АйТи компаниялар дастурчиларни ишга олишда нималарга аҳамият беришади?
3 та энг муҳим омил.

Малайзияда бир ҳафтадан бери жанжал. Сабах оролида яшайдиган бир ўқувчи интернет тезлиги паст бўлгани сабаб онлайн имтиҳонда қатнашиш учун дарахтнинг устига чиққан.

Бу видео интернетда тарқалиб кетган. Алоқа вазири ҳам қовун тушуриб, талаба хайп учун шундай қилган деб қўйганди, сенатда пўстагини қоқиб ташлашди.

Кеча инновация вазири талабани сенатга чақириб ҳаммани олдида узр сўради, Алоқа вазири ҳам ўтиниб-ўтиниб узр сўраб, оролларда ҳам интернет тезлигини яхшилашга ваъда берди.

Умуман олганда Малайзияда интернет ёмон эмас. Оролларни ҳисобга олмаганда 100мбит/секунд тезлик одатий ҳол. Камига йилнинг охиригача ҳаммага кунига 1ГБ бепул 3G/4G интернет беришаяпти.

Онлайн таълим берадиган платформаларни ишлатиш учун мобил траффик ҳисобланмайди (zoom, google meeting, ms teams, skype).

Дарвоқе, 2021 йилдан бошлаб 3G тармоқларни секин-аста ўчириб, 5G ўтиш бошланар экан.

Сизда нима гаплар?
@sariqdev

Сунъий интеллект ёрдамида ишловчи дастур ёрдамида сиз ҳам бир зумда рассом бўлишингиз мумкин 😱.
Дастурга линк видео остида👇
@sariqdev

Ие, мана бу одам бирпас туриб қорайиб қолибди. Чизиб, видео тайёрлаган пайтим оқ танли эди 😂😂😂

Онлайн таълим шундай бўлса.
@sariqdev

Тушунмайман...

Яқинда онлайнда бир қурилма сотиб олдим. Чет элдан келди. Аксига олиб бузуқ экан. Дарров ишлаб чиқарувчи билан боғландим, вазиятни тушунтирдим, янгисини жўнатиб юборди. Арзон матоҳ эмас. «Бузуғини нима қилай» десам, «олиб қолавер, юбориб овора бўласанми» деди. Бир оғиз «бузуқ» деган гапимга ишонди, текшириб ҳам кўрмади. Бу қанақанги «аҳмоқона» бизнес модел, тушунмайман.

Телефоним экрани ишламай қолди, ўтган йили бир бузилиб қолганида янгисига алмаштириб беришган эди. Бу сафар кафолат муддати тугаган. Онлайндан бир устахона топиб гаплашдим. Экран ўзим олиб келсам 20$га алмаштириб берадиган бўлди. Олиб бордим, эртаси куни телефонни олгани борсам пул олмади. Нега деган саволимга жавоб ололмадим. Ўзи, шундай. Бу «аҳмоқлар» нимадан пул қилади, тушунмайман.

Эрталаб турсам машинам ўт олмади. Янги машина, олганимга 2 йил бўлган. Ойнамга ишлаб чиқарувчининг рақами ёзилган. Қўнғироқ қилдим, бир зумда эвакуатор келди. «Устахонага олиб кетаман, бирга борасанми» деб сўради. «Ишга шошаяпман, тайёр бўлса ҳабар берарсилар» дедим. Кечроқ қўнғироқ қилишди, бордим. Бор йўғи аккумулятор ўтирган экан, алмаштириб қўйишибди. «Қанча бўлади?» десам, «Бепул, кетаверинг. Машинани акция пайтида олган экансиз, аккумуляторига ҳам кафолат берилган экан» деди. Тушунарли бўлиши учун Малайзияда хозирги кунда конкуренция кучли бўлганидан янги машиналарга 5-7 йил кафолат бериляпти (километрига лимит йўқ). Бу «галварслар» нимадан соққа қилади, тушунмайман.

Хуллас чет элда бундай воқеаларни юзлаб эшитасиз. Булар бизнесни «Б» ҳарфини ҳам билишмайди. Қачон қарама мижозга бепул хизмат кўрсатиш, илтифот қилиш билан банд. Қандай қилиб ҳанузгача бизнесини сақлаб қолган, ўлай агар тушунмайман.
@sariqdev

Amazon компаниясидан янги ақлли дрон. Дрон сиз йўғингизда уйингизни қўриқлаб туради ва бир нечта буйруқларни ҳам тушунади.

Дронга масофадан туриб, телефон орқали: "Дазмолни ўчирдимми?", "Газ ёқилган қолмадими?", "Фалон хонанинг ойнаси очиқ эмасми?" каби саволлар билан мурожат қилишингиз мумкин ва дрон сиз айтган нарсаларни текширади.

Нарҳи 250$

@sariqdev

Британияда қутқарувчилар учун маҳсус реактив форма синовдан ўтказилди. Энди тез тиббий ёрдам ходимлари бошқа воситалар бора олмайдиган жойларга ҳам бир зумда учиб боришлари мумкин.

@sariqdev

Ассалом алайкум, pdf китобларни смартфонда ўқиш қулай бўлган форматга келтириш бўйича видео қўлланмани насиб қилса эртага жойлаймиз. Унгача Акром Маликнинг Жангчи қиссасидан баҳраманд бўлинг.
Китобни ўқиш учун Moon reader ёки бошқа эл.китоб ўқиш дастурларидан фойдаланишингиз мумкин.

Ассалому алайкум, ваъда қилинган қўлланма:

https://youtu.be/E6enIebdupU

Ёқилғи қуйгани кирсам, баллар йиғилиб қолган экан 25 литр бепул 95 бензин қуйдириб олдим. Рақобат бўлганидан кейин хизмат ҳам зўр бўларкан.
Бензин нарҳи деярли ҳар хафта тушяпти. Пандемия тасири. Ёқилғи компаниялари ҳам мижозларни жалб қилиш учун турли акциялар, имтиёзлар, инновациялар чиқариб ётишибди.

Масалан Petronas шахобчаларида Maybank мижозлари учун Шанба-Якшанба кунлари 8% чегирма (ёмон эмас, 100л дан 8л ютасиз).

Petron эса QR Pay орқали тўлов қилганларга 3 литр бензин пулини қайтариб беряпти (мин.лимит бор).

Shell эрталаб 10 гача бензин олганларга бепул кофе тарқатяпти.

Бу мени ҳабарим бори холос, аслида бундан бошқа имтиёзлар ёки акциялар жуда кўп.

Инновация ҳам жойида тургани йўқ, мана янги Five Petrol дегани энди мошинангизни рақамидан танир экан. Машинани банк картангизга боғлаб қўясизда, ёқилғи қуйгани келганингизда бензин қуйиб кетаверасиз (ҳисобингиздан ўзи керакли суммани ечиб олади).

Хуллас, яна айтаман рақобат бор жойда, тараққиёт бор. Монополия эса тараққиёт кушандаси.

@sariqdev