Шавкат Мирзиёевнинг таклифига биноан Туркманистон президенти Сердар Бердимуҳамедов 14-15 июль кунлари давлат ташрифи билан мамлакатимизда бўлади.

@segmentuz

Қорақалпоғистон Республикасида жорий этилган фавқулодда ҳолат режимини юмшатиш, яъни комендантлик соатининг амал қилиш вақтини "соат 21 дан соат 7 га қадар" ўрнига "соат 23 дан соат 5 га қадар" этиб белгилашга қарор қилинди.

@segmentuz

«Time» журнали Ўзбекистонни 2022 йилнинг энг зўр жойлари рўйхатига киритди

«Ўзбекистон Совет Иттифоқидан мустақил бўлганининг 30 йиллигини нишонлаётган бир пайтда, янги лойиҳалар ва очилишлар халқаро саёҳатчиларга Марказий Осиё мамлакатини янада қулайроқ ўрганиш имконини беради.

640 гектар майдонда жойлашган ва Самарқанд эшкак эшиш каналини ўз ичига олган «Ипак йўли Самарқанд» мажмуаси жорий йилнинг кузида очилади. Унинг таркибига 22 қаватли «Samarkand Regency Amir Temur» номли дунёнинг етакчи меҳмонхоналари аъзоси ва яна еттита меҳмонхона киради. Шу йилнинг кузида Ўзбекистонда илк бор “Ипак йўли” адабиёт фестивали бўлиб ўтади», — дейилади мақолада.

@segmentuz

Кам таъминланган оилалар фарзандлари учун мактаб формаси сотиб олинишида кўмаклашилади

2022/2023 ўқув йилидан давлат умумий ўрта таълим муассасаларида ўқувчилар учун мактаб формаси тўлиқ жорий этилади.

▪️Кам таъминланган оилалар фарзандлари учун мактаб формаси маҳаллий бюджет ҳамда “Темир дафтар”, “Аёллар дафтари” ва “Ёшлар дафтари” жамғармалари маблағлари ҳисобидан сотиб олинишида кўмаклашилади.

2022 йил 10 августдан ҳар бир туман (шаҳар)да мактаб формаси ишлаб чиқувчиларнинг савдо шохобчалари ташкил этилади.

Таълим муассасаси томонидан барчага кўринадиган жойларга мактаб формасини қаерда ва қандай тартибда харид қилиш мумкинлиги тўғрисида тегишли эълон жойлаштирилади ҳамда ота-оналар ўртасида тушунтириш ишлари олиб борилади.

@segmentuz

❗️Вазирлар Маҳкамасининг 14 июлдаги қарори билан ишлаб чиқариш корхоналари, бюджет ташкилотлари учун ҳам газ ва электр нархлари вақтинча ошмайдиган бўлди.

@segmentuz

⚡️Президент ҳузуридаги Давлат хизматини ривожлантириш агентлиги (АРГОС) давлат хизматчилари учун навбатдаги сиёсий-маърифат соатини тақдим этди.

▪️ Кўриш

@segmentuz

⚡️ Оилавий боғчаларга 3 ёшга тўлмаган болаларни ҳам қабул қилишга рухсат берилади — Президент қарори

Қарорга мувофиқ, 2022 йил 1 сентябрдан:

оилавий нодавлат боғчаларда:

➖ қатнаётган ижтимоий кўмакка муҳтож оилалар фарзандлари ва махсус контингентлар сони тарбияланувчилар сонининг 70 фоизидан кам бўлганда, етмаган қисмига бошқа оилаларнинг болаларини қабул қилишга рухсат этилади;

➖ тарбиячи ва тарбиячи-ёрдамчи лавозимлари учун 4,5 тагача штат бирлигини ажратишга рухсат этилади;

➖ тарбиячи ва тарбиячи-ёрдамчиларга бюджетдан иш ҳақини қоплаш учун субсидия тўғридан-тўғри ушбу ходимларнинг пластик картасига ўтказиб берилади;

▪️ давлат-хусусий шериклик асосида фаолият юритаётган боғчаларда, оилавий боғчаларда:

➖ бюджетдан тўланадиган субсидия ва компенсацияларни ҳисоблашда 3 ёш ва ундан катта ёшдаги, лекин 7 йил 8 ойдан катта бўлмаган ёшдаги тарбияланувчилар ҳисобга олинади;

➖ ота-оналар тўлови миқдорини мустақил равишда белгилаб 3 ёшга тўлмаган болаларни ҳам қабул қилишга рухсат этилади;

➖ табиий газ учун компенсация марказлашган табиий газ таъминоти бўлмаган, лекин иситишнинг бошқа турларидан фойдаланаётган ДХШ асосидаги ва нодавлат боғчаларга ҳам тўланади.

