Президент Миттерандан кейин бирор-бир Франция президенти минтақага ташриф буюрмаган эди, биз буни албатта тўғирлаймиз — Макрон

Франция Президенти Президент Шавкат Мирзиёевнинг иқтисодий сиёсати туфайли икки мамлакат ўртасидаги инвестициявий ҳамкорлик учун катта имкониятлар очилганини таъкидлади

Telegram | Instagram | Facebook

Самарқанд саммити якунида Ўзбекистон ва Франция Етакчилари Қўшма баёнот қабул қилдилар

Ҳужжатда икки давлатнинг ўзаро муносабатларни стратегик шериклик даражасига кўтариш нияти қайд этилган.

Шунингдек, президентлар ҳузурида 8 та икки томонлама ҳужжат имзоланди. Жумладан:

➖ “Самарқанд Француз Альянси”ни ташкил этиш ва унинг фаолияти тўғрисида ҳукуматлараро битим;

➖ Ўзбекистонда ичимлик суви таъминоти инфратузилмасини яхшилаш бўйича ҳукуматлараро молиявий баённомалар (1- ва 2-босқичлар);

➖ Ўзбекистонда Франция тараққиёт агентлиги ва “ПРОПАРКО”ни ташкил этиш ва уларнинг фаолияти тўғрисидаги ҳукуматлараро битимга ўзгартириш ва қўшимчалар киритиш тўғрисида баённома;

➖ ташқи ишлар вазирликлари ўртасида дипломатик кадрлар тайёрлаш соҳасидаги ҳамкорлик тўғрисида декларация;

➖ мактабгача, мактаб, профессионал ва олий таълим соҳасидаги ҳамкорлик бўйича баённома;

➖ маданий мерос соҳасидаги ҳамкорлик тўғрисида декларация;

➖ профессионал ва техник таълим соҳасидаги ҳамкорлик тўғрисида келишув.

➖ Ўзбекистон Маданият ва санъатни ривожлантириш жамғармаси ҳамда «SUEZ» ва «Bouygues» компаниялари ўртасида ҳамкорлик тўғрисида декларациялар.

Telegram | Instagram | Facebook

❗️Пойтахтда 6 ноябрдан бошлаб ижтимоий соҳа объектлари ва кўп хонадонли турар-жой биноларини иссиқлик энергияси билан босқичма-босқич таъминлаш ишлари бошланади — Тошкент шаҳар ҳокимлиги

Telegram | Instagram | Facebook

Эммануэль Макрон ўз нутқида Шавкат Мирзиёевга мурожаат қилди: «Биз ушбу минтақани барқарорлаштириш ва иқтисодий ривожлантириш сиёсатингизни қўллаб-қувватлаймиз. Бу йўлда Сизга ёрдам бермоқчимиз».

Telegram | Instagram | Facebook

Комилов Комилжон Собирович Андижон вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланди.

Тайинловга қадар у Андижон қишлоқ хўжалиги ва агротехнологиялари институти ректори лавозимида фаолият юритиб келган.

Telegram | Instagram | Facebook

❗️B2 ва ундан юқори хорижий тил билиш даражасига эга фуқароларга халқаро IT-сертификатларни олиш харажатлари тўлиқ қоплаб берилади — Президент қарори

Қарор билан, жумладан, қуйидагилар тасдиқланди:

▪️ 2023 йил якунигача Ягона интерактив давлат хизматлари порталида кўрсатилаётган хизматлар сонини 570 тага етказиш доирасида порталда биринчи навбатда жорий этиладиган 95 та хизмат ва сервислар рўйхати;

▪️ 2023 йил 1 декабрдан аҳоли ва тадбиркорлардан талаб қилиш бекор қилинадиган 47 турдаги маълумотлар рўйхати;

▪️ аҳоли ва тадбиркорларга хизматлардан фойдаланиш ҳолати бўйича юбориладиган эслатма ва хабарномалар рўйхати.

