⚡️Айрим тадбиркорларга 50 млн сўмгача кредитлар гаровсиз берилади

“Оилавий тадбиркорликни ривожлантириш дастурлари доирасида кредитлар ажратишни такомиллаштириш ҳамда аҳолининг доимий даромад манбаларини кўпайтиришга доир қўшимча чора-тадбирлар тўғрисида”ги Ҳукумат қарори (161-сон, 19.04.2023 й.) қабул қилинди

Қарорга кўра, оилавий дастурлар бўйича кредитлар фоизи йиллик 14 фоиздан ошмайди. Бунда:

➖ кредитлар устувор равишда дастурлар бўйича аввал кредитлардан фойдаланмаган аҳоли ва тадбиркорларга ажратилади;

➖дастурлар доирасида илгари олган кредитларидан самарали фойдаланиб, тадбиркорлигини йўлга қўйган ва кредит тўловларини ўз вақтида тўлаган кичик тадбиркорларга ўз фаолиятини янада кенгайтириши учун мазкур кредитлардан такроран фойдаланишга рухсат этилади.

Шунингдек:

➖ҳокимликлар деҳқон хўжаликларига ер майдонларидан самарали фойдаланиш ҳамда “бир маҳалла – бир маҳсулот” тамойили асосида маҳсулотлар етиштириш ва етиштирилган маҳсулотлар бозорини топишга кўмаклашади;

➖Рақобатни ривожлантириш ва истеъмолчилар ҳуқуқларини ҳимоя қилиш қўмитаси нархлар асоссиз ўсишининг олдини олиш, етказиб берилаётган маҳсулотлар (кўрсатилаётган хизматлар) нархларининг ҳудуддаги ички бозор нархларига мутаносиб бўлишини таъминлайди;

➖ҳоким ёрдамчиларининг кредит ажратиш бўйича тавсия беришига маҳаллий ижро этувчи ҳокимият органлари раҳбарларининг аралашувига йўл қўйилмайди.

➖“маркетплейс” тизими “Е-актив” ахборот тизими билан интеграция қилинади.

▶️ Дастурлар доирасида 50 млн сўмгача гаровсиз кредитлар:

➖ Президент қарорига асосан заргарлик иши йўналиши бўйича махсус ўқув курсларини муваффақиятли тугатиб, сертификат олган шахсларга заргарлик буюмлари ишлаб чиқариш учун зарур бўлган жиҳозлар ва асбоб-ускуналар сотиб олиш учун;

➖ аграр тармоқда ўз бизнесини ташкил этишга кўмаклашиш, қишлоқ хўжалиги маҳсулотларини етиштиришда деҳқон хўжаликларининг улушини ошириш мақсадида узоқ муддатга қишлоқ хўжалигига мўлжалланган ер майдонларини ижарага олган деҳқон хўжаликлари ва кичик тадбиркорларга ажратилади.

Telegram | Instagram | Facebook

❗️Эртадан барча ходимлар учун иш куни

Бугун кетма-кет 4 кунлик дам олишнинг охирги куни ҳисобланади.

Шунингдек, эртага — 25 апрелдан барча таълим муассасаларида, жумладан, олий, профессионал, умумтаълим ва мактабгача таълим ташкилотларида ҳам ўқув жараёнлари бошланади.

Telegram | Instagram | Facebook

Президент фармони билан Бахтиёр Одилович Саидов Ўзбекистон Республикаси ташқи ишлар вазири лавозимига тасдиқланди.

Бундан илгарироқ Бахтиёр Саидовнинг номзоди Олий Мажлис Қонунчилик палатаси депутатлари томонидан маъқулланган эди.

Telegram | Instagram | Facebook

Сизнинг овозингиз — муҳим овоз

30 апрель — Ўзбекистон Республикасининг референдумида иштирок этинг!

Telegram | Instagram | Facebook

Дарахтларни асрашга қаратилган телеграм бот ишга туширилди

Табиат ресурлари вазирлиги томонидан дарахтларни асрашга қаратилган @ecogovuz_bot телеграм боти ишга туширилди. Бот орқали аҳоли дарахтларга зарар етказилганлиги тўғрисида электрон ариза юборишлари ва мурожаатнинг ўрганилиш ҳолати ҳақида маълумот олиши мумкин.

