Yoshlar Ishlari Agentligi bilan hamkorlikda tashkil qilingan MohirFest tadbirmiz ham nihoyasiga yetdi.

Bugun MohirFest Xakaton bosqichiga chiqqan jamoalar oʻz loyihalarini hakamlarga taqdim qildilar va 4 ta yoʻnalishda 12 ta jamoa gʻolib deb topildi.

Xakaton gʻoliblarini tabriklaymiz, qolganlarga esa kelgusi ishlarida omad tilaymiz.

Barcha ishtrokchilar va tashkilotchilarga oʻz minnatdorchiligimni bildiraman.

UzbekVoice va Mohirdev aʼzolaridan tashkil topgan OʻzbekSado jamoasi UZ NLP Challenge musobaqasida 3-oʻrinni egallashdi.

Yigitlar ochiq manbaadagi maʼlumotlardan foydalanib, tez yordam (va boshqa kol-markazlar) uchun avtomatik qoʻngʻiroq qabul qiluvchi dasturni ishlab chiqdilar.

Dastur TTS (text-to-speech) va STT (speech-to-text) texnologiyalari yordamida mijozning gapini tushunib, operatorlarga mijoz nomi, manzili, yoshi, sogʻligʻi haqida maʼlumotlarni bir zumda uzata oladi.

Taqdimot demosini biriktirilgan videoda koʻrishingiz mumkin.