🇺🇿🇺🇿🇺🇿🇺🇿🇺🇿

◼️Bugun Davlat kadastrlari palatasi Samarqand viloyat boshqarmasining tuman va shahar filiallari bosh muhandislari ishtirokida yig‘ilish o‘tkazildi. Yig‘ilishda boshqarma rahbariyati va bo‘lim hamda sho‘ba boshliqlari tomonidan kun tartibidagi ikkita masala bo‘yicha joylarda olib borilayotgan ishlar samaradorligi va natijadorligi yuzasidan tanqidiy-tahliliy muhokama qilindi.

◼️Xususan, Davlatimiz rahbari tomonidan 2023-yil 21-noyabrda kengaytirilgan tarzda “Yer resurslaridan oqilona foydalanish, yer hisobini yuritish hamda kadastr xizmatlari sifatini yaxshilash bo‘yicha kelgusidagi ustuvor vazifalar to‘g‘risida” o‘tkazilgan videoselektor yig‘ilishi bayonida belgilangan tegishli vazifalar ijrosini ta’minlash maqsadida sohada amalga oshirilayotgan ishlarning natijadorligi tanqidiy tahlil qilindi.

◼️Shuningdek, O'zbekiston Respublikasi Vazirlar Mahkamasining 2023-yil 30-oktyabrdagi 578-sonli qarori asosida «Yer hisobot» AATga yer hisobini yurituvchi mutaxassislar tomonidan yer fondi toyifalari, turlari va ulardagi o‘zgarishlar, yer uchastkalarining o‘rni va maydonlari, shunga ko'ra, yer egalari, yerdan foydalanuvchilar, ijarachilar va mulkdorlar o‘rtasida yerning taqsimlanishi to‘g‘risidagi maʼlumotlarni to‘g‘ri va o‘z vaqtida kiritib borilishini ta’minlash bo‘yicha topshiriqlar berildi.

🇺🇿🇺🇿🇺🇿🇺🇿 🇺🇿🇺🇿🇺🇿🇺🇿🇺🇿

💠 QONUN MAZMUN-MOHIYATI HUDUDLARDA TARG‘IB QILINMOQDA

🇸🇱O‘zbekiston Respublikasining "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida"gi O'RQ-937-sonli Qonuni mazmun-mohiyatini vakolatli tashkilotlar vakillariga tushuntirish maqsadida Samarqand viloyatida o‘quv seminarlari tashkil etildi.

⭐️ Kadastr agentligi hamda Adliya vazirligi mas’ullari U.Jaksimuratov, R.Ko‘charov, J.Yuldashev va B.Kurbanovlardan iborat ishchi guruh boshchiligida joriy yil 16-sentabr kuni Samarqand viloyatining Toyloq, Ishtixon tumanlari, Samarqand va Kattaqo‘rg‘on shaharlari hokimliklarida mazkur Qonun ijrosiga mas’ul bo‘lgan 17 ta tashkilot vakillari hamda tuman va shahar hokimlari ishtirokida o‘quv seminarlari tashkil etildi. Unda mazkur Qonun mazmun-mohiyati, uning ijrosini to‘laqonli ta’minlash borasida so‘z bordi.

🫥 Shuningdek, ushbu seminarda huquqlarni e’tirof etishning asosiy shartlari, yakka tartibdagi uy-joylar egallagan yerlarga ijara huquqi e’tirof etilishi, Qonun bilan huquqlarni e’tirof etish bosqichlari, huquqlarni e’tirof etganlik uchun bir martalik to‘lov, davlat va jamoatchilik nazorati masalalarida ham batafsil axborot berildi.