Telegram | Instagram | Facebook

❗️Президент мактаблари имтиҳонларининг 2-босқичидан ўтолмаган ўқувчилар ихтисослаштирилган мактабларга имтиҳонсиз қабул қилинади

Президент мактаблари имтиҳонларининг 2-босқичидан ўтолмаган ўқувчилар ихтисослаштирилган мактабларга имтиҳонсиз қабул қилинади. Бу ҳақда Ихтисослаштирилган таълим муссасалари агентлиги ахборот хизмати маълум қилди.

Ихтисослаштирилган мактаб ва мактаб-интернатларига 2023/2024 ўқув йили учун ўқувчиларни қабул қилиш қуйидагича бўлади:

➖ аниқ фанлар йўналишига қабул 5 – 11-синфларга;
➖ табиий фанлар йўналишига 7 –11-синфларга;
➖ кейинги ўқув йилларида 5 ва 7-синфларга амалга оширилади.

▪️ Ҳар бир синфга 24 нафардан ўқувчилар қабул қилинади.

Ихтисослаштирилган мактаб ва мактаб-интернатларининг кириш имтиҳонларидан ўтган ўқувчилар тўлиқ бепул таълим олишади.

Telegram | Instagram | Facebook

Вазирлар Маҳкамаси таркибида Давлат тилини ривожлантириш департаменти қайта ташкил этилади

Президент “Вазирлар Маҳкамасининг ижро этувчи тузилмасини такомиллаштиришга доир қўшимча чора-тадбирлар тўғрисида”ги Фармонни имзолади.

Белгиланишича, Давлат тилини ривожлантириш департаменти ташкил этилиши муносабати билан қўшимча ажратилаётган штат бирликлари Президент администрациясининг 5 та штат бирликларини қисқартириш ҳисобидан киритилади.

Ўзбекистон Президентининг 2022 йил 21 декабрдаги “Янги Ўзбекистон маъмурий ислоҳотларини амалга ошириш чора-тадбирлари тўғрисида”ги ПФ-269-сон фармонига ўзгартириш киритилади.

Telegram | Instagram | Facebook

1 майдан қонунчиликда нималар ўзгаради?

➖ Бюджет ташкилотлари ходимларининг иш ҳақи миқдори 7 фоизга оширилади;

➖ Маъмурий жарималарни 15 кун ичида тўлаганлик учун чегирма миқдори оширилади;

➖ Айрим тоифадаги фуқароларга бепул юриш ҳуқуқини берувчи имтиёзли транспорт карталари берилади;

➖ Айрим турдаги товарлар хариди учун қўшилган қиймат солиғи қайтариб берилади;

➖ “Метан-заправка”ларга онлайн камера ўрнатиш мажбурий бўлади;

➖ Янги “дом”ларнинг томига қуёш панеллари ўрнатиш мажбурий бўлади;

➖ Айримларга шифохонада бепул овқат берилади;

➖ Ҳалок бўлган ҳарбий хизматчининг яқинлари ижтимоий қўллаб-қувватланади;

➖ Раҳбар кадрлар учун инсон ҳуқуқлари ва гендер тенглик бўйича ўқув курслари жорий қилинади;

➖ Банк ҳисобварағини масофадан туриб очишга рухсат этилади.

Telegram | Instagram | Facebook

Ўзбекистонда истеъмолчиларга 1 трлн сўмдан ортиқ кешбэк тўлаб берилди

Солиқ қўмитаси хабарига кўра, март ойида 2,2 млн нафарга яқин истеъмолчилар томонидан 118 млрд сўмдан ортиқ кешбэк йиғилган. Айни пайтда 1,6 млн нафарга яқин истеъмолчига 76,3 млрд сўм тўлаб берилди.

Шунингдек, солиқ мобил иловаси орқали берилган жами кешбэклар 1 трлн 79 млрд сўмдан ошди.

