«Ижтимоий фикр» маркази сўровида қатнашган респондентларнинг 88%и конституциявий ислоҳотлар жараёни бошланганидан хабардор. Мутлақ кўпчилиги, яъни 83%и эса конституциявий ислоҳотларни қўллаб-қувватлайди.

@segmentuz

Тошкент тўқимачилик ва енгил саноат институтига Савдо-саноат палатаси раиси Даврон Вахобов ректор этиб тайинланди.

@segmentuz

Тонировка нархи тушиши кутилмоқда

Ўзбекистонда транспорт воситалари ойналарини тонировка қилиш нархи тушиши кутилмоқда. Ҳозирда келишув босқичида бўлган ҳужжат лойиҳасига кўра:

➖орқа ва олд ойна тонировкаси — БҲМнинг 15 баравари миқдорида (4,5 млн сўм);

➖орқа ён ойналар тонировкаси — БҲМнинг 1 баравари миқдорида (300 минг сўм).

@segmentuz

⚡️ Шавкат Мирзиёев “тонировка” масаласи ҳақида: "Бугун ҳайдовчилар ва йўловчилар анчадан бери кутган, уларнинг кайфиятини кўтарадиган қарорни имзоладим"

“Ҳар бир ислоҳотимиз, таклиф ва ташаббусларимиз, бу – энг аввало инсон қадри учун.

Шу боис, халқимизга қандай енгилликлар берсак, у биздан рози бўлади, деган савол барча раҳбарларни ҳар куни, ҳар дақиқа ўйлантириши керак.

Ҳар гал жойларга чиққанимда оддий-оддий одамлар билан учрашиб, муаммоларини эшитаман, яна қанча аҳолимизда шундай муаммолар борлиги ҳақида ўйлайман ва унга ечим қидираман.

Оммавий ахборот воситалари, ижтимоий тармоқларда кўтарилаётган масалалардан ҳам хабардорман.

Мана, бугунги кунда мамлакатимизда енгил автомашиналар сони 3,5 миллиондан ошди. Ҳайдовчиларимизда ҳам кўплаб эътирозлар тўпланиб қолган.

Шу боис, бугун ҳайдовчилар ва йўловчилар анчадан бери кутган, уларнинг кайфиятини кўтарадиган қарорни имзоладим”.

@segmentuz

⚡️ 1 июлдан бошлаб тонировка:

➖ автомобилнинг орқа ён ойналарини қорайтириш тўловлари бекор қилинади, яъни бепул бўлади;

➖ олд ва орқа ён ойналарни тўлиқ қорайтириш тўловлари 6 баробаргача арзонлаштирилади;

➖ ишлаб чиқарилганига 10 йилдан кўп бўлмаган енгил машиналарни мажбурий техник кўрикдан ўтказиш тартиби бекор бўлади.

@segmentuz

Шавкат Мирзиёев:

"Бу ҳали бошланиши. Мен Президент маслаҳатчилари, Бош вазир ўринбосарлари ва вазирларга топшириқ берганман.

Одамларимизни қийнаётган, аҳамиятини йўқотган тартиб ва чекловларни бекор қилиш бўйича Ишчи гуруҳи барча йўналишларда мунтазам ишлаяпти.

Жойлардан тушган асосланган таклифлар ва ечимлар бўйича доимий тарзда халқимизнинг фойдасига хизмат қиладиган қарорлар қабул қилиб борилади”.

@segmentuz

Тўланган кешбэклар 180 миллиард сўмдан ошди — Давлат солиқ қўмитаси

Жорий йилнинг 1 январидан 27 июнигача чеклари энг кўп рўйхатдан ўтказилган тадбиркорлик субъектлари – ТОП-10лиги эълон қилинди.

▫️ Йил бошидан буён 673 597 нафар фуқарога 180,5 млрд сўм кэшбэк тўлаб берилди.

@segmentuz

Президент Шавкат Мирзиёев «тонировка» бўйича енгиллик ҳақида: Ҳар бир ислоҳотимиз, таклиф ва ташаббусларимиз – энг аввало инсон қадри учун

@segmentuz

Президент қарори:

2022 йил 1 июлдан бошлаб:

➖ енгил автотранспорт воситаларининг орқа ён ойналари тусини ўзгартириш (қорайтириш) учун рухсатнома олиш тартиби бекор қилинди;

➖ жисмоний ва юридик шахсларнинг енгил автотранспорт воситалари олд ён ойналари тусини ўзгартиришга (қорайтиришга) рухсатнома берганлик учун тўлов миқдори базавий ҳисоблаш миқдорининг 8 баравари (яъни, ҳозирги кунда 2 400 000 сўм) этиб белгиланди.

▫️Қарорнинг тўлиқ матни

@segmentuz

Марказий сайлов комиссияси Конституциявий референдум ўтказиш жараёнларига тайёргарлик кўришни бошлади.

