Табиий газ етказиб бериш имконияти мавжуд бўлмаган ҳолларда аҳолига суюлтирилган газ етказиб беришга рухсат берилади

Йиғилишда бир қатор қўшимча чоралар белгиланди:

➖ барча ишлаб чиқарувчилар ва трейдерларга суюлтирилган газни экспорт қилишни тақиқланади;

➖ табиий газ етказиб бериш имконияти мавжуд бўлмаган ҳолларда аҳолига суюлтирилган газ етказиб беришга рухсат берилади;

➖ Сув хўжалиги вазирлиги тизимидаги насос станцияларига электр энергияси етказиб беришга ўрнатилган вақтинча чекловлар йил якунига қадар узайтирилди;

➖ бензин ва дизель ёқилғиси ишлаб чиқариш учун хомашё ҳамда тайёр бензин импорти оширилади;

➖ биржада АИ-80 бензини савдосига воситачи компанияларнинг иштирок этишига йўл қўйилмайди.

@segmentuz

Бош вазир бошчилигида Ҳукумат ишчи гуруҳи тузилди

Президент топшириғига асосан, Бош вазир бошчилигида Ўзбекистон Республикаси ҳудудида энергия муаммоларини тезкор ўрганиш ва ҳал қилиб бориш бўйича Ҳукумат ишчи гуруҳи тузилади.

Ишчи гуруҳ:

➖ республика ҳудудида энергия тақчиллиги муносабати билан юзага келган вазиятни қисқа муддатларда чуқур таҳлил қилиш ва аниқланган камчиликларни бартараф қилиш бўйича тезкор чоралар кўриб бориш;

➖ электр энергияси ва газни биринчи навбатда аҳолига етказиб бериш заруриятини эътиборга олган ҳолда, мавжуд энергия ресурсларини мувозанатли тақсимлаб бориш ва ушбу жараённи қатъий назорат қилиш;

➖ электр энергияси ва газ тақчиллиги шароитида муқобил энергия маҳсулотлари билан аҳолини ва ижтимоий соҳа объектларини узлуксиз таъминлаш ишларини жадаллаштириш;

➖ ижтимоий объектлар, жумладан таълим ва соғлиқни сақлаш муассасаларининг барқарор фаолият юритишини таъминлаш юзасидан зарур маблағлар ажратиб бориш ва уларнинг мақсадли ишлатилиши устидан қатъий назорат ўрнатиш;

➖ энергия тақчиллиги ва унинг оқибатида юзага келадиган салбий оқибатлар, айниқса иқтисодиётга таъсирини камайтириш мақсадида, комплекс чора-тадбирлар кўриш юзасидан асосланган таклифлар ишлаб чиқиш ва кўриб чиқиш учун киритиш вазифаси юклатилади.

@segmentuz

🇺🇿 Ўзбекистон Республикасининг Асосий қонунига 30 йил тўлди. Конституция куни муборак бўлсин, азиз ватандошлар!

@segmentuz

❗️Истиқболли бошқарув кадрларини саралаб олиш бўйича “100 нафар илғор етакчи” дастури ташкил этилади

Президентнинг “Истиқболли бошқарув кадрларини саралаб олиш ва тайёрлаш тизимини такомиллаштириш тўғрисида”ги қарори лойиҳаси жамоатчилик муҳокамасига қўйилди.

▪️ Лойиҳага мувофиқ, 2023 йилдан бошлаб:

▫️ дастур доирасида ҳар икки йилда бир марта 100 нафар салоҳиятли бошқарув кадрлари танлов асосида саралаб олинади, улар базавий ҳисоблаш миқдори 100 баравари миқдорида бир марталик пул мукофоти билан рағбатлантирилади, махсус ўқув дастури асосида ўқитилади, маҳаллий ва хорижий стажировкага юборилади;

▫️ дастурда олий маълумотга ва тегишли соҳада камида беш йил иш тажрибасига эга, 25 ёшдан 40 ёшгача бўлган (40 ёш ҳам қўшилган ҳолда) Ўзбекистон фуқаролари иштирок этиши мумкин;

▫️ дастурни муваффақиятли якунлаган ғолиблар миллий кадрлар захирасига киритилади ҳамда раҳбарлик лавозимларига тавсия этиб борилади.

