1 апрелдан бошлаб:

➖ маҳаллий ишлаб чиқарилган барча техникалар хариди учун 15 фоиз субсидия берилади (ҳозир фақат Чирчиқ кластерида ишлаб чиқарилган техникаларга татбиқ этилади);

➖ импорт қилинган техникалар уч йил муддатга божхона божи ва утилизация йиғимидан озод қилинади, улар бўйича қўшилган қиймат солиғини кечиктириб (9 ой давомида) тўлашга рухсат берилади (ушбу имтиёзлар ҳозир фақат пахтачилик ва чорвачилик техникаларида бор);

➖ техника хариди учун 10 йил муддатга 10 фоизлик кредитлар ажратилади.

Telegram | Instagram | Facebook

❗️Мажбурий аттестацияга жалб этилмайдиган педагог кадрлар рўйхати кенгайтирилди

"Таълим ташкилотлари педагог кадрларини аттестациядан ўтказиш тартибини такомиллаштириш бўйича қўшимча чора-тадбирлар тўғрисида"ги Ҳукумат қарори (120-сон, 23.03.2023 й.) қабул қилинди

▪️Қарорга кўра, 2023 йил 1 апрелдан қуйидагилар мажбурий аттестацияга жалб этилмайди:

▫️педагогик фаолият бўйича 25 йил ва ундан кўп иш стажига эга педагог ходимлар;

▫️ёшга доир пенсияга чиқиши учун 5 йилдан кўп бўлмаган муддат қолган педагог ходимлар.

Telegram | Instagram | Facebook

Шавкат Умурзоқов Тошкент шаҳар ҳокими вазифасини бажарувчи этиб тайинланди. Бунгача у “Ўзавтосаноат” АЖ раиси лавозимида фаолият юритган.

Эслатиб ўтамиз, пойтахтнинг аввалги ҳокими Ж.Ортиқхўжаев қиш мавсумига лозим даражада тайёргарлик кўрмагани учун лавозимидан озод этилган эди.

Telegram | Instagram | Facebook

Бугун депутатлар томонидан кейинги вақтларда қизғин муҳокамаларга сабаб бўлган муҳим қонун қабул қилинди ва Сенатга юборилди.

Хотин-қизлар ва болаларни турли хил зўравонлик, таҳдидлардан ҳимоя қилишни кучайтиришга қаратилган қонун лойиҳаси кенг жамоатчилик вакиллари, мутахассис ва экспертлар билан ҳамкорликда маромига етказилди.

Лойиҳа билан киритиладиган янгилик: Жиноят Кодексида "Оилавий (маиший) зўравонлик", “шаҳвоний шилқимлик” сингари ҳуқуқбузарликлар учун муайян жиноий жавобгарлик жазолари белгиланди.

Саида Мирзиёеванинг фикрига кўра, бу нафақат Ўзбекистон аёлларининг, балки барча тафаккурли, илғор инсонларнинг ғалабаси.

Telegram | Instagram | Facebook

❗️Президент ҳузуридаги Давлат хизматини ривожлантириш агентлиги (АРГОС) давлат хизматчилари учун навбатдаги сиёсий-маърифат соатини тақдим этди.

▫️ Ушбу соатнинг асосий мавзуси — Конституциянинг ягона манбаи ва муаллифи — халқдир.

▪️ Кўриш

Telegram | Instagram | Facebook

Тарихда илк бор қорақалпоқ тили БМТ минбарида янгради

Саида Мирзиёева сув масалалари бўйича БМТ анжуманида шоир Иброҳим Юсуповнинг элегиясидан бир парча ўқиб берди.

Тоғлар чўкиб, ерга кирмаган чиқар,
Юлдузлар ҳам бирдан сўнмаган чиқар.
Бу дунё ҳечқачон кўрмаган чиқар
Бир майдонда денгиз қуриб қолганин..

Telegram | Instagram | Facebook

Розуқулов Улуғбек Убайдуллаевич “Ўзавтосаноат” акциядорлик жамияти бошқаруви раиси этиб тайинланди.

У Ўзбекистоннинг Индонезия, Вьетнамдаги элчиси сифатида ишлаб келаётган эди. У. Розуқулов Ўзбекистон бош вазири ўринбосари — «Ўзавтосаноат» раҳбари сифатида ҳам фаолият юритган.

Telegram | Instagram | Facebook

❗️Эртага 25 март (шанба) барча учун иш куни

Президент Фармонига кўра, 25 март шанба дам олиш куни 22 март чоршанба кунига кўчирилган. Шу муносабат билан, 25 март, шанба, иш ҳафтаси туридан қатъи назар, барча ходимлар учун иш куни ҳисобланади.