Июль-август ойларида 966 нафар тренер 140 мингдан ортиқ участка-округ комиссия аъзоларини референдум ўтказиш қоидалари бўйича ўқитиши режалаштирилмоқда.

Қонун бўйича, референдум ўтказиш кунини белгилаш тўғрисида қарор қабул қилингандан кейин, уни ўтказиш учун 1 ойдан 3 ойгача муддат белгиланган.

@segmentuz

2022 йил 1 июлдан ҚҚС маъмуриятчилиги соддалаштирилади

Бу ҳақда Давлат солиқ қўмитаси ахборот хизмати маълум қилди.

Қайд этилишича, шу йилнинг 1 июлидан бошлаб:

➖ мажбурий равишда ҚҚС тўловчиси сифатида эътироф этиладиган тадбиркорлик субъектларига ҚҚС гувоҳномаси солиқ хавфи даражасига аниқлик киритилмасдан автоматик равишда берилади;

➖ солиқ органлари мониторинги давомида тадбиркорлик субъектлари фаолиятида солиқ хавфи ҳолатларининг аниқланиши ҚҚС гувоҳномасининг амал қилишини тўхтатиб қўйишга асос бўлади;

➖ юқори хавф даражаси аниқланган тадбиркорларнинг ҚҚС гувоҳномасини тўхтатиб қўйишдан 5 кун олдин хабардор этиш тартиби жорий этилади. Ушбу муддатда камчиликларни бартараф этиш имконияти берилади. Белгиланган муддатда камчиликлар бартараф этилмаса, ҚҚС гувоҳномаси тўхтатиб турилади.

@segmentuz

1 июлдан қонунчиликда қандай ўзгаришлар кучга киради?

▪️ Қорақалпоғистоннинг айрим туманларига бориб ишловчи шифокорларнинг ойлик лавозим маошига 100 фоиз миқдорида ҳар ойлик устама тўланади;

▪️ Пенсияни тайинлашда фуқаролардан бир қатор ҳужжатларни талаб қилиш бекор қилинади;

▪️ «Тонировка» нархи арзонлашади;

▪️ Олис ва чекка ҳудудларда фаолият юритаётган шифокорлар ойлик иш ҳақига қўшимча 2 миллион сўм миқдорида ҳар ойлик устама тўланади;

▪️ Ҳомиладор ва бола эмизувчи аёллар ҳамда 3 — 15 ёшдаги болалар йод препарати билан бепул таъминланади;

▪️ Автомобиль йўллари соҳасига тегишли маълумотлар базасини ўз ичига олган «Shaffof yo'l» платформаси тест режимида ишга туширилади;

▪️ Давлат ташкилотлари фаолиятида Коррупцияга қарши курашиш ишларининг самарадорлигини рейтинг баҳолаш тизими жорий этилади;

▪️ 6 турдаги лицензия ва рухсат этиш хусусиятига эга ҳужжатларни олишдаги айрим талаб ва шартлар бекор қилинади;

▪️ Театр ходимларининг лавозим маошлари оширилади;

▪️ Бир божхона постида уч йилдан ортиқ хизмат ўтаган ходимларни ротация қилиш тартиби жорий этилади;

▪️ Очиқ маълумотлар давлат органлари расмий веб-сайтининг бош саҳифасида алоҳида бўлимга жойлаштириш талаб этилади.

▫️ Барча ўзгаришлар шу ерда

@segmentuz

2022 йил 1 июлдан электр ва газ тарифларига ўзгартиришлар киритилмайди — Энергетика вазирлиги

@segmentuz

Ҳурматли юртдошлар!

“Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Ўзбекистон Республикасининг Конституциявий қонуни лойиҳаси умумхалқ муҳокамаси учун эълон қилинди.

▫️Муҳокамалар шу йилнинг 5 июлига қадар давом этади.

Ушбу жараёнда фаол фуқаролик позициянгизни намоён этиб, муҳокамаларда иштирок этинг!

@segmentuz

Конституцияга ўзгартиш ва қўшимчалар киритиш тўғрисидаги қонун лойиҳасига кўра, ҳеч бир шахс ўзига ва яқин қариндошларига қарши гувоҳлик беришга мажбур эмас (26-модда).

Бу қоида суд ва ҳуқуқ-тартибот органлари томонидан шахсни мажбурлаш ёки унга босим ўтказиш йўли билан унинг иродасига қарши олинган далиллардан фойдаланмасликни белгилайди. Бу ҳуқуқ айбсизлик презумпцияси билан чамбарчас боғлиқ.

