Олий суд раисига биринчи ўринбосар сайланди

Президентнинг тақдимномаси ва Олий Мажлис Сенатининг тегишли қарорига асосан Усманов Алишер Атаханович беш йил муддатга Олий суд раисининг биринчи ўринбосари – судлов ҳайъати раиси лавозимига сайланди.

Шунингдек, Икрам Муслимов Олий суд раисининг ўринбосари – судлов ҳайъати раиси лавозимидан, Нодира Хакимова Олий суднинг судьяси лавозимидан озод этилди.

Telegram | Instagram | Facebook

Бухорода беш ишчининг қурилишда ҳалок бўлиши фақат маҳаллий воқеа эмас, балки бутун тизимдаги оғриқли муаммоларни кўрсатиб берди. Халқ демократик партияси фракцияси бу ҳолатга эътибор қаратди ва масалани парламент муҳокамасига олиб чиқиш ниятини билдирди.

Фракция депутатлари таъкидлашича, норасмий ишлаётган юртдошлар сони кўп. Улар ҳуқуқий ҳимоядан маҳрум, меҳнат муҳофазаси эса кўп ҳолларда қоғозда қолмоқда. Айниқса, масъул вазирликнинг бу соҳадаги масъулияти ва назорати етарли даражада эмаслиги айтилди.

Ҳодиса қурилишда ҳалок бўлган фуқароларнинг оиласи тақдири билан боғлиқ кўплаб саволларни ўртага қўйди: уларнинг меҳнати расмийлаштирилганми, оилаларига қандай ёрдам кўрсатилади, компенсация масаласи ҳал этиладими?

ХДП фикрича, нафaқат қурилиш, балки бошқа соҳаларда ҳам ишчиларни норасмий ишлашга мажбур қилаётган ҳолатларга барҳам бериш зарур. Шунинг учун партия вакиллари бу муаммони парламентда кўриб чиқишни муҳим деб ҳисобламоқда.

Telegram | Instagram | Facebook

❗️Президент қарорига кўра:

2026 йил 1 январдан депутатлар ҳар йили Ташаббусли бюджет жараёнларида тегишли сайлов округларида ғолиб бўлмаган лойиҳалар орасидан аҳолининг кундалик ҳаёти ва ҳудудни ривожлантиришга таъсир қиладиган 2 та лойиҳани (ҳар мавсумда 1 тадан) “Очиқ бюджет” ахборот порталида танлайди.

Мазкур танлов лойиҳани республика бюджетидан молиялаштириш учун асос ҳисобланади.

Шунингдек, мазкур жараёнларда ғолиб бўлмаган лойиҳаларни молиялаштириш учун ҳар бир депутатга 1 йилда 2 мавсумга БҲМнинг 8 минг баравари миқдорида маблағ ҳар йилги республика бюджетида назарда тутилади.

2026 йил 1 февралдан ташаббусли бюджет жараёнларида ижтимоий аҳамиятга эга лойиҳаларни аҳоли ва давлат ўртасида шериклик асосида молиялаштириш амалиёти жорий этилади.

Ташаббускор аҳоли томонидан лойиҳалар қийматининг 50 фоизи ихтиёрий равишда молиялаштирилганда лойиҳалар ғолиб деб топилади ва қолган 50 фоизи республика бюджетидан молиялаштирилади.

Telegram | Instagram | Facebook

Шавкат Мирзиёевнинг Дональд Трамп билан телефон орқали мулоқоти бўлиб ўтди.

Ўзбекистон – АҚШ стратегик шериклик муносабатларини янада мустаҳкамлаш ва ўзаро манфаатли ҳамкорликни кенгайтиришнинг амалий жиҳатлари батафсил кўриб чиқилди.

Суҳбат аввалида АҚШ президенти сўнгги йилларда Янги Ўзбекистонда иқтисодиётни модернизация қилиш ва аҳоли фаровонлигини ошириш борасида амалга оширилаётган ортга қайтмас ислоҳотларни юксак баҳолади ва қўллаб-қувватлади.