Telegram | Instagram | Facebook

Мактабгача таълим агентлиги директорига ўринбосарлар тайинланди

Вазирлар Маҳкамасининг тегишли қарорига кўра:

➖Фаррух Ахмеджонович Бобоев Мактабгача ва мактаб таълими вазирлиги ҳузуридаги Мактабгача таълим агентлиги директорининг биринчи ўринбосари этиб;

➖Оятилло Зикриллаевич Рахматиллаев Мактабгача ва мактаб таълими вазирлиги ҳузуридаги Мактабгача таълим агентлиги директорининг ўринбосари этиб;

➖Нодир Хожиевич Муслитдинов Мактабгача ва мактаб таълими вазирлиги ҳузуридаги Мактабгача таълим агентлиги директорининг ўринбосари этиб тайинланди.

Telegram | Instagram | Facebook

Адлия катта маслаҳатчиси Бектош Сайипов Қашқадарё вилояти прокурори лавозимига тайинланди.

Б.Сайипов тайинловга қадар Наманган вилояти прокурори лавозимида ишлаган.

Telegram | Instagram | Facebook

83 ёшли Инобат ая Жўраева Фарғона вилояти Данғара туманининг Қумқияли қишлоғида яшайди.

Республика ишчи гуруҳи аъзолари бу маҳаллада ҳам уйма-уй ўрганишлар олиб бораётганда, тасодифан Инобат ая билан учрашиб қолишди. Бир умр далада меҳнат қилган онахон масъулларга ҳеч бир масалада мурожаат қилгани йўқ. Салом-алик, “ҳорманг-бор бўлинг...”дан бошланган гурунгда гап айланиб, Инобат аядан “35 йил пилла боқибсиз, ҳеч санаторияга борганмисиз?”, деб сўралди.

▪️Давоми видеороликда

Telegram | Instagram | Facebook

1 апрелдан бошлаб:

➖ маҳаллий ишлаб чиқарилган барча техникалар хариди учун 15 фоиз субсидия берилади (ҳозир фақат Чирчиқ кластерида ишлаб чиқарилган техникаларга татбиқ этилади);

➖ импорт қилинган техникалар уч йил муддатга божхона божи ва утилизация йиғимидан озод қилинади, улар бўйича қўшилган қиймат солиғини кечиктириб (9 ой давомида) тўлашга рухсат берилади (ушбу имтиёзлар ҳозир фақат пахтачилик ва чорвачилик техникаларида бор);

➖ техника хариди учун 10 йил муддатга 10 фоизлик кредитлар ажратилади.

Telegram | Instagram | Facebook

1 апрелдан бошлаб IT таълим марказлари ва уларнинг битирувчилари учун янги шароитлар яратилади

▪️Жумладан:

➖ўз битирувчиларини IT хизматларни экспорт қилувчи компанияларга ишга жойлаштирса, марказларга ҳар бир мутахассис учун 25 миллион сўмгача, ногиронлиги бўлган ёшларга эса 35 миллион сўмгача субсидия берилади;

➖IT сертификати бор ёшларга компьютер хариди учун 7,5 миллион сўм миқдоридаги имтиёзли кредит ҳамда Маҳаллабай ишлаш ва Ёшлар агентликлари, Бандлик жамғармаси томонидан берилаётган субсидия уларнинг шахсий пластик картасига ўтказиб берилади.

Telegram | Instagram | Facebook

Иқтисодиёт ва молия вазири Шерзод Кудбиев ижтимоий тармоқларда кенг муҳокамага сабаб бўлаётган (“Yandex Go“ Ўзбекистон солиқ юрисдикциясига қайтарилиши масаласи ҳамда “Open Budget“ платформасида ташаббуслар учун овоз бериш механизмига ўзгартиришлар киритиш борасидаги) хабарларга муносабат билдирди

Telegram | Instagram | Facebook

Абдулла Қодирийнинг “Ўткан кунлар“ романи бош қаҳрамонлари — Отабек ва Кумушнинг тахминий кўриниши Midjourney нейротармоғи сунъий интеллекти орқали яратилди.

Telegram | Instagram | Facebook

Педагогларни мажбурий меҳнатга жалб қилганлик учун алоҳида жиноий жавобгарлик белгиланди

Бугун Шавкат Мирзиёев педагог ходимларнинг хизмат вазифаларини бажаришига тўсқинлик қилганлик учун жавобгарликни кучайтиришни кўзда тутувчи қонунни имзолади.

Унга кўра, педагог ходимни меҳнатга бирон-бир шаклда маъмурий тарзда мажбурлаш учун маъмурий ва жиноий жавобгарликлар кучайтирилмоқда. Жумладан, умумий ҳолатда бирор шахсни мажбурий меҳнатга жалб этиш 30 млн сўмгача (100 баравар) жаримага сабаб бўлса, эндиликда педагогларни мажбурий меҳнатга жалб қилиш 45 млн сўмгача (150 баравар) жарима билан жазоланиши мумкин.