Лойиҳа муҳокамаси шу йилнинг 16 декабрига қадар давом этади.

@segmentuz

Энергетика соҳасидаги мавжуд муаммолар бўйича Президент хабардор қилинаяптими?

Ушбу саволга энергетика вазири ўринбосари Шерзод Ходжаев жавоб қайтарди

“Энергетика соҳасидаги вазият бўйича ҳар соатда давлат раҳбарига ҳисобот киритиб борилмоқда.

Президентимиз томонидан масалага жиддий ёндашган ҳолда, махсус штаблар фаолиятини йўлга қўйиш, ҳар бир ҳудудда, ҳар бир вазирлик ва идорада махсус ишчи гуруҳларни тузган ҳолда, бор ресурсларни аҳоли ва ижтимоий соҳа объектлари ўртасида одилона тақсимлаш бўйича топшириқлар бериб борилмоқда.

Шу билан бирга, табиий газ ишлаб чиқариш ва импорт ҳажмини ошириш бўйича ҳам алоҳида топшириқлар берилган”, — деди Ш.Ходжаев.

@segmentuz

Туркманистондан электр энергияси импортининг кунлик ҳажми оширилди

Истеъмолчиларга электр энергияси етказиб бериш ҳажмини ошириш мақсадида «Туркманэнерго» корпорациясидан импорт амалиётининг суткалик 17–18 млн кВт-соатдан 20–21 млн кВт-соатга оширилди.

@segmentuz

Республика аҳолисининг энергия ресурсларига ортиб бораётган эҳтиёжларини қондириш мақсадида Фарғона нефтни қайта ишлаш заводида АИ-80 маркали бензиннинг кунлик ишлаб чиқариш ҳажми 850 тоннадан 1 000 тоннага, суюлтирилган газ ишлаб чиқариш ҳажми эса 30 тоннадан 50 тоннага оширилмоқда.

@segmentuz

Газ қувурларида босимнинг меъёрдан пастлиги сабабли Ўзбекистон бўйича жами 462 та маҳалладаги қарийб 62 мингта хонадонга табиий газ етиб бормаяпти. Бу ҳақда Сардор Умрзоқов раислигида бўлиб ўтаётган Республика штабининг навбатдаги йиғилишида маълум қилинди.

@segmentuz

❗️Сардор Умрзоқов: «Энерготаъминот бўйича вазиятни шу даражага олиб келганлар сувдан қуруқ чиқиб кетмайди, айримлари орамизда ўтирибди»

Президент администрацияси раҳбари Сардор Умрзоқов бошчилигида қишни беталофат ўтказиш бўйича навбатдаги видеоселектор йиғилиши бўлиб ўтмоқда.

@segmentuz

Бугун, 9 декабрь — Халқаро коррупцияга қарши кураш куни муносабати билан Давлат божхона қўмитаси божхона органларида ҳалол, пок ва виждонан хизмат қилаётган ходимларига бағишлаб мусиқий клип тақдим этди.

@segmentuz

⚡️Акциз солиғи бекор қилиниши муносабати билан АЁҚШларда АИ-80 бензин нархи 5500 сўмга тушиши кутилмоқда — Энергетика вазирлиги

@segmentuz

10 декабрь — Ўзбекистон Республикаси Давлат мадҳияси қабул қилинган кун

@segmentuz

❗️Баъзи манбаларда тарқалаётган тиббиёт муассасалари ерлари билан боғлиқ масалалар бўйича Соғлиқни сақлаш вазирлигининг жавоби қатъий: на вазирликда, на вазирда ер бериш ва ажратишга қонуний ваколат йўқ — Соғлиқни сақлаш вазирлиги

@segmentuz

«Динимизда пора берувчи ҳам, олувчи ва воситачи ҳам лаънатланган» — Муфтий коррупционерларни бошқаларнинг мулкини ейиш гуноҳидан огоҳлантирди

«Пора нима деб аталмасин, барибир поралигича қолаверади. Ҳозир ҳеч ким билмаяпти дея одамларни алдаб, танишларим орқали қонунни четлаб ўтяпман, деб ўйлашимиз мумкин. Қиёматда бундай бўлмайди. Аллоҳ таоло қўлимизга ҳамма нарса ёзилган китобимизни берганида «дод» деймиз, лекин ҳеч нарса қилолмаймиз», – дейди муфтий Нуриддин Холиқназаров.

