Тасаввур қилиб кўринг... Ўз ишини билмайдиган, амалий кўникмалари шаклланмаган, соҳани тушунмайдиган ходим ташкилотга қанчалар зиён етказиши мумкин? Ҳар йили давлат органлари ва ташкилотларидаги кадрларнинг ўртача малака ошириш ҳолати ҳақида хабардормисиз?

Ушбу видеороликда давлат фуқаролик хизматчиларининг касбий компетенциясини ошириб боришнинг зарурати ва фойдали томонлари тушунтирилган.

Раҳбарлар ва давлат хизматчилари кўриши тавсия этилади.

Telegram | Instagram | Facebook

Президент Шавкат Мирзиёев 31 март куни Қорақалпоғистондан Хоразм вилоятига келди.

Ташриф давомида Халқ депутатлари вилоят кенгаши йиғилишида иштирок этиш, IT парк фаолияти билан танишиш, янги лойиҳаларни ишга тушириш режалаштирилган.

Telegram | Instagram | Facebook

Урганч шаҳрида 31 март куни халқ депутатлари Хоразм вилояти кенгашининг навбатдан ташқари сессияси бўлиб ўтди.

Унинг натижаларига кўра, Жўрабек Раҳимов Хоразм вилоятининг ҳокими этиб тасдиқланди.

Telegram | Instagram | Facebook

Президент Шавкат Мирзиёев Урганч шаҳридаги Дастурий маҳсулотлар ва ахборот технологиялари технологик паркининг Хоразм филиалини бориб кўрди.

Telegram | Instagram | Facebook

Жорий йилнинг 27-28 апрель кунлари 2-Тошкент халқаро инвестиция форуми (TIIF-2023) бўлиб ўтади.

Биринчи TIIF дунёнинг 56 мамлакатидан 2000 дан ортиқ иштирокчилар - йирик инвесторлар ва юқори мартабали меҳмонларни бирлаштирган йирик халқаро тадбирга айланди.

TIIF-2023 қатнашчиларининг сони янада ошиши кутилмоқда, унинг давомида Ўзбекистон ва Марказий Осиёнинг инвестициявий салоҳиятини атрофлича очиб беришга қаратилган ялпи мажлис, экспертларнинг 30 дан ортиқ қизғин баҳс-мунозаралари, панел мунозаралари, давра суҳбатлари ва b2b музокаралари ўтказилиши режалаштирилган.

Telegram | Instagram | Facebook

1 апрелдан қонунчиликда нималар ўзгаради?

➖ Пенсиялар ва нафақалар миқдори 7%га оширилади;

➖ Тошкент шаҳрида жамоат транспортидан фойдаланиш тарифлари ўзгаради;

➖ 25 йилдан ошиқ педагогик стажга эга бўлган педагоглар мажбурий аттестацияга жалб этилмайди;

➖ Пенсия олувчилар метродан бепул фойдаланади;

➖ Ҳалок бўлган ҳарбий хизматчиларнинг оила аъзоларига бирйўла бериладиган нафақа миқдори ҳарбий хизматчи маошининг 150 баравари миқдорида белгиланади;

➖ Тошкент ва Нукус шаҳарларида ҳамда вилоятлар ва туманлар марказларида транспорт воситалари ҳаракат тезлиги соатига 60 километргача туширилади;

➖ Янги мактабгача таълим ташкилотлари фаолиятини кўп квартирали уйларнинг нотурар қаватларида йўлга қўйишга рухсат этилади;

➖ Лицей, техникум педагогларининг базавий тариф ставкалари мактаб ўқитувчилариникига тенглаштирилади;

➖ Умумий қуввати 100 кВтгача бўлган қайта тикланувчи энергия манбалари қурилмаларини ўрнатган жисмоний ва юридик шахсларга солиқ имтиёзлари берилади;

➖ Пахта ва ғалла етиштиришга ихтисослашган фермер хўжаликларига уларнинг ишчилари томонидан тўланган даромад солиғини қайтариб бериш тартиби жорий этилади;

➖ Паррандачилик билан шуғулланувчи тадбиркорлик субъектларига субсидиялар беришда «my.vetgov.uz» сайтида рўйхатдан ўтиш талаб этилади.

Telegram | Instagram | Facebook

Саида Мирзиёева:

«Хоразмда юз берган фожиа жамиятда кескин муҳокамаларга сабаб бўлди. Бу ҳолат қонунчилигимизда жиддий муаммолар борлиги ва ушбу бўшлиқдан жирканч шахслар фойдаланиб қолаётганини кўрсатмоқда. Воқеа иштирокчилари орасида ҳуқуқ идораси вакиллари ҳам борлиги эса ниҳоятда хавотирлидир.

