Mohirdevda ajoyib blogimiz bor. Har bir maqola ustida kuchli mutaxassislar ishlaydi. Oʻquvchilar uchun eng qiziq va foydali maqolalarni saralab, chop etamiz.

Mana, kechagi tadbir yakuniga koʻra ham yaxshi maqola yozdik, albatta oʻqib chiqishni tavsiya qilaman.

Blogni esa davomli ravishda kuzatib boring, har hafta 3-4 ta sifatli maqolalar chop etamiz.

Mana oʻsha va’da qilingan darslar.

Avvalroq Oxforddagi auditoriya haqida 3 ta savol bergan edim, keling ularga javob olamiz:

Bunday auditoriyalar ilk bor Harvard universitetida joriy qilingani uchun “Harvard style seating” deb ataladi. Klassik ma’ruzaxonalardan farqli ravishda, bunday auditoriyada talabalar yarim aylana shaklida bir-biriga yuzlanib o’tiradi. Kursilar esa 360 gradus aylanadi.

Bundan maqsad auditoriya fokusini ma’ruzachiga emas, bir-biriga qaratish, muloqot, bahs-munozara muhitini yaratish. Istalgan odam boshqa odamga yuzlanishi, uning fikrini tinglashi, qarshi fikr bildirishi, jamoaviy muhokamalarda qatnashishi mumkin.

Harvard style seating ortidagi mazmunni tushunish uchun esa, klassik uslubdagi ma’ruzaxona bilan solishtirish kerak. Bunday ma’ruzaxonalarda sinf oldida ma’rzuachi, uning ro’parasida esa qatorlashib tinglocvhilar joylashadi. Tinglovchilarning diqqati ma’ruzachiga qaratiladi va ma’lumotlar, aniqrog’i, yagona haqiqat bir tomonlama (ma’ruzachidan tinglovchiga) yo’naltiriladi. Shuning uchun bunday xonalarda ko’pincha aniq fanlar (matematika, fizika, ximiya) o’tiladi.

Harvard uslubidagi xonalar esa ko’proq gumanitar fanlar uchun to’g’ri keladi va bu yerda yagona haqiqat bo’lmaydi. O’rtaga bahsli mavzu tashlanadi, hamma o’z fikrini bildiradi, muhokama, bahs-munozara bo’ladi, dars yakunida esa hamma o’zi uchun xulosa qiladi. Yagona to’g’ri javob bo’lmaydi.

Siz qaysi savolga to’g’ri javob topdingiz?