2023 йил 1 октябрдан тадбиркорларга электрон тижорат фаолияти доирасида эркин омбор божхона режимига жойлаштирилган товарлар билан чакана савдо операцияларини амалга оширишга рухсат берилади.

▪️ 2023 йил 1 октябрдан B2 ва ундан юқори хорижий тил билиш даражасига эга фуқаролар томонидан тегишли йўналишларда халқаро IT-сертификатларни олиш харажатларининг 100 фоиз қисмини қоплаш тизими жорий этилади.

Битирувчиси IT-хизматларни экспорт қилувчи IT-парк резиденти бўлган компанияларга ишга жойлашган нодавлат ўқув марказларига ҳар бир битирувчи учун БҲМнинг 75 бараваригача, ногиронлиги бўлган ёшлар учун эса 105 бараваригача бир марталик субсидия ажратиш йўлга қўйилади.

Telegram | Instagram | Facebook

Президент Шавкат Мирзиёевнинг Туркий давлатлар ташкилоти саммитидаги нутқидан:

“Фаластин халқи Бирлашган Миллатлар Ташкилоти резолюцияларида белгиланганидек, мустақил давлат барпо этиш ҳуқуқига эга. Биз ташкилотимиз доирасида бу борада якдил ва қатъий позицияни бугун дунёга эълон қилишимиз зарур”.

Telegram | Instagram | Facebook

Шавкат Мирзиёев Остонада Туркий давлатлар ташкилоти саммитида иштирок этмоқда. Унда Ўзбекистон президенти туркий халқлар бирдамлигини, уларнинг буюк ўтмиши ва бой маданиятини, азалий қадриятларини ифода этадиган Туркий дунё хартиясини ишлаб чиқишни таклиф этди.

Telegram | Instagram | Facebook

Президент Шавкат Мирзиёев жадид боболаримизнинг ибратли фаолияти, илмий-ижодий меросини чуқур ўрганиш юзасидан амалга оширилаётган ишларни янги босқичга кўтаришга чақирди

Telegram | Instagram | Facebook

Президент Шавкат Мирзиёевга "Туркий дунёнинг олий ордени"ни тантанали топшириш маросимидан

Telegram | Instagram | Facebook

Маданият вазирига икки нафар биринчи ўринбосар ва ўринбосар тайинланди

Ахмедов Баходир Маджидович маданият вазирининг биринчи ўринбосари лавозимига тайинланди. Тайинловга у қадар маданият вазирининг ўринбосари лавозимида фаолият юритиб келаётганди.

Таджиханов Авазхон Бахадирович маданият вазирининг биринчи ўринбосари лавозимига тайинланди. Тайинловга қадар у Адлия вазирлиги “Конвенцион марказ мажмуаси дирекцияси” ДУК директори лавозимида фаолият юритган.

Усмонов Юсуфжон Камолдинович маданият вазирининг ўринбосари лавозимига тайинланди. Тайинловга қадар у Ҳисоб палатасининг бош инспектори лавозимида фаолият юритган.

Telegram | Instagram | Facebook

8 ва 9 ноябрь кунлари пойтахтда Иқтисодий ҳамкорлик ташкилоти саммити ўтказилиши муносабати билан Тошкент шаҳрига юк ташувчи транспорт воситаларининг кириши қисман чекланади.

Шу кунларда Тошкент шаҳридаги юк ташувчи транспорт воситаларининг шаҳар марказида ҳаракатланиши тўлиқ тўхтатилади.

Тошкент шаҳар ИИББ саммит доирасида белгиланадиган вақтинчалик чекловлар сабабли водийдан воҳага ҳамда воҳадан водийга ҳаракатланиш 4P-12 автомагистрал йўли орқали амалга оширилишини маълум қилди.