Бош прокуратурадан мазкур ҳолатга алоҳида эътибор қаратиб, синчиклаб ўрганишни ва ҳуқуқий баҳо беришни сўрайман.

Биз мавжуд қонунчиликни қайта кўриб чиқиб, такомиллаштириш, турли “лазейка”ларни ёпиш, оилавий зўравонлик бўйича қонунни қабул қилишни тезлаштиришимиз зарур. Мазкур қонун лойиҳаси аёллар ва болалар ҳуқуқлари, эркинликлари ва қонуний манфаатларини ишончли ҳимоя қилишни кучайтиришга қаратилган».

Telegram | Instagram | Facebook

Султанов  Ғайратжон Пўлатович Урганч тумани ҳокими лавозимига тайинланди.

Ғ.Султонов шу вақтга қадар Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг Қорақалпоғистон Республикаси бошқармаси бошлиғи лавозимида ишлаб келаётган эди.

Telegram | Instagram | Facebook

Ахмедов Шухрат Курвондурдиевич Тупроққалъа тумани ҳокими лавозимига тайинланди.

Бунгача Ш.Ахмедов Хоразм вилояти қишлоқ хўжалиги  бошқармаси бошлиғи лавозимида ишлаб келаётган эди.

Telegram | Instagram | Facebook

Назаров Жаҳонгир Бахромович Боғот тумани ҳокими лавозимига тайинланди.

Бунга қадар Ж.Назаров Давлат активларини бошқариш агентлигининг Хоразм вилояти ҳудудий бошқармаси бошлиғи лавозимида ишлаб келаётган эди.

Telegram | Instagram | Facebook

Эгамов Бобурбек Давлатназарович Қўшкўпир тумани ҳокими лавозимига тайинланди.

Б.Эгамов бунга қадар Иқтисодиёт ва молия вазирлиги ҳузуридаги "Лойиҳалар ва импорт контрактларини комплекс экспертиза қилиш маркази" ДУК директори ўринбосари вазифасида ишлаб келган.

Telegram | Instagram | Facebook

2023 йилда Ўзбекистонда иш ҳақи, пенсия ва нафақаларни яна бир бор ошириш режалаштирилган. Биринчи ўсиш доирасида 1 апрелдан пенсия ва нафақалар ўртача 7 фоизга, 1 майдан эса бюджет соҳаси ходимларининг иш ҳақи ошади.

Иккинчи ўсиш 1 сентябрдан режалаштирилган — давлат сектори ходимларининг иш ҳақи, пенсия ва нафақалар яна 10 фоизга ошиши керак.

2023 йилда иш ҳақи ва пенсияларнинг икки баравар ошиши ҳисобига умумий ўсиш ўртача 17,7 фоизни ташкил этади. Натижада, иш ҳақини индексация қилиш прогноз қилинган инфляция даражасидан (10% доирасида) юқори бўлади.

Telegram | Instagram | Facebook

Мен бу хабарни биринчи бўлиб маҳалла раисимиздан эшитдим, тўғриси бир суткагача ишонмадим. Аллоҳим шу кунларга етказганига шукр — Мақсуда Перматова

Давлат кўмаги билан Умра зиёратида бўлиб қайтган Гулистон тумани "Ишонч" маҳалласида яшовчи Мақсуда Перматова ўз таассуротлари билан бўлишди.

Telegram | Instagram | Facebook

Шаҳноза Машарипова Президент гранти асосида ТАТУнинг Урганч филиалига ўқишга қабул қилинди.

Telegram | Instagram | Facebook

❗️Ўзбекистон бўйлаб жала ёмғирлари кузатилиши кутилмоқда

«Ўзгидромет» директори Шерзод Ҳабибуллаевнинг хабар беришича, бугун, 3 апрель соат 20:00 дан 23:00 гача бўлган вақтда республика бўйича жала ёмғири кузатилиши кутиляпти.

Telegram | Instagram | Facebook

Янгиланаётган Конституцияда суриштирув, тергов ва суд жараёнида инсон ҳуқуқларига оид 9️⃣ та энг муҳим кафолатдан хабардормисиз?

1️⃣ Шахсни ушлаш чоғида унга тушунарли тилда унинг ҳуқуқлари ва ушлаб турилиши асослари тушунтирилиши шарт.

2️⃣ Шахс ўзининг айбсизлигини исботлаши шарт эмас ва исталган вақтда сукут сақлаш ҳуқуқидан фойдаланиши мумкин.

3️⃣ Айбдорликка оид барча шубҳалар гумон қилинувчи, айбланувчи, судланувчи ёки маҳкумнинг фойдасига ҳал қилиниши керак.

