«Суверенитетимизга қандайдир таҳдид умуман йўқ». Энергетика вазирлиги Россия билан имзолаган “йўл харитаси” бўйича ахборот берди

«Ўзбекистон Энергетика вазирлиги ва «Газпром» компанияси ўртасида газ соҳасида ҳамкорлик бўйича “Йўл харитаси”га мувофиқ томонлар ўртасида тузилган Ишчи гуруҳ Қозоғистон ва Ўзбекистон ҳудудидан ўтувчи “Ўрта Осиё – Марказ” газ қувури орқали газ транзитини амалга ошириш учун зарур бўладиган техник чора-тадбирларни ва ўрганишни келишиб олинди.

Ишчи гуруҳ техник жиҳатдан барча ишларни якунлагандан сўнг, табиий газни етказиб бериш бўйича асосий шартларни муҳокама қилинади.

❗️ Шуни алоҳида таъкидаш лозимки, олиб борилган музокаралар ҳамда “Йўл харитаси”да Ўзбекистоннинг мавжуд газ транспорти тизимига эгалик ҳуқуқини тўлиқ сақлаган ҳолда ички бозорга табиий газ зарур миқдорларда етказиб бериш мақсад қилинган. Бунда газ транспорт тизими кимгадир берилиши ёки суверенитетимизга қандайдир таҳдид умуман йўқ.

Келгусида ушбу йўналишдаги барча ишлар Ўзбекистоннинг миллий манфаатларини тўлиқ ҳимоя қилган ҳолда амалга оширилиб, натижалари юзасидан доимий равишда жамоатчиликка маълум қилиб борилади».

@segmentuz

❗️2022 йилда Ўзбекистонда камбағаллик даражаси 17 фоиздан 14 фоизга тушди

Бу ҳақда Шавкат Мирзиёев раислигида ўтган йиғилишда айтилди. Таъкидланишича, ҳоким ёрдамчилари 1 миллион аҳолини касб-ҳунарга ўқитиб, тадбиркорлигини бошлашга кўмаклашгани, даромадли иш билан банд қилгани муҳим омил бўлгани қайд этилди.

Шу даврда 200 мингга яқин тадбиркорлик субъекти ташкил қилинди, 10 мингта корхона фаолияти кенгайтирилди, 11 мингта корхона қуввати тикланди.

@segmentuz

Оилавий тадбиркорликни янада рағбатлантириш мақсадида молиявий кўмак кўлами кенгайтирилади:

➖ тадбиркорлар фаолиятини кенгайтириш учун кредит миқдори амалдаги 225 миллион сўмдан 300 миллион сўмгача оширилади;

➖ деҳқон хўжаликларига гаровсиз кредит миқдори 50 миллион сўмгача оширилади (амалда 33 миллион сўм);

➖ аввал оилавий тадбиркорлик дастурлари доирасида кредит олиб, яхши натижа кўрсатган тадбиркорлар ушбу дастурлар доирасида яна имтиёзли кредитлар олиши мумкин бўлади (ҳозир фақат бир марта олиш мумкин);

➖ кредитларнинг бир қисмини пластик картага олишга рухсат берилади.

2023 йилда оилавий тадбиркорлик дастурига 12 триллион сўм берилади (2022 йилда – қарийб 10 триллион сўм). Президент яқинда имзолаган қарорга кўра, оилавий тадбиркорликка қўшимча 300 миллион доллар ажратилади.

@segmentuz

Сурхондарёнинг 13 та туманида ҳокимлар ўзгарди

Сурхондарё вилоятининг 13 та туманида 25 январь куни ҳокимлар ўзгариши амалга оширилди.

Унга кўра, 2 та ротация, 11 та республика даражасидаги ташкилотлар ва Тошкент шаҳрида фаолият юритаётган кадрлар лавозимга тайинланди.

@segmentuz

UzAuto Motors қиммат моделлари учун контрактацияни тиклади

ҚҚС пасайгани ҳисобига Malibu 10 млн сўмга арзонлашган:
🔹Malibu LTZ/АТ 2,0 Turbo Premier – 395 311 840 сўм (етказиб бериш муддати: 31.03.2023)

ҚҚС пасайганига қарамай, Tracker 2,1–2,6 млн сўмга қимматлашган:
🔹Tracker Turbo 1.2 LS AT – 211 454 880 сўм (31.08.2023)
🔹Tracker Turbo 1.2 LTZ AT – 231 196 000 сўм (30.06.2023)
🔹Tracker Premier 2023 AT – 251 142 080 сўм (31.07.2023)

ҚҚС пасайганига қарамай, Tahoe ва Traverse 5 фоизга қимматлашган:
🔹Tahoe Premier – 1 109 274 880 сўм (31.07.2023)
🔹Traverse Premier – 734 530 720 сўм (30.06.2023)

@segmentuz

Шавкат Мирзиёев Қирғизистонга жўнаб кетди

Шавкат Мирзиёев Садир Жапаровнинг таклифига биноан давлат ташрифи билан Қирғизистонга жўнаб кетди.

