⚡ UZCARD ва HUMO тизимлари ишлаяпти, молиявий операцияларни ўтказишда тизимлар тарафдан чекловлар ва узилишлар йўқ.

Ягона умумреспублика процессинг маркази

⚡ Метро линиялари бўйлаб қўшимча автобус ҳаракати йўлга қўйилди

Тошкент метрополитенида электр энергиянинг муддатли ўчиши муносабати билан, “Тошшаҳартрансхизмат” АЖ таркибидаги МАN RR3 (сайёҳлик) русумли автобуслар ажратилиб, “Буюк Ипак Йўли” ва “Олмазор" йўналиши бўйича метрополитеннинг барча станцияларида тўхтаб ўтиш асосида йўловчиларга транспорт хизматлари кўрсатилмоқда.

Транспорт вазирлиги

⚡ Тошкент шаҳар ҳокимлиги пойтахтда фаолият юритаётган корхона, ташкилот ва муассасаларнинг раҳбарларига мурожаат қилиб, катта тирбандликнинг олдини олиш мақсадида ходимларга 15:30 дан кейин жадвал асосида жавоб беришни тавсия қилди.

@segmentuz

⚡️Президент топшириғи билан электр узилиши сабабини аниқлаш ва бартараф этиш бўйича Бош вазир ҳузурида ҳукумат комиссия тузилди.

Комиссия томонидан биринчи навбатда генерация жараёнини тиклаш ҳамда юқори ва паст кучланишли электр тармоқларига кучланиш бериш орқали истеъмолчиларнинг электр таъминотини тиклаш вазифаси қўйилган.

@segmentuz

⚡ Қорақалпоғистон Республикаси ва Хоразм вилоятида электр энергияси таъминоти тўлиқ тикланди

Шунингдек, Тошкент шаҳар, Фарғона, Андижон, Сурхондарё ва Тошкент вилоятларида электр энергияси таъминоти қисман тикланди.

Айни пайтда республикамиз ҳудудларида электр энергияси таъминоти босқичма-босқич тиклаш ишлари олиб борилмоқда.

Ҳолат юзасидан қўшимча маълумот бериб борилади.

Энергетика вазирлиги

@segmentuz

⚡ Тошкент 6 соат ичида тўлиқ сув билан таъминланади — Уй-жой ва коммунал хўжалиги вазирлиги

Вазирлик хабарида айтилишича, «Қодирия» бош сув иншооти ўз фаолиятини қайта бошлади. 5-6 соат оралиғида қувурлар тўлиб бўлгач, одатий иш режимига тушади.

Бўзсув иншоотидан Юнусобод, Мирзо Улуғбек, Учтепа, Шайхонтоҳур, Олмазор туманларига ва Чилонзор туманининг бир қисмига 3 соат ичида сув бериш тўлиқ тикланади. Айни дақиқаларда тармоқда сув мавжуд.

@segmentuz

⚡ Республика бўйлаб сув таъминоти тикланмоқда — Уй-жой ва коммунал хўжалиги вазирлиги

Сурхондарё вилоятининг Денов, Сариосиё ва Узун туманларида ичимлик суви таъминоти тўлиқ ишга тушди.

Шунинглек, Тошкент вилоятининг Олмалиқ, Ангрен, Чирчиқ, Оҳангарон шаҳарлари ҳамда Юқори Чирчиқ, Паркент, Бўстонлиқ туманларида ичимлик сув таъминоти тўлиқ ишга тушди.

@segmentuz

❗️Фарғона, Қўқон шаҳарлари, Данғара, Учкўприк, Сўх, Фарғона ва Ўзбекистон туманларининг айрим ҳудудларида электр таъминоти тикланди.

@segmentuz

Шавкат Мирзиёев Марказий Осиё ва Хитой давлат раҳбарларининг видеоанжуман шаклидаги учрашувида иштирок этди.

Манба

⚡Шавкат Мирзиёев 2022 йилни «Марказий Осиё ва Хитой халқлари маданияти ва санъати йили» деб эълон қилишни таклиф этди.

Манба

⚡ Қарздор истеъмолчилар газдан узилмайди

Истеъмолчиларга қулайлик яратиш мақсадида табиий газдан қарздорлик учун автоматик равишда ўчириш вақтинчалик тўхтатилган.

Хонадонингиздаги ҳисоблагич ўчирилган бўлса, аввало асосий кирувчи ва уй ичидаги барча газ жиҳозларни ўчиринг, сўнгра марказий кўк ENTER тугмасини уч марта босинг ва 6 дақиқа кутинг.

