Ana boʻlmasam

#grammatika #imlo

❗️Esda saqlang

Milliy sertifikat imtihonida imlo mavzusida tushadigan testlar uchun so'zlar ikki xil usulda tanlanadi:
1. Imlosi qiyin bo'lgan o'zlashma so'zlar;
2. Imlo qoidalariga asosan chalg'ituvchi so'zlar.

Birinchi guruh so'zlarini agar siz avval uchratgan bo'lsangiz yoki omadingiz kelib qolsa, to'g'ri topa olasiz. Lekin bu so'zlarni faqat eshitgan bo'lsangiz, talaffuz orqali to'g'ri yozilgan shaklini topish amrimahol.
Yechim: imtihondan avval o'zingiz uchun mana shunday so'zlardan iborat mini-lug'at shakllantirib boring va uni doimiy ravishda ko'zdan kechirib, to'ldirib yuring.

Ikkinchi guruh so'zlari bilan bog'liq muammoni esa hal qilsa bo'ladi. Test uchun tanlanadigan so'zlar, asosan, qo'shib, ajratib yoki chiziqcha bilan yozish qoidalaridagi bilimlaringizni tekshirishga qaratilgan. Quyida shu qoidalarni qisqacha eslatib o'taman 👇🏻

1. Qo‘shib yozish qoidalari

Xona, noma, poya, bop, hamsuhbat kabi birliklarda:
qabulxona, tabriknoma, xushxabar, suvtalab

Fe’lga -r/-mas qo‘shimchasi bilan yasalgan qo‘shma so‘zlar:
o‘rindosar, otboqar, ishyoqmas

Joy, narsa, belgini bildiruvchi birikmalar:
tog‘olcha, cho‘lyalpiz, devqomat, qirg‘iyko‘z

Ikkinchi qismi turdosh ot yoki “obod” bo‘lgan joy nomlari:
Yangiyo‘l, To‘rtko‘l, Xalqobod

Baynalmilal yoki tarjima so‘zlar:
telestudiya, fotoapparat, radioto‘lqin

Qisqartmalar:
O‘zMU, ToshDPU

2. Ajratib yozish qoidalari

Ko‘makchi fe’lli birikmalar:
kirib chiqdi, olib keldi, o‘qib chiqdi

Ko‘rsatish, aniqlik so‘zlari:
har kim, hech narsa, bu yerda, o‘sha joyda

Ko‘makchilar bilan:
Vatan uchun, siz bilan, shahar tomon

Sifat darajalari bilan:
to‘q sariq, och ko‘k

Qo‘shma sonlar:
o‘n to‘qqiz, ikki ming birinchi

Izofali birikmalar:
nuqtayi nazar, tarjimayi hol

3. Chiziqcha bilan yozish qoidalari

Juft so‘zlar:
yaxshi-yomon, ota-ona, sekin-asta

-u/-yu bilan kelgan juft so‘zlar:
ota-yu ona, mehr-u oqibat

Orttirma darajadagi sifatlar:
qip-qizil, dum-dumaloq

Uyma-uy, dam-badam tipidagi shakllar

Yuklamalar:

Chiziqcha bilan: sen-chi, keldim-ku, keldi-da

Qo‘shib yoziladi: menmi, keliboq, ugina

Tartib sonlar:
9-sinf, 6-xona, 1016-yil

@rustamov_edu