TechCrunch Disrupt konferensiyasining birinchi kunini yakunladik. Taassurotlar bir olam. Mohirdev va mohir.ai uchun bir nechta hamkorlar topdik.

Kunni esa Halal Dastarhan restoranida Silkroad Hub va IT park tomonidan tashkil etilgan networking tushlik bilan yakunladik.

Orada koʻngilxushlik ham qilib turish kerak.

Amerikadan yangi oʻljalar bilan qaytayapmiz. Endi bu kitoblarni oʻqish kerak. Vaqt boʻlganda qanday qilib bir vaqtda 5 ta kitob oʻqishimni sirini aytib beraman.

Biz turgan uy.

Bugun ketar chogʻimizda juda qiziq voqea boʻldi. Rasmdagi yigit, Garvan Doyle mohir.ai loyihasi qiziq ekan deb shaxsiydan yozib qoldi. Kim ekan deb qarasak, Assembly.ai deb nomlangan juda katta Sunʼiy intellekt kompaniya rahbari ekan.

Sherigim Baxtiyor darrov qoʻngʻiroq qildi, Garvin allaqachon mehmonxonaga qaytganini, lekin biz bilan uchrashish uchun qaytishini aytib, kutib turishni iltimos qildi.

Kelganidan keyin esa, 1 soat davomida shunaqangi qiziq suhbat boʻldi. Qaniydi suhbat tugamasa deb qoldik. Garvan bizga juda koʻp maslahatlar berib, yoʻl-yoʻriq koʻrsatdi, oʻzi qilgan xatolarini biz takrorlamasligimiz uchun nimalar qilishni aytdi. Eng muhimi suhbat soʻngida mohir.ai jamoasini oʻzining muhandislari bilan bogʻlab qoʻyishini aytdi. Keyingi hafta, Oʻzbekistonga qaytgandan soʻng yana gaplashadigan boʻldik.

Hammasidan qizigʻi, bularning hammasi samimiy, beminnat va begʻaraz. Shunchaki zerikkanidan, erinmasdan kelib, bizga butun tajribasini ulashib ketdi.

Tushunarli boʻlishi uchun, Assemblyai 180 million dollarga baholangan, Spotify, BBC, Dow Jones, veed.io va yana boshqa oʻnlab gigant kompaniyalarni ovozli sunʼiy intellekt texnologiyalari bilan taʼminlaydigan kompaniya.

Amerikaga kelish qimmat, lekin birgina mana shunday uchrashuv barcha harajatlarni qoplab yuboradi.

3 kun Silikon Vodiysi va San Francisco oʻrtasida qatnab, ikkisi orasidagi katta farqni topdim:

Silikon Vodiysida odamlar yoki dasturchi-muhandis yoki startupchi.

San Franciscoda odamlar yoki startupchi yoki uysiz.

Ertaga vatanga. Bugun esa "vodiyliklar" bilan goʻsht pishirayapmiz

Qani, silikon vodiysidagi vatandoshlarni soʻroqqa tutamizmi?

Savollarni izohda yuboring, soʻrashga harakat qilaman.

Faqat iltimos, jiddiy savollar boʻlsin. Googleda qidirib topadigan savollar emas.