👍 Qaysi variant to'g'ri?

@rustamov_edu

👍 12-13-aprel kuni Milliy sertifikat imtihoniga kiruvchilar uchun tavsiyalar

Imtihon yaqin, vaqt kam qoldi. Asablar tarang. Har xil fikrlar sabab vahima kuchayyapti. Shunday vaziyatda imtihondan oldin va imtihon vaqtida sizga kerak bo'ladigan tavsiyalar bilan bo'lishmoqchiman. Saqlab qo'ying, albatta, kerak bo'ladi:

1. Asosiy narsalar(pasport, ruxsatnomalar)ni oldindan tayyorlab qo'ying. Shoshilinchda esdan chiqib, noxush vaziyatga tushib qolmaysiz.

2. Uyqu eng muhimi
Imtihon vaqtida miya muzlab qolmasligi uchun bosimni kamaytiring va uxlang. O'tgan 2-3 oy davomida kunlik bosim bilan miyani tonusda ushlab keldingiz. Tiniqib uxlang va miyani qayta tiklanishiga yordam bering.

3. Vaqtni to‘g‘ri taqsimlash rejasini yodda tuting
150 daqiqa – buni quyidagicha bo‘lib oling:
Grammatik testlar – 35 daqiqa
Badiiy matn – 10 daqiqa
Ilmiy matn – 15 daqiqa
G‘azal tahlili – 25 daqiqa
Esse – 65 daqiqa

4. Savollarni ohang bilan o‘qing
Shoshilmang. Ba’zi savollarda chalg'ituvchi so'zlar yoki qo'shimchalar qo'llangan bo'lishi mumkin. Oxirigacha o‘qimay variant belgilash – eng katta xato. Vaqtdan yutaman deb baldan yutqazib qo'ymang.

5. "To‘g‘ri tuyulgan javob"ga emas, qoidaga asoslaning
Ko‘p hollarda sizni chalg‘itadigan variant aynan “to‘g‘ridek tuyulgan” bo‘ladi. Shubhalansangiz, qoidani eslang. Bilmasangiz, oldinga o‘ting, yodingizga tushganda qaytib kelasiz.

6. Imtihon zalida o‘zingizga ishonchni yo‘qotmang
Kimdir tez ishlashi, kimdir qog‘ozni qarsillatib burishi – sizga aloqasi yo‘q. Siz o‘zingiz uchun kirdingiz, o‘zingiz uchun kurashyapsiz.

Eng muhimi ruhiy tetiklik. Chuqur-chuqur nafas oling, yaxshi bo'lishiga ishoning. Harakat qilganingiz va nima uchundir kurashayotganingizning o'zi sizga katta kuch beradi. Harakatsiz joyida qotib qolganlardan farqli ravishda siz harakatdasiz!

Kimgadir isbotlash uchun emas, o'zingizga isbotlash uchun imtihonga kirayotganingizni anglab yetish sizni barcha bosimlardan xalos qiladi.

Ushbu tavsiyalarga amal qilgan holda keyingi ikki kunni ruhiy tetik bo'lish uchun yaxshi o'tkazishga harakat qiling.
Omad. Siz eng yaxshisiga loyiqsiz!

Hurmat bilan Javlonbek Rustamjonov

@rustamov_edu

👍 Toʻgʻri, tugʻilgan kuning seni bir yilga qariganing belgisi, ammo bu kunni shugina sabab bilan xafagarchilikda oʻtkazish uchun ahmoq boʻlish kerak. Tanlanganlar qatorida dunyoga kelgan kun sifatida xursandchilik qilishga arziydi.

Ha, bugungi kun insoniyat birinchi bor kosmosga qadam qoʻygan kun va mening tugʻilgan kunim sifatida tarixi yozilgan kun 😁

Oʻzimga yuqori baho berishdek tuyilishi mumkin: men oʻz hayotimning buyuk quruvchisiman. 22 yilni toʻldirib, 23 ga oʻtdim. Tugʻilgan kunni yangi yildan keyingi sarhisob kuni deb ham hisoblash mumkin. Oʻtgan kunlar yaxshi xotiralar bilan esda qoladi. Keyingi yillar esa yaxshi maqsad va muvaffaqiyatlar bilan meni kutib turibdi 🥳👑

@rustamov_edu