Ўзбекистон ва Қирғизистон фуқароларига ID-карта орқали чегарани кесиб ўтиш имконияти яратилди

Шавкат Мирзиёевнинг Қирғизистонга давлат ташрифи давомида Ўзбекистон ва Қирғизистон Ҳукуматлари ўртасида 2006 йил 3 октябрда имзоланган битимга ўзгартириш киритилди.

Унга кўра, эндиликда Ўзбекистоннинг барча фуқаролари Қирғизистонга, худди шундай Қирғизистон фуқаролари Ўзбекистонга ID-карта орқали киришлари мумкин бўлади.

Натижада фуқароларнинг чегарадан кириш-чиқиши ҳақидаги маълумотлар электрон тарзда қайд этилади, паспортга штамп босишга ҳожат қолмайди.

Ушбу янги тартиб исталган турдаги транспорт орқали чегарани кесиб ўтишда амал қилади.

@segmentuz

2023 йил 31 январь куни соат 10.00 да Бухоро вилоят суди биносида 2022 йил 1-2 июль кунлари Нукус шаҳридаги оммавий тартибсизликларни содир этганликда айбланаётган 22 нафар судланувчига оид жиноят ишини кўриб чиқиш якуни бўйича суд қарори эълон қилинади.

@segmentuz

Ўзбекистонда ўртача иш ҳақи қарийб 4 млн сўмга етди

Ўзбекистонда 2022 йилда ўртача иш ҳақи 2021 йилга нисбатан 21,1 фоизга ошиб, 3,8 млн сўмни ташкил этди.

Республика бўйича ҳудудлар кесимида энг юқори иш ҳақи Тошкент (6,3 млн) шаҳри ҳамда Навоий (5,1 млн) вилоятларига тўғри келди. Шунингдек, энг кам иш ҳақи Фарғона (2,9 млн сўм) вилоятида қайд этилди.

Ўзбекистонда энг юқори маошни банк, суғурта ва лизинг соҳалари ходимлари олади — 10,8 млн сўм. Энг паст кўрсаткич эса таълим (2,7 млн) ҳамда соғлиқни сақлаш ва ижтимоий хизматлар (2,6 млн) соҳаларида қайд этилган.

@segmentuz

Президент Шавкат Мирзиёев ташрифининг самарали натижалари Ўзбекистон-Қирғизистон муносабатларидаги юксак даражанинг намунаси бўлди

@segmentuz

Акмал Бурхонов, Коррупцияга қарши курашиш агентлиги директори:

«Давлат идоралари ва ташкилотлари, шу жумладан, давлат улуши бўлган корхоналар ўзларининг пиар кампанияси учун сарфлаётган маблағлари тўғрисидаги маълумотлар ҳамда уларнинг ҳуқуқий асоси ва манбасини жамоатчиликка очиқлаши зарур».

@segmentuz

2023 йил 1 февралдан:

Адвокатлик тузилмалари томонидан адвокатларга муайян ишни олиб бориш учун бериладиган анъанавий шаклдаги ордер мақомига тенг бўлган махсус QR-код қўйилган “Электрон адвокатлик ордери” берилади.

Шунингдек:

➖ ушбу ордер ҳақидаги маълумотни “Юридик ёрдам” ахборот тизимига киритиш мажбурий ҳисобланади;

➖ адвокат сўрови шаклига қўйилган талаблар, шу жумладан, унга ордернинг кўчирма нусхасини илова қилиш, ордерни қайд этиш дафтарини юритиш талаблари бекор қилинади.

@segmentuz

⚡️ Метан “заправка”лар босқичма-босқич ишга тушишни бошлайди

Маълумотларга кўра, бугун — 30 январдан бошлаб айрим AГТКС (метан қўйиш шохобчалари) фаолияти қайта тикланган.

AГТКСлар ҳозирча маълум график асосида ишлаб туради, газ босими меъёрига келишига қараб (тахминан 2-3 кунда) республикадаги барча шохобчалар одатдаги режимда фаолият юритиши кутилмоқда.

@segmentuz

⚡️ Лолагул Қаллиханова озодликка чиқарилди

Бухорода бўлиб ўтаётган суд жараёнида журналист Лолагул Каллиханова оқлангани ва шу заҳоти суд залидан озодликка чиқарилиши маълум қилинди.

@segmentuz

⚡️Азамат Нуратдинов ва Ахмет Сметуллаев оқланди

Нукус воқеалари бўйича судда гумондорлар Азамат Нуратдинов ва Ахмет Сметуллаев оқланди ва шу заҳоти суд залидан озодликка чиқарилди.

