👍 Tafsilotlarni ozgina ochiqlayman: Instagramga kirib turadiganlar balki allaqachon xabar topgandir.

Voqea bir blogerning mashhur kafeda unga oʻzbekcha taomnoma taqdim etishlarini va oʻzbek tilida xizmat koʻrsatishlarini talab qilishidan boshlandi. Tabiiyki, kafe oʻsha kuni oʻzbek tilidagi taomnomani taqdim eta olmagan va bloger oʻz shaxsiy sahifasiga boʻlgan voqeani aytib video joylagan. Blogerning auditoriyasi buni ikki xil qabul qilgan: ayrimlar oʻzbek tiliga hurmatini koʻrsatgani uchun qoʻllab-quvvatlagan boʻlsa, boshqalar rus tilini “yerga urishda” ayblagan.

Shundan soʻng koʻplab blogerlar oʻzlarida ham xuddi shunday holatlar boʻlganini aytib, oʻz shaxsiy sahifasiga kafe, restoranlarda oʻzbekcha taomnoma talab qilishgani, tashkilotlarda ularga oʻzbek tilida xizmat koʻrsatishlarini soʻrashgani, lekin yuqoridagi kabi holat boʻlgani, koʻp joyda oʻzbek tilini biladigan xodimlarimiz yoʻq deb vaziyatdan chiqishga harakat qilganlarini aytib video joylashdi.

Shu kabi videolar auditoriyasi keng qamrovli boʻlgan media faollari tomonidan ijtimoiy tarmoqqa joylanayotgani koʻpchilikni bu muammoga e’tiborini tortmoqda va keng omma oʻz tilidan uyalmasligini, unda gapirishdan faxrlanishini aytib izohlar qoldirishmoqda.

Pandemiya va undan keyingi vaqtlarda, men oʻylaymanki, oʻzbek tilida faoliyat olib boruvchi blogerlar koʻpaygani ijtimoiy tarmoqda oʻzbek tilidagi kontentlar ortishiga sabab boʻldi. Ijtimoiy tarmoq esa buni unutmaydi: oʻzbek tilidagi kontentni saqlab qoladi va uni oʻldirishga harakat qilayotganlarga qarshi kurashaveradi.

Xulosam: oʻzbek tilini talab qilishingiz bu boshqa tilni kamsitish emas, bu shunchaki oʻz tilingizga boʻlgan hurmatingiz belgisi. Sizning prinsipial inson ekaningiz dalilidir.

Javlonbek Rustamjonov

@rustamov_edu

👍 Bugungi voqealarga mos keladi: Maxtumquli Firogʻiy

Badiiy film 2024-yil Oʻzbekiston va Turkmaniston kinoijodkorlari hamkorligida suratga olingan. Filmni tomosha qilaturib Maxtumquli she’rlarini qaytadan oʻqib chiqishni reja qildim.

Tavsiya qilaman. Ajoyib 👍🏻

Toʻliq 👇🏻
https://youtu.be/K7Md8TW9UdY?si=dHM1gPfH4quV84S3

@rustamov_edu

👍 Esse uchun tavsiyalar | Va’da qilingan 2-qism

🧠 Bilim va tahlil yozma ishingizni siz oʻylagandan koʻra yuqoriroq darajaga olib chiqadi.

🔎 Esse yozishdan avval mavzuni ozgina boʻlsa ham oʻrganishga harakat qiling. Bular yigʻilib borib, imtihonda sizga asqatadi

@rustamov_edu

👍 Assalomu alaykum, barchaga xayrli tong!

Yangi haftani yaxshi kayfiyat bilan boshlash uchun nimadir sabab toping, menda hozircha yoʻq, topilsa aytaman 😁

@rustamov_edu

👍 Imtihonda vaqt taqsimoti

Milliy sertifikat imtihoniga ham sanoqli kunlar qoldi. Shu kunga qadar imkoningiz boricha barcha bilimlarni egallashga harakat qildingiz, endi esa bu bilimlarni qanday qo'llay bilishni o'rganish navbati keldi.

Imtihonda vaqtdan oqilona foydalanish muvaffaqiyatga erishishingizda muhim omillardan biridir. Har holda "ozgina vaqt yetmay qoldi-da" deb attang qilmasligingiz uchun ham vaqtni qanday boshqarish, uni nazorat qilishga e'tibor qaratishingiz zarur.

Hozir men sizlarga o'zim milliy sertifikat imtihonlarida qo'llaydigan taqsimotni tavsiya sifatida keltiraman:
1. Grammatik testlar 35 daqiqa;
2. Badiiy va ilmiy matn 25 daqiqa;
3. G'azal tahlili 25 daqiqa;
4. Esse 65 daqiqa.

