Bugun, 5 Yanvar, 19:00 da jonli efir.

Mavzu: ChatGPT nima?

Link: youtube.com/sariqdev

p.s. darvoqe, video uchun posterni sun’iy intellekt chizib berdi

5 daqiqada boshlaymiz: https://youtube.com/live/HYEQbe8-5eA?feature=share

Anacondada ChatGPT bilan bo’lgan tajriba.

ChatGPT muammo nimadaligini aytib, kodini ham yozib bergan.

Hazil-hazil bilan, bugun senior dasturchimiz “ChatGPT bilan 2 ta juniorni almashtirsa bo’lar ekan. Juniordan ko’ra tezroq va tozaroq kod yozayapti. Muhimi, bitta narsani qayta-qayta so’ramaydi” deydi.

Aytib qoʻyay, bu gʻalvani boshlaganlar Data Science va Sunʼiy intellekt muhandislari boʻladi 😂.

Safimizga qoʻshiling: https://mohirdev.uz/ds

Kechagi postdan keyin baʼzilar tushkunlikka ham tushdi. Sababi ular Sunʼiy intellektni yordamchi emas, raqobatchi sifatida koʻrdilar.

Aslida unday emas, agar toʻgʻri foydalansak ChatGPT kabi dasturlar faqatgina bizning oʻsishimizga va ishimizni osonlashishiga sabab boʻladi.

Masalan, Junior dasturchi ChatGPT dan qanday foydalanishi mumkin:

1. Code review. Endi kodingizni koʻrib, baholab, kamchiliklarini topib berishi uchun ustoz yoki katta dasturchini kutib oʻtirish shart emas. ChatGPT sizga kodni hamma kamchiliklarini aytib, oʻrniga toza va sifatli muqobilini ham koʻrsatadi.

2. Xatolar bilan ishlash. Hozir kodingizda xato chiqqanda Stackoverflowda soatlab vaqt sarflashingiz, yoki birorta senior dasturchining vaqtini olishingiz mumkin. SI esa bir zumda toʻgʻri yechimni izohlari bilan beradi.

3. Bilmagan narsangizni oʻrgatadi. Deylik dasturingizni siz shu paytgacha ishlatmagan xizmat bilan API orqali bogʻlash kerak (masalan, Payme toʻlov tizimini ulash kerak). ChatGPT sizga nafaqat kod, balki APIdan toʻgʻri foydalanish boʻyicha qadam-baqadam qoʻllanmani ham beradi.

4. Shablon kodlar. SI sizga dasturingizning boshlangʻich qismini yozib beradi. Odatda takrorlanuvchi, shablon kodlarni endi vaqt ketkazib, qayta yozmasdan, ChatGPT ga yozdirib olish mumkin.

5. Kodni testlash. Junior dasturchilarning eng katta kamchiligidan biri - kodga unit yoki integration testlar yozishmaydi, yoza olishmaydi. SI esa buni qoyilmaqom qilib bajarayapti. Istalgan funksiyaga bir zumda test yozdirib olish mumkin.

Xullas, bunday misollar koʻp. Muhimi, SIdan koʻr-koʻrona emas, aql bilan foydalaning. Bergan javobini tahlil qiling. Yaxshi tarafi, soʻrasangiz ChatGPT har bir javobini izohlab, tushuntirib ham beradi.

Zamon oʻzgarayapti, siz ham zamonga moslashib boring. Texnologiyadan toʻgʻri foydalansangiz, u sizning raqobatchingiz emas, yordamchingiz boʻladi.

SI odamlarning o’rnini egallaydimi degan savolga mening doimiy javobim: “Ongli odamning o'rnini hech narsa bosmaydi”.

Siz oʻz sohangizda SI dan qanday foydalangan boʻlar edingiz? Javobingizni izohda qoldiring.

#bugun soat 14:00 da | "Fikrat" tahliliy dasturi

Mavzu: Ta'lim sohasida ITdan foydalanishning qulayliklari

Ekspertimiz: Malayziya Sains Islom universiteti Fan va texnologiya fakulteti katta ilmiy xodimi, "Mohirdev" onlayn platformasi bosh direktori Anvar Nazrulloh

Havola 👉 https://youtu.be/FcMO3_N-2BU

©️ AzonTV

Boshladik

Telegramda e'lon yozasiz: “Bugun, 7 Yanvar kuni, Toshkent vaqti bilan soat 21:00 da sariqdev youtube kanalida "Dasturlash asoslari" darsimizni boshlaymiz. Darslarimiz mutlaqo bepul”

Pastidan izohlar boshlanadi:
Qaysi kuni ekan?
Soat nechida?
Toshkent vaqti bilanmi?
Ertalab 9 mi kechqurun 9 mi?
Nimadan ekan darslar?
Tekinmi?
Nechi pul o'zi?
Qatta bo'larkan darsla?

Har bir izoh 100 marta takrorlanadi 😅

Masalanda... 😅

Yoki... 🤦‍♂

0 dan FAANG (Facebook, Amazon, Apple, Netflix, Google)gacha. Motivatsiya izlab yurganlar uchun yaxshi maqola

https://t.iss.one/vovopapcom/147

Ufffff bir narsa tavsiya qilib ham boʻlmaydi, darrov "Reklama narxi qancha".
Ey insonlar, menam odamman, nimalardur yoqsa tavsiya qilaman.

@sariqdev kanalida biror marta pullik kontent chiqmagan, daromadim boshqa joydan, alhamdulillah.

Qiziq yangilik, OpenAI (ChatGPT va boshqa sunʼiy intellekt dasturlarni yaratgan kompaniya) sunʼiy intellekt yaratayotgan matn, kod, rasmlarga koʻrinmas imzo (watermark) qoʻyib ketayotgan ekan. Bu odam va dastur yaratgan matn(dastur, rasmlar)ni ajratib olishda yordam beradi.

Lekin, OpenAI ga bundan nima foyda?

Javobingizni izohda qoldiring, toʻgʻri javobni ertaga belgilayman (yoki oʻzim aytaman).

To’gri javob shu. Gap shundaki, sun’iy intellekt (SI) dasturlar internetdagi ochiq manbalardagi ma’lumotlar asosida yaratiladil.

Masalan, kod yozib bervuchi SI GitHubdagi millionlab kodlarni o’rganib chiqadi. Rasm chizuvchi DALL-E yoki MidJourney esa internetdagi rasmlarni “ko’rib” chiqadi.

Lekin bundan buyog’iga internetda original emas, sun’iy intellekt yaratgan ma’lumotlar avj oladi. Sun’iy intellektni o’zi yaratgan ma’lumotlar bilan qayta dasturlash esa o’z-o’zidan sifatsiz sun’iy intellekt yaratilishiga olib keladi. Buning oldini olish uchun esa OpenAI hozirdan SI yaratgan ma’lumotlarni “imzolab” ketayapti.