Президент фармони билан бир гуруҳ шахслар Биринчи ҳамда Иккинчи даражали Давлат мукофотлари билан тақдирланди

Биринчи даражали Давлат мукофотлари билан:

➖ фан ва техника соҳасида:

Санакулов Кувандик, Снитка Николай Павлович, Усманов Рустамжон, Эргашев Улугбек Абдурасулович, Мустакимов Отабек Маннабиевичга – “Технологик ва ишланиши мураккаб бўлган олтин таркибли маъданларни қайта ишлаш ва ўзлаштиришнинг комплекс технологияларини ишлаб чиқиш ва жорий этиш” бўйича илмий-амалий ишланмаси учун;

➖ адабиёт соҳасида:

Каримов Наим Фатиховичга – “Абдулла Қодирий замондошлари” асари учун;

➖ санъат ва меъморчилик соҳасида:

Аликулов Алишер Махмудовичга – Самарқанд вилоятидаги Имом Бухорий илмий-тадқиқот маркази ҳамда Тошкент шаҳридаги “Ғалаба боғи” ёдгорлик мажмуасида жойлашган “Шон-шараф” музейида ишланган маҳобатли рангтасвир асарлари учун.

Иккинчи даражали Давлат мукофотлари:

➖ фан ва техника соҳасида:

Квинт Владимир Львовичга – “Амир Темурнинг стратегик етакчилиги: “Тузуклар”га изоҳлар” илмий монографияси учун;

➖ санъат ва меъморчилик соҳасида:

Миртаджиев Джалалитдин Турсуновичга (марҳум) – мустақиллик йилларида Ўзбекистонда ва бир қатор хорижий мамлакатларда ишланган ҳайкалтарошлик асарлари учун;

Мухаммеддинов Нажимаддинга – “Гулла-яшна, Ўзбекистоним!” симфоник поэмаси, “Айжамал” балети ва “Гулойим” операсига ёзилган мусиқий композициялари учун берилди.

@segmentuz

⚡️Мактаб ўқувчилари учун II чоракнинг сўнгги куни 27 декабрга тўғри келиб, 28 декабрь куни қишки таътилнинг илк куни саналади.

Таътил 14 календарь кун давом этади ва III чорак 2023 йилнинг 11 январидан бошланади.

@segmentuz

Шавкат Мирзиёев 13 декабрь куни Тошкент шаҳрининг Учтепа туманида инфратузилма ва ижтимоий соҳа объектлари фаолияти билан танишади ҳамда фаоллар иштирокида йиғилиш ўтказади.

@segmentuz

❗️Тошкент шаҳрининг барча туманларида электр таъминотида чекловлар киритилади

Пойтахтнинг барча туманларида кунига 2 соатдан навбат билан электр энергияси ўчирилади.

Чекловлар жадваллари билан қуйидаги ҳаволалар орқали танишинг:

➖ Миробод тумани;

➖ Мирзо Улуғбек тумани;

➖ Яшнобод тумани;

➖ Учтепа тумани;

➖ Сергели тумани;

➖ Янгиҳаёт тумани;

➖ Бектемир тумани;

➖ Яккасарой тумани;

➖ Юнусобод тумани;

➖ Шайхонтоҳур тумани;

➖ Чилонзор тумани;

➖ Олмазор тумани.

❗️Агар 2 соатдан кўпроқ вақт давомида электр таъминоти йўқ бўлса, 1154 рақамига қўнғироқ қилинг.

@segmentuz

❗️Даволаш-профилактика муассасаларининг илмий даражага эга бўлган ходимларига қўшимча ҳақ тўлаш тартиби белгиланди

Вазирлар Маҳкамасининг қарори билан қўшимча ҳақ тўлаш тартиби тўғрисида низом тасдиқланди.

Низомга кўра:

➖ муассасаларнинг фан доктори (Doctor of Science), фан номзоди ёки фалсафа доктори (PhD) илмий даражасига эга бўлган ходимларига асосий иш жойи бўйича ҳар ойлик қўшимча ҳақ белгиланади.

Ходимга қўшимча ҳақ унинг жорий йил (календарь йил) мобайнидаги фаолияти натижалари таҳлилига асосан келгуси йил учун белгиланади.