Газ билан боғлиқ муаммолар юзага келган тақдирда, сиз газ таъминоти ташкилотининг 104 рақамига қўнғироқ қилишингиз мумкин.

@segmentuz

⚡ Айни пайтда қайси ҳудудларда электр энергияси фаолияти тикланган?

Бугун, соат 19:00 ҳолатига, Ўзбекистоннинг қуйидаги ҳудудларида электр таъминоти тикланган:

Aндижон вилояти: Aндижон ва Хонобод шаҳарлари;

Бухоро вилояти: Пешку, Қоровулбозор, Қоракўл туманлари тўлиқ, Ромитан, Олот, Вобкент туманлари қисман;

Сирдарё вилояти: Гулистон ва Янгиер шаҳарлари тўлиқ, Гулистон туман тўлиқ, Сайҳунобод тумани қисман;

Тошкент вилояти: Aнгрен, Бўстонлиқ, Тошкент, Қибрай, Оҳангарон, Паркент туманлари;

Фарғона вилояти: Фарғона шаҳар ва Фарғона тумани қисман, Шоҳимардон қисман;

Тошкент шаҳри: Бектемир, Миробод, Юнусобод, Яшнобод, Мирзо Улуғбек туманлари ва Олмазор, Яккасарой, Учтепа туманларининг айрим қисмлари.

Ҳудудий электр тармоқлари

@segmentuz

Соат 21:50 ҳолатига республикада электр энергияси таъминоти 45%га тикланди

Ҳозирги пайтда мавжуд иссиқлик электр станцияларининг энергоблоклари босқичма-босқич ишга туширилиши давом эттирилмоқда.

Энергетика вазирлиги

⚡ Тошкент шаҳрида электр таъминоти 60% тикланди

Мирзо Улуғбек 100%, Бектемир - 80%, Яшнобод - 50%, Миробод 60%, Юнусобод 40%, Шайхонтоҳур 20%, Олмазор 55%, Сергели 20%, Яккасарой 20%, Учтепа 10%, Янгиҳаёт 60%, Чилонзор 10% туманида истеъмолчилар электр тармоғига уланди.

@segmentuz

⚡ Энергетика вазирлиги юртдошларимизга илтимос билан чиқди

Энергетиклар томонидан амалга оширилаётган саъй-ҳаракатлар муносабати билан сиздан энергия қурилмаларидан оқилона фойдаланишингизни ва хонадонингизда ортиқча электр жиҳозларини тармоққа уламасликни сўраймиз, дейилади мурожаатда.

❗Бу саъй-ҳаракатлар кўпроқ истеъмолчиларни электр энергияси билан таъминлашга ёрдам беради.

@segmentuz

⚡Талабалар диққатига!

ОТМ, лицей ва коллежларда электр энергияси узилиши сабаб қолдирилган имтиҳонлар бошқа куни ўтказилади.

Олий ва ўрта махсус таълим вазирлиги дарслар қўшимча режа-гафик асосида одатий режимга етказиб олинишини маълум қилди.

@segmentuz

“Transparency International” халқаро ташкилоти 2021 йил учун “Коррупцияни қабул қилиш индекси”нинг янгиланган рейтингини эълон қилди. Унга кўра, Ўзбекистон 2020 йилга нисбатан 6 поғонага кўтарилиб, 180 мамлакат орасида 140 ўринни эгаллади.

Ўзбекистон мазкур индексда сўнгги беш йил давомида барқарор ўсиш (2016 йилда 21 баллдан 2020 йилда 28 баллгача) қайд этиб, минтақадаги тез суръатларда яхшиланиб бораётган давлатлар қаторида эътироф этилди.

Тошкент шаҳар ҳокими Жаҳонгир Ортиқхўжаев: «Ўзимизни ҳозир кўрсатамиз ёки кўрсатолмаймиз...»

@segmentuz

⚡️ Автомобилларга газ тўлдириш фаолиятига вақтинчалик чекловлар ўрнатилди

Бугундан бошлаб автомобилларга газ тўлдириш компрессор станциялари фаолиятига вақтинчалик чекловлар киритилади. Юридик истеъмолчиларга ҳам табиий газ етказиб бериш тўхтатилади. Ишлаб чиқарилаётган табиий газ тўлиқ ҳажмда ИЭС, ижтимоий соҳа объектлари ва аҳоли истеъмолчиларига йўналтирилади — Энергетика вазирлиги

@segmentuz