Ўзбекистон Президенти Бишкек шаҳрига етиб келиш билан иккита қисқа фольклор-мусиқий намойиш ўтказилиши кўзда тутилмоқда.

Шунингдек, давлат ташрифининг расмий тадбирларини ўтказиш 27 январга мўлжалланган.

@segmentuz

Ўзбекистон энергетика вазири Жўрабек Мирзамаҳмудов Россия билан газ импорти масаласида тузилган йўл харитаси бўйича изоҳ берди:

«Бу Россиядан табиий газни импорт қилиш бўйича чора-тадбирларни кўзда тутувчи йўл харитаси ҳисобланади. Яъни техник шартларни ўрганамиз, кейин техник имкониятлардан келиб чиқиб, тижорий нархлар бўйича келишсак, Россиядан газ импорт қилиш кўзда тутилади.

Газ қувурга киргандан кейин ҳамма истеъмолчиларга — аҳолига ҳам, барча ишлаб чиқарувчи корхоналарга ҳам тарқатамиз. Кеча журналистларга тушунтириш бердик, асосий мазмунини ҳам кўрсатдик, у ерда умуман газ транспорт тизимини хусусийлаштириш ёки бошқарувга бериш деган гап йўқ».

@segmentuz

Май ойигача Humo ва Uzcard интеграция қилинади

Марказий банк раиси Мамаризо Нурмуратов 2023 йилнинг май ойигача банкоматларда Humo ва Uzcard интеграция қилинишини маълум қилди.

Унинг таъкидлашича, интеграциянинг кечикиши айрим хизматлар бўйича комиссия билан боғлиқ масалаларни мувофиқлаштириш туфайли юзага келган.

@segmentuz

Ўзбекистонда 2022 йилда аҳолидан 11,9 млрд доллар сотиб олинди

Ўзбекистонга 2022 йилда хориждан 16,9 млрд долларлик пул ўтказмалари амалга оширилди. Бу 2021 йилга нисбатан 2,1 баробарга кўпроқдир.

Шунингдек, ушбу даврда банкларнинг аҳолидан валюта хариди ва аҳолига валюта сотуви ўртасидаги ижобий тафовут 2,9 млрд долларга тенг бўлди. Бунда, аҳолининг валюта сотуви 11,9 млрд долларни ва валюта хариди эса 8,9 млрд долларни ташкил қилди.

Бундан ташқари, Ўзбекистонда келгусида ёқилғи ва энергия ресурслари нархининг қимматлашиши кутилмоқда.

@segmentuz

Шавкат Мирзиёевни расмий кутиб олиш маросими бўлиб ўтди

Давлат ташрифи билан Қирғизистонда бўлиб турган Шавкат Мирзиёев расмий учрашувлар ўтказиш учун етиб келди. Олий мартабали меҳмонни Қирғизистон президенти Садир Жапаров кутиб олди.

@segmentuz

❗️Тошкентда бир йил ичида 17 нафар вояга етмаган бола ЙТҲ сабаб ҳалок бўлди

2022 йилда пойтахтда 1200 та йўл-транспорт ҳодисаси содир бўлган. Ҳисобот даврида ЙТҲ оқибатида ҳалок бўлганлар сони 136 нафарни ташкил этган, 1463 нафари тан жароҳати олган.

Йўл-транспорт ҳодисаларининг 32,5 фоизини пиёдалар иштирокидаги бахтсиз ҳодисалар ташкил этади. Болалар иштирокида 169 та ЙТҲ содир бўлган, бунинг оқибатида 56 нафар вояга етмаганлар тан жароҳати олган, 17 нафари вафот этган.

@segmentuz

Шавкат Мирзиёев ва Садир Жапаров Ўзбекистон ва Қирғизистон муносабатларини сифат жиҳатидан янги – кенг қамровли стратегик шериклик даражасига олиб чиқувчи Декларацияга имзо чекдилар.

