#Соҳибқирон_саройи #Оқсарой

“Viasat History” телеканали Шаҳрисабздаги Соҳибқирон Амир Темурнинг Оқсарой қароргоҳининг компьютердаги реконструкциясини кўрсатди.

Каналга уланиш — @yangiuzbekiston_uz

⚡️ Янги Наманган тумани ҳокимлиги ташкил этилди

Ҳукумат қарори (293-сон, 08.05.2021 й.) билан Янги Наманган тумани ҳокимлиги ташкил этилди.

🔄 Туманда қўшимча штат бирликлари ажратилган ҳолда адлия бўлими, давлат хизматлари маркази ва фуқаролик ҳолати далолатномаларини ёзиш органлари ташкил этилади.

🗓 2022 йил 1 декабргача туманнинг маъмурий-ҳудудий чегарасини ҳисобга олган ҳолда, Наманган шаҳрининг 2040 йилгача бўлган бош режаси ишлаб чиқилади.

Каналга уланиш — @yangiuzbekiston_uz

✅ 2017-2020 йилларда, 4 йил давомида суд томонидан қанча шахслар оқланди? Инфографика орқали танишишингиз мумкин.

Каналга уланиш — @yangiuzbekiston_uz

⚡️ Рамазон Ҳайити 13 май кунига белгиланди. Ўзбекистонликлар 4 кун дам олади.

Шавкат Мирзиёев бугун, 10 май куни «Рамазон ҳайитини нишонлаш тўғрисида»ги ПҚ-5110-сонли қарорга имзо чекди.

Қарорга кўра, Ўзбекистон мусулмонлари идорасининг 2021 йилда Рамазон ҳайитининг биринчи куни 13 май — пайшанба кунига тўғри келиши ҳақида қабул қилган қарори инобатга олиниб, мамлакатимизда 2021 йил 13 май Рамазон Ҳайити байрами сифатида нишонланиши белгиланди.

Шунингдек, Президентнинг 10 майдаги ПФ-6222-сонли Фармони асосида 2021 йил 14 май (жума) ҳамда 15 май (шанба) кунлари қўшимча дам олиш куни деб эълон қилинди.

Бундан келиб чиқиб, ўзбекистонликлар Рамазон Ҳайити муносабати билан кетма-кет 4 кун дам оладиган бўлишди:

13 май, пайшанба — Рамазон Ҳайитининг биринчи куни (ишланмайдиган байрам куни);
14 май, жума — қўшимча дам олиш куни (барча учун);
15 май, шанба — қўшимча дам олиш куни (барча учун);
16 май, якшанба — умумий дам олиш куни.

Каналга уланиш — @yangiuzbekiston_uz

⚡️“Ғалаба боғи фалсафаси” китоби нашрдан чиқди

Хотира ва қадрлаш куни нишонланаётган шу кунларда академик Акмал Саидовнинг “Ғалаба боғи фалсафаси” китоби нашрдан чиқди.

Юксак дид ва замонавий матбаа дизайни асосида ўзбек ва рус тилларида чоп этилган ушбу салмоқли китоб пойтахтимизда муҳташам “Ғалаба боғи” ёдгорлик мажмуаси очилганининг 1 йиллигига муносиб туҳфа бўлди.

Китоб Муқаддима, Хотима, 6 фасл ва 40 бобдан борат. Китобнинг сўнгги саҳифаларида Иккинчи жаҳон уруши йилларида "Совет Иттифоқи Қаҳрамони" унвони, учала даражадаги «Слава» («Шуҳрат») орденига сазовор бўлган юртдошларимиз ҳамда ўзбекистонлик Иккинчи жаҳон уруши генералларининг рўйхатлари илова қилинган.

Каналга уланиш — @yangiuzbekiston_uz

⚡️12 йиллик танаффусдан сўнг яна ўқувчи қиз математика бўйича Республика фан олимпиадаси ғолиби

✅ Математика бўйича Республика фан олимпиадасининг финал босқичида Севара Остонова ғолибликни қўлга киритди.

🔰 Севара 7-синфдан халқаро олимпиадаларда иштирок этиб келади. 2017 йили Ҳиндистоннинг Лакхнау шаҳрида бўлиб ўтган халқаро математика мусобақасида иштирок этиб, индивидуал олтин жамоавий кумуш медаль соҳиби бўлди. 2018 йил Севара Озарбайжоннинг Баку шаҳрида математика, кимё, физика фанлари бўйича ўтказилган олимпиадада кумуш медали билан тақдирланди.

