ваколатларини чеклашига тўғри келди. Хусусан, энди дарахтларни кесиш ёки кўчириб ўтқазишга рухсатнома бериш фақатгина вазирликнинг тегишли бошқармаси билан келишилган ҳолда амалга оширилади.

Telegram | Instagram | Facebook

Бир қатор мансабдор шахсларнинг тадбиркорлик фаолиятига чек қўйилди

Коррупцияга қарши курашиш агентлиги томонидан кўрилган чоралар натижасида “Қимматли қоғозлар марказий депозитарийси” ДУК бош директори Шерали Абдужаббаров, Миробод туман ҳокими Анвар Сайфутдинов, “Миллий антидопинг агентлиги” раҳбари Абдушукур Садиков, “Ахборотлаштириш Бош Маркази” УК раҳбари Дилшод Сариходжаев, Бўстон тумани ҳокими Санобар Носирова, “Миллий ПР-Маркази” ДУК директори Дилфуза Самандарова, Энергетика вазири ўринбосари Умид Мамадаминов ҳамда Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги директори Абдулла Азизовнинг тадбиркорлик субъектларида таъсисчилик ва раҳбарлик фаолиятлари тугатилиши таъминланди.

Telegram | Instagram | Facebook

Шавкат Мирзиёев қишлоқ хўжалигида сув ресурсларидан фойдаланиш самарадорлигини оширишга қаратилган таклифлар тақдимоти билан танишди.

Таклифларга кўра, туман ирригация бўлимлари ва махсус хизматлар негизида “Сув етказиб бериш хизматлари” давлат муассасалари ташкил қилинади. Улар экскаватор ва бошқа техникалар билан таъминланади. Бу суғориш тармоқларига хизмат кўрсатиш ишларини 2 баробарга арзонлаштиради.

Шунингдек, барча суғориш тармоқларини хатловдан ўтказиш, эгалари бўйича бириктириш ҳамда ҳар бирининг ягона идентификацион рақамини ишлаб чиқиш кўзда тутилмоқда.

Маълумки, жорий йилдан далагача етказилган 1 куб метр сув учун солиқ 100 сўм этиб белгиланди. Кўпчиликнинг онгида ўрнашиб қолган “сув – текин” деган тушунчани ўзгартириш вақти келди.

❗️ Сув истеъмолчилари билан ҳисоб-китобни шу тамойил асосида йўлга қўйиш таклиф қилинмоқда. Жумладан, 2025 йилдан бошлаб, далада сув ҳисоблагич ўрнатган ва тежамкор технологияларни қўллайдиган фермерлар учун солиқ коэффициенти камайтирилади. Аксинча ҳолатларда эса оширилади. Шу билан бирга, сув етказиб бериш учун тўловлар бекор қилинади.

Telegram | Instagram | Facebook

❗️ Сув тежовчи технологияларни жорий қилиш учун имтиёзли кредит линияси ташкил қилинмоқда. Хусусан, кредитлар 2 йиллик имтиёзли давр билан 5 йил муддатга 14 фоизлик ставкада ажратилади. Қорақалпоғистон Республикаси ва Хоразм вилоятидаги лойиҳалар учун эса 10 фоиз бўлади. Кредит олишда фермерлардан мол-мулк гарови талаб қилинмайди.

Шунингдек, кредитлар онлайн ажратилиши йўлга қўйилмоқда. Бу борада Агробанк томонидан “Suvkredit.uz” тизими ишлаб чиқилган. Яна бир муҳим томони, энди пудратчиларга сув тежовчи технологияларни фақат ишчи лойиҳа асосида қуриш, ўрнатилган тизимларга камида 2 йиллик кафолат бериш ва камида 5 йиллик сервис хизмати кўрсатиш каби қўшимча мажбуриятлар юклатилмоқда. Бу талабларни бажармайдиган пудратчилар тизимга киритилмайди.

Маълумки, бугунги кунда сув тежовчи тизим жорий қилинган ҳар бир гектар учун 8 миллион сўм миқдорида субсидия берилади. Шу пайтгача бу маблағнинг 50 фоизи технология ўрнатилган йилда, қолгани келгуси йили унинг ишлатилишига қараб тўланар эди. Энди бу борада ҳам қулайлик яратилиб, барча субсидия маблағларини ўша йилнинг ўзида тўлаб бериш белгиланмоқда.

Президент бу таклифларни маъқуллаб, сўнгги истеъмолчигача бўлган тизимни тўғри йўлга қўйиш, сувни тежаш ишларини кенгайтириш бўйича кўрсатмалар берди.

Telegram | Instagram | Facebook

5 кунлик иш ҳафтасида ишлайдиган ходимлар учун эртага – 6 январь (шанба) расмий иш куни ҳисобланади.

Telegram | Instagram | Facebook

Бюджет ташкилотларнинг иш ҳақи нега кечиккан?

Аввалроқ Иқтисодиёт ва молия вазирлиги томонидан бюджет ташкилотларида бухгалтерия ҳисобини юритиш бўйича "UzASBO-2" тизимига ўтиш муносабати билан тизимда айрим муаммо ва узилишлар кузатилаётгани тўғрисида хабар берилган.

