💬 Ózbekstan Ekologiyalıq partiyası spikeri Dildora Kamalova:

"Hákimshilik juwapkershilik Kodeksindegi tereklerdi keskeni ushın qollanılatuǵın eski jaza ilajların qayta kórip shıǵıwdı alǵa qoyamız."

📱 Saylaw2024

💬 Xalıq demokratiyalıq partiyası spikeri Malika Qodirxonova:

"Biz qalalardaǵı jol tıǵılıslıǵı máselesin tıǵız xalıqqa iye Seul hám Tokio qalalarınıń tájiriybesinen kelip shıǵıp sheshiw tárepdarımız."

📱 Saylaw2024

💬 "Adolat" social-demokratiyalıq partiyası spikeri Dilmurod Ismailov:

"Hámeldar shaxslardıń puqaralar hám yuridikalıq shaxslarǵa jetkerilgen zıyandı mámleketlik byudjetten qaplap berip, juwapkerden byudjetke zárúr qarjılardı óndiriwdi Nızamshılıqta belgilew boyınsha anıq usınıslarımız bar."

📱 Saylaw2024

💬 Ózbekstan Xalıq demokratiyalıq partiyasınan wákil Anvarxan Temirov:

Partiyamız bul baǵdarda tómendegilerdi usınıs etedi:

- strategiyalıq áhmiyetke iye kompaniyalar ústinen mámleketlik qadaǵalawdı saqlap qalıw, olardı menshiklestiriwdi nızam dárejesinde qadaǵan etiw;
- jumıssızlıq boyınsha májbúriy sociallıq qamsızlandırıw milliy modelin engiziw;
- jergilikli investorlardı qollap-quwatlaw, sonıń ishinde, olarǵa sırt el investorları menen birdey jeńillikler beriw;

📱 Saylaw2024

💬 "Adolat" social-demokratiyalıq partiyasınan wákil Bekzod Toxtamurodov:

"Jol infrastrukturasın rawajlandırıw, qala oraylarında tıǵılıslıqlar hám basqa da qolaysız aqıbetlerdiń kelip shıǵıwınıń aldın alıw maqsetinde piyadalar ushın jer ústi ótiw jolların qurıwdı qollap-quwatlaymız."

📱 Saylaw2024

💬 Ózbekstan Liberal-demokratiyalıq partiyasınan wákil Abdullo Aslonov:

Biz "Hár bir shańaraq óz úyine iye bolsın" degen urandı ámelge asıramız!

Usı maqsette:

- Kelesi jılları qosımsha turaq jay qurılısı tarawına 15 milliard dollar qarjılardı baǵdarlaw arqalı 1 million kvartiralı turaq jaylardıń qurılısına ayrıqsha itibar qaratamız;
- Jańa turaq jay satıp alǵan puqaralarǵa qosımsha qun salıǵınıń yarımı qaytarılatuǵın sistemanı engizemiz.

📱 Saylaw2024

Terekler bar jerlerdi realizaciya qılıwdı nızam menen sheklewdi talap etemiz!

Bul sózlerdi "Debat Xoll"da "Ekonomika hám isbilermenlik" atamasındaǵı teledebattıń saylawaldı prezentaciyasında Ózbekstan Ekologiyalıq partiyasınan wákil Mohira Xwjaeva atap ótti.

📱 Saylaw2024

Milliy qádiriyat penen zamanagóy rawajlanıw únles bolǵanda mámleket kúshlirek boladı!

"Debat Xoll"da "Ekonomika hám isbilermenlik" atamasındaǵı teledebattıń saylawaldı prezentaciyasında "Milliy tiklanish" demokratiyalıq partiyasınan wákil Nodirbek Tilavoldiyev mine usılay aytıp ótti.

📱 Saylaw2024

Qaraqalpaqstan Respublikası kósheleri boylap ÓzLiDeP talabanlarınıń úgit-násiyat bannerleri jaylastırılǵan. Bul saylawshılardıń óz talabanların tanıwı hám tańlawında úlken túrtki boladı.

📱 Saylaw2024

"Debat Xoll"da tikkeley efirde ótkerilip atırǵan saylawaldı debatlar sheńberinde esitiw qábileti sheklengenler ushın surdoawdarmashı mirát etildi. Bul álbette, mámleketimizdegi siyasiy processte qatnasıw hám dodalanıp atırǵan temalardan xabardar bolıwǵa imkaniyat beredi.