☝️Сўнгги бор бундан 12 йил аввал 2009 йилда cамарқандлик академик лицей ўқувчиси Диёра Салимова математика фан олимпиадасида 1-ўринни қўлга киритган эди.

Каналга уланиш — @yangiuzbekiston_uz

#Жадидлар_дафтари

“Мия ўзгармагунча бошқа ўзгаришлар негиз тутмас”

Абдурауф Фитрат

Каналга уланиш — @yangiuzbekiston_uz

⚡️Польшада «Янги Ўзбекистон: бизнес-фаолият маркази, ноёб маданият ва жаҳон туризми» номли махсус журнал чоп этилди

Варшавада Ўзбекистон давлат мустақиллигининг 30 йиллигига бағишланган «Янги Ўзбекистон: бизнес-фаолият маркази, ноёб маданият ва жаҳон туризми» номли махсус журнал чоп этилди.

🔰80 саҳифадан иборат мазкур нашр Ўзбекистоннинг Польшадаги элчихонаси томонидан «REA» нашриёти кўмагида дунё юзини кўрди. Қайд этиш жоизки, 2016 йилдан буён ҳар йили Ўзбекистон ҳақидаги нашр чоп этилади.

Журналнинг кириш қисмида Президент Шавкат Мирзиёевнинг 2020 йил 29 декабрдаги Олий Мажлисга Мурожаатномасидан иқтибос келтирилган, у 2021 йилга мўлжалланган давлат ҳаракат дастури ҳисобланадиган мазкур муҳим ҳужжатнинг мазмун-моҳиятини очиб берган.

🔹Нашрнинг биринчи қисмида 2017-2021 йилларда Ҳаракатлар стратегияси амалга оширилишининг мазмун-моҳияти ҳақидаги материаллар ўрин олган.

Каналга уланиш — @yangiuzbekiston_uz

⚡️Президент мактабларига қабул кунлари ва кириш имтиҳони тартиби маълум қилинди

Бу ҳақида Президент, ижод ва ихтисослаштирилган мактабларни ривожлантириш агентлиги директори Ҳилола Умарова маълумот берди.

🔷 Жорий ўқув йилидан яна 10 та янги Президент мактаби Бухоро, Фарғона, Жиззах, Самарқанд, Қарши, Қашқадарё, Андижон, Гулистон, Навоий, Термез, Нурафшон шаҳарларида очилишига тайёргарлик кўрилмоқда.

🔰 Бу йил Президент мактабларига қабул жараёни 5 июндан 25 июнга қадар, яъни рўйхатдан ўтиш жараёни бўлади. Кириш имтиҳонлари 2 босқчидан иборат бўлиб, биринчи саралаш босқичи 20-25 июлда, иккинчи якуний имтиҳонлар 20-23 августда бўлиб ўтади.

Жорий йилда 10 та ҳудудда 5 синфдан 9 синфгача, қолган 4 та мактабда 5-6 синфлар учун қабул бўлади.

🟪 Бу йил ҳужжатлар онлайн тарзда топширилади. Талабгор платформа орқали ота-онаси ёрдамида ҳужжатларни тўлдириши керак бўлади.

Каналга уланиш — @yangiuzbekiston_uz

⚡Президентнинг тегишли Фармонига (ПФ-6224, 11.05.2021 йил) биноан, 2021 йил 10 майдан бошлаб 1941–1945 йиллардаги уруш ногиронлари ва қатнашчилари, шунингдек, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган шахсларнинг энг кам пенсия миқдори устамаларни инобатга олган ҳолда – 2,5 миллион сўм этиб белгиланди.

Каналга уланиш — @yangiuzbekiston_uz

#Янги_марралар_якдил_қадамлар

⚡️2017-2020 йиллар мобайнида олий даражада 63 та ташриф амалга оширилди. Шундан 39 таси Ўзбекистон Президентининг хорижий мамлакатларга ташрифидир.

☝️Батафсил инфографикада танишишингиз мумкин.

Каналга уланиш — @yangiuzbekiston_uz

#Халқаро_ҳамкорлик

✅ “Марказий Осиё + Япония” форматидаги ҳамкорлик кенгайтирилади

Ўзбекистон Президенти Шавкат Мирзиёев Япония Бош вазири Ёсихидэ Суга билан телефон орқали мулоқот қилди.

