Президент қарори билан 2022 йил 1 октябрдан бошлаб нодавлат таълим ташкилотларининг ўқув курсларида ёшларнинг ахборот технологиялари соҳасида таҳсил олиши учун таълим кредити ажратиш тизими йўлга қўйилади:

➖ тижорат банклари Молия вазирлиги томонидан жойлаштириладиган депозитлар ҳисобидан ахборот технологиялари соҳасида таҳсил олиш учун таълим кредитларини Марказий банкнинг асосий ставкасида ажратади;

➖ нодавлат таълим ташкилотларининг ўқув курсларида ахборот технологиялари соҳасида таҳсил олиш учун ёшларга таълим кредити:

▪️ БХМнинг 65 бараваригача миқдорда 1 йиллик имтиёзли давр билан 4 йил муддатга Ўзбекистан фуқароси бўлган ҳамда Ўзбекистанда доимий яшаётган фуқаролиги бўлмаган ёшларга ажратилади;

▪️ расмийлаштирилиши ва унинг қайтарилишида кредит олувчининг доимий даромад манбаига эга бўлган оила аъзолари ва бошқа учинчи шахслар биргаликда қарз олувчи сифатида қатнашишига рухсат этилади;

➖ “Ижтимоий ҳимоя ягона реестри”га кирган оилалар фарзандлари бўлган ёшларга ахборот технологиялари соҳасида таҳсил олишга ажратиладиган таълим кредити учун гаров ва кафиллик талаб этилмайди;

➖ ахборот технологиялари соҳасида таҳсил олиш учун ёшларга таълим кредити IT-парк резиденти бўлган ташкилотларнинг ўқув курсларида таълим олиш учун ажратилади. Бунда, ахборот технологиялари соҳасида таълим берувчи резидент ташкилотлар реестри IT-парк томонидан электрон ахборот тизими шаклида юритилади ҳамда зарур ҳолларда тижорат банклари, манфаатдор вазирлик ва идоралар билан интеграция қилинади.

@segmentuz

❗️ Шавкат Мирзиёев 17–18 август куни Саудия Арабистонига ташриф буюради

Бу ҳақда 15 август куни президент матбуот котиби Шерзод Асадов иштирокидаги йиғилишда маълум қилинди.

Унга кўра, Шавкат Мирзиёев 17–18 август куни Саудия Арабистонига давлат ташрифи билан боради. Президент Маккайи Мукаррама ва Мадинаи Мунавварани зиёрат қилади.

@segmentuz

Магистратурада ўқиётган хотин-қизлар контракт пули тўлаб берилади

2022 йил 7 март куни имзоланган Президент фармони асосида, 2022/23-ўқув йилидан бошлаб давлат олий таълим муассасаларининг магистратура босқичида ўқиётган барча хотин-қизларнинг контракт тўловларини давлат бюджетидан қоплаб берилиши белгиланганди.

▪️Бу янгиликни жорий этиш тартибини белгиловчи ҳукумат қарори қабул қилинди.

Унга кўра, давлат ОТМларининг магистратура босқичига ўқишга қабул қилинган ва ўқиётган хотин-қизларга базавий тўлов-контракт (стипендиясиз) суммалари тўлиқ тўлаб берилади.

❗️Бунинг учун талабгорлар ўзлари таълим оладиган ОТМ ректори (филиал директори) номига 15 сентябрга қадар ариза билан мурожаат қилиши керак.

Шу асосда ректорлар (филиал директорлари) ҳар йили 15 октябргача тегишли буйруқни қабул қилади.

▪️Бу тартиб давлат олийгоҳлари билан бирга, қуйидагиларга нисбатан ҳам татбиқ этилади:

➖ Президент ҳузуридаги Давлат бошқаруви академияси;
➖ Бош прокуратура Академияси;
➖ Иқтисодий тараққиёт ва камбағалликни қисқартириш вазирлиги ҳузуридаги Бизнес ва тадбиркорлик олий мактаби;
➖ Банк-молия академияси.

❗️Шунингдек, бу тартиб нодавлат ОТМлар ва хорижий ОТМларнинг Ўзбекистондаги филиалларида магистратура босқичида таҳсил олаётган талаба хотин-қизларга нисбатан татбиқ этилмайди.

@segmentuz

⚡️Таълим ташкилотларида дарс жараёнлари 5 сентябрдан бошланади!

Мустақиллик байрами муносабати билан ўзбекистонликлар 4 кун дам олади:

➖1 сентябрь — пайшанба (ишланмайдиган байрам куни);
➖2 сентябрь — жума (иш ҳафтаси туридан қатъий назар қўшимча дам олиш куни);
➖3 сентябрь — шанба (олти кунлик иш ҳафтасидаги ходимлар учун қўшимча дам олиш куни);
➖4 сентябрь — якшанба (дам олиш куни).

