Ҳамма вилоят, шаҳар ва туманларда сайёҳлар борадиган жойларни кўпайтириш кераклиги қайд этилди.

"Ҳар бир ҳоким ўзига шундай саволни берсин: “менинг вилоятим, шаҳар ва туманимга сайёҳлар қаерга ва нимани кўришга келади?” Қайси ҳоким шу саволга тўғри жавоб топиб, туризм дастурларини қилса, албатта ўзгариш бўлади", деди Президент.

Ҳар бир вилоят ҳокимига ички ва четдан турист жалб қилиш бўйича ўзининг “туристик ҳалқаси”ни ташкил этиш бўйича лойиҳасини ишлаб чиқиш топширилди. Энг яхши лойиҳаларга танлов асосида 20 миллион долларгача кредит ажратилади.

Марказий банкка 1 триллион сўмлик кредит ресурсларини ажратиш, йил якунига қадар яна қўшимча 100 миллион доллар хорижий кредит линиялари жалб қилиш топшириғи берилган бўлсада, бу маблағлар ҳали тадбиркорларга етиб бормагани танқид қилинди.

Агар 1 триллион сўм маблағлар тижорат банкларига жойлаштирилмаса, Марказий банк раҳбариятига нисбатан қатъий чоралар кўрилиши таъкидланди.

1 ноябргача туризм хизматлари учун 100 миллион долларлик кредит линиясини очиш, йил якунига қадар келгуси йил учун яна қўшимча 100 миллион доллар жалб қилиш топширилди.

Шунингдек, мутасаддиларга:

- барча сув омборлари, ўрмон хўжалиги ерларини ўрганиб, уларда туристик зоналар ташкил этиш бўйича дастур ишлаб чиқиш;

- божхона-чегара пунктларидан тезкор ўтказиш хизматини йўлга қўйиш, туристик ахборот марказларини ишга тушириш бўйича таклиф киритиш;

Қорақалпоғистон, Бухоро, Қашқадарё, Навоий, Сурхондарё, Фарғона ва Хоразмнинг чўл ҳудудларида “сафари” туризмини ривожлантириш мақсадида йўл танламас транспортлар учун импорт тўловларини тушириш таклифини киритиш топширилди.

Facebook|Instagram|Twitter

Президент мамлакатимизнинг зиёрат туризми имкониятларидан тўлиқ фойдаланиш зарурлигини таъкидлади.

Молия вазирлигига Бухорода зиёрат туризми объектлари инфратузилмасини яхшилаш учун маҳаллий бюджетга 40 миллиард сўм ажратиш топширилди.

Туризм вазирлиги олдига зиёрат туризми салоҳияти юқори Индонезия, Малайзия, Ҳиндистон, Покистон, Бангладеш ва араб давлатларидан Самарқанд, Бухоро ва Тошкентга авиарейсларни кўпайтириш вазифаси қўйилди.

Мутасаддиларга мамлакатимиздаги 1 минг 200 дан зиёд зиёратгоҳлар имкониятларини тўлиқ ишга солиб, йилига камида 1 миллион сайёҳ жалб қилиш дастурини тасдиқлашга кўрсатма берилди.

Зиёратга келаётган туристларнинг мазҳаби, тариқати, ёндашуви ҳар хиллигини инобатга олиб, қайси дин ёки мазҳаб вакилларига қандай овқатлар таклиф қилишни, меҳмонхона ва ибодат жойларини қандай жиҳозлашни илмий ёндашувларсиз қилиб бўлмаслиги кўрсатиб ўтилди.

Муқаддас жойлар, авлиё ва пирлар ҳақида маълумот бера оладиган мутахассислар ва гидлар ҳам камлиги айтилди.

Шу муносабат билан Ислом академияси, "Ипак йўли" университетига муддатда зиёрат туризми оқими кўп бўлган давлатлар учун илмий асосланган ёндашувларни ишлаб чиқиш топширилди.

Facebook|Instagram|Twitter

Йиғилишда инфратузилма масаласи ҳалигача долзарб бўлиб қолаётгани таъкидланди.

Ушбу масалаларни ҳал этиш учун 200 миллиард сўм ажратилса, камида 3 миллион туристни жалб қилиш мумкин.