Izoh:
1. Savolni ohang bilan o‘qing. Nima so‘ralayotganini to‘liq tushunmasdan javob bermang.
Variantlar o‘xshash bo‘lsa, qoidaga suyaning. O‘zingizga “shunaqa bo‘lsa kerak” deb ishonib ketmang. Shubhali savollarni belgilang-da, davom eting. Vaqt zoye ketmasin.
2. Ilmiy matn baadiy matnga qaraganda ko'proq vaqt oladi, shuning uchun ilmiy matnga 15, baadiy matnga 10 daqiqa sarflashingiz mumkin. Esda saqlang: matnni avvaldan o'qib olish biroz ko'p vaqt olishi mumkin, lekin bu orqali to'g'ri javob topish ehtimoli ortadi.
3. G'azalni to'liq o'qib chiqmang. Avval baytma-bayt berilgan savollarni ishlab oling, shunda ham vaqtdan yutasiz, ham g'azalni test yechish orqali tahlil qilib olasiz. Qaysi baytda shu o'xshatish qo'llangan? yoki Qaysi baytda shu she'riy san'st qo'llanmagan? kabi savollarni g'azalning boshqa savollariga nisbatan keyinroq ishlashni tavsiya beraman. Chunki bu kabi savollarga javob berish uchun ba'zan butun g'azalni o'qib chiqishga to'g'ri keladi.
4. Yuqoridagi tavsiyalarga amal qilsangiz, esse uchun 1 soatdan ko'roq vaqt qoladi. Shunda 20-25 daqiqasini fikrlaringizni jamlashga va homaki reja tuzishga sarflang. Darhol esse yozishga tushmang.

Yana bir tavsiya: imtihon varaqasini ochgan vaqtingizda esse mavzusini o'qib oling. Shunda miya orqa fonda o'zi avtomatik shu mavzu uchun ma'lumot to'plashni boshlaydi.

! Diqqat: bularning barchasi tavsiya. Amal qilish yoki qilmaslik sizning tanlovingiz. Qat'iy belgilangan tartib qoida sifatida taqdim etilmadi.

@rustamov_edu

👍 Sun'iy intellekt orqali tekshirilgan esse namunasi 👇🏻
O'qib ko'ring, sizning fikringiz qanday: sun'iy intellekt bergan ball haqlimi yoki yo'q?

Esse mavzusi: Ayrimlar yutuqli o'yinlar va turli shoular odamlarning bir-biriga bo'lgan ishonchini so'ndiradi deb bilishadi, ba'zilar esa bu kabi ko'ngilochar o'yinlarning afzalliklarini e'tirof etishadi

Barchamizga ma'lumki, aholi orasida sovrinli o'yinlar va har xil dasturlar ommalashib bormoqda, jamiyatimizda esa bu holatga turli qarashlar mavjud: ko'pchilik shu kabi dasturlarga qarshi chiqsa, ayrimlar ularning ijobiy tomonlarini ta'kidlaydi.
Mediama'lumotlar juda tez tarqalayotgan bir davrda, ko'plab korxonalar tasodifiy sovrinli o'yinlar va turli yutuqli dasturlar tashkil etib, insonlarda bu jarayonga qiziqish uyg'otmoqda. Natijada, ushbu mahsulotlarga talab oshib bormoqda, chunki xuddi shu mahsulotlarda shtrix kodlar, sifra raqamlari bo'ladi. Lekin, "Tekin go'sht qopqonda bo'ladi " degan fikrga ishonuvchilar ham talaygina. Ularning fikrlarida ma'lum darajada asos bor. AQShning "Food's market" jurnali tekshiruvlariga ko'ra, 2018-yil Coca cola kompaniyasi tomonidan tashkillangan o'yinda yutuqli ichimliklar sotuvga chiqarilmagan. Bu esa shu kabi dasturlarga ishonchsizlikni orttirgan.
" Odam odamdan fikr oladi, lekin har kimning o'z yo'li bor" deganlaridek, yuqoridagi fikrga qarshilar ham anchagina. Ular bunday o'yinlar orqali ma'lum korxonalarning iqtisodiy foyda olishi bilan bir qatorda, yutuqqa ega chiqqan shaxsning yaxshigina daromad egasiga aylanishini ham ta'kidlashadi. Xususan, yurtimizda tashkillangan "Omad shou" o'yinida 5640 nafar yurtdoshimiz "Damas" avtomashinasi sohibi bo'ldi, o'yin uchun qo'yilgan mahsulotlar xaridi esa 41.2 % ga o'sdi.
Fikrimcha, shu kabi o'yinlar xalqimizga ham ma'naviy, ham moddiy zarar keltiradi. Birinchidan, jamiyatda "Olma pish, og'zimga tush" deguvchi odamlar ko'payib, tanballikka berilsa, ikkinchidan, sifatsiz mahsulotlar hajmini oshiradi. Uzex ma'lumotlariga ko'ra, tovar ayirboshlashda shunday dasturlar natijasida iste'molga yaroqsiz mahsulotlar hajmi ikki baravar o'sgan.
Xulosa o'rnida shuni aytamanki, aholimiz "Qopqondagi go'sht"larga ishonib qolmasdan, halol mehnat bilan yutuqqa erishsinlar va shu kabi adolatsiz ,aldovga asoslangan o'yinlarga qaram bo'lib qolmasinlar.

Muallif: Mo'tabar Imbatova

@rustamov_edu