@segmentuz

Жаҳонгир Ортиқхўжаевнинг сенаторлик ваколати муддатидан аввал тугатилди

Марказий сайлов комиссияси Тошкент шаҳрининг собиқ ҳокими Жаҳонгир Ортиқхўжаевни Олий Мажлис Сенати аъзолари рўйхатидан чиқариш тўғрисида қарор қабул қилди.

@segmentuz

⚡️ Давлетмурат Тажимуратов 16 йилга озодликдан маҳрум қилинди

У уюшган гуруҳ ташкил қилиб, Қорақалпоғистон Республикасининг амалдаги ҳукуматини ағдариб, ўзини Жўқорғи Кенгес раиси лавозимига тайинлаш мақсадида жорий йилнинг 1-2 июл кунлари оммавий тартибсизликларни ташкиллаштиришда айбланганди.

Судда прокурор Тажимуратовга 18 йил беришни сўраганди.

@segmentuz

Президент қарори билан:

➖ Комилжон Каримов олий таълим, фан ва инновациялар вазирининг биринчи ўринбосари лавозимига;

➖ Шахлохон Турдикулова олий таълим, фан ва инновациялар вазирининг ўринбосари лавозимига;

➖ Сарвархон Бузрукхонов олий таълим, фан ва инновациялар вазирининг ўринбосари лавозимига;

➖ Олимжон Тўйчиев Олий таълим, фан ва инновациялар вазирлиги ҳузуридаги Инновацион ривожланиш агентлиги директори лавозимига;

➖ Маджит Каримов Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги директори лавозимига тайинланди.

🔹 Садоқат Сиддиқова бошқа ишга ўтиши муносабати билан олий ва ўрта махсус таълим вазирининг ўринбосари лавозимидан озод этилди.

@segmentuz

Президент қарори билан:

➖ Усман Шарифходжаев мактабгача ва мактаб таълими вазирининг биринчи ўринбосари лавозимига;

➖ Темуржон Комилов мактабгача ва мактаб таълими вазирининг ўринбосари лавозимига;

➖Дилшод Кенжаев мактабгача ва мактаб таълими вазирининг ўринбосари лавозимига;

➖ Узокбой Бегимкулов мактабгача ва мактаб таълими вазирининг ўринбосари лавозимига;

➖ Алишер Уббиев мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги директори лавозимига тайинланди.

🔹 Баходиржон Онорбоев бошқа ишга ўтиши муносабати билан мактабгача таълим вазирининг биринчи ўринбосари лавозимидан;

🔹 Нодир Муслитдинов бошқа ишга ўтиши муносабати билан мактабгача таълим вазирининг ўринбосари лавозимидан;

🔹 Иброхим Джураев бошқа ишга ўтиши муносабати билан халқ таълими вазирининг ўринбосари лавозимидан;

🔹 Вохобжон Ражапов бошқа ишга ўтиши муносабати билан халқ таълими вазирининг ўринбосари лавозимидан озод этилди.

@segmentuz

Президент қарори билан:

➖ Баходир Ахмедов маданият ва туризм вазирининг ўринбосари лавозимига;

➖ Муроджон Маджидов маданият ва туризм вазирининг ўринбосари лавозимига;

➖ Фирдавс Абдухаликов Маданият ва туризм вазирлиги ҳузуридаги Кинематография агентлиги директори лавозимига;

➖ Рустамбек Курбанов Маданият ва туризм вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси раиси лавозимига тайинланди.

🔹 Бахтиёр Ибрагимов бошқа ишга ўтиши муносабати билан туризм ва маданий мерос вазирининг ўринбосари лавозимидан;

🔹 Нусратилла Зикриллаев бошқа ишга ўтиши муносабати билан туризм ва маданий мерос вазирининг ўринбосари лавозимидан;

🔹 Ботиржон Шахриёров бошқа ишга ўтиши муносабати билан туризм ва маданий мерос вазирининг ўринбосари лавозимидан;

🔹 Умиджон Қўқонбоев бошқа ишга ўтиши муносабати билан маданият вазирининг ўринбосари лавозимидан озод этилди.

@segmentuz

Президент қарори билан:

➖ Абдурахман Абдувалиев Транспорт вазирлиги ҳузуридаги Автомобиль йўллари қўмитаси раиси лавозимига;

➖ Тахир Назаров Транспорт вазирлиги ҳузуридаги Фуқаро авиацияси агентлиги директори лавозимига;

➖ Дониёр Ахмедов Транспорт вазирлиги ҳузуридаги Темир йўлларда юк ва йўловчилар ташиш хавфсизлигини назорат қилиш инспекцияси бошлиғи лавозимига;

➖ Фахриддин Салихов Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси бошлиғи лавозимига тайинланди.

@segmentuz