3 kun qoldi... ⏳

"Bepul Kurs | 3 oy" boshlanishiga uch kun qoldi. Ona tili grammatikasi bo'yicha taqvim rejadagi darslar mana shu kanalda bo'lib o'tadi.

ℹ️ O'xshatishlar

Bo'yraday – yuzasi kichik, kichkina, arzimagan.
M: Hammamiz ham bir kun bo'yradek joyga borib yotamiz. (O' Hoshimov)

Bo'taday – bo'zlamoq, qayg'u alamdan zor-zor yig'lamoq.
M: Mendan yiroq tushdi qizg'aldoqday qiz, Beishq dil umrbod bo'taday bo'zlar. (Mirtemir)

© N. Mahmudov | O'zbek tili o'xshatishlarining izohli lug'ati

Bepul kurs 👉 bu yerda

ProEducation – ta’limning pro versiyasi!

Sinonimlar | Ezma

Ezma, ezmachuruk, mijg'ov, lattachaynar, mag'zava. Foydali-foydasiz, mayda gaplarni juda ko'p gapiradigan, shunday gaplar bilan jonga tegadigan sergap.
Lattachaynar, mag'zava oddiy nutqqa xos.
Nuri o'rnidan qo'zg'almasdan sovuqqina so'rashdi. Ezma Yormatning ba'zi savollariga "ha", "yo'q" deb javob berdi. (Oybek)
Tag'in hammasi qayoqdagi ezmachuruklar! Burun Shirinxon bilan Shakarxonni chaqirib, jindek dutor-sutor qilib yayrab olardik, endi undan ham ayrildik. (O. Yoqubov)
"Men, o'zing ham bilarsan, gapning po'stkallasini aytishni yaxshi ko'raman, opangga o'xshab mijg'ov emasman", – dedi O'lmas opa Sanamga.(Sh. Xolmirzayev)

© Azim Hojiyev | Oʻzbek tili sinonimlarining izohli lugʻati

Bepul kurs 👉 bu yerda

ProEducation – ta’limning pro versiyasi!

Hurmatli ustozlar!
Sizlarni yangi 2023-2024 o‘quv yili bilan tabriklaymiz, mashaqqatli, shu bilan birga sharafli kasbingizda ulkan zafarlar tilaymiz!
Ushbu yilda ham sizlar bilan hamkorligimiz davom etadi. 
Biz hamisha sizlar uchun mehnat qilamiz!

Rasmiy sahifalarimizga a’zo bo‘ling va do‘stlaringizga ulashing.👇

Telegram | Facebook | Instagram | Youtube

Izoh:

Ko'z tikmoq – tikilib qaramoq.
Variantlari: ko'zini tikmoq.
M: Gavhar bu odamlarga ko'z tikib borardi. Ana u kassaning oldida turgan kim? (P. Qodirov)

Ko'z tutmoq – kelib qolar degan umidda kutmoq.
Varianti: yo'liga ko'z tutmoq.
M: Sevgani Biryulindan judo bo'lgan Vera faqat otasiga ko'z tutadigan bo'ldi, otadan esa xabar bo'lmasdi. (Sh. Toshmatov)

© Sh. Rahmatullayev | O'zbek tilining izohli frazeologik lug'ati

Bepul kurs 👉 bu yerda

ProEducation – ta’limning pro versiyasi!

Nega shunday deymiz

Maqol: Amir bo'lsa tamagir, na tovuq qolar, na kulonkir.
Kulonkir – xo'rozning katta jussali bir turi, uni "babaq xo'roz" ham deydilar. "Amir agar tamagir, olg'ich, yulg'ich bo'lsa, uning yasovullari fuqarolarning na tovug'ini qo'yadi, na xo'rozini" demoqchi.

Variant: Ko'p bersang, ozarlar, kam bersang, osarlar; Borma xonga, o'zi kelar molga, borma boyga, o'zi kelar uyga.
Soliq ostida qolib, xonavayron bo'lgan xalq maqollar vositasi bilan ish beruvchilardan, soliq yig'uvchilardan shafqat tilagan, ularni adolatga chaqirgam: Bir qo'ydan ikki teri shilinmas; Ho'kizning terisi ikki qavat bo'lmaydi.

Sh. Shomaqsudov; Sh. Shorahmedov

Bepul kurs 👉 bu yerda

ProEducation – ta’limning pro versiyasi!

Hisobot:

Kanal obunachilarining taklifini inobatga olgan holda "yo'l harakatini" bosqichma-bosqich o'zgartirib bormoqdaman.

Bir vaqtning o'zida ham attestatsiya test sinovlari va milliy test tizimi uchun birdek foydali bo'ladigan ma'lumotlarni ulashib borishgan harakat qilmoqdaman.

Milliy sertifikat olish uchun bo'lib o'tadigan test sinovlarida asosan tilning leksik xususiyatlariga e'tibor qaratiladi, attestatsiya sinovlari esa grammatika urg'u berishi ma'lum.

Shuning uchun yozma ma'lumotlar orqali tilning leksik jihatiga "zarba berish" o'rgatilmoqda.

Nasib qilsa, 6-sentabrdan boshlanadigan darslarimiz ikkala test sinovlari uchun ham foydali bo'ladigan grammatika qismiga qaratiladi.

Bot sizga avtomat xabar yubormaydi. Biroz kutishingizga to'g'ri keladi. Biz hammaga xabar yuboramiz.

Skrinshotlarni @pe_murojaat_bot ga yuboring.