Давлатимиз раҳбари, ўз навбатида, Дональд Трампни АҚШ маъмурияти олиб бораётган ички ва ташқи сиёсатнинг улкан натижалари билан самимий табриклади. Америка томонининг халқаро ва минтақавий можароларни тинч йўл билан ҳал қилиш, глобал хавфсизлик ва барқарорликни таъминлашга қўшаётган ҳиссаси ва саъй-ҳаракатлари алоҳида қайд этилди.

Давлат раҳбарлари долзарб халқаро масалалар, жумладан, Марказий Осиё давлатлари ва АҚШнинг “C5+1” шаклидаги минтақавий ҳамкорлигини чуқурлаштириш юзасидан ҳам фикр алмашдилар.

Шавкат Мирзиёев Дональд Трампни ўзи учун қулай муддатда Ўзбекистонга расмий ташриф билан келишга таклиф этди.

Telegram | Instagram | Facebook

Келгуси уч йилда давлат хизматлари 900 тага етказилади. Йилига 80 та хизмат “3 қадам” тамойили асосида соддалаштирилади. Аҳоли гавжум жойлар ва олис маҳаллаларда 1,1 мингта интерактив киоск ўрнатилади.

Фуқаролардан 30 турдаги ҳужжатларни талаб этиш бекор қилинади. Хусусан, ФҲДЁ органида никоҳланувчи шахсларнинг тиббий кўрик натижалари, мудофаа бўлимларида ҳарбий хизматга мажбурларнинг турар жойи ўзгарганлиги ҳақидаги ҳужжат сўралмайди, бу маълумотлар ахборот тизимлари орқали онлайн олинади.

2025-2027 йилларда босқичма-босқич 20 та нотариал ҳаракат онлайн расмийлаштиришга ўтказилиши белгиланди.

Шунингдек, нотариал хизматлар кўрсатишда шахсни тасдиқловчи ҳужжатнинг аслини талаб қилиш бекор қилиниб, буни “FACE-ID” орқали аниқлаш тартиби йўлга қўйилади.

Ўз соҳасида ягона давлат сиёсатини амалга оширувчи вазирлик ва идоралар ҳузуридаги органларга ҳам идоравий норматив-ҳуқуқий ҳужжатлар қабул қилиш ваколати берилади.

Бундай ҳужжатларни қабул қилиш, давлат рўйхатидан ўтказиш тартиби ва муддатлари соддалаштирилади. Натижада идоравий норматив-ҳуқуқий ҳужжатларни қабул қилишнинг ўртача муддати 2 баробарга қисқаради.

Telegram | Instagram | Facebook

❗️Энди Ўзбекистонда ҳам исмни машинага рақам қилиб қўйса бўлади

Бу ҳақда Ҳукумат қарори (562-сон, 04.09.2025) қабул қилинди.

2026 йил 1 январдан бошлаб “Uzavtomotobelgi” давлат унитар корхонасига аҳолининг талаб ва таклифидан келиб чиққан ҳолда автомототранспорт воситалари учун олтитагача ҳарф ва (ёки) рақамлар комбинациясидан иборат бўлган “ноёб” давлат рақами белгиларини очиқ ким ошди электрон савдоларини ўтказиш орқали бериш ҳуқуқи берилди.

Бунда “ноёб” давлат рақами белгилари амалдаги давлат рақами белгиларини такрорламаслиги, қонунчиликка ва ахлоқий нормаларга хилоф маънога эга бўлмаслиги керак.

Масалан, энди кўчаларда “SARVAR”, “AZIZA”, “ODIL” ёки “BUXORO” деб ёзилган рақамли машиналарни кўришимиз мумкин.

Telegram | Instagram | Facebook

❗️Президент фармонига кўра:

2026 йил 1 январдан бошлаб умумий ўрта таълим ташкилотларининг директор жамғармаси маблағлари ҳисобидан директор ва унинг ўринбосарларига фаолият самарадорлиги кўрсаткичлари (KPI) натижасига кўра базавий тариф ставкаларига нисбатан тегишлича 20 ва 10 фоиз миқдорида ҳар ойлик устамалар белгиланади.

