Давлат идораларига ишга қабул қилишнинг очиқ-ошкора тизими жорий қилинади — Шавкат Мирзиёев

@segmentuz

Давлат хизматига ишга кириш — фақат танлов асосида

Ёш мутахассисларни танлаш дастури эълон қилиниб, унинг доирасида вазирлик ва ҳокимлик тизимида стажировка ўтаган қобилиятли битирувчи ёшлар давлат хизматига танлов асосида қабул қилинади — Президент

@segmentuz

Салоҳиятли кадр ҳақида етарли маълумот бермайдиган эски “объективка”дан воз кечилади

Президент: эски намунадаги “объективка”дан воз кечиб, илғор IT-технологиялар асосида ходимнинг малакаси ва салоҳияти, эришган натижаларини баҳолайдиган янги тизимга ўтишимиз шарт

@segmentuz

⚡️Президент ҳузуридаги Давлат хизматини ривожлантириш агентлиги (АРГОС) давлат хизматчилари учун навбатдаги сиёсий-маърифат соатини тақдим этди.

▪️ Кўриш

@segmentuz

Ҳиндистоннинг Ченнай шаҳрида ўтаётган Бутунжаҳон шахмат олимпиадасининг 7-турида Ўзбекистон эркаклар терма жамоаси Перу терма жамоаси устидан ғалаба қозонди! Ўзбекистон 🇺🇿 — Перу 🇵🇪 4:0.

❗️ 7-тур натижаларидан сўнг Ўзбекистон олимпиадада биринчи ўринга чиқиб олди.

@segmentuz

Шавкат Мирзиёев: Сўнгги икки йил давомида «Давлат фуқаролик хизмати тўғрисида»ги қонун тайёрланди. Қийналиб тайёрладик, тажрибамиз йўқ эди бу соҳада. Ҳар бир банди бўйича жуда катта муҳокамалар бўлди.

«Менимча» кўрсатувининг навбатдаги сонидан лавҳа

@segmentuz

Мустақиллик байрами муносабати билан ўзбекистонликлар 4 кун дам олади

Президентнинг 2021 йил 20 декабрдаги фармонига асосан бу йилги Мустақиллик байрами арафасида ўзбекистонликлар 4 кун кетма-кет дам олиши кутилмоқда:

• 2022 йил 1 сентябрь — пайшанба (ишланмайдиган байрам куни);

• 2022 йил 2 сентябрь — жума (қўшимча ишланмайдиган кун — иш ҳафтаси туридан қатъи назар);

• 2022 йил 3 сентябрь — шанба (қўшимча ишланмайдиган кун — олти кунлик иш ҳафтаси бўлган ходимлар учун);

• 2022 йил 4 сентябрь — якшанба (тақвим бўйича дам олиш куни).

@segmentuz

Эртадан тест синовлари бошланади. Тестга кириш учун қандай ҳужжат олиб бориш керак?

«Абитуриент рухсатномаси» ҳамда шахсни тасдиқловчи ҳужжат бўлса кифоя.

Абитуриентлар тест синовларига қуйидаги шахсни тасдиқловчи ҳужжатлар билан киришлари мумкин:

1️⃣ Биометрик паспорт (яшил рангли);
2️⃣ ID-карта;
3️⃣ Хорижга чиқиш паспорти (қизил рангли);
4️⃣ ҳарбий хизматчилар учун ҳарбий гувоҳнома (ҳарбийда ишламайдиганлар учун ўтмайди).

Ушбу ҳужжатларнинг исталган бири билан тест синовларига келишингиз мумкин. Ҳужжат билан бирга абитуриент рухсатномасини ҳам олишни унутманг.

@segmentuz

❗️Тошкентда бугун туш пайти оралиғида G3 даражали 4 баллик магнит бўронлари бўлиши прогноз қилинмоқда

Бугун кундузги 3 соатлик муддат оралиғида 4 баллик магнит бўронлари кузатилади.

▪️Магнит бўронининг юқори фаоллиги туш пайтига тўғри келаётгани учун, бу омилнинг организмга салбий оқибатларини юмшатиш мақсадида, овқатланиш рационига балиқ ва кўкат маҳсулотларини киритиш, истеъмол қилиш тавсия этилади.

Магнит бўронларининг G3 даражаси кузатилган даврда кўпчиликда бош қисмининг орқа томонида бироз оғриш кузатилади. Бу пайтда шу каби инсонларга камроқ ҳаракат қилиш ҳамда уйда кўпроқ ўтириш тавсия этилади.

«Ўзгидромет» «Метеоинфоком»

@segmentuz

⚡️ Расман: 2026 йилдаги 46-Бутунжаҳон шахмат олимпиадаси Ўзбекистонда ўтказилади.

