💬 Ózbekstan Liberal-demokratiyalıq partiyasınan wákil Abdullo Aslonov "Debat Xoll"da bolıp atırǵan teledebatta saylawshılar sorawına juwap berdi:

- Sanaatımızda 1 million qosımsha jumıs ornı jaratıldı. 700 den aslam kishi sanaat zonaları bar. Áhmiyetlisi, isbilermenlerdi investiciyalar menen támiyinlewimiz kerek.

📱 Saylaw2024

💬 "Debat Xoll"da bolıp atırǵan teledebatta Xalıq demokratiyalıq partiyasınan wákil Anvarxan Temirov:

- Jawın-shashın máwsiminde qalalarda, ásirese, paytaxtımız Tashkentte suw jıynalıp qalıw jaǵdayları búgingi kúnde eń áhmiyetli bolıp esaplanadı. XDP bul sistemanı qayta kórip shıǵıw, jańa kanalizaciya liniyaların shólkemlestiriwdi usınıs etemiz.

📱 Saylaw2024

💬 "Milliy tiklanish" demokratiyalıq partiyasınan wákil Nodirbek Tilavoldiyev "Debat Xoll"da bolıp atırǵan teledebatta saylawshılardıń sorawına juwap berdi:

- Tek ǵana pulı barlar ushın ishki turizm qánigelesiwi kerek emes, bul taraw xalıqtıń barlıq qatlamın qamtıp alıwı lazım.

📱 Saylaw2024

Shańaraqlarda, sawda oraylarında hám basqa orınlarda da shıǵındılardı tańlap alıw tártibin jolǵa qoymaqshımız. Biz shıǵındı tazalaw mádeniyatın úyrenbesek, shıǵındılar azaymaydı

dedi "Debat Xoll"da bolıp atırǵan teledebatta saylawshılardıń sorawına Ózbekstan Ekologiyalıq partiyasınan wákil Mohira Xwjaeva juwap berip.

📱 Saylaw2024

💬 "Debat Xoll"da bolıp ótip atırǵan teledebatta saylawshılar sorawına, "Adolat" social-demokratiyalıq partiyasınan wákil Behzod Toxtamurodov juwap berdi:

- Tiykarǵı maqsetimiz kóp dáramat tabatuǵın xalıqtan salıq óndiriw emes, kerisinshe olardıń iskerligine járdemlesiw hám tómen procentli kreditler alıw ushın imkaniyat jaratıp beriw bolıp esaplanadı.

📱 Saylaw2024

Qaraqalpaqstan Respublikası kósheleri boylap ÓzLiDeP talabanlarınıń úgit-násiyat bannerleri jaylastırılǵan. Bul saylawshılardıń óz talabanların tanıwı hám tańlawında úlken túrtki boladı.

📱 Saylaw2024

"Debat Xoll"da tikkeley efirde ótkerilip atırǵan saylawaldı debatlar sheńberinde esitiw qábileti sheklengenler ushın surdoawdarmashı mirát etildi. Bul álbette, mámleketimizdegi siyasiy processte qatnasıw hám dodalanıp atırǵan temalardan xabardar bolıwǵa imkaniyat beredi.

📱 Saylaw2024

💬 "Adolat" social-demokratiyalıq partiyasınan wákil Oydin Abdullaeva:

Saylawaldı baǵdarlamamızda:

- mámleketlik mektepke shekemgi bilimlendiriw mákemelerinde tárbiyalanıwshılardı qabıl etiw tártibin jetilistiriw, bul baǵdarda "ashıq onlayn dizim" shólkemlestiriw;
- jasalma intellekt tiykarında "aqıllı mektep" baǵdarlamasın bilimlendiriw sistemasına engiziw;

ulıwma bilim beriw mekteplerinde oqıwshılardıń intellektuallıq potencialın arttırıw maqsetinde "Robototexnika" pánin engiziw;
- joqarı hám professional bilimlendiriw mákemeleriniń pitkeriwshileri ushın "Kepillengen birinshi jumıs ornı" joybarın ámelge asırıw;
- bilimlendiriw tarawında isbilermenler, kompaniyalar, shaxslardıń atına baylanıslı túrli stipendiyalardı engiziwdi alǵa qoyıp atırmız.