Telegram | Instagram | Facebook

Ҳукумат қарори билан Камбағал оилалар реестрига киритилган ва расмий банд бўлган ёлғиз она (ота)га ижтимоий шартнома асосида мактабгача таълим хизматидан фойдаланиши учун моддий ёрдам тўланади.

БҲМнинг 1,5 бараваригача бўлган моддий ёрдам қонуний вакилнинг 3 ёшгача бўлган фақат 1 нафар фарзанди (болалар эгизак бўлса, эгизакларнинг ҳар бирига) учун берилади.

Моддий ёрдам олиш учун қонуний вакил “Инсон” марказлари, Давлат хизматлари марказларига бевосита келган ҳолда ёки ижтимоий ходим ёхуд “Ягона миллий ижтимоий ҳимоя” ахборот тизими (“ЯМИҲ” АТ), шунингдек, ЯИДХП (my.gov.uz) орқали ариза билан мурожаат қилади.

Telegram | Instagram | Facebook

Ангрендаги мудҳиш ЙТҲда 7 киши қурбон бўлди

7 сентябрь соат 12:20 ларда Тошкент вилояти Ангрен шаҳри ҳудудидан ўтган А-373 “Тошкент-Ўш” Халқаро автомобиль йўлида бир нечта транспорт воситалари иштирокида йўл транспорт ҳодисаси содир бўлган.

Ҳолат юзасидан Жиноят кодексининг 266-моддаси 3-қисми билан (Одамлар ўлишига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) жиноят иши қўзғатилиб, ҳозирда тергов-суриштирув ҳаракатлари олиб борилмоқда.

Ички ишлар вазирлиги маълум қилишича, ҳодиса оқибатида 7 киши воқеа жойида вафот этган, 5 киши турли даражадаги тан жароҳатлари билан тиббиёт муассасаларига ётқизилган, шунингдек 4 кишига тиббий ёрдам кўрсатилиб, уйларига жавоб берилган.

Бундан ташқари, Бош вазир ўринбосари Очилбой Раматов бошчилигида Ҳукумат комиссияси тузилган бўлиб, воқеа тафсилотлари ўрганилмоқда.

Telegram | Instagram | Facebook

🇺🇿🇦🇫 Шавкат Мирзиёев топшириғига биноан, Афғонистон шарқида рўй берган зилзила қурбонларига ёрдам сифатида инсонпарварлик ёрдами юборилди.

Қарийб 300 тонна юк — озиқ-овқат, дори-дармон, тиббий буюмлар ва ёпинғичлар Ўзбекистон халқи номидан Балх вилоятига етказилди.

Ҳайратонда бўлиб ўтган топшириш маросимида Ўзбекистон Президенти махсус вакили Исматилла Иргашев, Сурхондарё вилояти ҳокими Улуғбек Қосимов ҳамда Афғонистон расмийлари қатнашди.

Ёрдам таркибида ун, гуруч, шакар, тушёнка, макарон, ёғ, қандолат маҳсулотлари, тез тайёр овқатлар, қизил ловия ва мош, ичимлик суви, 5 мингта ёпинғич ҳамда 10 тоннадан ортиқ дори воситалари бор.

Афғонистон расмийлари Ўзбекистон Президенти ва халқига миннатдорлик билдирди.

Маълумот учун: 1 сентябрга ўтар кечаси содир бўлган зилзила натижасида камида 2 минг 200 нафардан ортиқ киши ҳалок бўлган, 3 минг 600 дан ортиқ киши яраланган. Зилзила 84 мингга яқин кишининг ҳаётига тўғридан-тўғри таъсир кўрсатди, минглаб одамлар бошқа ҳудудларга кўчирилган.

Telegram | Instagram | Facebook

Пойтахтнинг қайси туманларида йўл-транспорт ҳодисалари кўп кузатилган?