Telegram | Instagram | Facebook

Бугун Президент Шавкат Мирзиёев иккинчи Тошкент халқаро инвестиция форумида иштирок этади. Давлатимиз раҳбари форумнинг ялпи мажлисида нутқ сўзлайди.

Сессияда Ислом тараққиёт банки президенти Муҳаммад бин Сулаймон ал-Жассир, Қирғизистон Вазирлар Маҳкамаси Раиси - Президент Администрацияси раҳбари Ақилбек Жапаров, БМТ Бош котибининг ўринбосари Ольга Алгаерова, Бирлашган Араб Амирликлари энергетика ва инфратузилма вазири Сухайл ал-Мазруий, Венгрия иқтисодий ривожланиш вазири Мартон Надь, "ACWA Power" компанияси бошқаруви раиси Муҳаммад Абдулла Абунайян ҳам қатнашади. Сессияга Европа тикланиш ва тараққиёт банкининг коммуникация масалалари бўйича директори Жонатан Чарльз модераторлик қилади.

Давлатимиз раҳбари форум доирасида қатор икки томонлама учрашувлар ўтказиши ҳам режалаштирилган.

Умуман, тадбирда 70 мамлакатдан келган 2,5 мингга яқин ишбилармон доиралар ва банк-молия соҳаси вакиллари иштирок этади.

Telegram | Instagram | Facebook

Халқаро конгресс марказида иккинчи Тошкент халқаро инвестиция форуми бошланмоқда. Президент Шавкат Мирзиёевнинг форум ялпи мажлисидаги нутқини "O`zbekiston 24" телеканалида ва қуйидаги ҳаволалар орқали жонли эфирда томоша қилинг:

▪️ YouTube

Telegram | Instagram | Facebook

Ўзбекистонда илк бор Халқаро тижорат суди фаолияти йўлга қўйилади

Бу ҳақда Шавкат Мирзиёев маълум қилди. Таъкидланишича, Инвесторлар ҳуқуқларини суд орқали кафолатли ҳимоя қилиш борасида катта қадамлар қўйилмоқда.

Бундан буён, тадбиркор ва инвесторлар судда ўз талабининг тўғрилигини исботлаши шарт эмас. Энди давлат идораси ўз қарорининг қонунийлигини исботлаб беришга мажбур бўлади. Юзага келган ҳар қандай ноаниқликлар эса инвесторлар фойдасига ҳал қилинади.

Қонунларда халқаро арбитраж судлари қарорларини мажбурий ижрога қаратиш механизмлари мустаҳкамлаб қўйилди.

"Жорий йилда ҳам тадбиркорлар ҳуқуқини ҳимоя қилиш бўйича ислоҳотларимиз давом эттирилади. Жумладан, халқаро экспертлар кўмагида тарихимизда илк бор Халқаро тижорат суди фаолияти йўлга қўйилади", — деди Ш.Мирзиёев.

Telegram | Instagram | Facebook

Президент ислоҳотлар жадал давом этиши, юртимизда бизнес эмин-эркин ривожланиши учун янада мустаҳкам ҳуқуқий пойдевор кераклигини кўрсатиб ўтди.

Яқин кунларда Янги Ўзбекистоннинг янгиланаётган Конституцияси бўйича умумхалқ референдуми ўтказилади.

Энг аввало, янги Конституцияда Ўзбекистон – суверен, демократик, ҳуқуқий, ижтимоий ва дунёвий давлат экани алоҳида белгиланмоқда. Барча ўзгартиришларнинг туб негизига “инсон ҳуқуқлари ва эркинликлари устувор” деган эзгу ғоя қўйилмоқда. Шунингдек, Конституциямизда илк бор қулай инвестиция ва ишбилармонлик муҳитини таъминлаш, мулк дахлсизлиги, бозор муносабатларини ривожлантириш ва ҳалол рақобат учун шарт-шароитлар яратиш, суд мустақиллиги бўйича давлат ўзига мажбуриятлар олмоқда.

“Ҳеч шубҳасиз, янги Конституция – биз бошлаган ислоҳотларни изчил давом эттириб, энг муҳими, уларга ортга қайтмайдиган тус бериши муқаррар”, - деди президент.