4️⃣ Агар шахснинг ўз айбини тан олганлиги унга қарши ягона далил бўлса, у айбдор деб топилиши ёки жазога тортилиши мумкин эмас.

5️⃣ Шахс ўзига ва яқин қариндошларига қарши гувоҳлик беришга мажбур эмас.

6️⃣ Шахс суднинг қарорисиз қирқ саккиз соатдан ортиқ муддат ушлаб турилиши мумкин эмас.

7️⃣ Ҳибсга олиш, қамоққа олиш ва қамоқда сақлашга фақат суднинг қарорига кўра йўл қўйилади.

8️⃣ Ёзишмалар, телефон орқали сўзлашувлар, почта, электрон ва бошқа хабарлар сир сақланишини чеклашга ҳамда уй-жойда тинтув ўтказишга фақат қонунга мувофиқ ва суднинг қарорига асосан йўл қўйилади.

9️⃣ Ҳар кимга малакали юридик ёрдам олиш ҳуқуқи кафолатланади. Қонунда назарда тутилган ҳолларда юридик ёрдам давлат ҳисобидан кўрсатилади.

Telegram | Instagram | Facebook

Куни кеча ижтимоий тармоқларда Сергелида аёл 3 нафар фарзанди билан ўзини 9-қаватдан пастга ташлагани ҳақида хабарлар тарқалди.

Хабар асосида Бош прокуратура ҳамда Тошкент шаҳар прокуратура раҳбарияти бошчилигидаги тезкор-тергов гуруҳи томонидан воқеа жойи кўздан кечирилиб, текшириш ҳаракатлари олиб борилди.

Аниқланишича, 3 апрель куни соат 19.20 ларда Сергели тумани 8-мавзедаги кўп қаватли уйида яшаб келган аёл (1996 й.т.) икки нафар ўғли ва бир нафар қизини қасддан ўлдириш мақсадида, 9-қаватдан бирин кетин деразадан ташлаб юбориб, сўнгра ўзи ҳам ойнадан сакраб ўз жонига қасд қилган.

Оқибатда барчаси ҳодиса жойида вафот этишган.

Мазкур ҳолат юзасидан Жиноят кодексининг 97 (Қасддан одам ўлдириш) ва 103 (Ўзини ўзи ўлдириш даражасига етказиш) моддалари билан жиноят иши қўзғатилган.

Олинган маълумотларга кўра, марҳума аёл Тошкент вилояти Зангиота туманида турмуш ўртоғи билан истиқомат қилган хонадонда 2022 йил октябрь ойида ёнғин содир бўлганлиги сабабли 3 нафар фарзандлари билан бирга онасининг Сергели 8-мавзесидаги уйига келиб, улар билан бирга бирга истиқомат қилиб келган ҳамда ушбу ҳолатлар унинг руҳиятига салбий таъсир кўрсатган.

Шунингдек, марҳуманинг турмуш ўртоғи ҳозирда "Умра" зиёрати мақсадида Саудия Арабистонда эканлиги аниқланган.

Тергов гуруҳи томонидан ушбу фожеанинг барча эҳтимолий сабабларини синчковлик билан текшириш мақсадида қатор тергов тахминлари ишлаб чиқилган.

Хусусан, оилавий келишмовчилик, марҳумада кузатилган руҳий ўзгаришларга олиб келган сабаблар, ўз-ўзини ўлдириш даражасига келтириш ва бошқа тахминларнинг барчаси дастлабки тергов жараёнида батафсил текширилади.

Бош прокуратура

Telegram | Instagram | Facebook

Янгиланаётган Конституцияда мамлакатда аёл ва эркакнинг тенг ҳуқуқли экани кафолатланмоқда

Аёлларни турли сабаблар билан, шу жумладан, ҳомиладорлиги ёки боласи борлиги сабабли ишга қабул қилишдан бош тортиш, ишдан бўшатиш ва маошини камайтириш тақиқланади.

Telegram | Instagram | Facebook

Кескин ёмғирли мавсум давом этади — Ўзгидромет

Ўзгидромет 5-7 апрель кунлари республиканинг кўплаб ҳудуддарида кескин кўринишда ёғинлар бўлиши ҳақида огоҳлантириш хабари билан чиқди.

Огоҳлантириш хабарига кўра, 5-7 апрель кунлари Қашқадарё, Самарқанд, Сирдарё, Жиззах, Тошкент ва водий вилоятларида кучли ёғингарчиликлар кузатлиши мумкин.

Ёғинлар халқ тилида айтиладиган «полоса» кўринишда бўлиб, жуда ҳам яқин ҳудудларда турли тақсимотга эга.

Республиканинг 9 та вилояти тоғ ва тоғ олди туманларида сел келиш хавфи сақланади.

Telegram | Instagram | Facebook