Жиноят кодексида ҳам педагогларга қарши ҳаракат учун алоҳида жиноий жавобгарлик белгиланди ва жазо кучайтирилди. Яъни педагог ходимни меҳнатга бирон-бир шаклда маъмурий тарзда мажбурлаш учун, агар худди шундай қилмиш учун маъмурий жазо қўлланилганидан кейин содир этилган бўлса, 45 млн сўмдан 60 млн сўмгача жарима ёки 3 йилгача муайян ҳуқуқдан маҳрум қилиш ёхуд 3 йилгача ахлоқ тузатиш ишлари жазоси белгиланди.

Шунингдек, таълим ташкилоти педагог ходимининг касбий фаолиятига қонунга хилоф равишда аралашиш ёки ўз хизмат вазифаларини бажаришига тўсқинлик қилиш учун ҳам маъмурий жавобгарлик кучайтирилди. Эндиликда бу қилмиш учун фуқароларга 2,1 млн сўмдан 4,5 млн сўмгача жарима, мансабдор шахсларга эса 3 млн сўмдан 6 млн сўмгача жарима белгиланмоқда.

❗️Эътиборли жиҳати, илгари педагогнинг фаолиятига ноқонуний аралашиш учун фақат жарима жазоси белгиланганди. Эндиликда ушбу қилмишни такроран содир этган мансабдор шахсларга 15 суткагача маъмурий қамоқ белгиланиши мумкин.

Telegram | Instagram | Facebook

​​Саноат сиёсати тадқиқотлари маркази ташкил этилади

Бу ҳақда Шавкат Мирзиёев иштирокида ўтказилган йиғилишда маълум қилинди. Таъкидланишича, мамлакатдаги қулай бизнес муҳити самарасида сўнгги йилларда чет эл корхоналари 5 мингтадан 16 мингтага кўпайди. Ҳар бир туман ва шаҳарга тўғридан-тўғри хорижий инвестициялар кириб келди.

Йил бошидан 764 миллион доллар хорижий инвестиция ўзлаштирилгани, 1,3 мингта йирик ва ўрта лойиҳалар ишга туширилгани қайд этилди. Экспорт 3 миллиард долларни ташкил қилган.

Президент бу натижалар етарли эмаслигини, дунёдаги ҳозирги мураккаб вазиятда икки карра кўпроқ ҳаракат қилиш кераклигини таъкидлади.

Шу боис президент ишга тушадиган лойиҳалар ижросини ҳудудлар ва тармоқлар кесимида кунлик назорат қилиб, муаммоларни ҳал қилиб бориш зарурлигини таъкидлади. 304 та йирик ва 3 мингта ҳудудий лойиҳаларни ишга туширилиши натижасида шу йилнинг ўзида 10 триллион сўмлик маҳсулотлар ишлаб чиқариш ва 200 миллион долларлик экспорт қилиш имкониятлари мавжуд.

Юқори технологик ва қўшилган қийматли маҳсулотларни маҳаллийлаштиришга қаратилган лойиҳаларни молиялаштириш тизимини жорий қилиш, Инвестициялар, саноат ва савдо вазирлигида Саноат сиёсати тадқиқотлари марказини ташкил этиш бўйича топшириқлар берилди.

Telegram | Instagram | Facebook

“Эл-юрт умиди“ жамғармаси иқтидорли ва истиқболли ёшлар учун 2023 йилга 500 ўринга (бакалавриат таълим дастури учун 75 ўрин, магистратура учун 275 ўрин, докторантура учун 150 ўрин) мўлжалланган стипендиялар дастурига очиқ танлов эълон қилади.

Telegram | Instagram | Facebook

2023 йил 1 апрелдан бошлаб ҳалок бўлган ҳарбий хизматчи оила аъзоларига марҳумнинг охирги эгаллаган лавозими бўйича маоши ва ҳарбий унвони маошининг 150 баравари миқдорида бирйўла нафақа берилади.

Ҳалок бўлган ҳарбий хизматчи оиласига давлат мажбурий шахсий суғуртаси доирасида суғурта суммаси БҲМнинг 200 баравари миқдорида тўланади.

Тураржой билан биринчи навбатда таъминланади. Узоқ муддатли имтиёзли ипотека кредитларини олиш ҳуқуқи сақлаб қолинади.

Ҳалок бўлган ҳарбий хизматчининг турмуш ўртоғи, ота-онасидан бирига ижара ҳақи ҳар ой қоплаб берилади.

Фарзандлари боғчадан тортиб университетгача бепул таълим олишлари мумкин.

Президент фармони

Telegram | Instagram | Facebook

32 тоифадаги озиқ-овқат маҳсулотлари импортига божларнинг бекор қилиниши халқимизга нима беради?

Telegram | Instagram | Facebook