Shu postdan ilhomlangan bir obunachimiz istalgan matnni qo'lyozma shakliga o'tkazib beradigan telegram bot yozibdi.
Qoyil qolmay iloji yo'q.
Sinab ko'ring: @Konspektrobot

p.s. Reklama emas. Obunachilar orasida shunday iqtidorli yigitlar borligidan hursandman xolos.

Mendan ba'zilar reklama so'rashadi. Men hali reklamaga tayyor emasman. Agar kanal original kontentga boy bo'lsa, o'zim tavsiya qilaveraman.

Bugungi tavsiyalar:

👨‍💻HTML, CSS, JS va umuman web dasturlashga qiziqqanlar uchun Muhammadjavoxir Suratovning kanali: @mayoquz

💻 Yii, MySql darslar uchun, Sardor Dushamov: @sardoroga_blog

🐍 Python, xususan Django frameworkini o'rganmoqchi bo'lganlarga: @botirziyatov (Botir aka bilan tanish emasman, lekin juda tanishishni istar edim).

🇺🇲 Yana bir full stack dasturchi, AQShdagi hamyurtimiz, Saidbek Arislonovning kanali: @saidbekarislonov

🖥️ Mega dasturchi, Akmal Kadirov (tanishtirishga hojat yo'q): @kadirovDev

Yana bir mega dasturchi, Farhod aka, Malayziyadagi yurtdoshimiz: @virtualdars

Bu hozir, ayni daqiqada esimga kelgani.

Men yaxshi kanallarni tavsiya qilishdan charchamayman. Sifatli kontent qancha ko'p bo'lsa, shuncha yaxshi.

Izohlarda siz ham maslahat bering.

Eslatib o'tamiz, bizning web sahifamiz va YouTube kanalimizda bepul 💻 "Dasturlash asoslari" darslari qo'yib boriladi.

Darslarimizning amaliy qismi, mashg'ulotlar va uy vazifalariga javoblar GitHub sahifamizga yuklangan.

Marhamat, obuna bo'ling.

Do'stlaringiz bilan ulashishni ham unutmang.

Pythondagi #foydali xususiyatlardan yana biri bu bir qator kod bilan ro'yxat yaratish qulayligi (list comprehension).
Misol uchun sizga 1 dan N gacha sonlarning kvadrati kerak. Buni loop tsikli yordamida yozsangiz tahminan shunday kod bo'ladi:
kv = []
for x in range(10):
kv.append(x**2)

Pythonda huddi shu natijaga 1 qator kod bilan erishish mumkin:
kv = [x**2 for x in range(10)]

Yoki, biror ro'yxatdan juft sonlarni ajratib olish talab qilinsa:
sonlar = [12, 14, 8, 4, 9, 32, 21, 3, 5, 19]
juft_sonlar = [x for x in sonlar if x%2==0]

Ozgina kreativlik bilan, bu usul yordamida kodingizni ancha soddalashtirishingiz mumkin. Misol uchun, sonlar orasidan ma'lum shartlarga javob beruvchi sonlarni ajratib olish, matnlar orasidan ma'lum harfga boshlanuvchi yoki ma'lum uzunlikdagi matnlar ro'yxatini shakllantirish va hokazo.

Vaqtni zoe ketkazmay, o'rgangan bilimingizni darhol Pythonda sinab ko'ring.

Assalom alaykum hurmatli do'stlar. Navbatdagi darsimiz YouTubega yuklandi: https://youtu.be/JnoQ-2SFPnY

Ushbu darsimizda Pythonda Vorislik va Polimorfizm haqida gaplashamiz.
Bugungi dars manzili: https://python.sariq.dev/oop/30-vorislik-polimorfizm

YouTubedagi videolarni yuklab olish uchun @SaveYoutubeBot botidan foydalaning.

AQSh Oq Uy o'zining bosh sahifasida dasturchilarni ishga olish haqida yashirin e'lon qoldirgan.

Joe Biden prezident bo'lganidan so'ng yangilangan www.whitehouse.gov bosh sahifasining HTML kodida "Agar siz bu xabarni o'qiyotgan bo'lsangiz bizga sizning yordamingiz kerak" mazmunida komment qoldirilgan.

Ba'zida burnimiz tagidagi imkoniyatlarni ko'rmay qolamiz.

Pythondagi #foydali va dasturchilar tomonidan ko'p ishatiladigan funskyalardan biri bu uuid moduli ichidagi uuid4() funksiyasi.

Bu funksiya dastur davomida noyob (takrorlanmaydigan) ID raqam talab qilinganda ishlatilishi mumkin. Misol uchun, sahifangizdan ro'yxatdan o'tgan har bir foydalanuvchi uchun yangi ID raqam yaratishda uuid4() funksiyasi juda asqotadi.

uuid4() funskiyasi 2¹²² (5 undesillion) kombinasiya orasidan tasodifiy, 128-bit uzunlikdagi son qaytaradi. Ya'ni bu shunchlaik uzunki (36 ta 0 lik son) qaytgan son insoniyat hayotida hech qachon takrorlanmasligiga ishonsak bo'ladi.