🔰 Ўзбекистон-Япония стратегик шериклик ва кўп қиррали ҳамкорлик муносабатларини янада ривожлантиришнинг долзарб масалалари муҳокама қилинди.

Шунингдек, халқаро кун тартиби, минтақавий хавфсизлик ва барқарорликни таъминлаш масалалари юзасидан фикр алмашилди. Томонлар “Марказий Осиё + Япония” форматидаги ҳамкорликни кенгайтиришга тайёр эканликларини қайд этдилар.

Каналга уланиш — @yangiuzbekiston_uz

#Халқаро_ҳамкорлик

Ўзбекистон ва Туркия Президентлари телефон орқали мулоқот қилдилар.

Давлат раҳбарлари Рамазон ҳайити муносабати билан бир-бирларини самимий қутладилар, биродар халқларимизга тинчлик-осойишталик, фаровонлик ва равнақ тилакларини изҳор қилдилар.

Икки томонлама муносабатларнинг долзарб масалалари батафсил муҳокама қилинди, халқаро сиёсат юзасидан фикр алмашилди.
Президентлар Шарқий Қуддусдаги вазиятнинг кескин тус олиши сабабли чуқур хавотирда эканликларини билдирдилар.

Каналга уланиш — @yangiuzbekiston_uz

⚡Президент Шавкат Мирзиёев Рамазон ҳайити муносабати билан 100 нафар маҳкумни афв этди.

Афв этилганларнинг 12 нафарини чет эл фуқаролари, 4 нафарини 60 ёшдан ошган эркаклар, 6 нафарини аёл ҳамда 52 нафарини тақиқланган ташкилотлар фаолиятида қатнашган шахслар ташкил этади.

Каналга уланиш — @yangiuzbekiston_uz

⚡️Азиз юртдошлар! Сизларни улуғ ва муборак айём – Рамазон ҳайити билан самимий қутлаймиз.

Юртимизга тинчлик, халқимизга фаровонлик тилаймиз.

Каналга уланиш — @yangiuzbekiston_uz

#Muborak_oy_ayyomi

🌙 Рамазон ҳайити муборак бўлсин!

Каналга уланиш — @yangiuzbekiston_uz

#Меҳр_ва_эътибор

Кучга куч қўшувчи умид алангаси ҳеч қачон сўнмасин. Ҳар қандай дардни енгишга қодир ирода ҳеч қачон букилмасин.

Каналга уланиш — @yangiuzbekiston_uz

⚡️ Президентга ЙҲХ ходими бўлиш орзусини айтган қизга ЙҲХ фахрий аъзоси гувоҳномаси ва формаси топширилди

Шавкат Мирзиёев 14 май куни онкология ва радиология марказига борганида, оғир дард билан курашаётган қиз Президентга ЙҲХ ходими бўлиш орзусини айтган эди.

15 май куни ИИВ ЙҲХББ бошлиғи Олим Саидов қизчани йўқлаб бориб, унга аъзолик гувоҳномаси ва махсус формани топширди. Унинг даволаниши учун барча харажатларни ЙҲХББ ўз зиммасига олди.

Каналга уланиш — @yangiuzbekiston_uz

Ўзбекистон Республикаси санъат арбоби Баҳодир Йўлдошев вафоти муносабати билан ҳамдардлик

Каналга уланиш — @yangiuzbekiston_uz

⚡️Халқаро имтиҳон тизимларида юқори балл тўплаган ёшларга харажатларни қоплаб бериш бўйича давлат хизмати ишга туширилди

Бунда, имтиҳон топшириш харажати компенсация қилинадиган халқаро имтиҳон тизимлари рўйхати тасдиқланган. Мазкур рўйхатга GMAT, IELTS, TOEFL, GRE, SAT каби имтиҳонлар киритилган. Имтиҳон топшириш харажати 2021 йил 1 майдан бошлаб компенсация қилиниши бошланади.

CAE, DAF, JLPT, HSK ва бошқалар бўйича харажатлар 2022 йил 1 январдан бошлаб компенсация қилинади.

❗️Ариза берувчи имтихон топшириш вақтида 31 ёшга тўлмаган Ўзбекистон Республикаси фуқароси ёки фуқаролиги бўлмаган шахс бўлиши мумкин.

Ушбу давлат хизмати учун Давлат хизматлари марказлари ёки Ягона интерактив давлат хизматлари портали my.gov.uz орқали мурожаат қилиш мумкин.

Каналга уланиш — @yangiuzbekiston_uz