А наш тыдзень беларускай мовы і літаратуры, рускай мовы і літаратуры працягваецца!!!
Пачаўся ён з гульні «У свеце рэбусаў». Вучні ўсіх класаў стараліся іх разгадаць. І многія справіліся!!! Рэбус быў расшыфраваны, а вучні атрымалі салодкія пачастункі!

#СШ_38_события

Не менш цікава прайшло мерапрыемства ў 11 класе. Вучні загадзя падзяліліся на дзве каманды, знайшлі цікавы мультфільм, пераклалі яго і агучылі. Атрымаліся цудоўныя мультфільмы на беларускай мове!!! Пасля іх прагляду вучні, якія прысутнічалі ў актавай зале, прагаласавалі за мультфільм, агучка якога ім найбольш спадабалася. Такім чынам вызначыліся пераможцы «Мультыплікацыйнага батла». Віншуем іх!!!🎉🏆🎉

#СШ_38_события

Клепча Л.В. правяла віктарыну «Путешествие по стране Русского языка». На працягу мерапрыемства вучні падарожнічалі па розных станцыях, актыўна адказвалі на пытанні, адкрылі для сябе шмат цікавага і карыснага.

#СШ_38_события

2️⃣7️⃣ лютага 2024 г. ў рамках тыдня беларускай мовы і літаратуры, рускай мовы і літаратуры Каляда І.У. правяла адкрыты ўрок у 5 «В» класе па тэме «Зычныя глухія, звонкія і санорныя зычныя, іх вымаўленне і правапіс». Вучні пазнаёміліся з класіфікацыяй зычных гукаў, выпрацавалі ўменне вымаўляць гэтыя гукі і іх спалучэнні ў моўнай плыні. І нават вылучылі адрозненні паміж пшанічнымі каласамі і жытнімі.

#СШ_38_события

Верэніч К.А. правяла гульню
«В поисках сокровищ» паміж вучнямі 10-ых класаў. Мерапрыемства было накіравана на тое, каб замацаваць веды па рускай мове і літаратуры, развіваць творчае мысленне. Вучні цудоўна справіліся з ўсімі заданнямі.

#СШ_38_события

Цікава прайшла гульня «Весёлая грамматика» паміж вучнямі 7-ых класаў, якую правяла Бязрукава А.А.

#СШ_38_события

З вялікім задавальненнем вучні 6-ых класаў прынялі ўдзел у квэст-гульні «Путешествие по Словограду». На кожнай станцыі іх сустракалі вядучыя і давалі заданні. Паспяхова адказаўшы на ўсе пытанні, яны пераходзілі ў наступны этап. Напрыканцы мерапрыемства вучняў чакала ўзнагарода!

#СШ_38_события

Апошні дзень зімовага месяца ў гэтым годзе быў завершаны літаратурна-музычнай кампазіцыяй «Не змаўкай, беларуская песня!» Вучні нашай школы бліскуча праявілі свае творчыя здольнасці, пачуццё патрыятызму і гонару за сваю Радзіму.

#СШ_38_события