🎙 Audiodars

Mavzu: Fonetika | Unli va undosh tovushlar tasnifi

Bepul kurs 👉 bu yerda

ProEducation – ta’limning pro versiyasi!

Sinonimlar | Qalbaki

Qalbaki, soxta, yasama, sun'iy, yolg'ondakam, g'ayri tabiiy, botil. Haqiqiy emas.

Qalbaki, soxta kengroq tushunchaga ega va asosan adabiy uslubga xos. Oddiy so'zlashuvda kam qo'llanadi.
Yasama, yolg'ondakam so'zlari esa, aksincha, so'zlashuvda ko'p qo'llanadi.
Yasama, sun'iy, yolg'ondakam so'zlari asosan odamdagi xatti-harakatga nisbatan qo'llanadi.

Pul qarz olib, yeb ketish, qalbaki hujjatlar yasash, soddadil odamlarning uy-joylarini o'ziga qaratish singari harom ishlarning piri edi. (Oybek)
Elmurod: "Mening sevgan qizim borligini ayt, shunda mendan soviydi", – deydi. Yo'q! Bu – soxta metod. (Shuhrat)
Bo'ronbekning kesak rang yuzida soxta kulgi yiltiradi. (H. G'ulom)
Ko'zlaridagi kinoya, labidagi sun'iy iljayish bilan Yo'lchiga qo'l uchini berdi va bir zumda bog' ichida g'oyib bo'ldi. (Oybek)

© Azim Hojiyev | O'zbek tili sinonimlarining izohli lugʻati

Bepul kurs 👉 bu yerda

ProEducation – ta’limning pro versiyasi!

❕ Eslatma

Do'zax va jahannam so'zlari ko'chma ma'noda ma'nodosh bo'lsa ham, o'xshatish sifatida ikki xil ma'noda ishlatiladi.

Do'zaxday – juda issiq, azobga soladigan darajada qizish.
M: Tank ichi chindan ham do'zaxday qizib borardi. (O'. Hoshimov)

Jahannamday – qop-qorong'u, qo'rqinchli bo'lib, ko'rinish.
M: Narvon o'ramining bir tomoni jahannamday qop-qorong'u pastlik qa'riga tushirildi. (J. Abdullaxonov)

Bepul kurs 👉 bu yerda

ProEducation – ta’limning pro versiyasi!

Taqvim reja ushbu faylda 👆

O'tilgan barcha videodarslar hamda ularning sinovlari kanalimizning maxsus platformasiga joylanadi.

Platformadan ro'yxatdan o'tish bepul.

Sharti:
Ushbu postni 5ta fanga aloqador guruhga yuboring. Yuborgan xabarlaringizni rasmga olib, @PE_murojaat_bot ga yuboring.

ProEducation | O'zbek tili
ProEducation | Adabiyot

Sizlardan bir narsani judayam qattiq iltimos qilmoqchiman.

Kanalda yozilgan narsani oʻqib, keyin birorta savol beringlar. Bu xuddi 1-sinf o'quvchisiga qo'shish amalini o'rgatsang-u, 2 ga 3ni qo'shsa, necha bo'ladi, deb so'ragandek bo'lyapti. Sizdan ham o'quvchingiz endi tushuntirgan mavzuyingizni yana qayta so'rasa, bir marta qayta tushuntirasiz, keyin yana so'rasa, asabiylashib so'kib berasiz.

Izohlarda bitta savol 20 marta beriladi. To'g'ri bir marta savol berdim-ku, deyishingiz mumkin. Lekin shuncha odamdan "platformaga qanday kiriladi" degan savol menga 30 kishi bir martadan yozsa, men oʻsha savolni 30 marta o'qiyman.

Men platforma haqida 2 marta videochat qildim, kunda kamida 3-4 marta tushuntiraman. Yuqorini o'qib keyin yozaylik.

Keyin yana bir masala. Biz bir jamoa bo'lib harakat qilayotgan ekanmiz, siz ham guruhda o'qigan savolingizga javob berishingiz mumkin. Sheriklaringizga yordam bering, bahamjihat ishlaylik.

Kanaldagi har bir obunachi alohida-alohida emas, birgalikda, bir oiladek bo'lishi menga ham, sizga ham foydali. Pozitiv kayfiyat uyg'onadi, shu kanal boshqachada kirsam, ko'nglim yorishadi, degan fikr uyg'onadi.