Ҳужжатларни имзолаш ва алмашиш маросимида жами 25 та ҳужжат имзоланди. Шу жумладан:

➖ Ўзбекистон-Қирғизистон Давлат чегарасининг алоҳида участкалари тўғрисидаги шартноманинг ратификация ёрлиқларини алмашиш тўғрисида баённома;

➖ Қирғиз Республикасида автомобиль ва тижорат техникасини ишлаб чиқаришни йўлга қўйиш бўйича ҳамкорлик тўғрисида битим;

➖ Стратегик савдо-иқтисодий шериклик тўғрисида 2023-2025 йилларга мўлжалланган дастур;

➖ Фавқулодда вазиятларнинг олдини олиш ва бартараф этиш соҳасида ҳамкорлик тўғрисида битим;

➖ Фуқароларнинг ўзаро бориб-келишлари тўғрисидаги битимга Баённома;

➖ Чегараолди вилоятлар раҳбарлари кенгашини ташкил этиш тўғрисидаги меморандумга ўзгартиришлар киритиш тўғрисида Баённома.

@segmentuz

Ўзбекистон ва Қирғизистон фуқароларига ID-карта орқали чегарани кесиб ўтиш имконияти яратилди

Шавкат Мирзиёевнинг Қирғизистонга давлат ташрифи давомида Ўзбекистон ва Қирғизистон Ҳукуматлари ўртасида 2006 йил 3 октябрда имзоланган битимга ўзгартириш киритилди.

Унга кўра, эндиликда Ўзбекистоннинг барча фуқаролари Қирғизистонга, худди шундай Қирғизистон фуқаролари Ўзбекистонга ID-карта орқали киришлари мумкин бўлади.

Натижада фуқароларнинг чегарадан кириш-чиқиши ҳақидаги маълумотлар электрон тарзда қайд этилади, паспортга штамп босишга ҳожат қолмайди.

Ушбу янги тартиб исталган турдаги транспорт орқали чегарани кесиб ўтишда амал қилади.

@segmentuz

2023 йил 31 январь куни соат 10.00 да Бухоро вилоят суди биносида 2022 йил 1-2 июль кунлари Нукус шаҳридаги оммавий тартибсизликларни содир этганликда айбланаётган 22 нафар судланувчига оид жиноят ишини кўриб чиқиш якуни бўйича суд қарори эълон қилинади.

@segmentuz

Ўзбекистонда ўртача иш ҳақи қарийб 4 млн сўмга етди

Ўзбекистонда 2022 йилда ўртача иш ҳақи 2021 йилга нисбатан 21,1 фоизга ошиб, 3,8 млн сўмни ташкил этди.

Республика бўйича ҳудудлар кесимида энг юқори иш ҳақи Тошкент (6,3 млн) шаҳри ҳамда Навоий (5,1 млн) вилоятларига тўғри келди. Шунингдек, энг кам иш ҳақи Фарғона (2,9 млн сўм) вилоятида қайд этилди.

Ўзбекистонда энг юқори маошни банк, суғурта ва лизинг соҳалари ходимлари олади — 10,8 млн сўм. Энг паст кўрсаткич эса таълим (2,7 млн) ҳамда соғлиқни сақлаш ва ижтимоий хизматлар (2,6 млн) соҳаларида қайд этилган.

@segmentuz

Президент Шавкат Мирзиёев ташрифининг самарали натижалари Ўзбекистон-Қирғизистон муносабатларидаги юксак даражанинг намунаси бўлди

@segmentuz

Акмал Бурхонов, Коррупцияга қарши курашиш агентлиги директори:

«Давлат идоралари ва ташкилотлари, шу жумладан, давлат улуши бўлган корхоналар ўзларининг пиар кампанияси учун сарфлаётган маблағлари тўғрисидаги маълумотлар ҳамда уларнинг ҳуқуқий асоси ва манбасини жамоатчиликка очиқлаши зарур».

@segmentuz

2023 йил 1 февралдан:

Адвокатлик тузилмалари томонидан адвокатларга муайян ишни олиб бориш учун бериладиган анъанавий шаклдаги ордер мақомига тенг бўлган махсус QR-код қўйилган “Электрон адвокатлик ордери” берилади.

Шунингдек:

➖ ушбу ордер ҳақидаги маълумотни “Юридик ёрдам” ахборот тизимига киритиш мажбурий ҳисобланади;

➖ адвокат сўрови шаклига қўйилган талаблар, шу жумладан, унга ордернинг кўчирма нусхасини илова қилиш, ордерни қайд этиш дафтарини юритиш талаблари бекор қилинади.

@segmentuz