@segmentuz

Хитойга газ экспорт қилиш тўхтатилган, кўпроқ газ импорт қилиш учун музокаралар олиб борилмоқда

«Ўзтрансгаз» АЖ бошқарув раиси Беҳзод Норматовнинг маълум қилишича, табиий газ билан боғлиқ мавжуд ҳолатни яхшилаш мақсадида қуйидаги чоралар кўрилмоқда:

1️⃣ Газни Хитойга экспорт қилиш тўхтатилган. Бўш қолган ҳажм ички бозорга йўналтирилган;

2️⃣ Импорт ҳажмлари сақланиб турибди ҳамда импорт ҳажмини ошириш борасида музокаралар олиб борилмоқда;

3️⃣ Катта ҳажмда газ истеъмол қиладиган — «Максам Чирчиқ», «Фарғонаазот» заводлари тўлиқ тўхтатилди. Шунингдек, «Навоийазот» заводининг асосий ишлаб чиқариш қувватлари ҳам тўхтатилган. Бундан бўшаган ҳажмлар аҳолига йўналтирлган;

4️⃣ Метан «заправка»ларнинг фаолияти режа асосида тўхтатилмоқда. Негаки, «заправка»ларнинг жойлашган жойи аҳолига газ етказиб беришда ҳалақит қилгани боис, газ истеъмоли авжига чиққан паллада тўхтатилди. «Заправка»ларнинг иш режимини тўхтатиш жараёни ҳаво ҳарорати яхшиланиб боргани сайин қисқариб боради.

@segmentuz

Газ ва электр муаммоси бўйича қонунбузилишга йўл қўйган айрим раҳбарлар қамоққа олинган

Аҳоли ва иқтисодиёт тармоқларини энергия ресурслари билан мутаносиб таъминлаш масалалари бўйича Республика штабининг навбатдаги йиғилиши Президент Администрацияси раҳбари Сардор Умрзоқов раҳбарлигида танқидий руҳда ўтказилмоқда.

Унда қонунбузилишга ҳамда масъулиятсизликка йўл қўйган соҳа раҳбарларидан айримларга нисбатан жиноят иши қўзғатилгани ва қамоққа олингани маълум қилинди.

@segmentuz

«Агар бошқа ҳудудлардаги масъуллар ҳам бундан тўғри хулоса чиқармаса ва қонунбузилиш ҳолатларига йўл қўйса, уларга ҳам, албатта, худди шундай жиноий иш қўзғатилади» — Сардор Умурзоқов

@segmentuz

❗️Халқаро рейтингларга кирган ОТМни тугатган ёш кадрларга 12 млн. сўмгача, илмий даража олганларга эса 22,5 млн сўмгача устама берилади

Бу ҳақда Давлат хизматини ривожлантириш агентлиги ахборот хизмати маълум қилди.

Қайд этилишича, халқаро рейтингларга кирган хорижий ОТМларни тамомлаган ёш мутахассисларга базавий ҳисоблаш миқдорининг қуйидаги миқдорида устама тўланади:

➖Рейтингда 1-100-ўрин: бакалавр — БҲМнинг 30 баробари (9 млн. сўм), магистратура — 40 баробари, (12 млн. сўм), илмий даража учун — 75 баробари (22,5 млн. сўм).

➖Рейтингда 101-300-ўрин: бакалавр — 20 баробари (6 млн. сўм), магистратура 30 баробари (9 млн. сўм), илмий даража учун — 60 баробари миқдорда (18 млн.сўм).

➖Рейтингда 301-500-ўрин: бакалавр — 15 баробари (4,5 млн. сўм), магистратура — 20 баробари (6 млн. сўм) ва илмий даража учун — 50 баробари миқдорида (15 млн. сўм) устама берилади.

▪️️Батафсил

@segmentuz