@segmentuz

Эндиликда раҳбар бўлиш учун олдингизда иккита йўл бўлади — Отабек Хасанов

«Бир нарсани билиш керак: Раҳбар бўлмоқчи бўлсангиз маҳаллага тушиб, маҳаллада халқни рози қилиб келасиз ёки иккинчи йўли — салоҳиятли кадрларни саралаш танлови орқали раҳбарликка келасиз, яъни раҳбарлик захирасига кириш учун Президент шу икки йўлни таклиф қиляпти. Давлат хизматининг фалсафаси шундан иборатки, сен қанча иш қилганинг билан эмас, балки сен халқни қанчалик рози қилганинг билан ўлчанади»

@segmentuz

Очиқ танлов тизими ишга киришни осонлаштирмайди, бу тизим бюрократияни йўқотади, рақобатни эса кучайтиради — Отабек Хасанов

«Бўш лавозимга танловда иштирок этиш учун ҳозирги кунда талаб этилаётган 16 та ҳужжат сўралмайди, барча жараёнлар электрон шаклда амалга оширилади. ...Энди сиз фақатгина қайсидир университетни битириб келганингиз учун ишга кирмайсиз ёки сизни қаердадир ишлаб келганингиз учун ишга олишмайди. ... 5 йил олдин 57 минг киши олий таълим муассасасини битирарди, бугун 170 мингга яқин битиряпти, бозорга олий маълумотли кўп кириб келяпти. ...Авваллари 1 та ўринга бир киши ҳужжат топширарди, чунки қолганлар билмасди бўш иш жойи борлигини, ҳозир эса битта вакант ўринни танловга берсак 30-40 киши топширяпти. Энди давлат хизматида ҳам танлаш имконияти бўлиши керак»

@segmentuz

❗️Академик лицейларга кириш тест синовлари ўтказилиш санаси ва вақти аниқ бўлди

Кириш тест синовлари 2022 йил 22 август куни ДТМ томонидан махсус белгиланган ҳудудларда бир сменада ўтказилади.

Тест синовлари соат 8:00 да бошланади.

Тест синовларини ўтказиш ҳудуди ва имтиҳонга кириш рухсатномасини олиш бўйича қўшимча маълумот берилади.

@segmentuz

⚡️ Президент Шавкат Мирзиёев «Давлат фуқаролик хизмати тўғрисида»ги қонунни имзолади — Давлат хизматини ривожлантириш агентлиги

@segmentuz

⚡️ Ваниҳоят! 27 йил деганда «Давлат фуқаролик хизмати тўғрисида»ги қонун имзоланди

Бугун Президент Шавкат Мирзиёев «Давлат фуқаролик хизмати тўғрисида»ги қонунни имзолади.

▫️Қонун 10 та боб, 64 та моддадан иборат.

Қонун Ўзбекистонда ижро ҳокимияти функцияларини амалга оширувчи давлат органлари ва ташкилотлари тизимида фаолият юритаётган 118 мингдан ортиқ давлат фуқаролик хизматчиларининг фаолияти билан боғлиқ барча муносабатларни ягона қоидалар асосида тартибга солади.

▪️Эндиликда давлат фуқаролик хизмати татбиқ этиладиган барча давлат органлари ва ташкилотларида ходимларни ишга қабул қилишдан тортиб, хизматни тугатишгача бўлган масалаларда ҳар хил ёндашувларга барҳам берилади.

▫️Қонун билан давлат фуқаролик хизмати соҳасида ваколатли орган этиб — Президент ҳузуридаги Давлат хизматини ривожлантириш агентлиги белгиланди.

❗️Қонун расмий эълон қилинган кундан эътиборан уч ой ўтгач кучга киради.

@segmentuz

Пойтахт ҳокими ҳайфсан олди, Чилонзор ҳокими ва прокурори ишдан олинди

Бугун Президент Администрацияси раҳбари Сардор Умурзаков бошчилигида ўтказилган селектор йиғилишида куни кеча Тошкент шаҳрида рўй берган ва аҳолининг кескин норозилигига сабаб бўлган дарахтларнинг нобуд қилиниши масаласи қаттиқ танқид остига олинди. Президент топшириғига асосан Тошкент шаҳар Чилонзор тумани ҳокими Ш.Мавлонов ва прокурори И.Бозоров лавозимидан озод этилди.

Шунингдек, масъулиятсизликка йўл қўйгани учун пойтахт ҳокими Ж.Ортиқхўжаевга ва прокурори У.Қосимовга қаттиқ ҳайфсан берилди.

@segmentuz

Тарихий ғалаба! Ўзбекистон — Бутунжаҳон шахмат олимпиадаси ғолиби

1992 йилда Ўзбекистон Бутунжаҳон шахмат олимпиадасида кумуш медални қўлга киритганди. 30 йил ўтиб бу натижа олтинга айланди!

Ўзбекистон терма жамоаси ушбу олимпиада давомида бирор марта ҳам мағлубиятга учрамаган ягона жамоа бўлди.

Нодирбек Абдусатторов, Нодирбек Якуббоев, Жавоҳир Синдаров, Жаҳонгир Ваҳидов ва Шамсиддин Воҳидов — ҳақиқий қаҳрамонлар!

▫️Эслатиб ўтамиз, Президентнинг 5 августдаги қарорига биноан, Бутунжаҳон шахмат олимпиадасида олтин медални қўлга киритган спортчиларга 600 млн сўм пул мукофоти берилади, уларнинг мураббийсига эса 300 млн сўм бир марталик пул мукофоти берилади.

@segmentuz