📱 Saylaw2024

💬 Ózbekstan Ekologiyalıq partiyasınan wákil Nawrızbek Yusupov:

Ilim, bilimlendiriw, jaslar siyasatı máselelerinde biz bir qatar tiykarǵı baslamalardı alǵa qoyıp atırmız:

- ekologiyalıq mádeniyattı shańaraqlardan baslaw, yaǵnıy, shańaraqlarda "jasıl" tutınıw mádeniyatın hám salamat turmıs tárizin qáliplestiriw;
- salamat awqatlanıw hám reproduktiv salamatlıqtı bekkemlew tárepdarımız!
Jámiyette ekologiyalıq sawatlılılıqtı arttırıw ushın "Xalıqtıń ekologiyalıq mádeniyatın arttırıw koncepciyasın" hám onı ámelge asırıw baǵdarlamasın qabıl etiwdi maqset ettik. Baqsha hám mekteplerde ekologiyanı ayrıqsha pán sıpatında kirgiziw usınısın alǵa qoymaqtamız!

📱 Saylaw2024

💬 "Milliy tiklanish" demokratiyalıq partiyasınan wákil Shahnoza Joldasova:

"Biz jaslardıń jeke, ekonomikalıq, sociallıq, mádeniy, ekologiyalıq huqıqların qorǵawǵa baylanıslı huqıqıy tiykarlardı turaqlı jetilistirip barıw tárepdarımız.

Partiya "shańaraq - qádiriyatlar besigi" ekenin tereń ańlaǵan halda, jaslarǵa shańaraq hám nekeniń muqaddesligin ańlatıw ushın barlıq shárayatlardı jaratıwǵa háreket etedi".

📱 Saylaw2024

💬 Ózbekstan Liberal-demokratiyalıq partiyasınan wákil Umid Yoqubxo‘jayev:

"Biz, bilimlendiriw hám intellektual rawajlanıw boyınsha Jańa Ózbekstandı dúnyadaǵı jetekshi mámleketler qatarına kirgiziw tárepdarımız.

Usı maqsette:

- mektepke shekemgi bilimlendiriwge bolǵan talaptı tolıq qanaatlandırıwdı kepilleymiz;
- pedagog xızmetkerlerdiń is haqısın ortasha 2 esege arttırıw ilajların kóremiz;
- qosımsha 2,5 million oqıwshı ornın jaratıw, bilimlendiriwdiń sapasın túp-tiykarınan jaqsılawdı tiykarǵı wazıypalarımızdan biri sıpatında kóremiz;

- ilim-pánge baǵdarlanǵan qarjılardı 10 esege arttıramız;
- jaslarımızdı hár tárepleme qollap-quwatlaymız."

📱 Saylaw2024

💬 Ózbekstan Xalıq demokratiyalıq partiyasınan wákil Feruza Madrahimova:

Ulıwma hám kásiplik bilimlendiriwde xalıqtıń barlıq qatlamlarına teń imkaniyatlar jaratıw ushın tómendegi ilajlardı kóriwdi usınıs etemiz:

- Birinshiden, "Birden-bir sociallıq reestr"de dizimge alınǵan shańaraq perzentlerin mámleketlik mektepke shekemgi bilimlendiriw shólkemlerine tólenetuǵın ata-analar tóleminen jeńillikler beriw;

Ekinshiden, mámleketlik ulıwma bilim beriw mektepleriniń baslawısh klasslarında kúni uzayttırılǵan toparlar iskerligin shólkemlestiriw;

- Úshinshiden, inklyuziv tálimdi hár tárepleme qollap-quwatlaw, inklyuziv bilimlendiriwge tartılǵan balalardıń qamtıp alıwın arttırıw;

- Tórtinshiden, mektepler oqıw baǵdarlamalarında shet tilleri hám IT boyınsha oqıw saatların kóbeytiw arqalı mektep pitkeriwshileriniń miynet bazarındaǵı básekige shıdamlılıǵın arttırıw;

- Besinshiden, joqarı bilimlendiriw ushın kontrakt-tólem muǵdarın mámleket tárepinen qatań belgilew hám olardı keminde úsh jıl múddette qayta kórip shıǵıwdı qadaǵan etiw;

- Altınshıdan, mámleketlik-jeke menshik sheriklik tiykarındaǵı studentler ushın jataqxanalar sistemasın jáne de keńeytiw.

