Якуний танлов натижалари (мандат) эълон қилинди

2022-2023 ўқув йили учун олий таълим муассасаларининг бакалавриат таълим йўналишларига кириш тест синовлари бўйича танлов натижалари (мандат) эълон қилинди.

@segmentuz

⚡️ Давлат олий таълим муассасаларининг барча босқич талабалари учун тўлов-контракт миқдорлари оширилмайди!

Президент Шавкат Мирзиёев топшириғига кўра, 2022/2023 ўқув йили учун барча йўналишлар бўйича тўлов-контракт миқдорлари оширилмайдиган бўлди.

Талабалар ва уларнинг ота-оналарига қулай шароитлар яратиш, глобал иқтисодий инқироз шароитида аҳолининг тўлов қобилиятини инобатга олган ҳолда, истисно тариқасида, 2022/2023 ўқув йили учун барча босқичдаги талабаларнинг тўлов-контракт асосида ўқитиш қиймати миқдорлари давлат олий таълим муассасалари, жумладан, молиявий мустақиллик берилган олий таълим муассасаларида ҳам, базавий тўлов-контракт қиймати 2021/2022 ўқув йили учун белгиланган миқдорларда сақлаб қолинади.

Шу билан бир қаторда, 2022/2023 ўқув йили табақалаштирилган тўлов-контракт миқдорлари ўтган ўқув йили учун белгиланган миқдорларда ўзгаришсиз қолади.

@segmentuz

❗️Бугун Президент Шавкат Мирзиёев Урганч шаҳрида буюк саркарда ва давлат арбоби Жалолиддин Мангуберди
ҳайкалининг тантанали очилиш маросимида иштирок этади.

@segmentuz

Нью-Йорк шаҳрининг Уолл-стрит кўчасида Ўзбекистон Мустақиллигининг 31 йиллигига бағишлаб Ўзбекистон байроғи кўтарилди.

@segmentuz

Инвестициялар ва ташқи савдо вазирининг биринчи ўринбосари Азиз Воитов қишлоқ хўжалиги вазири бўлиши кутилмоқда.

Парламентнинг қуйи палатаси депутатлари унинг номзодини маъқулладилар.

@segmentuz

Шавкат Мирзиёев: «Жалолиддин Мангуберди эл-юрт истиқлоли учун курашган, бунга ўз ҳаётини бағишлаган аждодларимизнинг буюк намояндасидир. Она юртга муҳаббат ва садоқат, ор-номус ва шон-шараф бобида унга тенг келадиган улуғ шахслар дунёда камдан-кам учрайди»

@segmentuz

Мустақиллик байрами муносабати билан ўзбекистонликлар 4 кун дам олади

Президентнинг 2021 йил 20 декабрдаги фармонига асосан бу йилги Мустақиллик байрами арафасида ўзбекистонликлар 4 кун кетма-кет дам олиши кутилмоқда:

• 1 сентябрь — пайшанба (ишланмайдиган байрам куни);

• 2 сентябрь — жума (қўшимча ишланмайдиган кун — иш ҳафтаси туридан қатъи назар);

• 3 сентябрь — шанба (қўшимча ишланмайдиган кун — олти кунлик иш ҳафтаси бўлган ходимлар учун);

• 4 сентябрь — якшанба (тақвим бўйича дам олиш куни).

@segmentuz

Урганчда Ал-Хоразмий шаҳарчаси қурилади. Президент таъкидлаганидек, бу шаҳарча ҳам худди Самарқанддаги «Буюк ипак йўли» халқаро туризм маркази сингари мамлакатимизнинг энг гўзал ва бетакрор масканларидан бирига айланади.

@segmentuz

⚡️ Ниагара шаршараси Ўзбекистон байроғи рангларига бурканади

1 сентябрь куни АҚШ ва Канада чегарасида жойлашган дунёга машҳур Ниагара шаршараси Ўзбекистон Мустақиллигининг 31 йиллиги шарафига республика миллий байроғи рангларига бурканади.

Жараённи Тошкент вақти билан 1 сентябрь 07:30 да жонли эфирда томоша қилиш мумкин.

@segmentuz

2022 йил 1 сентябрдан бошлаб «Ўзбекистон бўйлаб саёҳат қил!» дастури доирасида «Саёҳат қил ва кешбэк ишла» шиори асосида республика ҳудудлари бўйлаб ички саёҳатларни амалга оширган Ўзбекистон фуқароларига харажатлари бир қисми қайтариб берилади.

▪️Саёҳат харажатларини қайтариш ҳар бир туристга қуйидаги миқдорларда амалга оширилади:

➖ авиақатнов орқали бориб-келиш чиптаси нархи 15 фоизи, лекин 150 минг сўмдан ошмаган миқдорда;

➖ темирйўлда ёки автобусда бориб-келиш чиптаси нархи 15 фоизи, лекин 80 минг сўмдан ошмаган миқдорда;

➖ жойлаштириш воситасида тунаб қолиш харажати 15 фоизи, лекин 80 минг сўмдан ошмаган миқдорда;

➖ театр, музей, цирк ва бадиий галереяларга ҳар бир ташриф чиптаси нархи 50 фоизи, лекин 20 минг сўмдан ошмаган миқдорда.

@segmentuz

Азиз Воитов қишлоқ хўжалиги вазири лавозимига тайинланди. Шу муносабат билан у инвестициялар ва ташқи савдо вазирининг биринчи ўринбосари лавозимидан озод этилди.

@segmentuz

Ўзбекистон Республикаси мустақиллигининг ўттиз бир йиллиги муносабати билан:

➖ давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисидаги президент фармони;

➖ ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисидаги президент фармони;

➖ бир гуруҳ чет эл фуқароларини мукофотлаш тўғрисидаги президент фармони;

➖ фан, таълим, соғлиқни сақлаш, спорт, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисидаги президент фармони.

@segmentuz

⚡ Шанхай ҳамкорлик ташкилоти саммити ўтказилиши муносабати билан Самарқанд шаҳридаги мактабларда ўқиш 19 сентябрдан бошланади.

Халқ таълими вазирлиги

@segmentuz

Байрам муносабати билан пенсия тўловлари олдиндан юклаб берилади

Пенсия ва нафақа тўловларини нақд пулсиз (банк карта) шаклда олувчи фуқароларнинг жорий йил сентябрь ойи учун пенсия ва нафақалари 2022 йил 1 сентябрга қадар уларнинг банк пластик карталарига юклаб берилади.

Пенсия ва нафақа тўловларини нақд шаклда олувчи фуқароларга жорий йилнинг 5 сентябридан бошлаб тасдиқланган графиклар асосида тўловлар бошланади.

@segmentuz