▪️ Қўшимча ҳақ миқдори бир ойда — фан номзоди ёки фалсафа доктори илмий даражасига эга ходимлар учун лавозим маошининг 30 фоизидан ҳамда фан доктори илмий даражасига эга ходимлар учун лавозим маошининг 60 фоизидан ошмаслиги керак.

@segmentuz

Шавкат Мирзиёев:

➖ Мен бугун булар кўрсатган жойдан юрмадим. Мен сизлардан сўраб кўчага кирмайман. Бугун кирган жойимда тартибни кўрмадим. Наҳотки шуларни шунча ташкилот кўрмаса?! Қорлар вақтида куралмаган. Шу қадар музламаки, кексалар, ёш болалар юрса, йиқилиб жароҳат олади. Раҳбарлар қаёққа қараяпти, қани изланиш?

Президентнинг Тошкент шаҳри Учтепа тумани фаоллари билан учрашувидаги нутқидан

@segmentuz

Президент Учтепа тумани ҳокимига қатъий эътирозлар билдирди. «Сизлар ишламаганларинг учун давлат ёмонга чиқаяпти», деди давлат раҳбари.

@segmentuz

«Мен сизларга ишониб кабинетда ўтираман. Мана, қара, музлаб ётибди. Одамлар мана шундан норози» — Президент Учтепа тумани ҳокими Фарҳод Абдуллаевга танбеҳ берди

@segmentuz

Ўзбекистон Туркманистон билан қўшимча газ етказиб бериш бўйича келишувга эришгани айтилмоқда

Президент администрацияси раҳбари Сардор Умурзоқовнинг Ашхободга ташрифи чоғида қўшимча газ бериш бўйича келишувга эришилган ва шартнома имзоланган. Бу келишув орқали Ўзбекистон аҳолисининг табиий газ етишмовчилиги билан боғлиқ муаммолари ечим топиши мумкин.

@segmentuz

Ўзбекистонликлар янги йил байрамида неча кун дам олади?

Янги йил арафасида — 31 декабрь (шанба) — олти кунлик иш ҳафтаси бўлган ходимлар учун қўшимча ишланмайдиган кун белгиланади. 2023 йил 1 январь — янги йил — якшанба (тақвим бўйича байрам ва дам олиш куни) бўлади.

Анъанага кўра, давлат раҳбари ҳар йили ноябрь-декабрь ойларида расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисидаги қарорни имзолайди. Айнан ушбу ҳужжатда 2023 йил январь ойи учун қўшимча дам олиш кунлари белгиланиши мумкин. Шунда ўзбекистонликлар бир неча кун кетма-кет дам олишлари мумкин бўлади.

❗️Янги йил байрами учун дам олиш кунларида ўзгаришлар бўладими ёки йўқми, ҳозирча номаълум.

@segmentuz

Президент Шавкат Мирзиёев Учтепа туманида Тошкент шаҳри туманларини маҳаллабай ривожлантириш масалалари бўйича йиғилиш ўтказди.

Унда ижтимоий муаммоларни ҳал этиш масалаларига алоҳида эътибор қаратилди. Давлат раҳбари навбатдаги режалар, аҳолининг талаб-истаклари юзасидан маҳалла раислари билан суҳбатлашди.

Улардан келиб чиқиб, 44 та ижтимоий объектни таъмирлаш, болалар боғчаси, поликлиника, истироҳат боғи ташкил этиш чоралари белгиланди.

Тошкент шаҳридаги 12 та иссиқлик марказининг барчаси 1968-1986 йилларда қурилган бўлиб, ускуналари эскирган. Шу боис, улардан 9 таси негизида иссиқлик ва электр энергияси ишлаб чиқарувчи замонавий марказлар ташкил этилади. Натижада пойтахтимизда ҳар йили қўшимча 3 миллиард киловатт-соатдан зиёд электр энергияси ишлаб чиқарилади.

@segmentuz

Нима бўлганда ҳам тушкунликка тушмаслик керак. Ҳар қандай қийинчиликдан кейин албатта енгиллик келади. Ҳаёт мавжуд экан унда синов бўлади... Қийинчиликни енгиб ўтиш ва енгилликка етиб олиш йўлида ҳаммамизга сабот ва матонат тилагим келди...

“Менимча” кўрсатувининг 11 декабрдаги сонидан

@segmentuz