📱 Saylaw2024

Aygul Nadirova - Ózbekstan xalıq artistı

“Men Aygul Nadirova, bıyıl 27-oktyabr kúni elimizde bolıp ótetuǵın áhmiyetli siyasiy mapaz esaplanǵan saylawda qatnasaman, ózim hám perzentlerim keleshegi ushın múnásip talabanǵa dawıs beremen!”.

📱 Saylaw2024

Baxtiyar Jumataev - Qaraqalpaqstan Respublikasına miyneti sińgen mádeniyat xızmetkeri

“Qádirli watanlaslar! Hárbirińizdi 27-oktyabr kúni elimizde bolıp ótetuǵın saylawda qatnasıwǵa shaqıraman. Bul siyasiy mapaz biziń perzentlerimiz jasaytuǵın keleshekti belgileytuǵın imkaniyat. Biyparıq bolmań - siziń dawısıńız áhmiyetli!”.

📱 Saylaw2024

Sarbinaz Annaqulova - Qaraqalpaqstan Respublikasına xızmet kórsetken artist

“Saylawlar - keleshegimizdiń tiykarı! Búgin qabıl etetuǵın hárbir qararıńız erteńgi kúnimizdiń qanday bolıwına tásir etedi. Belsendi bolıń, saylawlarda qatnasıń hám múnásip dep bilgen talabanǵa dawıs beriń!”.

📱 Saylaw2024

Gulnaz Utepova - “Nihol” sıylıǵınıń laureatı

“Qádirli doslar! Saylaw waqtı - háreket etiw waqtı! Siziń dawısıńız táǵdirdi ózgertiwi múmkin. Saylawlarda qatnasıń hám arzıwıńızdaǵı keleshekti jaratıń!".

📱 Saylaw2024

Ómirbay Qosımbetov - Ózbekstanǵa xızmet kórsetken, Qaraqalpaqstan xalıq artistı

“Men jámiyetimizdegi ózgerislerdi baqlap júrgen adam sıpatında sonı aytpaqshıman, saylaw - áhmiyetli mapaz, sonıń ushın da erteńgi kúnimizdi búgin belgilewimiz kerek. Qádirli xalqımız, bársheńizdi erteńgi saylawda belsendi qatnasıwǵa shaqırıp qalaman”.

📱 Saylaw2024

Mırzagúl Sapaeva - Ózbekstan hám Qaraqalpaqstan xalıq artistı

"Perzentleri hám aqlıqlarınıń keleshegi ushın qayǵıratuǵın ana sıpatında sizlerge múrájat etpekshimen. Saylaw - bul tek ǵana rásmiylik emes, ol perzentlerimiz jasaytuǵın dúnyanı jaratıw imkaniyatımız. Sizlerdi saylawda belsene qatnasıwǵa, dawıs beriwge hám óz pikirlerińizdi bildiriwge shaqıraman, sebebi hár bir dawıs úlken áhmiyetke iye. Birgelikte baxıtlı keleshek ushın háreket eteyik".

📱 Saylaw2024

Alisher Allambergenov - Qaraqalpaqstan Respublikasına xızmet kórsetken artist

“Men ózimniń hám jaqınlarımnıń keleshegine biyparıq emespen. Sol ushın, keleshegimiz ushın dawıs beremen!”.

📱 Saylaw2024

Lida Seytmuratova - Qaraqalpaqstan Respublikasına xızmet kórsetken artist

“Bárshemiz óz keleshegimizdi ózimiz belgileymiz. Tınısh ómirdi óz qolımız benen quramız. Keleshek ushın birgelikte dawıs beremiz”.

📱 Saylaw2024

Bazarbay Nazarımbetov - Qaraqalpaqstan Respublikasına xızmet kórsetken artist

"Insan bul dúnyada jasar eken ómiri dawamında túrli tańlawlardı ámelge asırıwǵa májbúr boladı. Áne usı tańlawlar onıń keleshegin jaratıp bara beredi. 27-oktyabr kúni saylawda ózińiz múnásip dep bilgen talabanǵa dawıs beriń".

📱 Saylaw2024