Шу муносабат билан мутасаддиларга:

вилоят ҳокимлари билан бирга бир ой муддатда туризм маҳаллаларида йўл, электр, сув ва интернет муаммосини ҳал этиш бўйича ҳукумат қарорини киритиш;

ушбу дастурни молиялаштиришга йилига 200 миллиард сўм ажратиш;

йил якунигача оилавий меҳмонхоналарни кўпайтириш учун оилавий тадбиркорлик дастурларига қўшимча 500 миллиард сўм йўналтириш;

келгуси йил 1 апрелга қадар Корея тажрибаси асосида 135 та туризм маҳалласини тадбиркорларга бошқарувга бериб, уларни тематик туризм қишлоқларига айлантириш топширилди.

Facebook|Instagram|Twitter

“Тошкент-Самарқанд” ва “Тошкент-Андижон” йўналишларида автомобилда йўловчи ташиш вақти ўртача 1-1,5 соатга кўпайди. Лекин, темир йўл ва авиа қатновлар сони ва сифати талаб даражасида эмаслиги кўрсатиб ўтилди. Шу боис тегишли мутасаддиларга:

- водий вилоятларидан Тошкент, Нукус, Бухоро, Урганч шаҳарларига ҳар куни авиарейсларни йўлга қўйиш;

- вилоят марказларидан Тошкент, Нукус, Бухоро, Қарши, Термиз ва Урганч шаҳарларига авиа ва темир йўл қатновларини 2 баравар кўпайтириш;

- камида 500 та эски типдаги вагонларни келгуси икки йилда реконструкция қилиш бўйича алоҳида дастур қабул қилиш;

- вилоятлар ҳудудидаги конгрес-холл, саройлар, меҳмонхоналар инфратузилмасидан самарали фойдаланишни йўлга қўйиш;

- швейцариялик мутахассислар билан бирга Бухоро, Зомин ва Бўстонлиқ туризм коллежларида меҳмонхона бошқаруви, сервис ва бошқа йўналишларда янги ўқув дастурлари асосида ўқитишни бошлаш;

- “Ипак йўли” туризм университетида меҳмонхона ва сервис соҳасида ўрта бўғин ходимларини тайёрлаш ва малакасини ошириш бўйича чора-тадбирлар режасини тасдиқлаб, йилига камида 1 минг нафар ёшларни ўқитиш топширилди.

"Ўзбекистон темир йўллари" АЖ раиси Ҳ.Ҳосилов 3 ойда ўз тизимида ўзгариш қилмаса, ишдан олиниши ҳақида огоҳлантирилди.

Facebook|Instagram|Twitter

“Дьюти фри” ва “такс фри” тизимларини жорий этиш бўйича қарор имзоланганидан 3 йил ўтганига қарамай, бу борада сусткашликларга йўл қўйилаётгани танқид қилинди.

Туризм вазири А.Абдуҳакимов, молия вазири Т.Ишметов, Солиқ қўмитаси раиси Ш.Қудбиев ва Божхона қўмитаси раиси А.Мавлонов қатъий огоҳлантирилди: ушбу тизим 2023 йил 1 январдан тўлиқ ишга тушиши шарт.

Видеоселектор йиғилишида сайёҳлик ташкилотларига қўйилган талабларни соддалаштириш зарурлиги таъкидланди.

Мисол учун, бугунги кунда меҳмонхона ташкил этиш учун 97 та, “юлдуз” олиш учун эса 138 та талаб мавжуд.

“Агар туризм соҳасида рақобат қилишни истасак, биринчи навбатда, меҳмонхоналар сифатига алоҳида эътибор қаратишимиз зарур”, деди Президент.

Меҳмонхоналар ташкил этиш учун талабларни халқаро стандартлар асосида соддалаштириш топширилди.

Туристларни ички ишлар идораларида рўйхатга олиш тизими ҳам енгиллаштирилиши лозимлиги кўрсатиб ўтилди.

“Энг ривожланган мамлакатлар ҳам ҳар бир турист учун талашаётган пайтда, биздаги ортиқча чекловларни ҳаммасини қайта кўриб чиқиш керак”, деди давлатимиз раҳбари.

Шу муносабат билан туризм ва ички ишлар вазирларига хорижий туристларни ички ишлар идораларида вақтинчалик рўйхатдан ўтказиш учун рухсат олишдан онлайн хабардор қилиш тартибига ўтказиш топширилди.