Telegram | Instagram | Facebook

Шавкат Мирзиёев:

“Биз Жаҳон савдо ташкилотига қўшилиш борасидаги ишларни жадаллаштиряпмиз. ЖСТ талаблари ислоҳотларимиз мазмунига тўла мос ва биз ушбу нуфузли ташкилотга тезроқ аъзо бўлиб киришдан манфаатдормиз”.

II Тошкент халқаро инвестиция форумидаги нутқдан

Telegram | Instagram | Facebook

Андижон, Наманган, Бухоро ва Урганч аэропортлари бошқаруви хусусий секторга топширилади

“Биз транспорт соҳасида рақобат муҳитини яратишга қаратилган ислоҳотларни давом эттирамиз. Бу йил Андижон, Наманган, Бухоро ва Урганч аэропортлари бошқарувини ҳам хусусий секторга топширамиз.

Темир йўл соҳасида ҳам катта ўзгаришларни бошлаяпмиз ва бунда инвесторлар фаол иштирок этишларини сўраб қоламан”, — деди Шавкат Мирзиёев.

Шунингдек, бу йил Ўзбекистонда давлат мулкини хусусийлаштириш бўйича “1 минг + 1 минг + 40” дастури қабул қилингани айтилди.

Бу 1 мингта корхонадаги давлат улушлари ҳамда яна 1 мингта давлатга тегишли кўчмас мулк объектлари очиқ аукцион савдоларига чиқарилади, иқтисодиётимиз учун стратегик аҳамиятга эга 40 та корхона IPO га олиб чиқилади дегани. Жумладан, олтин, мис ишлаб чиқарувчи йирик корхоналар, телекоммуникация ва суғурта компаниялари ҳамда банклар акциялари инвесторларга таклиф этилади.

Telegram | Instagram | Facebook

Шавкат Мирзиёев инвесторларга: “Сизларга президент сифатида кафолат бераман”

“Сизлар ўзингиз истаган тинчлик ва барқарорлик, қулай инвестиция муҳити ҳамда зарур кафолатларни айнан бизнинг юртимизда топасиз”, – деди президент Тошкент инвестфоруми иштирокчиларига қарата.

Telegram | Instagram | Facebook

1 майдан қонунчиликда нималар ўзгаради?

➖ Бюджет ташкилотлари ходимларининг иш ҳақи миқдори 7 фоизга оширилади;

➖ Маъмурий жарималарни 15 кун ичида тўлаганлик учун чегирма миқдори оширилади;

➖ Айрим тоифадаги фуқароларга бепул юриш ҳуқуқини берувчи имтиёзли транспорт карталари берилади;

➖ Айрим турдаги товарлар хариди учун қўшилган қиймат солиғи қайтариб берилади;

➖ “Метан-заправка”ларга онлайн камера ўрнатиш мажбурий бўлади;

➖ Янги “дом”ларнинг томига қуёш панеллари ўрнатиш мажбурий бўлади;

➖ Айримларга шифохонада бепул овқат берилади;

➖ Ҳалок бўлган ҳарбий хизматчининг яқинлари ижтимоий қўллаб-қувватланади;

➖ Раҳбар кадрлар учун инсон ҳуқуқлари ва гендер тенглик бўйича ўқув курслари жорий қилинади;

➖ Банк ҳисобварағини масофадан туриб очишга рухсат этилади.

Telegram | Instagram | Facebook

Кличханов Илхом Махмуджонович Тошкент вилоятининг Нурафшон шаҳар ҳокими этиб тайинланди.

Тайинловга қадар Қурилиш ва уй-жой коммунал хўжалиги соҳасида назорат қилиш инспекцияси бошлиғи ўринбосари лавозимида фаолият юритган.

Telegram | Instagram | Facebook

Президент Шавкат Мирзиёев Германия Федерал Президенти Франк-Вальтер Штайнмайернинг таклифига биноан 2-3 май кунлари ташриф билан ушбу мамлакатда бўлади.

Telegram | Instagram | Facebook