Шахснинг ўзига ва яқин қариндошларига қарши гувоҳлик бермаслик ҳуқуқи ҳар хил турдаги қийноқлар, таҳдидлар ва мажбурлов чораларини қўллашни чеклайди. Бу қоиданинг Конституция даражасида белгиланиши шахсга бошқа бировнинг хоҳиш-иродаси объекти сифатида муносабатда бўлишга йўл қўйилмаслигини, шахсий ҳаёт дахлсизлиги мустаҳкам ҳуқуқий асосга эгалигини англатади.

Ушбу қоида суд ва ҳуқуқ-тартибот органлари сўроқ қилишдан олдин шахс ўзига ва яқин қариндошларига қарши кўрсатма бермаслик ҳуқуқи тўғрисида огоҳлантириши лозимлигини ҳам англатади.

@segmentuz

⚡️ Президент "Ёшлар куни муносабати билан юртимизнинг фаол ва ташаббускор ёш авлод вакилларидан бир гуруҳини мукофотлаш тўғрисида"ги фармонни имзолади.

Фармон билан бир гуруҳ ёшларга "Келажак бунёдкори" медали топширилади.

▪️ Тақдирланганлар рўйхати

@segmentuz

⚡️ Президентнинг "Мард ўғлон" давлат мукофоти билан тақдирлаш тўғрисида"ги қарори эълон қилинди.

▪️ Тақдирланганлар рўйхати

@segmentuz

⚡️ Президент қарорига мувофиқ:

Бошқа ҳудудлардан келиб ўз фаолиятини олиб бораётган маҳалладаги Ёшлар етакчиси учун базавий ҳисоблаш миқдорининг икки бараваригача бўлган миқдорда турар жой ижара тўлови қоплаб берилади.

— йил якуни бўйича ўзига бириктирилган ҳудудда юқори натижаларга эришган Етакчиларга ипотека кредити асосида сотиб олинаётган уй-жой қийматининг 50 фоизи миқдорида, бироқ Ўзбекистон Республикаси Президентининг 2021 йил 9 декабрдаги ПФ–33-сон Фармонига мувофиқ белгиланадиган уй-жой ҳисобланган қийматининг 50 фоизидан юқори бўлмаган миқдорда субсидия берилади.

@segmentuz

Ҳар кунинг имкон...

Ёшлик — бу умидлар ва ўз ҳаёт йўлини излаш, ҳаракат қилиш истаги жўшадиган, ғаройиб ғоялар ва ютуқлар билан дунёни ҳайратга солиш вақти.
⠀
Ўз кучингизга ишонинг, энг жасур режаларни тузинг ва эсда тутинг — ҳамма нарсага эриша оласиз!
⠀
Ўқинг, ўрганинг, янги чўққиларни забт этинг, оқилона ва меҳр билан ишга ёндашинг ва сиз, албатта, муваффақият қозонасиз. Ёшликнинг жўшқинлиги сизни ҳеч қачон тарк этмасин!
⠀
Бугун 30 июнь. Ёшлар куни муборак!

@segmentuz

Озодликдан маҳрум этиш жазосини ўтаб бўлган фуқароларга ёрдам пули берилади — Президент қарори

▫️ Қарор билан Озодликдан маҳрум этиш жазосини ўтаб бўлган фуқароларнинг ижтимоий мослашувига кўмаклашиш бўйича “дастлабки ижтимоий-моддий ёрдам пакети”ни бериш тартиби тўғрисидаги низом тасдиқланди.

▪️ Ёрдам пули ҳар бир кўмак олувчига унинг ижтимоий мослашувига кўмаклашиш учун тадбиркорлик, меъморчилик, ҳунармандчилик каби йўналишлардаги лойиҳаларини амалга ошириш учун бир марта берилади (меҳнатга ҳақ тўлашнинг энг кам миқдорининг 10 баравари миқдорида – 9 млн 200 минг сўм).

➖ Ёрдам пуллари ушбу масаласини кўриб чиқувчи идоралараро доимий комиссияларнинг қарорлари асосида берилади.

▫️Кўмак олувчилар жазони ўтаб бўлганидан кейин 3 ой муддатда ишчи органга ўз лойиҳасини илова қилган ҳолда ариза тақдим этади.

❗️Лойиҳани молиялаштириш мақсадга мувофиқлиги юзасидан хулосани тайёрлаш қуйидаги мезонларга асосланади:

▫️бошламоқчи бўлган тадбиркорлик, меъморчилик ёки ҳунармандчилик фаолиятининг натижадорлиги ва даромадли эканлиги;
▫️маҳалла фуқаролар йиғинининг ижобий тавсияси;
▫️кам таъминланган ёки ёлғизлиги;
▫️қарамоғида ногиронлиги бўлган ёки вояга етмаган фарзанди борлиги;
▫️кўп (4 ва ундан ортиқ) фарзанди борлиги ва моддий кўмакка муҳтожлиги;
▫️нотурар жойларда истиқомат қилаётганлиги.

@segmentuz