@segmentuz

⚡️ Аёлларнинг ҳомиладорлик ва туғиш нафақаси масаласида

▪️ 2022 йил 1 сентябрдан бошлаб:

➖ бюджет ташкилотларидан ташқари барча юридик шахсларда охирги 6 ой давомида узлуксиз иш стажига эга бўлган аёлларга ҳар ой учун минимал истеъмол харажатлари миқдоридан келиб чиққан ҳолда давлат бюджетидан ҳомиладорлик ва туғиш нафақаси тўланади.

❗️Бунда ишловчи аёлларга ҳомиладорлик ва туғиш нафақасининг унинг меҳнат стажи ва иш ҳақидан келиб чиқиб белгиланган миқдорининг қолган қисмини тўлаш иш берувчилар ҳисобидан амалга оширилади.

@segmentuz

Президент фармони:

2022 йил 1 июлдан бошлаб:

➖ вилоятлар ҳамда Тошкент шаҳридан, шунингдек, хорижий давлатлардан Қорақалпоғистон Республикасининг Тахтакўпир, Чимбой, Қораузак, Бўзатов, Шуманай, Қўнғирот туманларига бориб ишловчи шифокорларнинг ойлик лавозим маошига дастлабки уч йил давомида 100 фоиз, Мўйноқ тўманида эса 200 фоиз миқдорида қўшимча ҳар ойлик устама тўловлари Давлат бюджети маблағлари ҳисобидан тўланади.

@segmentuz

Мактаб директори лавозимини эгаллаш масаласида

2022 йил 1 сентябрдан бошлаб:

➖ мактаб директорларини сертификатлаш тизими жорий этилиб, директорликка номзодлар ушбу тизим орқали танланади ҳамда лавозимга тайинланади.

@segmentuz

❗️ Олий Мажлис Қонунчилик палатасининг навбатдаги мажлисида “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Конституциявий қонун лойиҳасининг умумхалқ муҳокамаси муддатини 1 августга қадар узайтириш тўғрисида қарор қабул қилинди.

@segmentuz

Давлат органлари ва ташкилотларида коррупцияга қарши курашиш самарадорлиги рейтинги эълон қилинди

Рейтинг баҳолаш натижаларига кўра:

▪️ “Яхши” — Давлат божхона қўмитаси, Давлат солиқ қўмитаси, Бандлик ва меҳнат муносабатлари вазирлиги

▪️ “Қониқарли” — Давлат статистика қўмитаси, Фармацевтика тармоғини ривожлантириш агентлиги, Техник жиҳатдан тартибга солиш агентлиги, Транспорт вазирлиги, АКТ вазирлиги

▪️ “Қониқарсиз” — Уй-жой коммунал хизмат кўрсатиш вазирлиги, Халқ таълими вазирлиги, Қурилиш вазирлиги, Олий ва ўрта махсус таълим вазирлиги, Соғлиқни сақлаш вазирлиги, Молия вазирлиги, Кадастр агентлиги, Бўка тумани ҳокимлиги, Мирзо Улуғбек тумани ҳокимлиги

@segmentuz

Президент мактабларининг 1-босқич имтиҳон натижалари эълон қилинди

Жорий йилнинг 1 июль куни ўтказилган 1-босқич имтиҳон натижалари эълон қилинди. Имтиҳон натижаларини қуйидагича аниқлашингиз мумкин:

1️⃣ Portal.piima.uz сайтининг "Қабул 2022" бўлими "Натижалар" ойнасидан "Президент мактаби натижалари" бўлимида ID рақам орқали — https://portal.piima.uz

2️⃣ Cambridge Assessment International Education ташкилотининг расмий веб-саҳифаси орқали — https://www.admissionstesting.org

@segmentuz