Шавкат Мирзиёев:

⚡️Ипотека дастури доирасида уй-жой сотиб олиш учун ёш оилаларга қўшимча 2 мингта квота ажратилади ва ушбу мақсадлар учун бюджетдан 60 миллиард сўм маблағ йўналтирилади.

Шунингдек, ёш оилаларнинг ипотека кредитини қайтаришга тўлаган маблағлари даромад солиғидан тўлиқ озод қилинади. “Дафтарлар”га кирган оилаларнинг янги турмуш қураётган фарзандларига ўз хонадонида қўшимча уй-жой тиклаши учун 33 миллион сўмгача гаровсиз кредит ажратиш тизими йўлга қўйилади.

Шунингдек, “Темир дафтар”да қайд этилган оилаларнинг ҳар бир фарзандига ўқув қуроллари ва мактаб формаси сотиб олиш учун август ойида 500 минг сўмдан моддий ёрдам берилади.

Давлатимиз раҳбарининг Ўзбекистон ёшлар ва талабалар форумидаги нутқидан

#Инфографика

Ўзбекистон Президенти Шавкат Мирзиёевнинг "Ёшлар куни" муносабати билан ўтказилаётган Ўзбекистон ёшлар ва талабалар форумидаги нутқидан

Шавкат Мирзиёев:

⚡️Ёшлар ўртасида китобхонликни, мутолаа маданиятини ривожлантириш доимий эътиборимиз марказида бўлади.

Фарзандларимизга мўлжалланган бадиий адабиётларни кўпайтириш ва уларнинг муаллифларини рағбатлантириш мақсадида “Болалар ва ёшлар учун энг яхши китоб” танловини ўтказиш йўлга қўйилади.

🔷 Бунда, муаллифлар учун биринчи ўринга – 100 миллион сўм, иккинчи ўринга – 75 миллион сўм, учинчи ўринга – 50 миллион сўм мукофот берилади.

Давлатимиз раҳбарининг Ўзбекистон ёшлар ва талабалар форумидаги нутқидан

Шавкат Мирзиёев:

⚡️Бўстонлиқ туманида Ўзбекистон металлургия комбинатининг “Ёшлик оромгоҳи” негизида йил давомида фаолият юритадиган Республика иқтидорли ёшлар оромгоҳи ташкил этилади.

Бу масканда ёшларимиз йил давомида аниқ фанлар билан бирга, бадиий адабиёт, тасвирий санъат ва мусиқа бўйича ҳам билим ва малакасини оширадилар.

Ҳар бир вилоят ва туманда “Чавандозлар мактаби” фаолияти йўлга қўйилади.

Жойларда спорт тўгаракларини ташкил қилаётган мураббийларга инвентар сотиб олиш учун субсидия ажратилади, бўш турган бинолар имтиёзли асосда ижарага берилади.
Шунингдек, камида 100 нафар ёшларни спортга мунтазам жалб қилган мураббийларга бюджетдан ойлик тўлаш тартиби жорий этилади.

Давлатимиз раҳбарининг Ўзбекистон ёшлар ва талабалар форумидаги нутқидан

⚡️“Янги Ўзбекистон” университетига жорий йилда 300 нафар ёшлар қабул қилинади.

🔷"Менинг ҳикоям" лойиҳасининг иккинчи сони

▶️ Лойиҳа қаҳрамони — Тошкент вилояти Бекобод туманида яшовчи Шерали Кенжаев "Ёшлар дафтари"даги имкониятлар унинг ҳаётида нималарни ўзгартираётгани ҳақида ҳикоя қилади.

⚡️Тошкент учун электробуслар келтирилади

БМТ Тараққиёт дастури ва Глобал экология жамғармаси жамоат электротранспортини жорий этиш учун Тошкентга $3,9 миллион ажратади.

🔰 Синов лойиҳаси 6 йилга мўлжалланган бўлиб, унинг доирасида электробуслар сотиб олиш ва шаҳарда яшил транспорт йўлагини жорий этиш кўзда тутилган. Кейинчалик ушбу тажриба Ўзбекистоннинг бошқа шаҳарларида ҳам амалга оширилиши мумкин.

Таъкидланишича, лойиҳанинг жорий этилиши орқали атмосфера ҳавосига чиқарилаётган зарарли моддалар миқдорининг сезиларли даражада камайтирилишига эришилади.

#Инфографика

🔷 Ўзбекистонда таълим сифатини ошириш ҳамда олий таълим соҳасида олиб борилаётган ишлар самарадорлиги

#Инфографика

🔷 Европа Тикланиш ва тараққиёт банки Ўзбекистонда ЯИМнинг ўсиши бўйича прогнозини қайта кўриб чиқди.