Facebook|Instagram|Twitter

Йиғилишда турагентларга лицензия талабини бекор қилиб, хабардор қилиш тартибига ўтказиш бўйича қарор лойиҳасини киритиш вазифаси қўйилди.

Умуман, Туризм вазирлиги ва вилоят ҳокимлари олдига янги имкониятлардан фойдаланиб, келгуси йилда камида 7 миллион хорижий ва 12 миллион ички туристларни жалб қилиш вазифаси қўйилди.

Келгуси йилда туризм экспортини камида 2 миллиард долларга етказиш учун барча имкониятлар борлиги таъкидланди.

Йиғилиш якунида мутасаддиларнинг ахбороти тингланди.

Facebook|Instagram|Twitter

Ахборот 24 | Туризм соҳасидаги улкан имкониятлар ва улардан фойдаланиш бўйича вазифалар кўрсатиб ўтилди
#19sept #uzbekiston24

mtrk.uz | Youtube | Facebook | Telegram | uztv.tv | TV-dastur

Туризм соҳасида олтита катта муаммо ҳал қилинди

Prezident.uz|Facebook|Instagram|YouTube|Twitter

Э Ъ Л О Н !

Жорий йилнинг 24 сентябрь куни соат 08-00 дан бошлаб вилоят аҳолиси учун Самарқанд шаҳридаги “Ватанпарвар” боғида вилоят ҳокими Эркинжон Турдимовнинг навбатдаги сайёр қабули ўтказилади.

Сизни қийнаётган муаммолар, таклиф ва мулоҳазаларингиз бўлса мурожаат қилишингиз мумкин.

Манзил: Самарқанд шаҳар, “Ватанпарвар” боғи.

Мўлжал: "Мусо Хонкелди" савдо маркази, Ҳазора автобошбекати.

Локация: https://maps.google.com/maps?q=39.685487,66.894609&ll=39.685487,66.894609&z=16

Маълумот учун телефон: 1177, (66)235-62-36.

Mahalla va qishloqlarni obodonlashtirish masalalari muhokamasi

Обсуждение вопросов благоустройства в махаллях и сёлах

Erkinjon Turdimov: Yil oxirigacha barcha mahallalar o‘z binolariga ega bo‘lishi kerak

Эркинжон Турдимов: До конца года у всех махаллей должны быть свои здания

Барча воқеалардан биринчилардан хабардор бўлишни истайсизми?

Сизни Самарқандда бўлаётган воқеалар қизиқтирадими?

Интернет тармоғидаги қайси манбаага суянишни билмаяпсизми?

Ишончли манбаадан янгиликларни билмоқчимисиз?

Воқеалар ривожи онлайн режимда! Сиёсат оламидаги янгиликлар, иқтисодий, ижтимоий, маданият ва спорт янгиликлари барчаси бизни саҳифаларимизда.

Бизнинг ижтимоий тармоқлардаги канал ва саҳифаларимизга қўйидаги ҳаволалар орқали аъзо бўлинг.

Телеграм: https://t.iss.one/joinchat/AAAAAESDjh7O726kdKg2QA

Facebook: https://www.facebook.com/turdimov/

Facebook: https://www.facebook.com/sampressservice

Twitter: https://twitter.com/e_turdimov

Instagram: https://www.instagram.com/e_turdimov/

YouTube: https://www.youtube.com/samarkandpressservice

Хотите быть в курсе всего происходящего?

Вас интересуют события Самаркандской области?

Среди огромного количества интернет-ресурсов не знаете, чему отдать предпочтение? И как выбрать достоверный источник?

Тогда подпишитесь на наши каналы.

Самые свежие новости от первоисточника!

Обзор происходящего в режиме реального времени! Новости политики, экономики, культуры, спорта.

Оставайтесь с нами и держите всегда руку на пульсе событий!