Biz hammamiz shu ilm izidan bir aravaga tushdik. Aravani yurgizish bizdan, dars o'tish, test berish – hammasini biz qilamiz, sizdan yagona yordam o'zaro hamjihatlikni yo'lga qo'yish.

Savol kelsa, ikkilanmay siz ham javob berib ko'ring. Bir-biringiz bilan ilm almashish, tajriba almashish maydoniga aylantirish shu kanalni.

Anchadan beri aytaman deb yurgandim. Shunga ko'payib ketdi, erinmay o'qib chiqsangiz, xursand bo'laman 😊

Sizlar bilan ishlayotganimdan faxlanaman. Chindan. 🫡

Har doim har bir harakatimni qo'llab-quvvatlagansizlar. Hozir yozganlarimdan keyin izohlarni oʻqib ko'nglim juda yorishdi. (Ishdan och kelgandim, qornim ham to'yib qoldi 😁)

Nimayam deyman, oqibatimizga ko'z tegmasin, jigarlar 🫂
(Endi kanalga jigarlar, jigarlarim deb murojaat qilaman 😊)

Izoh:

To'g'ri tasniflash deb kecha dars davomida bekorga aytmadim.

Ch tovushi hosil bo'lish usuliga ko'ra portlovchi, tarkibiga ko'ra qorishiq.

Tasniflarni to'g'ri ajratib olish bu eng muhimi. Bilimlarimizni xuddi kutubxonadagi kitoblardek joylashtirib borishimiz kerak.

Topshriq:

B va S tovushlari:
- hosil bo'lish o'rniga ko'ra;
- hosil bo'lish usuliga ko'ra;
- ovoz va shovqinning ishtirokiga ko'ra;
- ovoz shovqinning miqdoriga ko'ra;
- tarkibiga ko'ra ta'riflarini yozing.

Bu mashqni mustaqil ravishda istalgan tovush bilan bajarishingiz mumkin, jigarlar.

ProEducation – ta'limning pro versiyasi!

Bugun kechagi 100ta savolni va agar vaqtimiz yetsa, yana qo'shimcha test materiallari bilan ham tanishamiz.

Sinonimlar | Yemoq

Yemoq, tanovul qilmoq, iste'mol qilmoq, totmoq, olmoq, tushirmoq, urmoq, ham qilmoq. Organizmga taom qabul qilmoq.

Tanovul qilmoq, isteʼmol qilmoq kitobiy.
Totmoq oz miqdorda yemoqni ifodalaydi.
Olmoq, tushirmoq, urmoq oddiy so'zlashuvga xos; tushirmoq, urmoq ko'p midqorda yeyishni bildiradi va ma'lum darajada salbiy bo'yoqqa ega.
Ham qilmoq go'dak nutqiga oid.

Ayniqsa palov isidan ko'nglim ketadi... Achchiq narsalar yegim keladi. (A. Qodiriy)
Anvar o'rtaga dasturxon yozib, ikki lagan manti chiqarib qo'ydi, uch kishi qamti o'tirib manti tanovul qildilar. (A. Qodiriy)
Yaqinlarda tabiblarga koʻrsatgan edim, qoningiz oz, qimiz iching, xo'rak oldidan moviz iste'mol qiling deb kengash berdilar. (A. Qodiriy)
Asal totganda qaysi chamanning gulidan yig'ilganini ham bilmaysiz. (A. Eshonov)
Bu yerning odati shunaqa... Qani, olib o'tiring! (P. Tursun)

© Azim Hojiyev | O'zbek tili sinonimlarining izohli lugʻati

Bepul kurs 👉 bu yerda

ProEducation – ta’limning pro versiyasi!

Aruz uchun alohida bepul yopiq kanal tashkil etishni rejalashtirib turibman.

Nega yopiq kanal, shu kanalda bersa ham bo'ladi-ku?! degan savol paydo bo'layotgandir.

Javob:
Aruz vazni qiyin va o'rganish uchun murakkab ilm ekanligi sizga ma'lum. Shu sababdan unga tegishli bo'lgan ma'lumotlarni batafsilroq berib, o'rganish xohishi bo'lganlar bilan birga ishlamoqchiman. Bu degani faqatgina test uchun o'qiydiganlar qo'shilishi shart emas, o'zining rivojlanishini xohlaganlar bo'lsa, marhamat.

Menimcha, ko'pchilikka ma'qul g'oya. Yaqin kunlarda rejasini tuzib chiqsam, boshlab yuboramiz.