Быракаан нэһилиэгин "Быракаан үрэҕэ" сиригэр 8500 га иэннээх ойуур баһаарын утары охсуһууга Тюмень уобалаһыттан 25 Авиалесохрана десантниктара көмө үлэни ыыталлар. Уопсайа баһаары умуруорааһыҥҥа от ыйын 21 күнүн сарсыарда 09:00 чаас туругунан 111 киһи, 20 техника үлэлиир.

Тюмень уобалаһыттан баһаары утарар десантниктар 25 киһи Үөдүгэй нэһилиэгин Муҥур Үрэх сиригэр 1842 га иэннээх ойуур баһаарын умуруорааһыҥҥа үлэлииллэр. Уопсайа баһаары умуруорааһыҥҥа 57 киһи, 3 техника үлэлиир.

Бүгүн Үөдүгэй ойуурун баһаарын умуруора сылдьар десантниктары кытта миэстэтигэр көрсөн уоту утары үлэ былаанын сүбэлэстибит.

Сургуулук нэһилиэгин Түҥ сиригэр Маҥаас нэһилиэгиттэн 22 км тэйиччи, Сургуулук нэһилиэгиттэн 19 км тэйиччи турар ойуур баһаарын умуруорааһыҥҥа 23 киһи үлэлиир.

Нам нэһилиэгин Тарыҥ сиригэр Куду нэһилиэгиттэн 8 км тэйиччи, Өргүөт нэһилиэгиттэн 10 км тэйиччи турар 3775 га иэннээх ойуур баһаарын умуруорааһыҥҥа 42 киһи 4 техника үлэлиир.

Харбалаах нэһилиэгин Ньыкагы сиригэр 2450 га иэннээх ойуур баһаарын утары 25 киһи, 3 техника үлэлиир.

Оҥхой нэһилиэгин Хомустаах сиригэр турбут 909 га иэннээх ойуур баһаара тутуллан турар. Уоту манааһыҥҥа 32 киһи, 5 техника үлэлиир.

Бэҕэһээ, бүгүн 2 Бе-200 самолет-амфибиялар, вертолет улахан уоттары умуруорааһыҥҥа үлэни ыыттылар.

Убаастабыллаах Үөһээ Бүлүү улууһун олохтоохторо!

Улууспутугар турбут ойуур баһаардарын бары күүһүнэн, көмөлөөн умуруоруоҕуҥ! Бар дьоммутун ойуур баһаарын умуруорар этэрээттэргэ кыттыһаргытыгар ыҥырабыт.

Күннээҕи төлөбүр 2900 солкуобай.
Билсэр нүөмэргит:
ЕДДС - 89141089557 - Владислав.


#ВерхневилюйскийУлус
#ЛесныеПожары

t.iss.one/ValeriNikolaev