Адреса наших каналов и страниц в соцсетях в нижеследующих ссылках:

Телеграм: https://t.iss.one/joinchat/AAAAAESDjh7O726kdKg2QA

Facebook: https://www.facebook.com/turdimov/

Facebook: https://www.facebook.com/sampressservice

Twitter: https://twitter.com/e_turdimov

Instagram: https://www.instagram.com/e_turdimov/

YouTube: https://www.youtube.com/samarkandpressservice

FlyDubai aviakompaniyasi Samarqandga muntazam parvozlarni yo‘lga qo‘ymoqda

Bugun, 2022 yil 21-sentabr kuni Samarqand xalqaro aeroportida FlyDubai aviakompaniyasining Dubay — Samarqand yoʻnalishidagi ilk havo kemasi kutib olindi. Aviakompaniya tomonidan yangi yoʻnalishdagi parvozlar haftaning chorshanba va shanba kunlari amalga oshiriladi.

🔰Ушбу канал республикамиз ҳудудларидан:
- энг муҳим, ишончли хабарлар;
- аҳолининг муаммолари ва унинг ечимлари;
- расмий муносабатлар;
- ҳокимларнинг онлайн мурожаат ва брифинглари эълон қилинадиган ягона платформадир.

Унда hudud_inform канали айнан Сиз учун. Каналга қуйидаги линк орқали аъзо бўлишингиз мумкин:

https://t.iss.one/hudud_inform

Вилоятдаги вакант лавозимларга очиқ мустақил танлов эълон қилинди

Президент ҳузуридаги Давлат хизматини ривожлантириш агентлиги Самарқанд вилояти филиали вилоятдаги ташкилотлар билан ҳамкорликда қуйидаги лавозимларга очиқ мустақил танлов эълон қилади:

🔸 Ёшлар ишлари агентлиги Самарқанд вилояти бошқармаси:
— Самарқанд шаҳар "Мирсаид Барака" маҳалла фуқаролар йиғини ёшлар етакчиси;

— Самарқанд тумани "Ипакчи" маҳалла фуқаролар йиғини ёшлар етакчиси;

— Каттақўрғон шаҳар "Навбаҳор" маҳалла фуқаролар йиғини ёшлар етакчиси;

— Каттақўрғон тумани "Номозполвон" маҳалла фуқаролар йиғини ёшлар етакчиси;

— Иштихон тумани "Бўстон" маҳалла фуқаролар йиғини ёшлар етакчиси.

🔸 Пайариқ тумани ҳокимлиги:
— "Хўжа Исмоил" маҳалла фуқаролар йиғини бўйича ҳоким ёрдамчиси;

❗️👆Ҳужжатлар 2022 йил 20 сентябрдан 24 сентябргача (шу куни ҳам) қабул қилинади.

🔸 Вилоят Ғазначилик бошқармаси:
— Пахтачи тумани бўлинмаси давлат харидларини ривожлантириш ва мониторинги гуруҳи бошлиғи.

🔸 Ёшлар ишлари агентлиги вилоят бошқармаси:
— Иштихон тумани бўлими бошлиғи;

— Пахтачи тумани бўлими бошлиғи.

🔸 Маданият бошқармаси:
— Каттақўрғон тумани бўлими мудири.

🔸 Кадастр агентлиги вилоят бошқармаси:
— Пастдарғом тумани бўлими бош инспектори.

🔸 Агросаноат мажмуи устидан назорат қилиш инспекцияси вилоят бошқармаси:
— Қишлоқ ҳўжалигига мўлжалланган сув ресурсларидан назорат қилиш бўлими бош инспектори.

🔸 Пахтачи тумани ҳокимлиги:
— Туман ҳокимлиги ҳисобчиси.

❗️👆Ҳужжатлар 2022 йил 20 сентябрдан 29 сентябргача (шу куни ҳам) қабул қилинади.

▶️ Танловда иштирок этиш учун номзодлар Давлат фуқаролик хизматчилари вакант лавозимларининг ягона очиқ портали орқали рўйхатдан ўтишлари, вакант бўлган лавозимга сўралган ҳужжатларни электрон шаклда тақдим этишлари зарур.

Cамарқанд вилоятида 22 сентябрь кунги об-ҳаво тўғрисида маълумот

Вилоятда ҳаво ўзгарувчан бўлиб, ёғингарчилик кутилмайди. Шамол шарқдан секундига 7-12 метр тезликда эсади.

Ҳарорат:

🌑 +13...+18... даража илиқ;

🌕 +30...+35... даража иссиқ бўлади.

Самарқанд Гидрометеорология бошқармаси

Бюллетень №264, 21.09.2022