#кэрээйгэтэ
#тыадьоно

Бүгүн, Мэҥэ Хаҥалас улууһун Майа сэлиэнньэтигэр Валерий Ноев сырдык кэриэһигэр анаммыт "Мин дууһам ыллыыр" ырыа дьоро күрэҕэр дьон-сэргэ астына, долгуйа сырыттылар. Биһиги бары ытыктыыр, таптыыр ырыаһыппыт Валерий Ноев олорон ааспыт кылгас кэмигэр умнуллубат кэрэ, алыптаах ырыалары айбытын дьон-сэргэ барыта таптаан ыллыыр. Быыс аһылларын кытта Валерий Ноев арахсыспат аргыһа - баян кини оҕо эрдэҕиттэн сөбүлээн сылдьыбыт сирин лаглайбыт хатыҥчаанын анныгар турара киһи хараҕар көстө түһэр... Хайдах эрэ Ноев бэйэтинэн, сибилигин киирэн кэлэн намыын куолаһынан ыллаан барыан курдуга.
Маннык улахан ырыа түһүлгэтигэр Чурапчы улууһун Хатылы эр дьонун "Көмүөл" ансамбыла Гран-При үрдүк аатын ылла, сал. Екатерина Марковна Лыткина👏🏻😍🥳🎉💐🎊 Кинилэри сэргэ Чурапчы нэһилиэгин эр дьонун "Төлөн" ансаамбыла 3-с степеннээх лауреат буоллулар, сал. Светлана Петровна Аммосова🎉🥳🎊
Инникитин да маннык кэрэ, ырыа киэһэлэрэ тыа сирин дьонун үөрдэ туруохтара.

@sanaoloh
#СэмэнЖендринскэй

Чурапчыттан тустууга ССРС успуордун маастардара🤼 дуобакка♟️ күннээтилэр 🏆🥇🥈 — Улус Медиа https://xn--80aa7aggbp2b.xn--p1ai/churapchyttan-tustuuga-ssrs-uspuordun-maastardara-duobakka-kynneetiler/

Улууспут бары аҕаларын муус устар бастакы өрөбүлүгэр бэлиэтэнэр Аҕа Күнүн бырааһынньыгынан улуус салалтатын уонна тус бэйэм ааппыттан истиҥник эҕэрдэлиибин!

Бастакы Президеммит Михаил Ефимович Николаев 1999 с. Ыйааҕынан олохтоммут бу бырааһынньык алаһа дьиэ аҕа баһылыга дьиэ кэргэнин, оҕолорун иитиигэ улахан эппиэтинэһин уонна суолтатын үрдэтиигэ туһаайыллар. Аҕа буолуу - бу улуу дьол, ону сэргэ дьоһун иитиилээх уолаттары уонна кыргыттары такайан таһаарыыга сүдү эппиэтинэс. Аҕалар тус сиэрбитинэн-майгыбытынан ийэҕэ, дьахтарга, оҕоҕо харыстабыллаах сыһыан холобурун көрдөрөбүт, дьиэ кэргэммит эрэ буолбакка, тулалыыр дьоммут кэскиллэрин түстүүбүт. Аҕа диэн - көмүскүүр эркиммит, бигэ тирэхпит, үтүө сүбэһиппит.

Улуус Аҕаларын сэбиэтин сүрүннээһининэн, Аҕалар сэбиэттэрин көхтөөх үлэлэринэн Аҕа күрэҕэ, Булчут күнэ, Уол оҕолор күннэрэ үгэс буолбут үрдүк тэрээһиннээх кэтэһиилээх бырааһынньыкка кубулуйдулар. Маннык кэрэхсэбиллээх тэрээһиннэр биһиги улууспут уолаттарын уонна аҕаларын сылтан сыл сомоҕолуу, түмэ турдуннар!

Эһиэхэ уонна чугас дьоҥҥутугар кытаанах доруобуйаны, дьиэ кэргэҥҥитигэр этэҥҥэ буолууну, уйгулаах, дьоллоох олоҕу баҕарабын!

🔷30-тан тахса сыл идэтигэр бэриниилээхтик үлэлии сылдьар биэлсэр — Чурапчыттан Лена Неустроева — Улус Медиа

🔹Тыа сиригэр эмчит үлэтэ диэн — сүрдээх ыарахан, эппиэтинэстээх үлэ. Оттон суһал көмө биэлсэрэ, ким ыалдьан ыҥырда да, түүнү-күнүһү, өрөбүлү, бырааһынньыгы аахсыбакка, дьон туһугар туһааннаах үлэтин толорор. Улууспутугар биир оннук киһинэн Лена Неустроева буолар. Кини идэтинэн 30-тан тахса бэриниилээхтик үлэлээн кэллэ. Салгыы кинилиин сэһэргэстибит.


https://xn--80aa7aggbp2b.xn--p1ai/30-tan-tahsa-syl-idetiger-beriniileehtik-ylelii-syldar-bielser-churapchyttan-lena-neustroeva/

#ЧөлОлох
#чурапчыуспуорттуоната

🏐🏐🏐 Муус устар 6-7 күннэригэр, Афанасий Софронов аатынан успуорт уораҕайыгар, Чурапчы нэһилиэгин баһылыгын бирииһигэр волейболга аһаҕас турнир буолан ааста.
Уопсай түмүккэ, эр дьоҥҥо:

🏆🥇 - Тулагы-Хаҥалас;

🥈 - Фаворит-Строй Олимп;

🥉 - Туймаада МЧС;

4 миэстэ - Чурапчы хамаандата.

Дьахталларга:

🏆🥇 - Хаҥалас;

🥈 - РИК;

🥉 - Фартуна;

4 миэстэ - Чурапча-1.

Манна дьахталларга Хаҥаластан Лена Фоменко, Фартунаттан Аксинья Афанасьева, Чурапчыттан Оксана Терентьева, РИК-тан Мария Петрова, Чурапчыттан Матрена Филиппова ордук чорбофдулар. Эр дьоҥҥо Фавориттан Афанасий Ядрихинскай, Егор Сукулов, Чурапчыттан Степан Саргыдаев, Тулагыттан Семен Атласов, Туймаадаттан Сергей Лаптев бастыҥ оонньууну көрдөрдүлэр👏👏👏👍🔥🔥🔥

@sanaoloh
#СэмэнЖендринскэй