Демак, 5 сентябрь, душанба куни барча таълим муассасалари учун 2022-2023 ўқув йилининг илк ўқиш куни бўлади.

@segmentuz

❗️Халқаро пресс-клуб “Давлат фуқаролик хизмати: ихчам ва самарали бошқарув тизими” мавзуида ўзининг навбатдаги сессиясини ташкил этди

@segmentuz

“Имом Бухорий” ордени таъсис этилди

▪️Орден икки даражадан иборат бўлади:

▫️“Олий Даражали Имом Бухорий” ордени;
▫️“Имом Бухорий” ордени.

“Олий Даражали Имом Бухорий” ордени билан мукофотланган шахсларга БҲМнинг 70 баравари (21 млн сўм), “Имом Бухорий” ордени билан мукофотланган шахсларга эса БҲМнинг 50 баравари (15 млн сўм) миқдоридаги бир марталик пул мукофоти берилади.

@segmentuz

Божхона органлари Ўзбекистонга ноқонуний сигаретлар оқимини қай тарзда тўхтатмоқдалар?

Давлат божхона қўмитаси бошқарма бошлиғи Улуғбек Қосимов 2022 йил 25 июлда эфирга узатилган "Муносабат" кўрсатувида божхона органларининг чегара-божхона постларида контрабанда олиб кирилишига қарши курашиш ҳақида сўз юритди.

Жаҳон амалиёти шуни кўрсатдики, божхона органлари мамлакатга олиб кирилаётган ноқонуний тамаки маҳсулотларининг 10%гача ушлаб қолиши мумкин экан. Давлат чегарасини, шунингдек, ички бозорни ҳам назорат қилувчи ҳуқуқни муҳофаза қилувчи органларнинг саъй-ҳаракатларини ўзаро мувофиқлаштириш зарурдир.

Мутахассисларнинг фикрига қараганда, сигареталарнинг ноқонуний савдосига чек қўйиш орқали иқтисодиётимизни 150 млн. АҚШ долларига оширишимиз мумкин экан.

@segmentuz

Муфтий Нуриддин Холиқназаров президентнинг Саудияга ташрифи олдидан тилак билдирди

Ўзбекистон Мусулмонлари идораси раиси, муфтий Нуриддин Холиқназаров Шавкат Мирзиёевнинг Саудия Арабистонига давлат ташрифини “тарихий ва умидли” дея таърифлаб, ташриф давомидаги учрашувлар ва президентнинг Умра зиёрати юрт учун манфаатли бўлишини сўраб дуо қилди.

@segmentuz

Академик лицейларга кириш имтиҳонлари учун рухсатнома бериш бошланди

Академик лицейларга кириш тест синовлари 2022 йил 22 август куни Давлат тест маркази томонидан махсус белгиланган ҳудудларда ўтказилади.

Тест синовлари бир сменада ўтказилиб, соат 8:00 бошланади.

Академик лицейларда 1-босқич дастлабки ёзма имтиҳонлардан муваффақиятли ўтган ўқувчилар қуйидаги тартибда тест синовларига кириш рухсатномасини:

➖litsey.edu.uz сайтидаги шахсий кабинетига ўзининг логин ва пароли билан кирган ҳолда юклаб олиши;
➖ёки ҳужжат топширган академик лицейдан ҳам бевосита бориб олишлари мумкин.

Тест синовлари таълим йўналишига мос 2 та фан ва интеллектуал қобилият даражаси (IQ)ни аниқлаш бўйича ўтказилади.

Бунда талабгорларга ҳар бир фандан 20 тадан жами 60 та тест топшириғи ва уларни бажариш учун жавоблар варақасини тўлдириш билан бирга 110 дақиқа вақт ажратилади.

Тест синовларида тўплаш мумкин бўлган максимал балл – 146 балл бўлиб, таълим йўналишига мос фанлар бўйича ҳар бир тўғри жавоб учун 3,1 баллдан (жами 124 балл), интеллектуал қобилият даражаси (IQ) ни аниқлаш бўйича эса 1,1 баллдан (жами 22 балл) берилади.

Талабгорлар тест синови ўтказиладиган ҳудудга белгиланган вақтдан камида 1 соат олдин шахсини тасдиқловчи ҳужжат ва тест синовида иштирок этиш учун рухсатнома билан келишлари керак.

@segmentuz

❗️«Тўрақўрғон» ИЭС фаолияти фавқулодда тўхтатилди

Наманганда «Ўзтрансгаз» магистрал қувури ўзбошимча фуқаролар томонидан ер қазиш ишлари олиб борилган вақтда узилиб кетган. Оқибатда мамлакатдаги энг муҳим ИЭСлардан бирининг фаолияти тўхтатилган. Ҳудудларда электр узилиши ҳолатлари кузатилиши мумкин.

