🇺🇿🇺🇿🇺🇿🇺🇿 🇺🇿🇺🇿🇺🇿🇺🇿

⚡️ QONUN USTUVOR BO‘LSA, TARTIB BARQAROR BO‘LADI

✔️ Hukumatimiz tomonidan berilayotgan keng imkoniyatlardan oqilona foydalanib, joylarda o'z faoliyatini kengaytirayotgan serqirra tadbirkorlar talaygina. Ammo, o‘zboshimchalik bilan yo‘l bo‘yidagi muhofaza hududlaridan noqonuniy foydalanayotgan qo‘shtirnoq ichidagi tadbirkorlar ham yo‘q emas.

⭐️ Kadastr agentligi Pastdargʻom tuman bo‘limi va tegishli tashkilot masʼullari tomonidan noqonuniy qurilish obyektlarini aniqlash va yer maydonlarini nazorat qilish tadbirlari olib borilmoqda.

❌ Tadbir davomida, tuman hududidan o'tuvchi 4R-46 Samarqand-Juma yo'lining muhofaza hududidan o‘zboshimchalik bilan yer maydonlari egallanib, u yerga tadbirkorlik qilish uchun noqonuniy obyekt qurilganligi aniqlandi.

🔎 Aniqlangan barcha qoidabuzarliklar yuzasidan, tegishli tartibda maʼmuriy bayonnomalar rasmiylashtirildi. Natijada, noqonuniy egallagan yerlarda tadbirkorlik faoliyatimk yuritayotgan 14 nafar fuqarolarga jami, 204 million so'mlik jarimalar qoʻllanilgan.

✅ Hurmatli fuqarolar yerga noqonuniy egalik qilib, yengil konstruksiyali imorat tiklash bazaviy hisoblash miqdorining 25 baravarigacha, og‘ir konstruksiyali imorat qurish esa, 150 baravarigacha bo‘lgan miqdordagi jarimaga tortilishga sabab bo‘ladi. Buni zinhor Unutmang!

📣 Aziz hamyurtlar, eslatib o‘tamiz! Agarda sizga tadbirkorlik qilish maqsadida bo‘sh yer uchastkasi yoki bino zarur bo‘lsa, E-auksion.uz orqali shaffof auksionda ishtirok etib, mulk va yer uchastkalarini sotib olib, tadbirkorlik faoliyatingizni qonuniy tartibda olib borishingizni so‘raymiz.

🇺🇿🇺🇿🇺🇿🇺🇿🇺🇿

◼️Bugun Davlat kadastrlari palatasi Samarqand viloyat boshqarmasining tuman va shahar filiallari bosh muhandislari ishtirokida yig‘ilish o‘tkazildi. Yig‘ilishda boshqarma rahbariyati va bo‘lim hamda sho‘ba boshliqlari tomonidan kun tartibidagi ikkita masala bo‘yicha joylarda olib borilayotgan ishlar samaradorligi va natijadorligi yuzasidan tanqidiy-tahliliy muhokama qilindi.

◼️Xususan, Davlatimiz rahbari tomonidan 2023-yil 21-noyabrda kengaytirilgan tarzda “Yer resurslaridan oqilona foydalanish, yer hisobini yuritish hamda kadastr xizmatlari sifatini yaxshilash bo‘yicha kelgusidagi ustuvor vazifalar to‘g‘risida” o‘tkazilgan videoselektor yig‘ilishi bayonida belgilangan tegishli vazifalar ijrosini ta’minlash maqsadida sohada amalga oshirilayotgan ishlarning natijadorligi tanqidiy tahlil qilindi.

◼️Shuningdek, O'zbekiston Respublikasi Vazirlar Mahkamasining 2023-yil 30-oktyabrdagi 578-sonli qarori asosida «Yer hisobot» AATga yer hisobini yurituvchi mutaxassislar tomonidan yer fondi toyifalari, turlari va ulardagi o‘zgarishlar, yer uchastkalarining o‘rni va maydonlari, shunga ko'ra, yer egalari, yerdan foydalanuvchilar, ijarachilar va mulkdorlar o‘rtasida yerning taqsimlanishi to‘g‘risidagi maʼlumotlarni to‘g‘ri va o‘z vaqtida kiritib borilishini ta’minlash bo‘yicha topshiriqlar berildi.