📱 Saylaw2024

💬 "Adolat" social-demokratiyalıq partiyasınan wákil Oydin Abdullaeva:

Saylawaldı baǵdarlamamızda:

- mámleketlik mektepke shekemgi bilimlendiriw mákemelerinde tárbiyalanıwshılardı qabıl etiw tártibin jetilistiriw, bul baǵdarda "ashıq onlayn dizim" shólkemlestiriw;
- jasalma intellekt tiykarında "aqıllı mektep" baǵdarlamasın bilimlendiriw sistemasına engiziw;

ulıwma bilim beriw mekteplerinde oqıwshılardıń intellektuallıq potencialın arttırıw maqsetinde "Robototexnika" pánin engiziw;
- joqarı hám professional bilimlendiriw mákemeleriniń pitkeriwshileri ushın "Kepillengen birinshi jumıs ornı" joybarın ámelge asırıw;
- bilimlendiriw tarawında isbilermenler, kompaniyalar, shaxslardıń atına baylanıslı túrli stipendiyalardı engiziwdi alǵa qoyıp atırmız.

📱 Saylaw2024

💬 Ózbekstan Ekologiyalıq partiyasınan wákil Nawrızbek Yusupov:

Ilim, bilimlendiriw, jaslar siyasatı máselelerinde biz bir qatar tiykarǵı baslamalardı alǵa qoyıp atırmız:

- ekologiyalıq mádeniyattı shańaraqlardan baslaw, yaǵnıy, shańaraqlarda "jasıl" tutınıw mádeniyatın hám salamat turmıs tárizin qáliplestiriw;
- salamat awqatlanıw hám reproduktiv salamatlıqtı bekkemlew tárepdarımız!
Jámiyette ekologiyalıq sawatlılılıqtı arttırıw ushın "Xalıqtıń ekologiyalıq mádeniyatın arttırıw koncepciyasın" hám onı ámelge asırıw baǵdarlamasın qabıl etiwdi maqset ettik. Baqsha hám mekteplerde ekologiyanı ayrıqsha pán sıpatında kirgiziw usınısın alǵa qoymaqtamız!

📱 Saylaw2024

💬 "Milliy tiklanish" demokratiyalıq partiyasınan wákil Shahnoza Joldasova:

"Biz jaslardıń jeke, ekonomikalıq, sociallıq, mádeniy, ekologiyalıq huqıqların qorǵawǵa baylanıslı huqıqıy tiykarlardı turaqlı jetilistirip barıw tárepdarımız.

Partiya "shańaraq - qádiriyatlar besigi" ekenin tereń ańlaǵan halda, jaslarǵa shańaraq hám nekeniń muqaddesligin ańlatıw ushın barlıq shárayatlardı jaratıwǵa háreket etedi".

📱 Saylaw2024

💬 Ózbekstan Liberal-demokratiyalıq partiyasınan wákil Umid Yoqubxo‘jayev:

"Biz, bilimlendiriw hám intellektual rawajlanıw boyınsha Jańa Ózbekstandı dúnyadaǵı jetekshi mámleketler qatarına kirgiziw tárepdarımız.

Usı maqsette:

- mektepke shekemgi bilimlendiriwge bolǵan talaptı tolıq qanaatlandırıwdı kepilleymiz;
- pedagog xızmetkerlerdiń is haqısın ortasha 2 esege arttırıw ilajların kóremiz;
- qosımsha 2,5 million oqıwshı ornın jaratıw, bilimlendiriwdiń sapasın túp-tiykarınan jaqsılawdı tiykarǵı wazıypalarımızdan biri sıpatında kóremiz;

- ilim-pánge baǵdarlanǵan qarjılardı 10 esege arttıramız;
- jaslarımızdı hár tárepleme qollap-quwatlaymız."

📱 Saylaw2024

💬 Ózbekstan Xalıq demokratiyalıq partiyasınan wákil Feruza Madrahimova:

Ulıwma hám kásiplik bilimlendiriwde xalıqtıń barlıq qatlamlarına teń imkaniyatlar jaratıw ushın tómendegi ilajlardı kóriwdi usınıs etemiz:

- Birinshiden, "Birden-bir sociallıq reestr"de dizimge alınǵan shańaraq perzentlerin mámleketlik mektepke shekemgi bilimlendiriw shólkemlerine tólenetuǵın ata-analar tóleminen jeńillikler beriw;

Ekinshiden, mámleketlik ulıwma bilim beriw mektepleriniń baslawısh klasslarında kúni uzayttırılǵan toparlar iskerligin shólkemlestiriw;

- Úshinshiden, inklyuziv tálimdi hár tárepleme qollap-quwatlaw, inklyuziv bilimlendiriwge tartılǵan balalardıń qamtıp alıwın arttırıw;

- Tórtinshiden, mektepler oqıw baǵdarlamalarında shet tilleri hám IT boyınsha oqıw saatların kóbeytiw arqalı mektep pitkeriwshileriniń miynet bazarındaǵı básekige shıdamlılıǵın arttırıw;

- Besinshiden, joqarı bilimlendiriw ushın kontrakt-tólem muǵdarın mámleket tárepinen qatań belgilew hám olardı keminde úsh jıl múddette qayta kórip shıǵıwdı qadaǵan etiw;

- Altınshıdan, mámleketlik-jeke menshik sheriklik tiykarındaǵı studentler ushın jataqxanalar sistemasın jáne de keńeytiw.

📱 Saylaw2024