Avvalroq Augmented Reality texnologiyasi haqida yozgan edik. Rossiyada bu texnologiyadan jarrohlikda foydalanishayotgan ekan.

Bemorning ichki organlari 3D skanerdan o'tkaziladi, va jarrohlik davomida shifokorning ko'z oldida turadi.

Hozirgi kungacha bu texnologiya yordamida 30 dan ortiq jarrohliklar amalga oshirilibdi.

@sariqdev

O'tgan yili Malayziyadan bir domlamiz O'zbekistonga aylanib keldi. Fakultetda O'zbekiston safari haqida prezentasiya qildi, suratlarini ko'rsatdi. Shunda bitta Malay domla menga qarab, "Anvar nega hamma oq-qora kiyimda" deb qoldi.

E'tibor bersam, rasmlardagi domlalar ham, talabalar ham, ko'chalarda oddiy odamlar ham "formada" yurishga o'rganib qolibmiz. Hamma bir hil, yoki to'q kulrang, yoki qora kiyamiz. Sal ajralaman deganlar jigarrang.

Kamdan-kam odam rangli kiyinar ekan (yozdagi kuylak, futbolkalarni aytmasa). Hatto mashinalarimiz ham yoki oq yoki qora.

O'zi hayotimiz asabbuzarliklarga to'lib turganda, atrofimizni ham bo'g'iq ranglarga o'rab olganmiz. Ayniqsa qishda juda bilinadi.
Xullas, hayotingizga ozgina ranglar qo'shing. Kayfiyatingiz ko'tariladi. Asablaringiz biroz bo'lsa ham dam oladi.

Yangi klaviaturamga qarab, shu narsalar hayolimga keldi.

t.iss.one/sariqdev

Eslatib o'tamiz, bizning web sahifamiz va YouTube kanalimizda bepul 💻 "Dasturlash asoslari" darslari qo'yib boriladi.

Darslarimizning amaliy qismi, mashg'ulotlar va uy vazifalariga javoblar GitHub sahifamizga yuklangan.

Marhamat, obuna bo'ling.

Do'stlaringiz bilan ulashishni ham unutmang.

Assalom alaykum hurmatli do'stlar. Navbatdagi darsimiz YouTubega yuklandi: https://youtu.be/xgXGCaMX_sY

Ushbu darsimizda xatolar bilan ishlashni o'rganamiz.
try-except operatorlari bilan tanishamiz.
Bugungi dars manzili: https://python.sariq.dev/files-exceptions/35-xatolar

YouTubedagi videolarni yuklab olish uchun @SaveYoutubeBot botidan foydalaning.

Kanalimizning chatiga maxsus @rextester_bot qo'shganmiz. Bu bot yordamida istalgan tildagi sodda kodlarni telegramni o'zidayoq bajarib, natija olish mumkin.

Misol uchun Pythonda yozilgan kodni tekshirish uchun chatda /py3 (yoki /python3) deb yozasiz, va ortidan kodingizni kiritasiz.
Natija chatni o'zidayoq chiqadi.

Marhamat, izohlarda tekshirib ko'ring 👇

Bugun, meni nazdimda, O'zbek segnmentidagi Web Dasturlash bo'yicha eng zo'r kanal bilan tanishamiz.

Kanal muallifi Ulug'bekni 2016 yildan, Inhada o'qib yurgan davridan taniyman. Bir yilcha avval gaplashganimizda Standford Universitetining Dasturlash kursida Intstruktor bo'lib ishlayotgan edi. Yaqindan esa Stanfroddagi tajribasini qo'llab, o'z darslarini boshlabdi.

Xullas tanishing, Ulugbek Samigjonov – 5 yildan ortiq tajribaga ega Full-Stack dasturchi. Hozirda AQSHning EPAM Systems kompaniyasida Senior dasturchi. Toptal Freelance platformasi a’zosi.

Ulugbek Javascript tili va u bilan bo’g’liq bo’lgan TypeScript, NodeJS, Angular va ReactJS texnologiyalari bo’yichi chuqur bilimga ega. Bulardan tashqari, Python (Django, Flask) va PHP (Yii2) tillarini ham mukammal egallagan.

Hozirgacha Ulug'bekning Youtube kanalida HTML va CSS kurslari to’liq yuklangan, tez kunlarda esa JavaScript darslari boshlanadi.

Marhamat, obuna bo'ling:
https://youtube.com/ulugbeksamigjonov
t.iss.one/ulugbeksamigjonov

Assalom alaykum hurmatli do'stlar. Navbatdagi darsimiz YouTubega yuklandi: https://youtu.be/GgAs_VhWucY

Ushbu darsimizda unittest moduli yordamida funskiyalarni avtomat tekshiruvchi dastur yozishni o'rganamiz.
Bugungi dars manzili: https://python.sariq.dev/testing/36-function-test

YouTubedagi videolarni yuklab olish uchun @SaveYoutubeBot botidan foydalaning.