Telegram | Instagram | Facebook

8-9 ноябрь кунлари Тошкентда Шавкат Мирзиёев раислигида Иқтисодий ҳамкорлик ташкилотининг саммити бўлиб ўтади.

Тадбирда Озарбайжон, Эрон, Қозоғистон, Қирғизистон, Покистон, Тожикистон, Туркманистон ва Туркиянинг давлат ва ҳукумат раҳбарлари иштирок этиши кутилмоқда.

Кун тартибига мувофиқ, ИҲТ доирасида савдо-иқтисодий, инвестициявий, транспорт-коммуникациявий ва гуманитар ҳамкорликни янада кенгайтириш ҳамда ушбу кўп томонлама тузилма фаолиятини такомиллаштириш масалалари кўриб чиқилади.

Маълумот учун: Иқтисодий ҳамкорлик ташкилотига 1985 йилда асос солинган, унинг доимий фаолият юритувчи котибияти Теҳрон шаҳрида жойлашган. Ўзбекистон 1992 йилдан бошлаб ИҲТ аъзосидир.

Telegram | Instagram | Facebook

Холбоев Ойбек Мадаминович халқ депутатлари Шовот туман Кенгашининг навбатдан ташқари сессиясида Шовот тумани ҳокими лавозимига тасдиқланди.

О.Холбоев тайинловга қадар Урганч шаҳри ҳокими лавозимида ишлаб келаётган эди.

Telegram | Instagram | Facebook

Ахмедов Шуҳрат Курвондурдиевич халқ депутатлари Қўшкўпир туман Кенгашининг навбатдан ташқари сессиясида Қўшкўпир тумани ҳокими лавозимига тасдиқланди.

Ш.Ахмедов бунга қадар Тупроққалъа тумани ҳокими лавозимида фаолият олиб борган.

Telegram | Instagram | Facebook

Адлия катта маслаҳатчиси Азамат Эгамбердиевич Мирзаев Навоий вилояти прокурори лавозимига тайинланди.

А.Мирзаев тайинловга қадар Қашқадарё вилояти прокурорининг ўринбосари лавозимида ишлаган.

Telegram | Instagram | Facebook

Жималязов Акмал Ортиқович Хоразм вилоятининг Тупроққалъа тумани ҳокими лавозимига тайинланди.

А.Жималязов тайинловга қадар Хоразм вилояти қишлоқ хўжалиги бошқармаси бошлиғи лавозимида ишлаб келаётган эди.

Telegram | Instagram | Facebook

❗️Тошкентда Иқтисодий ҳамкорлик ташкилотининг 16-саммити ўтказилиши муносабати билан 8-10 ноябрь кунлари қуйидаги йўналишларда транспорт ҳаракати чекланади:

➖ Ислом Каримов номидаги Тошкент халқаро аеропортидан Бобур кўчаси бўйлаб Бобур - Шота Руставели чорраҳасигача;

➖ Нукус кўчаси — Бобур чорраҳасидан Нукус кўчаси бўйлаб Мовароуннаҳр кўчасигача;

➖ Ойбек — Туркистон чорраҳасидан Ойбек, Афросиёб ва Олмазор кўчалари;

➖ Ислом Каримов — Бунёдкор чорраҳасидан Ислом Каримов кўчаси бўйлаб Амир Темур — Ислом Каримов чорраҳасигача;

➖ Шароф Рашидов — Афросиёб чорраҳасидан Шароф Рашидов кўчаси бўйлаб Кичик ҳалқа айланма йўлигача;

➖ Навоий — Мустақиллик чорраҳасидан Навоий — Лабзак чорраҳасигача;

➖ Фурқат — Бешёғоч чорраҳасидан Бешёғоч кўчаси бўйлаб Ислом Каримов — Бешёғоч чорраҳасигача;

➖ Олмазор — Ислом Каримов чорраҳасидан Олмазор кўчаси бўйлаб Навоий кўчасигача.

Telegram | Instagram | Facebook