👍 Test yechayotganda nimalarga e’tibor qaratish kerak?

Hurmatli obunachilar, imtihonga ham sanoqli kunlar qoldi. Shuning uchun bugun sizlar bilan test yechish bo‘yicha eng zarur jihatlar haqida gaplashamiz. Ayniqsa, grammatikaga oid testlardagi xatoliklar haqida.

Quyidagi tavsiyalar sizga test yechishda aniqlik va ishonch bilan ishlashga yordam beradi. Ayniqsa, attestatsiya yoki malaka testlariga tayyorgarlik ko‘rayotgan bo‘lsangiz – har bir punkt siz uchun muhim.

1. ❗️ Savolni noto'g'ri tushunib olmaslik uchun oxirigacha o‘qing, noto‘g'ri
Ko‘pchilik xatolar testni to‘liq o‘qimaslik natijasida sodir bo‘ladi. Savolni shoshilmasdan, ohang bilan o‘qib chiqing. Ayniqsa:
- "To‘g‘ri yozilgan variantni toping"
- "Xato berilgan variantni belgilang" kabi qarama-qarshi shakllar testni tushunishga ta’sir qiladi.

2. 👁 Javob variantlarini oldindan o‘qimang
Avval savolni o‘qib, o‘zingiz javobni mantiqan taxmin qiling, keyin variantlarga qarang. Bu “chalg‘ituvchi javoblar” ga tuzoqqa tushib qolmaslik uchun samarali usul.

3. 🧩 Variantlarning grammatik mantig'ini tahlil qiling
Gapdagi fe’l, qo‘shimcha, ot yoki bog‘lovchiga qarab uning zamoni, nisbati, yasalish shaklini tekshiring. Grammatik testlar chiroyli gapga emas, grammatik to‘g‘rilikka tayanadi.

4. ⚠️ “Jalb qiluvchi, lekin noto‘g‘ri” variantlarga aldanmang
DTM uslubidagi testlarda ko‘pincha to'g'ridek ko'ringan, lekin noaniq yoki noto‘g‘ri javob variantlari bo‘ladi. Ular sizni shubhada qoldiradi. Agar biror variant sizga “to‘g‘ridek tuyulsa-yu”, aniq qoidaga tayanmasangiz,ko'p ehtimol bu chalg‘ituvchi variant.

5. 📚 Nazariy qoidalarni amaliy misollar bilan mustahkamlang
Agar siz faqat qoidani yod olgan bo‘lsangiz, testda chalg‘ishingiz mumkin. Har bir grammatik qoidani hayotiy misollar bilan mustahkamlab boring. Bu sizga to‘g‘ri tanlov qilishingizga yordam beradi.

6. 🖊 Sintaktik va morfologik tahlilni o‘rganing
Testlar ko‘pincha gapdagi so‘z turkumlarini, gap bo‘laklarini, qo‘shimchalarni, fe’l shakllarini tahlil qilishga asoslanadi. Agar siz gap tuzilishini to'g'ri tahlil qila olsangiz, testlar sizga osonroq ko'rina boshlaydi.

7. 🕐 Har bir savolga ortiqcha vaqt sarflamang
Agar bir savolda ikkilansangiz, “zaxira belgi” qo‘yib o‘tkazib yuboring va keyin unga qayting. Bu vaqtni tejaydi va boshqa savollarni ko‘proq e’tibor bilan ko‘rishga imkon beradi.

8. ✅ Har doim testni umumiy ko‘zdan kechiring
Barcha savollardan so‘ng, agar vaqt bo‘lsa, testni yana bir bor ko‘zdan kechiring. Ayniqsa, bir-biriga o‘xshash savollar, bir xil grammatik qoidaga oid variantlar orqali xatoni tuzatish imkonini beradi.

📌Xulosa
Test — bu sizning bilimingizni tekshiradigan vosita, lekin uni qanday yechishingiz ham muhim.
Agar siz yuqoridagi jihatlarga amal qilsangiz, testlar siz uchun og‘ir emas, aksincha bilimlaringizni to‘g‘ri yo‘naltirish vositasi bo‘ladi.

Doim esda tuting: “Testdagi xato – noto‘g‘ri bilimdan emas, noto‘g‘ri yondashuv sabab kelib chiqadi.”

@rustamov_edu

🖤 You Tube'ga joylagan videolar:

1. Sintaksis [Teng bog'lanish]
2. Sintaksis [Tobe bog'lanish]
3. Sintaksis [Test tahlili]
4. Sayohat | Oybekning uy-muzeyi
5. Qo‘shma gaplar [Test tahlili]

✈️ Telegram |📷 Instagram |🖤 You Tube

👍Kanalda o'tilgan bepul darslar to'plami:

*pastdagi ko'k yozuv ustiga bosib, to'plamga o'tishingiz mumkin.

Birinchi marafon davomida o'tilgan darslar (7ta)
Ikkinchi marafon davomida o'tilgan darslar (10ta)
Uchinchi marafon davomida o'tilgan darslar (24ta)

ProEducation – ta’limning pro versiyasi!

👍Xabarni tushunish uchun lug'at:
- practice - mustahkamlamoq, shug'ullanmoq
- advantage - foyda, naf