Pythonda kompyuter ekranindan skrinshot olish uchun juda #foydali pyscreenshot moduli mavjud.

Modul ichidagi .grab() metodi yordamida ekrandan to'liq yoki qisman skrinshot olish, .save() metdoi yordamida esa skrinlarni faylga yozish mumkin.

Ekranning bir qismidan skirnshot olish uchun .grab() metodiga bbox parametri uzatiladi. Bu parametrda ekranning skrinshot olish kerak bo'lgan qismining koordinatalari ko'rsatiladi .grab(bbox=(x1,y1,x2,y2)).

Yangi narsa o'rgandingizmi, albatta amaliyotda qo'llab ko'ring.

Guruhimizdagi talabalardan biri quyidagi rasmda qanday xato borligini so'rayapti.

Bu yerda juda oddiy, lekin qo'pol xato bor. Topa olasizmi?

upd: To'gri javob: Dastur nomi va import qilinayotgan modul nomi bir hil bo'lib qolgan (pyscreenshot.py) natijada dastur tashqi modulni emas, o'zini o'ziga import qilayapti.

Fayllarni nomlashda ehtiyot bo'ling.

Assalom alaykum hurmatli do'stlar. Navbatdagi darsimiz YouTubega yuklandi: https://youtu.be/vsxJPRLXpgI

Ushbu darsimizda unittest moduli yordamida klasslarning xususiyatlar va metodlarini tekshiruvchi dastur yozishni o'rganamiz.
Bugungi dars manzili: https://python.sariq.dev/testing/37-klass-test

YouTubedagi videolarni yuklab olish uchun @SaveYoutubeBot botidan foydalaning.

#Имло

❌ Phyton
✅ Python

To'g'ri yozishni @kitaabun da, dasturlashni esa @sariqdev dan o'rganing 🙂

Eng ko'p so'ralgan savol: Qanday qilib bir nechta qatorni birdan izohga (kommentga) olish mumkin?

Javob:
Spyderda Ctrl + 1 tugmalari.
PyCharm va boshqa muharrirlarda Ctrl + / tugmalari.

p.s. izohni o'chirish ham huddi shunday.

Tanishing, juda #foydali wikipedia moduli.

Bu modul yordamida Wikipedia sahifasidan qiziqarli ma'lumotlarni qidirib topishingiz va turli loyihalarda ishlatishingiz mumkin (masalan, Zakovat_bot 🙂).

Modulni (boshqa modullar qatori) pip install wikipedia komandasi yordamida o'rnatasiz.

Wikipedianing Oʻzbek tilidagi sahifasiga murojat qilish uchun wikipedia.set_lang('uz') metodini chaqiring (aks holda, ma'lumotlar ingliz tilida qaytadi).

Kerakli sahifani topish uchun esa wikipedia.page() metodiga murojat qilasiz.

Wikipedia qaytargan sahifaning nomini .original_title, sahifaning qisqa mazmunini esa .summary orqali ko'rishingiz mumkin.

Modul orqali hatto sahifaning to'liq html faylini ham yuklab olishingiz mumkin (.html() metodi).

Agar sahifa haqida yanayam ko'proq ma'lumot olmoqchi bo'lsangiz wikipedia.WikipediaPage('Oʻzbekiston') metodidan foydalaning.

Xullas, juda #foydali modul ekan. Ko'proq ma'lumot uchun modul dokumentasiyasi bilan tanishishingiz mumkin.

Qani, yangi botni tekshirib ko'ramizmi? Sinovdan o'tsa omma bilan ulashamiz.

Marhamat, @uzimlo_bot yordamida xatolaringizni tekshirib oling.

p.s. Ushbu bot Telegram botlar yaratish bo'yicha darslar ustida ishlash jarayonida yaratildi.

Assalom alaykum hurmatli do'stlar, avvalo bu hafta yangi darslar chiqmagani uchun barchangizdan uzr so'rayman. Malayziyada o'quv yili tugagani sababli, so'nggi o'n kunlik yakuniy imtixonlar va talabalarni baholash bilan o'tdi.

Keyingi hafta Xudo xohlasa Dasturlash asoslari darslarimizni yakunlaymiz (oxirgi mavzularning nomini sahifamizda ko'rishingiz mumkin). Lekin, bu darslar tugadi degani emas. Aksincha, hali hammasi oldinda.

Keyingi rejalar va qadamlar haqida ertaga batafsilroq post bo'ladi. Rejalar katta, shuning uchun inglizchasiga aytganda stay tuned.