Бугунги кунда ушбу носозликларни бартараф этиш юзасидан зарур чоралар кўрилди ҳамда "UzASBO-2" тизими орқали бюджет ташкилотларининг декабрь ойи II ярми учун 90 фоиз бюджет ташкилотларининг иш ҳақлари молиялаштириб берилиши таъминланди.

Иш ҳақини белгиланган муддатларда (5 иш кунида) молиялаштириб бериш юзасидан зарурий чоралар кўрилиши натижасида иш ҳақлари 4 иш кунида тўлаб берилиши таъминланган.

Telegram | Instagram | Facebook

❗️Чиқинди пулини тўламаганларнинг электр учун тўловларини қабул қилиш вақтинча тўхтатилади

2024 йилнинг 1 июнидан бошлаб Тошкент ва Нукус шаҳарлари ҳамда вилоятлар марказларида чиқинди хизматлари бўйича 6 ой давомида шаклланган қарздорлик учун;

2024 йилнинг 1 ноябридан республиканинг барча ҳудудида чиқинди хизматлари бўйича 3 ой давомида шаклланган қарздорлик учун;

2025 йилнинг 1 январидан эътиборан республиканинг барча ҳудудида чиқинди хизматлари бўйича 1 ойлик қарздорлик учун электр энергиясига тўловни амалга оширишда чекловлар ўрнатилади.

Telegram | Instagram | Facebook

Фото ва видео қайд этиш воситаларини ўрнатган тадбиркорларга экологик ҳуқуқбузарликларни ҳам қайд этиш ҳуқуқи берилди

Президент Фармонига (ПФ–5-сон, 04.01.2024 й.) кўра:

Автомобиль йўлларида йўл ҳаракати қоидалари бузилганлигини фото ва видео қайд этиш воситаларини ўрнатган тадбиркорларга экологик ҳуқуқбузарликларни ҳам қайд этиш ва Давлат экологик назорат инспекциясига хабар бериш ҳуқуқи берилди.

❗️Бунда тарбиркор жарима сифатида ундирилган маблағнинг 20 фоизи миқдорида пул билан рағбатлантирилади.

Telegram | Instagram | Facebook

Шавкат Мирзиёев аҳоли бандлигини ошириш ҳамда тадбиркорлик соҳасидаги мажбурий талабларни қисқартиришга оид таклифлар тақдимоти билан танишди.

Айтиш жоизки, шу пайтгача тадбиркорлардан мавжуд маълумотларни қўшимча равишда талаб қилиш ҳолатлари бор эди. Жорий йилдан бошлаб 34 турдаги ҳисоботлар бекор қилинмоқда. Бунинг натижасида ҳар йили 21 мингдан ортиқ тадбиркорнинг 500 миллион сўм харажати тежалади.

Ўзи умуман, тадбиркорлар томонидан тақдим этиладиган ҳисоботларнинг ягона рўйхати тасдиқланмаган. Шу боис президент ягона ҳисоботлар тизимини жорий қилиш бўйича топшириқ берди.

Шунингдек, тадбиркорларга мажбурий талабларни қисқартириш мақсадида 16 та лицензия ва рухсатномани бекор қилиш лозимлиги белгиланди.

Telegram | Instagram | Facebook

Президент фармонига кўра, Прокуратура органлари ходимлари куни муносабати билан бир гуруҳ ходимлар мукофотланди.

Telegram | Instagram | Facebook

Ижтимоий ҳимоя миллий агентлиги ҳамда Ўзбекистон волонтёрлари ассоциацияси ўртасида ҳамкорлик меморандуми имзоланди.

Ҳамкорлик мақсади — ўзгалар парваришига муҳтож бўлган ёлғиз яшовчи ёки ёлғиз кекса ва ногиронлиги бўлган шахсларни аниқлашга, “Инсон” ижтимоий хизматлар марказларига ташриф буюрадиган аҳолига марказдаги мавжуд ижтимоий хизматлардан фойдаланишда кўмаклашишга ҳамда ижтимоий тадбирларига волонтёрларни кенг жалб қилишдан иборат.

Telegram | Instagram | Facebook

Соғлиқни сақлаш вазирининг биринчи ўринбосари Алишер Шадманов узоқ муддатли даволаниш учун меҳнат таътилига чиқиши муносабати билан унинг вазифасини вақтинчалик бажариш Президент Администрацияси Ижтимоий ривожланиш департаменти соғлиқни сақлашни ривожлантириш шўъбаси мудири Даврон Султанов зиммасига юклатилди.

Telegram | Instagram | Facebook

❗️Бугун мактаб ўқувчилари учун қишки таътилнинг охирги куни

Эртага, 11 январдан III чорак дарслари бошланади.

Telegram | Instagram | Facebook

❗️Талабалар учун ҳақ тўланадиган амалиёт ўташ тартиби белгиланди

Бундай турдаги амалиёт ҳар йили камида бир маротаба танлов асосида ўтказилиб, амалиёт ўташ учун 500 та ўрин ажратилади.