Очиқ маълумотларда Тошкент шаҳрида 2025 йилнинг 8 ойи давомида (январь-август) содир бўлган йўл-транспорт ҳодисалари ҳақида маълумот эълон қилинди. Унга кўра, мазкур муддат давомида 4 350 та ЙТҲ содир бўлган.

Энг кўп ЙТҲ содир бўлган туманлар:

1. Юнусобод тумани — 561 та
2. Чилонзор тумани — 555 та
3. Яшнобод тумани — 554 та
4. Мирзо Улуғбек тумани — 475 та
5. Шайхонтоҳур тумани — 363 та

Энг кам ЙТҲ эса Янгиҳаёт тумани — 205 та, Яккасарой тумани — 210 та ва Бектемир тумани — 217 та қайд этилган.

Telegram | Instagram | Facebook

❗️АҚШ чет элликларга B1/B2 бизнес ва туристик визалар бериш тартибини кучайтирди

Илгари ушбу визага исталган мамлакатда мурожаат қилиш мумкин эди, эндиликда эса ҳужжатлар фақат фуқаролиги мавжуд бўлган ёки доимий яшаш ҳужжатига мамлакатида топширилади.

Бундай визалар берилиши тўхтатилган 17 давлат фуқаролари учун махсус элчихоналар белгиланди.

Россияликлар фақат Остона ва Варшавада, Беларусь фуқаролари эса Варшава ёки Вильнюсда ариза топширишлари мумкин.

❗️Мазкур қоидалар кучга киргунгача (6 сентябрь) режалаштирилган суҳбатлар ўз кучида қолади.

Telegram | Instagram | Facebook

Магистратурада ўқийдиган хотин-қизларнинг контракт пуллари давлат томонидан тўлаб берилади.

Бунинг учун шу йилнинг 15 сентябригача тавсия этилган олийгоҳ раҳбари номига ариза билан мурожаат қилиш лозим.

Telegram | Instagram | Facebook

❗️Ўқувчиларнинг ташаббусларини қўллаб-қувватлаш бўйича мактаб маслаҳатчиси лавозими жорий қилинади.

“Баркамол авлод” болалар мактаби, Республика ўқувчи-ёшлар маркази ҳамда “Ëшлик” жисмоний тарбия ва спорт жамияти негизида “Келажак” марказлари ташкил этилади.

Янги кўп қаватли уйлар қурилишида улардаги аҳоли сонига мутаносиб мактабгача таълим ташкилоти ҳам бўлиши назарда тутилади. Боғчаларда ишлаётган ўрта махсус маълумотли мутахассислар учун дуал таълим ва малака ошириш тизими жорий этилади.

Боғча ва мактабларнинг бўш майдонларида давлат-хусусий шериклик асосида мактабгача таълим ташкилоти қуришга рухсат этилади. Тадбиркорларга фаолиятни ўзгартирмаслик шарти билан ер участкалари бепул берилади ҳамда 7 йилгача бўлган имтиёзли кредит ажратилади.

2026-2028 йилларда республиканинг 14 та ҳудудида Болаларни ривожлантириш инновацион марказини ўз ичига олган “Янги авлод” мактабгача таълим ташкилотлари тармоғи ташкил этилади.

Telegram | Instagram | Facebook

❗️2026 йилдан бошлаб, ҳар йили умумтаълим мактаблари ўртасида Ўзбекистон Республикаси Президенти соврини учун “Илғор муҳандислик мактаби” миллий танлови ўтказилади.

Табиий фанларни ўқитишни яхшилаш мақсадида барча ҳудудларда ихтисослаштирилган мактаблар ташкил қилинади. Тошкент шаҳридаги Абу Али ибн Сино номидаги мактаб бу йўналишда таянч мактаб сифатида хизмат қилади.

Telegram | Instagram | Facebook

Тошкент шаҳрида М.Э.Бауман номидаги Москва давлат техника университети филиали, “ToshTech” техника университети ҳамда Олмалиқ давлат техника институти очилади.

Telegram | Instagram | Facebook