Энергетика вазирлиги

@segmentuz

ДХХ пора олаётган прокурорларни қўлга олди

@segmentuz

ШҲТ давлатлари Хавфсизлик кенгашлари котиблари Тошкентда учрашади

19 август куни Тошкентда ШҲТга аъзо давлатлар Хавфсизлик кенгашлари котибларининг 17-йиғилиши бўлиб ўтади. Тадбир Ўзбекистоннинг ШҲТга раислиги доирасида ўтказилиб, Самарқандда бўлиб ўтадиган Давлат раҳбарлари кенгашига тайёргарликнинг муҳим босқичи ҳисобланади.

Йиғилишда ШҲТга аъзо ва кузатувчи давлатлар Хавфсизлик кенгашлари котиблари, шунингдек, ШҲТ МАТТ Котибияти ва Ижроия қўмитаси вакиллари иштирок этади.

Кун тартибига мувофиқ халқаро ва минтақавий хавфсизликни таъминлаш, жумладан, терроризм, экстремизм, қурол ва наркотик моддаларнинг ноқонуний айланишига қарши курашиш, шунингдек, ахборот хавфсизлигини таъминлаш масалалари кўриб чиқилади.

Тадбир доирасида ҳамкор давлатлар делегациялари раҳбарлари билан икки томонлама учрашувлар ҳам режалаштирилган. ШҲТга аъзо давлатлар Хавфсизлик кенгашлари котибларининг йиғилишлари 2004 йилдан буён ўтказиб келинмоқда ва кўп томонлама ҳамкорликнинг мувофиқлаштирувчи ва маслаҳат механизми ҳисобланади.

@segmentuz

Микроҳудуддан ташқаридаги мактабларга қабул учун ариза юбориш 30 августгача давом этади

Фарзандларини 1-синфга жойлаштириш учун my.maktab.uz электрон платформаси орқали микроҳудуддан ташқари бўш ўринлар бўйича қўшимча ариза топшириш давом этмоқда.

Ариза юбориш жорий йил 30 августида якунланади.

16 августдан бошлаб Тошкент шаҳри ва вилоят марказларидан ташқари бошқа ҳудудда истиқомат қилувчи фуқароларга микроҳудуддан ташқари қабул учун ариза юбориш жараёни ҳам ишга туширилди.

Маълумот учун, бугунги кунга қадар республика бўйича 650 минг нафардан ортиқ болалар (режага нисбатан 92 фоиз) 1-синфга қабул қилинган.

@segmentuz

⚡️ Самарқанддаги ОТМларда ўқиш кечроқ бошланиши мумкин

15-16 сентябрь кунлари Самарқанд ва Тойлоқ туманлари ўртасида жойлашган сайёҳлик марказида Шанҳай ҳамкорлик ташкилотининг навбатдаги саммити ўтказилади.

Шу муносабат билан вилоятдаги ОТМларда анъанавий таълим сентябрь ойи охиридан бошланади. Унгача талабалар таълимни масофавий кўринишда бошлаши кутилмоқда.

▪️Манба

@segmentuz

Шавкат Мирзиёев Саудия Арабистонида

@segmentuz

Шавкат Мирзиёев Масжидун Набавийга келиб, икки ракат намоз ўқиди

Давлат раҳбари Ўзбекистон халқига тинчлик ва фаровонлик тилади.

@segmentuz

Мадинада Масжидун Набавийни зиёрат қилаётган Шавкат Мирзиёевни муқаддас шаҳарда зиёратда бўлиб турган ўзбекистонликлар хурсандчилик билан кутиб олишди. Президент уларнинг барчасига саломатлик тилади.

@segmentuz

❗️ Президент фармони билан 2023 йил 1 январдан бошлаб Ўзбекистон ҳудудига кирган кундан эътиборан 30 кунлик муддатга ўз ёки учунчи мамлакатга учиш авиачиптасини тақдим қилган ҳолда Саудия Арабистони фуқаролари учун визасиз режим белгиланди.

@segmentuz

Шавкат Мирзиёев Маккадаги муқаддас Масжидул Ҳаром масжидида умра зиёратини амалга оширмоқда.

Каъбатуллоҳ қўриқчилари хавфсизликни юқори даражада таъминлаш мақсадида жонли девор ташкил қилишди.

@segmentuz

Шавкат Мирзиёев Каъбатуллоҳ ичида намоз ўқиб чиқмоқда. Умра ибодатини адо этаётган давлат раҳбари Каъбаи муаззама ичида халқимиз ҳақига дуо қилди.

@segmentuz