Ҳукумат қарори билан Олий таълим ташкилотлари талабаларининг иқтисодиёт тармоқлари корхоналарида ҳақ тўланадиган ишлаб чиқариш амалиётини ташкил этиш тартиби тўғрисидаги низом тасдиқланди.

Унга кўра, ҳақ тўланадиган ишлаб чиқариш амалиётини ташкил этиш мақсадида Олий таълим, фан ва инновациялар вазирлиги томонидан танлов ўтказилади.

Бунда амалиёт ўташ учун 500 та (Тошкент шаҳри учун — 45 та, Қорақалпоғистон Республикаси ва вилоятлар учун — 35 тадан) ўрин ажратилади.

❗️Танловда иштирок этиш учун талаба аризани шахсан ўзи, почта орқали ёки электрон шаклда ўзи ўқиётган олий таълим ташкилотига топширади.

Танловда қатнашиш учун талаба:
➖ битирувчи босқичда таҳсил олаётган бўлиши;
➖ таълим йўналиши (мутахассислиги) тармоқ корхонасидаги фаолият йўналишига мос бўлиши;
➖ Ўзбекистон резиденти бўлиши лозим.

Aмалиёт 1 ойдан 3 очгача бўлган давр мобайнида ўқув режасида белгиланган муддатларда амалга оширилади.

Ғолиб талабаларнинг амалиёти бўйича харажатлар Махсус комиссия томонидан якуний қарор қабул қилингандан сўнг 15 кун давомида қопланади.

Бунда талабага БҲМнинг 2 баравари миқдорида иш ҳақи ва унга ҳисобланган ижтимоий солиқ тегишли ҳисоб-рақамига ўтказилади.

Telegram | Instagram | Facebook

Мактабгача таълим ташкилотлари ходимлари иш ҳақидан 1 фоиз ижтимоий солиқ тўлайди

2030 йил 1 январга қадар мактабгача ва мактаб таълими тизимидаги муассаса ва ташкилотларнинг (вазирлик марказий аппарати ва унинг ҳудудий бўлинмаларидан ташқари) бюджетдан ташқари маблағлари ҳисобидан амалга ошириладиган иш ҳақи ва унга тенглаштирилган тўловларга ижтимоий солиқ ставкаси 1 фоиз миқдорида белгиланади.

Telegram | Instagram | Facebook

Инновацион ривожланиш агентлиги директори Тўйчиев Олимжон Алижонович лавозимидан озод этилди. У Турин политехника университети ректори этиб тайинланди.

Telegram | Instagram | Facebook

Президент қарори билан “Ижтимоий ҳимоя ягона реестри”га киритилган жисмоний шахслар томонидан сотиб олинганда ҚҚС суммаси қайтариб бериладиган айрим турдаги озиқ-овқат маҳсулотлари рўйхатига қуйидагилар киритилди:

➖ ун;
➖ шакар;
➖ дори воситалари ва тиббий хизматлар.

Бунда қўшилган қиймат солиғи суммасини қайтариш ойига БҲМнинг 10 бараваригача бўлган харидлар суммаси доирасида амалга оширилиши белгиланди.

Telegram | Instagram | Facebook

Давлат фуқаролик хизматида фаолият юритаётган кадрларнинг саломатлиги тиббий кўрикдан ўтказилмоқда

Тиббий кўрик касалликларни эрта босқичда аниқлаш ва даволаш орқали меҳнат фаолиятида самарадорликка эришиш мақсадида ташкил этилмоқда.

Жараён жорий йилнинг 22 январига қадар давом этади. 

▪️ Мобиль репортаж Тошкент шаҳар ҳокимлигида ташкил этилган тиббий кўрик жараёнларидан.

Telegram | Instagram | Facebook

❗️1% кешбек олишда чегаравий миқдор ўрнатилди

2024 йил 1 январдан бошлаб харид суммасидан 1% кешбек олишда ойлик харид суммасига чегаравий миқдор ўрнатилди – БҲМнинг 60 баравари (20,4 млн сўм).

Корпоратив карталар орқали сотиб олинадиган товарлар учун кешбек бериш бекор қилинди.

Telegram | Instagram | Facebook

Эрталаб Тошкент ҳавосидаги РМ2,5 зарралари кеча кечки пайтдаги билан солиштирганда бироз ўзгарди — 85,5 мкг/м3 ёки ЖССТ тавсияларидан 17 баравар юқори. Шаҳардан куйинди ҳиди келмоқда.

IQAir хизмати рейтингида Ўзбекистон пойтахти 11 январь соат 09:00 ҳолатида 9-ўринда (кечқурун — 8-ўрин бўлган).

Ўзгидромет очиқ ҳаводаги ишлардан тийилиш, тиббий ниқоб тақиш, деразаларни очмаслик ва агар мавжуд бўлса, ҳаво тозалагичдан фойдаланишни тавсия қилди.

Telegram | Instagram | Facebook